(Мадраса) Муҳаммад Нақиббек жоме масжиди

@Madrasa_masjiduz

Channel's geo and language: Uzbekistan, Uzbek

Category: not specified

Самарқанд вилояти, Каттақўрғон шаҳар «Муҳаммад Нақиббек» (Мадраса) жоме масжид канали.
Имом-хатиб: Устоз Анвар қори домла Назаров

Related channels | Similar channels

Channel's geo and language

Uzbekistan, Uzbek

(Мадраса) Муҳаммад Нақиббек жоме масжиди

26 May, 05:07

00:36

Video is unavailable for watching

Show in Telegram

Ассалому алайкум ва раҳматуллоҳи ва барокатуҳ

Юнус алайҳиссаломнинг дуоси:
لَّا إِلَهَ إِلَّا أَنتَ سُبْحَانَكَ إِنِّي كُنتُ مِنَ الظَّالِمِينَ
Ўқилиши: "Лаа илаҳа илла анта субҳанака инний кунту миназ золимийн".
Маъноси: "Сендан ўзга илоҳ йўқ, Сен поксан, мен золимлардан бўлдим" (Анбиё сураси, 87-оят).

Улашинг ↘️👇
https://t.me/madrasa_masjiduz

24 0 0

(Мадраса) Муҳаммад Нақиббек жоме масжиди

25 May, 19:49

ДУО ИЖОБАТ БЎЛИШИ УЧУН ЎҚИЛАДИГАН ДУОЛАР

«Фотиҳа» сураси. «Мунжия» (нажот келтирувчи) деб ҳам аталади. Зеро, Пайғамбар соллаллоҳу алайҳи васаллам бу сура ҳақида: «У нима учун ўқилса, шунгадир», деганлар. Бу сурада бешта исм борки, уларнинг қадри олий, асли буюкдир. Унда Аллоҳнинг улуғ ва буюк исми борки, уни васила қилиб дуо қилинса, ижобат бўлади. Уни васила қилиб сўралса, сўралган нарса берилади. Пайғамбар соллаллоҳу алайҳи васаллам:

«Зуннуннинг наҳанг қорнида ўқиган дуоси

"Лаа илааҳа иллаа анта субҳаанака
инни кунту миназ-золимийн" деб мусулмон киши бирор нарса ҳақида дуо қиладиган бўлса, албатта ижобат бўлади» дедилар. (Ҳоким ривояти)

Саид ибн Жубайр розияллоҳу анҳу шундай деган: «Ҳақиқатан, мен шундай бир оятни биламанки, ким уни ўқиб, Аллоҳдан бирор нарса сўрайдиган бўлса, Аллоҳ албатта унинг сўраганини беради:

"Қулиллааҳумма фаатирос самааваати вал ардзи ъаалимал ғойби ваш шаҳаадати анта таҳкуму байна ибаадика фий маа каанув фийҳи яхталифувн" (Зумар сураси 46-оят)

Мазмуни: «Айтинг: «Аллоҳим! Эй, осмонлар ва Ернинг илк яратувчиси, яширин ва ошкор нарсаларни билувчи зот! Ёлғиз Ўзинггина бандаларинг ўртасида улар ихтилоф қилган нарсалар хусусида ҳукм қилурсан».

Орифлардан бири шундай деган: «Қиблага юзлан ва Уммул Қуръон (Фотиҳа), Оятал Курсий, Қадр ва Ихлос сураларини ўқи. Сўнг ўзинг истаган нарсани сўраб дуо килсанг Аллоҳ сенинг дуойингни ижобат қилади».

«Кушойиш калитлари» китобидан.

Улашинг ↘️👇
https://t.me/madrasa_masjiduz

179 0 5 8

(Мадраса) Муҳаммад Нақиббек жоме масжиди

25 May, 15:34

Соллаллоҳу алайҳи васаллам

📜Абу Ҳурайра розияллоҳу анҳудан ривоят қилинади: "Расулуллоҳ соллаллоҳу алайҳи васаллам: "...Сизларга бир нарсани буюрсам, уни қодир бўлганингизча қилинглар, сизларни бир нарсадан қайтарсам, ўша нарсани тарк қилинглар", дедилар.

