MEXRIBONIM_OTAM_ONAM

БОР  БЎЛСИН  АЁЛ!..

Алладан бошланар асли бу ҳаёт,
"Она" сўзин айтар илк бор одамзот.
Жонидан жон олар, меҳридан бунёд,
Керакмас истисно, керакмас савол -
Бу ёруғ дунёда бор бўлсин аёл!..

Ҳатто пайғамбарлар туғилмас эди,
Не буюк даҳолар тил билмас эди.
Дашту саҳроларда гул унмас эди,
Ғайратидан гиёҳ топгайдир камол,
Бу ёруғ дунёда бор бўлсин аёл!..

Дейман, қон-қонидан бўлганми пайдо,
Фарзанд учун тунлар бехобдир гоҳо.
Зурёди бир тараф - бир тараф дунё,
Болам деб бағрига йўлатмас шамол,
Бу ёруғ дунёда бор бўлсин аёл!..

Рўзғорини ўйлаб куяр ҳар сафар,
У бор, билмайсан ғам, чекинар хатар.
Тандирда иссиқ нон, қозонинг қайнар,
Усти-бошинг башанг, уй-жойинг хушҳол,
Бу ёруғ дунёда бор бўлсин аёл!..

Оила сўзини уққан ҳам ўшал,
Турмуш деб жонга-жон суққан ҳам ўшал.
Ҳазрат Алишерни туққан ҳам ўшал.
Борлиқда энг гўзал - энг соҳибжамол,
Бу ёруғ дунёда бор бўлсин аёл!..

Ҳақ расули айтмиш: "Бағрингни тилгин,
Мукаррам зотларнинг қадрини билгин.
Аввало онангга яхшилик қилгин -
Жаннат оёғининг остида поймол"
Бу ёруғ дунёда бор бўлсин аёл!..

Мен кимман: бир далли, битганим ашъор,
Сўрсалар жонимни бермоққа тайёр.
Ҳар вақт "она" десам, кўнглимда баҳор,
Юзимда ёнар гул, тилларимда бол,
Бу ёруғ дунёда бор бўлсин аёл!..

...Дунёнинг шодлиги сиз учун она,
Боримизни берсак кам бўлар яна.
Кўнглимни таржима қиляпман мана:
Кўргани бахт бўлсин, топгани иқбол,
Бу ёруғ дунёда бор бўлсин аёл!..

Акрамжон АЗИЗОВ

Ota ~ Onasini Qadrlaganlar Kanali

@MEXRIBONIM_OTAM_ONAM 🌸

Италияда 93 ёшли қария касалликдан тузалибди. Унга нафас берувчи мосламанинг ҳеч бўлмаса бир куни учун ҳақ тўлашини сўрашибди. Шунда чол йиғлаб юборибди. Шифокор чолни тинчлантирмоқчи бўлибди, лекин чол пулидан йиғламаётганини айтибди. Қариянинг жавоби эса шифокорни ҳайратга солибди:

"Мен тўлашим керак бўлган пул учун йиғламаяпман. Мен бунинг ҳаммасини тўлашим мумкин. Мен шундан йиғлайманки...

BAXT nimα..?
Bu judα oddiy..!
BAXT bu - "bolαm
chαrchαmαdingmi" deb berilgan
sαvol..!
BAXT bu - sen uchun
qilingαn duolαr..!
BAXT bu - uygα kirgαningdα
mehribonlαringni
sαlomingα αlik olishi!
BAXT nimα..? Bu juda oddiy..!
BAXT bu - yαrim metrli
odαmchα..!
BAXT bu - uydα sochilib yotgαn
o'yinchoqlαr, divαndαgi
pechenye
ushoqlαri..!
BAXT bu - Xudodαn
so'rαgαningdαn ko'rα
shukuringni ko'proq bo'lishi..
BAXT bu - OTA ONA sog'ligi,
"dαvomchingni" borligi..!
BAXT bu - OILA
BAXT bu - Men
BAXT bu - Siz
BAXT bizning borligimiz..!

Ota ~ Onasini Qadrlaganlar Kanali

@MEXRIBONIM_OTAM_ONAM 🌸

#ПРЕМЬЕРА

🔥ОНА...

