Донишмандлардан бири айтди: «Қачонки, бир яхшилик қиладиган бўлсанг, дарҳол уни яшир, сенга яхшилик қилинса, миннатдор бўл, нафсингни фақат ажри ёзиб қўйиладиган ва мақталадиган ишларга ўргат, ҳозир сенга ёқимсиз бўлган, сўнги ҳам сенга зарар бўладиган ишни қилма».

Изоҳ. Кимки қилган яхшилигини айтмаса, уни яширган бўлади. Аммо қилган яхшилигини буткул унутиб юборса, буниси ҳақиқий яшириш бўлади. Агар шундай қилинмаса, унга офат етади. «Мен фалончига яхшилик қилдим» дер экансиз, биринчидан, бу билан ўзингизни мақтаётган бўласиз. Иккинчидан, холислик қоидасини бузган бўласиз, гарчи «ибрат учун айтдим» деб ўзингизни оқласангиз ҳам. Учинчидан, бу сўзларингиз билан риёга йўл очилади. «Мен фалончига яхшилик қилдим» дер экансиз, бу сўзларингизни ўша фалончи ҳам эшитса, яхшилигингиз миннатга айланиб қолади. Натижада савобдан маҳрум бўлиб қоласиз.

Улашинг ↘️👇
https://t.me/madrasa_masjiduz