#barqarorlik_reytingi

Soliq kodeksining tegishli moddalariga muvofiq:

Tadbirkorlik subyektlari yuqori barqarorlik reytingining "AAA" toifasidagi tadbirkorlik subyektlariga nisbatan (bundan davlat korxonalari hamda ustav fondida (ustav kapitalida) davlat ulushi 50 foiz miqdorda va undan ortiq bo‘lgan yuridik shaxslar mustasno):

-soliq tekshiruvlari o‘tkazilmaydi (bundan jinoiy ishlar doirasida o‘tkaziladigan tekshiruvlar mustasno);

-ortiqcha to‘langan soliq summasi uch kun ichida qaytarilishi lozim (bundan qo‘shilgan qiymat solig‘i mustasno);

-ortiqcha to‘langan soliq summasini qaytarish to‘g‘risidagi qaror soliq organi tomonidan soliq to‘lovchining tegishli arizasi olingan kundan e’tiboran ikki kun ichida qabul qilinadi (bundan qo‘shilgan qiymat solig‘i mustasno);

-ortiqcha undirilgan soliq summasi soliq to‘lovchiga unga hisoblangan foizlar bilan birga uch kun ichida (bundan qo‘shilgan qiymat solig‘i mustasno) qaytariladi;

-QQSning jami summasi o‘rnini tezlashtirilgan tarzda qoplash tartibi soliq hisobotini taqdim etishda soliq organlarini xabardor qilgan holda amalga oshiriladi.

Telegram I Facebook I YouTube | Twitter |Website