Имом Муслим ривояти.

Улашинг ↘️👇
https://t.me/madrasa_masjiduz

272 0 2 7

(Мадраса) Муҳаммад Нақиббек жоме масжиди

25 May, 13:35

Машиналари бузилиб қолса ҳам, «кўз теккан!»...
Оилавий муаммо пайдо бўлса ҳам, «кўз теккан!»...
Фарзандлари бемор бўлиб қолса ҳам, «кўз теккан!»...
Тижоратлари юришмаса ҳам «кўз теккан!»...

Аслида улар гуноҳ-маъсиятларга ботган кимсалардир. Мусибатларнинг асл сабаби гуноҳлар экани бирортасининг хаёлига келмайди.

Улашинг ↘️👇
https://t.me/madrasa_masjiduz

287 0 3 6

(Мадраса) Муҳаммад Нақиббек жоме масжиди

25 May, 11:32

Ибн Жавзий раҳимаҳуллоҳ: “Инсон Аллоҳни зикр қилиб, Қуръон тиловат қилмагунича шайтоннинг (етови, бошқаруви) остида бўлишда давом этади”, деди.

“Тазкира”дан.

Улашинг ↘️👇
https://t.me/madrasa_masjiduz

281 0 1 5

(Мадраса) Муҳаммад Нақиббек жоме масжиди

25 May, 09:32

ГУНОҲИ КАБИРАЛАР

Ҳадиси шарифларда келган умумий кабира гуноҳлар йигирмата бўлиб, уларнинг тўрттаси қалбга тегишлидир. Улар:
1) Аллоҳ таолога ширк келтириш.
2) Гуноҳ ишларда бардавом бўлиш.
3) Аллоҳ таолонинг раҳматидан ноумид бўлиш.
4) Аллоҳ таолонинг азобидан қўрқмаслик.

Яна тўрттаси тилга тегишли. Улар:
1) Ёлғон гувоҳлик бериш.
2) Покдомонларга туҳмат қилиш.
3) Ёлғондан қасам ичиш.
4) Сеҳр.

Учтаси қоринга тегишли. Улар:
1) Хамр ичиш.
2) Етимнинг молини ейиш.
3) Рибо молини ейиш.

Иккитаси фаржга тегишли:
1) Зино қилиши.
2) Ливота.

Бештаси қўлга тегишли: Улар:
1) Ноҳақдан одам ўлдириш.
2) Ўғрилик қилиш.
3) Фарзандларини ўлдириш.
4) Йўлтўсарлик қилиш.
5) Омонат ва ўлжа молларига хиёнат қилиш.

Биттаси оёққа тегишли.
1) У урушдан қочишлик.

Яна бири бутун баданга тегишли.
1) У ота-онага оқ бўлиш.

Аллома Жалолиддин Даввоний раҳматуллоҳи алайҳ «Шарҳи Ақоиди Аздий»да ва Ибн Нужайм раҳматуллоҳи алайҳ «Баҳрур-роиқ»да бошқа кабира гуноҳларни ҳам қайд қиладилар. Ибн Аббос розияллоҳу анҳумо гуноҳи кабиралар етмишга яқин деганлар. Саид ибн Жубайр розияллоҳу анҳу уларни етти юзта деган эканлар.

“Мишкот ал-масобиҳ шарҳи” китобидан.

Улашинг ↘️👇
https://t.me/madrasa_masjiduz

305 0 4 5

(Мадраса) Муҳаммад Нақиббек жоме масжиди

25 May, 07:30

Оқибат

📜 Абу Саъиддан ривоят қилинади: «Набий соллаллоҳу алайҳи васаллам: «Раҳм қилмаганга раҳм қилинмайди», дедилар».