Қўлимда не бўлса айлайман тортиқ,
Розиман шу билан қилса тантана...
Жисмингиз авайлаб жонимдан ортиқ,
Мен сизни дардларга бермайман Она...

Сочингиз оқидан кўзимда намлар,
Кўнглимнинг четида битмайди камлар,
Минглашиб келса ҳам аламлар ғамлар,
Мен сизни дардларга бермайман Она...

Ҳассангиз ўзимман тоғингиз ўзим,
Гоҳида қалбдаги доғингиз ўзим,
Мехрдан яралган боғингиз ўзим,
Мен сизни дардларга бермайман Она...

Ажинлар кўпайса парволар қилманг,
Томирлар бўртганин назарга илманг,
Доимо ёшман денг қарилик билманг,
Мен сизни дардларга бермайман Она...

Қадрингиз билмасам гуноҳ бўлгандай,
Шундай гуноҳларга гувоҳ бўлгандай,
Киприклар кўзларга паноҳ бўлгандай,
Мен сизни дардларга бермайман Она...

Қўлимда не бўлса айлайман тортиқ,
Розиман шу билан қилса тантана...
Жисмингиз авайлаб жонимдан ортиқ,
Мен сизни дардларга бермайман Она...

📝Муаллиф: Зоҳид Зиё...

Ota ~ Onasini Qadrlaganlar Kanali

@MEXRIBONIM_OTAM_ONAM 🌸

Аллоҳ  сизни  сийласин
🌹🌹

Бу  дунёда  бўлинг  омон,
Ризқингизни  қиймасин,
Мушкулингиз  қилиб  осон,
Аллоҳ  сизни   сийласин!

🌹🌹

Аллоҳ  қўллаб  вақтида,
Пуллар  келсин  нақдида,
Тирикликнинг  тахтида,
Аллоҳ  сизни  сийласин!.

🌹🌹

Ёқмай  ёмон   қораси,
Янграб  қувонч  наъраси,
Бўлиб  дўстлар  сараси,
Аллоҳ  сизни  сийласин!

🌹🌹

Қўлда  доим  созингиз,
ҳуш  ёқар  шўх   овозингиз,
Сўйланг  кўнгил  розингиз,
Аллоҳ  сизни   сийласин!

🌹🌹

Ичингиз  ғам  емирмасин,
Дилингизни  кемирмасин,
Ташвишлар  ҳеч  семирмасин,
Аллоҳ  сизни  сийласин!

🌹🌹

Бекаму  кўст  тахт  бериб,
Ҳеч  сўнмаган  аҳд  бериб,
Омад  бериб , бахт  бериб,
Аллоҳ  сизни  сийласин!

🌹🌹

✍  Бахтиёр  Хасанов  📚📚

7.11.2022  й

Ota ~ Onasini Qadrlaganlar Kanali

@MEXRIBONIM_OTAM_ONAM 🌸

ҲАҚИҚИЙ АЁЛЛАР

Аёл деган шундай гўзал бир хилқат,
Тегсанг тўкилади, тегмасанг йиғлар.
Қаримайди уни севиб асрасанг,
Имзо чеколмайди қалбига йиллар.

Олифта санамлар гар сенга ҳамроҳ,
Унга ошно мудом қозон-у тандир.
Қолиб кетса ҳамки кўнгли батамом,
Фақат фарзандим деб яшаётгандир.

Бошига не кунлар солсанг ҳам беун,
Ўйлама-" чидайди нима қилсам"- деб,
Қилса сен бил асло чидаёлмайсан,
Фақат у иснодни кўрмас сенга эп.

Қомати йўқмиди уйланганингда,
Қара шу қоматдан фарзандларинг бор.
Не истар юрагинг? Айтгин деб эмас,
Семизсан. Озгин деб айтасан такрор.

Шу аёл эрта кеч хизматингга шай,
Рўмолин учига артиб армонин.
Сен унга азоблар берганинг сари,
Қирққа бўлиб берар шу битта жонин.

