Нима учун Ўзбекистонда жинси шим ишлаб чиқариш ҳеч қачон ривожланмайди?

Бунга бир нечта сабабларни келтирамиз:
 

1. Жинси шим аслида индиго бўёғи билан бўялган матодан ишлаб чиқарилган бўлади ва у тўқ рангли қаттиқроқ мато бўлади.

Тикилганидан кейин эса алоҳида бир нечта босқичли ювишдан ўтади, буни варка ёки турклар йикама дейишади.

Айнан йикамада ишлатиладиган асосий химикат бу перманганат яъни халқ тилида марганцовка, бу химикатни Ўзбекистонга олиб кириш ва ундан фойдаланиш таъқиқланган.

Сиз перманганатсиз сифатли жинсини чиқара олмайсиз, бу химикатдан Туркия ва Хитойда қийинчиликсиз фойдаланишади.

Ушбу расмдаги болалар жинсилари 2018 йилларда Kubro Textile да ишлаб чиқарилган.

Кейинги асосий сабаб эса, ўзи жинсини ишлаб чиқариш жараёни жуда ҳам қийин ва бир нечта босқичдан ўтади, қийналиб ишлаб чиқарасиз, ҳатто Хитойни товаридан сифатли, Туркияникидан қолишмайдиган қилиб чиқарасиз лекин ноқунуний йўллар билан кирадиган Хитойни сифатсиз жинсилари сизга тушган тан нархда бозорда сотилади ва сизни товарингиз ундан қиммат чиқади.

Мана нима учун ҳалигача зўр жинси ишлаб чиқарадиган корхоналар йўқ.

Ўзбекистонда кўплаб корхоналар жинсини бошлаб тохтатишга мажбур бўлди.

Ушбу ҳаволада жинси коллекциямизни кўрсангиз бўлади👉 Коллекция

Малол келмаса сифатини ҳам баҳолаб кетинг комментга!

@Kubrotextilegroup