Имом Бухорийнинг "Адабул муфрад"идан.

▫️Изоҳ: Жарир ибн Абдуллоҳдан ривоят қилинади: «Расулуллоҳ соллаллоҳу алайҳи васаллам: «Одамларга раҳм қилмайдиган кишига Аллоҳ раҳм қилмайди», дедилар».
Ким одамларга раҳм қилмаса, Аллоҳ таоло ҳам унга раҳм қилмайди. Бу гап ота-оналарга ҳам, болаларга ҳам тааллуқлидир. Шунинг учун мусулмонлар доимо бир-бирларига, хусусан, оила аъзоларига ниҳоятда раҳмдил бўлишлари керак. Мусулмон ота-она ва болалар бир-бирларига раҳм-шафқат кўрсатиш орқали Аллоҳ таолонинг раҳматига сазовор бўладилар. Агар иш тескарисига айланиб қолса, Аллоҳ таолонинг раҳматидан айрилиб қоладилар. ("Одоблар хазинаси" китобидан).

Улашинг ↘️👇
https://t.me/madrasa_masjiduz

283 0 0 7

(Мадраса) Муҳаммад Нақиббек жоме масжиди

24 May, 19:21

РАСУЛУЛЛОҲГА МУШТОҚ ҚАЛБЛАР УЧУН

Пешволаримизни ёзишича, кимдир Набий соллаллоҳу алайҳи васалламни тушида кўриш хоҳласа, пайшанба кунидан жума кунига ўтар кечаси икки ракат нафл намози ўқисин. Унинг ҳар бир ракатида “Фотиҳа” сурасидан кейин ўн бир марта “Оятал курсий”ни ва ўн бир марта “Ихлос” сурасини тиловат қилсин. Намоздан кейин уч юз марта қуйидаги салавотни ўқисин:

اَللَّهُمَّ صَلِّ عَلَى مُحَمَّدٍ النَّبِيِّ الْأُمِّيِّ وَعَلَى آلِهِ وَاَصْحَابِهِ وبارك وَسَلِّمْ.

Ўқилиши: Аллооҳумма солли ъалаа Муҳаммадин Набиййил уммиййи ва ъалаа аалиҳи ва асҳаабиҳи ва баарик ва саллим.

Маъноси: Аллоҳим! Уммий пайғамбар Муҳаммад соллаллоҳу алайҳи васалламга, (У кишининг) оиласига ва саҳобийларига баракотинг ҳамда салавоту саломларинг бўлсин.

Ушбу амални кимдир бир неча бор такрор-такрор қилса, ин ша Аллоҳ Расулуллоҳ соллаллоҳу алайҳи васалламни тушида кўриш насиб қилади.

Эслатма: Бу амални қилувчи киши Расулуллоҳни чин дилдан кўришни хоҳлаши ва гуноҳлардан тийилиши шарт қилинади.

Муҳаммад Тақий Усмонийнинг “Ислоҳи хутубот” китоби (Ж. 6. – Б. 104-1050).

Улашинг ↘️👇
https://t.me/madrasa_masjiduz

347 0 11 6

(Мадраса) Муҳаммад Нақиббек жоме масжиди

24 May, 17:19

Атодан ривоят қилинади: “Умар ибн Абдулазиз ҳар тунда фуқаҳоларни жамлаб чақирар, биргаликда ўлим ва қиёматни эслашар эди. Сўнгра йиғига тушардилар. Бу ҳолатлари билан худди ўрталарида жаноза (маййит) борга ўхшарди”.

Яъни, вафот этган кишига аза тутаётганга ўхшардилар.

Имом Заҳабийнинг “Тарихи ислам” асаридан.

Улашинг ↘️👇
https://t.me/madrasa_masjiduz

331 0 1 8

(Мадраса) Муҳаммад Нақиббек жоме масжиди

24 May, 15:17

Қассобга иш ҳақи қандай берилади?

❓Савол: Қассобга иш ҳақи сифатида қурбонлик гўштидан ёки терисини бериш жоизми?