Жонфидо фарзандлар қилмас гоҳ эъзоз,
Онани боладай силтаб отади.
Олманинг тагига олма тушар рост,
Тонглар кутиб дилга қуёш ботади.

Аввал "қиз болага ким қўйибди" - деб,
Кўчага чиқармай эрга бердилар.
Кимлардир шаҳарда баланд пошнада,
Оналар далада пахта тердилар.

Кейин болам дея киймади атлас,
Бормади сиҳатгоҳ, баланд тоғларга.
Ўғил қизи кимхоб кийди. Қувонди,
Ўқитди энг олди олийгоҳларга.

Юзида ажинлар ариқ солганда,
"Рўдапога ўхшаб қолибсан"- дединг.
Шу аёл ортингда туриб бермаса,
Қани ўйлаб кўргин. Ўзинг ким эдинг?

Аёлни пулсизлик, муҳтожлик эмас,
Меҳрга зор кунлар бағрини ўяр.
Ўғиллар уйланиб ҳаловат эмас,
Келинлар боласин тутқазиб қўяр.

Уй бекаси асли уй эгасидир,
Лекин ёзилади улар ишсиз деб.
Жим юргани асли исёни унинг,
Ким айтди қариган кўнгил ишқсиз деб?!

Ҳақиқий аёллар уйда ўтириб,
Кунингга ярайди. Болангга қарар.
Билиб қўй бақувват эркаклар эмас,
Дунёни ожиза аёл қутқарар!

✍ НИЛУФАР ТЕМУР қизи

🌸🌼🌸🌼🌸🌼🌸🌼🌸🌼🌸

Ota ~ Onasini Qadrlaganlar Kanali

@MEXRIBONIM_OTAM_ONAM 🌸

ХИЖРИЙ ОЙЛАР

Хижрий йил ҳисоби бўйича 12 ой мавжуддир. Бу ойларни ҳар биримиз билишимиз ва фарзандларимизга ўргатишимиз лозимдир.

1. Муҳаррам.
2. Сафар.
3. Робийъул-аввал.
4. Робийъус-соний.
5. Жумадул-увла.
6. Жумадул-охир.
7. Ражаб.
8. Шаъбон.
9. Рамазон.
10. Шаввол.
11. Зул-қаъда.
12. Зул-ҳижжа.

Ражаб ойи ҳақида

. "Ражаб” сўзи қандай маънони англатади?

   Араб тилидаги “ражаб” сўзи ўзбекчада “улуғлаш”, “ҳурматлаш” маъноларини ифода этади. 

Ражаб ойи қандай ой?

– Ражаб ойи – Аллоҳ таоло уруш қилишни ҳаром қилган (зулқаъда, зулҳижжа, муҳаррам, ражаб) ойлардан биридир.  

Ражаб ойининг дуоси

Пайғамбаримиз алайҳиссалом Ражаб ойи кирганида мазкур дуони қилар эдилар: “Аллоҳумма  барик лана фи ражабин  ва шаъбона ва баллиғна Рамазона “ “Эй Аллоҳ, бизлар учун Ражаб ва Шаъбон ойларини баракали қилгин ва бизни Рамазон ойига (омонликда) етказгин!”.


Дуо

Дуо қабул бўладиган 18 ўрин ва вақт

Қуръон ўқигандан сўнг.
Каъбани кўрганда.
Ёмғир ёғаётганда.

Душман билан рўбару келганда.
Зулм ва адолатсизликка учраганда.
Жамоат ва кўпчилик билан дуо қилганда.
Фарз намозидан кейин.

Саждада.
Аллоҳ таолонинг гўзал исмларини айтиб дуо қилганда.
Тонг вақтида.
Пайшанбадан жумага ўтар кечаси ва бутун жума куни давомида.

Ражаб ойининг биринчи кечасида.
Шаъбон ойининг ўн бешинчи кечасида.
Ҳар икки ҳайитнинг биринчи кечасида.

Арафа кунида.
Рамазон ойи куну тунларида.
Қадр кечасида.
Ифтор пайтида.

Ota ~ Onasini Qadrlaganlar Kanali

@MEXRIBONIM_OTAM_ONAM 🌸