🌹 Чиройли Онам🧕

Болам дея бошимни силаб,
Ҳар сония бахтимни тилаб,
Юзларимга, холимни сўраб,
Боқишлари чиройли Онам...

Пок қалбига севинчлар сола,
Эъзозласам чектирмай нола,
Қувончлардан кўзидан жола,
Оқишлари чиройли Онам...

Оҳ ёнидан кетолмам йироқ,
Олисласам қийнайди фироқ,
Менга дунё-дунидан кўпроқ,
Ёқишлари чиройли Онам...

Доим топар кўнглим тилини,
Яхшиликлар қуршар дилини,
Чаккасига райхон гулини,
Тақишлари чиройли Онам...

У бор бахтим қатор тизилган,
Шодлигимдан ёшим сизилган,
Мехр номли қалбга чизилган,
Нақшлари чиройли Онам...

Болам дея бошимни силаб,
Ҳар сония бахтимни тилаб,
Юзларимга, холимни сўраб,
Боқишлари чиройли Онам...
(Зоҳид Зиё)

•┈•┈•┈•┈•✿•┈•┈•┈•┈•
Ota ~ Onasini Qadrlaganlar Kanali

@MEXRIBONIM_OTAM_ONAM 🌸