📥Жавоб: Бисмиллаҳир Роҳманир Роҳим. Қурбонликнинг гўштидан ёки терисидан ёки унга тегишли бирор-бир аъзосини қурбонликни сўйган қассобга хизмат ҳаққи сифатида бериш мумкин эмас. Чунки Пайғамбаримиз алайҳиссалом Ҳазрати Али розияллоҳу анҳуни бундай қилишдан қайтарганлар:
“Қурбонлик учун сўйилган жонлиқдан қассобнинг ҳаққини берманг” (Имом Бухорий ривояти).
Шуни ҳам таъкидлаш керакки, қурбонлик қилувчи қассобнинг ҳаққини ўз ҳисобидан бериб бўлгандан кейин, қассобга эҳсон сифатида қурбонликнинг гўшти, ёғи, териси каби нарсаларидан бериши жоиз. Бунда қассобга хизмат ҳаққидан ташқари ҳадя берилаётган бўлади. Валлоҳу аълам.

“Фатволар тўплами”дан.

Улашинг ↘️👇
https://t.me/madrasa_masjiduz

1.5k 0 8 5

(Мадраса) Муҳаммад Нақиббек жоме масжиди

24 May, 13:15

Қуръони каримда ибодат оятлари 110 тани ташкил қилса, аҳлоқ оятлари 1504 тадан иборат. Қуръоннинг тўртдан бири хулқ ҳақидадир.

Абу Дардо розияллоҳу анҳудан ривоят қилинади: «Набий соллаллоҳу алайҳи васаллам: «Қиёмат куни мўминнинг мезонида ҳусни хулқдан кўра оғирроқ нарса бўлмас. Албатта, Аллоҳ фаҳш ва чиркин сўз айтувчини ёмон кўрур», дедилар».

Термизий ва Абу Довуд ривоят қилган.

Албатта Аллоҳ таолони ғазаблантирсанг, осмонлар ва ердаги барча сенга ғазаб қилур.

Улашинг ↘️👇
https://t.me/madrasa_masjiduz

342 0 2 6

(Мадраса) Муҳаммад Нақиббек жоме масжиди

24 May, 11:13

ЖУНАЙД БАҒДОДИЙ ВА БИР ЎҒРИ

Ҳазрат Жунайд Бағдодий дорга осиб қўйилган бир одамни кўриб, «Бу киши нима гуноҳ қилди?» деб сўрадилар. Одамлар: «У оддий ўғри эди. Биринчи марта ўғрилик қилганида ўнг қўли кесилди. Қайтмади. Кейин чап оёғи кесилди. Шунда ҳам қайтмаган эди, дорга осилди», дейишди. Ҳазрат Жунайд Бағдодий жасаднинг олдига чиқиб, унинг оёғини кўзларига суртиб, ўпдилар. Одамлар ҳайратланиб, «Бу нима ҳол?» деб сўрашди. У киши шундай дедилар: «Мен унинг оёғини ўпганим йўқ, балки ундаги истиқомат (астойдиллик) деган сифатни ўпдим. Бу одам ўзининг шундай гўзал сифатини ёмонликка сарфлаб, барбод бўлибди. Кошки, яхши амаллар қилишда бизда ҳам шундай истиқомат бўлса».
Ҳазрат бу воқеани нақл қилгач, шундай деганлар: «Субҳаналлоҳ! Бу зотларнинг назари шу қадар чуқур бўлган. Ҳар нарсанинг ҳаддини ҳар қандай ҳолда сақлаб турганлар. Ўғри қилган ёмон амалнинг ёмонлиги ўз ўрнида, лекин ундаги гўзал малака бўлмиш истиқлол ва истиқоматнинг гўзаллиги ҳам ўз ўрнида. Жунайд Бағдодий ўзларининг мазкур ишлари ва гаплари билан иккала томоннинг ҳам ҳаққини адо қилганлар».

“Мажолиси ҳакимул умма” китобидан.

Улашинг ↘️👇
https://t.me/madrasa_masjiduz

310 0 0 7

(Мадраса) Муҳаммад Нақиббек жоме масжиди

24 May, 09:11

Ҳар куни 2 кишини ғийбат қилсанг, ва балоғатга етганингдан кейин яна 60 йил умр кўрсанг... Бу билан сен Қиёмат кунида сенга қарши 32400 та хусумат бўйича хусуматлашасанг деганидир.
Шунга тайёрмисан?

Доктор Аҳмад Исо Маъсоравий.

Изоҳ: Ғийбат – эртага албатта тўланадиган қарздир. Имом Авзоъий айтадилар: «Менга етиб келдики, Қиёмат куни бандага: «Тур, фалончидан ҳаққингни ол», дейилар экан. У: «Менинг унда ҳаққим йўқ», дер экан. Шунда: «Йўқ, ҳаққинг бор. У фалон куни сени мана бундай, мана бундай деб гапирган», дейилар экан».

Улашинг ↘️👇
https://t.me/madrasa_masjiduz

349 0 6 5

(Мадраса) Муҳаммад Нақиббек жоме масжиди

24 May, 07:09

Қурбонликка сотиб олинган ҳайвон ўлиб қолса...

Савол: Қурбонликка сотиб олинган ҳайвон ўлиб қолса, нима қилинади?

Жавоб: Бисмиллаҳир Роҳманир Роҳим. Агар саволдан “унинг ўрнига бошқа ҳайвон олиш керакми ёки керакмас”лиги сўралаётган бўлса, қўй эгасининг ҳолатига қараб ҳукм икки хил бўлади. Яъни қурбонликка олган ҳайвони ўлиб қолган киши нисоб эгаси бўлса, яъни закотга қодир бўлган бой киши ўлган ҳайвоннинг ўрнига бошқа ҳайвон олиб сўйиши керак. Агар фақир киши бўлса, унга бошқа ҳайвон олиб сўйиши лозим бўлмайди. “Мажмаул анҳур” китобида бундай келтирилади:
“Қурбонликка сотиб олинган ҳайвон ўлиб қолса, ўрнига бошқа олиб сўйиш бойга вожиб, фақирга эмас” (4-жилд, 173-бет). Валлоҳу аълам.

“Фатволар тўплами”дан.

Улашинг ↘️👇
https://t.me/madrasa_masjiduz

348 0 0 4

(Мадраса) Муҳаммад Нақиббек жоме масжиди

24 May, 05:07

00:07

Video is unavailable for watching

Show in Telegram

Ассалому алайкум ва роҳматуллоҳи ва барокатуҳу.

«ҲАСБУНАЛЛОҲУ ВА НИЪМАЛ ВАКИЛ»

Ибн Аббос розияллоҳу анҳу шундай дедилар: «Ҳасбуналлоҳу ва ниъмал вакил»
(Бизга Аллоҳнинг Ўзи кифоя, У Зот нақадар яхши вакил!) деган сўзни илк бор Иброҳим алайҳиссалом оловга ташланганларида айтганлар».

Улашинг ↘️👇
https://t.me/madrasa_masjiduz

466 0 9 8

(Мадраса) Муҳаммад Нақиббек жоме масжиди

23 May, 19:33

Жамоат намози

📜Расулуллоҳ соллаллоҳу алайҳи васаллам: “Ким қирқ кун Аллоҳ учун биринчи такбирга етиб жамоат билан намоз ўқиса унга икки бароат (яъни поклик, озодлик) ёзилур. Мунофиқликдан поклик ва дўзахдан озод бўлганлик бароати” дедилар. Имом Термизий ривояти.

Изоҳ: Абу Ҳанифа раҳматуллоҳи алайҳ Атодан, у ибн Аббосдан розияллоҳу анҳудан ривоят қилинади: «Расулуллоҳ соллаллоҳу алайҳи васаллам : «Ким қирқ кун жамоат билан узлуксиз намоз ўқиса, унга мунофиқликдан ва ширкдан халослик ёзилади", дедилар.

Улашинг ↘️👇
https://t.me/madrasa_masjiduz

386 0 1 7

(Мадраса) Муҳаммад Нақиббек жоме масжиди

23 May, 18:20

Насиҳатни рад этмаслик

📜 Расулуллоҳ соллаллоҳу алайҳи васаллам: “Аллоҳ таолога энг ёқимсиз сўзлардан бири, бир киши бошқа кишига “Аллоҳдан тақво қилгин” деса, у кишининг “ўзингни бил”, дейишидир”, дедилар.

Байҳақийнинг «Шуъабил иймон»даги ривояти.

Улашинг ↘️👇
https://t.me/madrasa_masjiduz

(Мадраса) Муҳаммад Нақиббек жоме масжиди

Самарқанд вилояти, Каттақўрғон шаҳар «Муҳаммад Нақиббек» (Мадраса) жоме масжид канали. Имом-хатиб: Устоз Анвар қори домла Назаров

355 0 0 6

(Мадраса) Муҳаммад Нақиббек жоме масжиди

23 May, 16:18

Расулуллоҳ соллаллоҳу алайҳи васаллам: “Албатта Аллоҳ таоло мулҳиф, қатъият билан туриб олувчи тиланчидан ғазаб қилади”, дедилар.

Изоҳ: Расулуллоҳ соллаллоҳу алайҳи васаллам: “Албатта, Аллоҳ азза ва жалла бандасига бирор неъмат берса, уни бандасида кўришни хуш кўради. У Зот камбағалликни ва ўзини камбағал қилиб кўрсатганни ёмон кўради. Қатъият билан туриб олувчи тиланчидан ғазаб қилади. У ҳаёли, иффатли ва (одамлардан нарса сўрашдан) ўзини тиювчи кишини яхши кўради”, дедилар. Байҳақий ривояти.

Улашинг ↘️👇
https://t.me/madrasa_masjiduz

383 0 2 6

(Мадраса) Муҳаммад Нақиббек жоме масжиди

23 May, 14:16

Агар одамларнинг кучлиси бўлмоқ истасангиз, Аллоҳга таваккал қилинг!*

Агар ҳурматлироғи бўлмоқ истасангиз, Аллоҳга тақво қилинг!**

Агар энг бойи бўлмоқ истасангиз, қўлингиздаги мулкингиздан Аллоҳнинг ҳузуридагиси ишончлироқ бўлсин!***

"Тафсири Нобулсий"дан

======
* Таваккал - вакил қилиш. Иши ва эҳтиёжида Аллоҳ вакили бўлган кишидан ҳам кўра кучлироқ одам бўлмайди.

Табиий, таваккул қалбда бўлади. Қалбида Аллоҳга таваккули бўлган киши ҳеч енгилмайди, таслим бўлмайди.

** Аллоҳ ҳузурида бой, қувватли ёки обрўли киши ҳурматга сазовор бўлмайди. Унга фақат тақводор лойиқ.

*** Қўлингиздаги мулк Аллоҳнинг наздида пашшанинг қанотига арзимайди. Зеро ҳамма мулк Унингдир.

Шундай бўлгач, Унинг мулкига ишонган одам ўзини ҳамма мулкка эгадек ҳис қилади. Бундан ортиқ бойлик борми дунёда?!

Улашинг ↘️👇
https://t.me/madrasa_masjiduz

387 0 2 6

(Мадраса) Муҳаммад Нақиббек жоме масжиди

23 May, 12:14

Солиҳ эр ва солиҳа аёл неъматдир. Эркак кишини мол-дунёсининг камлиги билан айбланмайди. Аёл кишини чиройи камлиги билан айбланмайди. Айб динининг камлиги ва ҳулқи-одобининг ёмонлигидадир.

Улашинг ↘️👇
https://t.me/madrasa_masjiduz