Joe | Books 📚

@JOrifjonov — shu oxirgisi 😁

Bu kanal ortiq faoliyat yuritmaydi.

Oz bo‘lsa ham perfektionistman.
Yangi kanalda hammasini ko‘nglimdagidek olib borishga harakat qilaman.
Havola: @JO_Books
Qo‘llab-quvvatlaysizlar degan umiddaman.

@Joe_Books 📚

Hay, reklama bo‘lsa reklamada 😂
Bu kanalda esa kunlik valyutalar kursi e'lon qilinadi:
@Valyutalar_tahlili
7 oydan beri yuritaman.

Do‘stlar, bu kanal faoliyatini yakunlamasidan bir xabarni yetkazib qo‘yay.

Bu yil shakllantirgan eng yaxshi odatlarimdan biri YouTube'da chiqadigan o‘zbek tilidagi Podcastlarni qoldirmay ko‘rish bo‘ldi. Shu yil yozda juda ko‘plab yangi Podcastlar faoliyati boshlandi va hozir ham faol davom etmoqda.
Podcastlarning chiqqan sanasi bo‘yicha xronologik jadvalni kompyuterda yuritar edim. Endi ularga havolalarni ham qo‘shib Telegramda yozib boryapman.
Kanal havolasi: @Podcastistan
Kirib ko‘ring, yoqsa obuna bo‘ling. Har bir Podcast YouTube'ga qo‘yilishi bilan havolasini shu kanalda ulashib borishga harakat qilaman.
Marhamat: @Podcastistan 🎙

Yangi kanal ochish rejasi ham shuning uchun borgan sari ortga surilyapti, chunki 8 kundan keyin imtihon.

Assalomu alaykum, xayrli kun hammaga.
Mavzudan tashqari fikrlar

O‘zi odatda biror reja toki u amalga oshmaguncha ovoza qilinmasligi ma'qul. Chunki, natija kutilganidek bo‘lmasligi mumkin.

Shuning uchun, Matematika fanidan Milliy sertifikatga ro‘yxatdan o‘tganimni ko‘pchilikka aytmagandim.
Lekin, umuman yashirishning iloji yo‘q ekan va birin-ketin bundan xabardorlar soni ortib boryapti 😄

Bu ikkinchi marta topshirishim, birinchi martasida natija yaxshi chiqmagan, bu safar yaxshiroq bo‘lishiga umid qilyapman.
Sertifikatning moddiy jihatdan ham foydasi bor man uchun.
Oylik maoshga 20% ustama qo‘shiladi.
Xalqaro tan olingan GMAT sertifikati uchun 50% ustama qo‘shiladi.

Lekin, bularning barchasi moddiy manfaat uchun emas, shunchaki bu ham bir sharaf. Bilimni bir pog‘ona yuqorida ko‘tarish uchun qo‘shimcha ✅.

Lekin, o‘ylab qarasam til bilish sertifikati ham karyera uchun muhim ekan. Vaqtdan unumli foydalanib bir qarorga kelishim va GMAT yoki IELTS (CEFR) dan biriga tayyorgarlik ko‘rishim kerak. Shu vaqtgacha ikkilanar edim.
Bugun bir qarorga keldim.

Milliy sertifikat imtihoni keyingi yakshanba — 24-dekabr kuni bo‘lib o‘tadi.
Shu imtihon natijasi qanday chiqishidan qat'iy nazar yangi yildan ingliz tilidan tayyorlanishni boshlayman.

"Martin Iden"ni to‘liq o‘qimagan bo‘lsam ham yer ko‘tarib yuribdiye 😁

#Iqtibos

Faqat aqlga tayanib yashab bo‘lmaydi. Insoniyat tuyg‘u bilan yashaydi, tuyg‘ularga esa kim haqligining farqi yo‘q.

#Book15_2023: Qarzga olingan umr
(Erix Mariya Remark)

@Joe_Books 📚

#Iqtibos

Hamdardlik yomon hamroh, ayniqsa u sayohat uchun maqsad bo‘lsa, undan ham yomon.

#Book15_2023: Qarzga olingan umr
(Erix Mariya Remark)

@Joe_Books 📚

Jami 50 ta test bo‘lsa, mutaxassislik fanidan 40 ta, pedagogik-psixologik testlar 10 ta.
Shuning uchun, ertaga o‘zim ham fantastik natija qayd eta olmasam kerak.

Bundan tashqari matematika uchun 50 ta testga 60 minut vaqt kamlik qilsa kerak.

Rivojlanmasligimizning sabablaridan biri haqida

Bu haqida yozmoqchi emasdim, ko‘plab pedagoglarga bu gaplarim yoqmasligi mumkin. Gap diagnostik testlar haqida.
Respublika bo‘ylab barcha pedagog kadrlar 4-15 – dekabr kunlari o‘z mutaxassisligi bo‘yicha diagnostik testdan o‘tishi talab qilinadi.

Testdan maqsad 2024-yilda malaka oshirish kurslari tabaqalashtirgan holda tashkil etish, ya'ni 70 balldan yuqori ball to‘plagan pedagoglar onlayn, 70 balldan past ball to‘plaganlar esa an'anaviy tarzda malaka oshirish kurslarida ishtirok etadi.

Ta'kidlash joiz, diagnostika natijalari o‘qituvchilar uchun hech qanday moliyaviy va huquqiy oqibatlarni keltirib chiqarmaydi. Ularning oylik maoshlari, toifalari yoki mehnat faoliyatlariga ta’sir ko‘rsatmaydi.

Afsuski, o‘z bilimini sinash uchun berilgan imkoniyatni ham ko‘zbo‘yamachilikka aylantirishmoqda. 80 balldan yuqori yig‘ish uchun har kimdan har xil yordam olishmoqda, kutishmoqda. Boshqa viloyatlarda tushgan savollarning elektron nusxalari va rasmlari tarqalib ketdi. Mayli, buni tushunsa bo‘ladi. Ehtimoliy testlardan xabardor bo‘lish mumkin.

Shunday guruhlardan birida pul evaziga birovning akkounti orqali platformaga kirib test ishlab beradiganlar chiqibdi.

Kimni aldamoqchimiz? O‘zimiznimi?

Diagnostik testni ertaga soat 14:00 da topshiraman.
Hozir Milliy sertifikatga ham ro‘yxatdan o‘tib, to‘lov qildim.

@Joe_Books 📚

Tinchligingizni hurmat qilgan holda kechasi postlarni mute qilib yuboryapman 😌
Obunachilar birma-bir ortayotganini ko‘rib ko‘zim quvnayapti 🥹
Lekin, yaqinda yangi kanal ochaman, bu kanal esa shunchaki arxiv sifatida qoladi. Shu yerdagi do‘stlarimizning hech bo‘lmasa ¼ qismi bo‘lsa ham yangi kanalga o‘tsa xursand bo‘lardim.

Xullas, kitob ancha yoqyapti.
Bir vaqtda bir nechta kitob o‘qish va ulardan biri shunday Ilmiy-ommabop kitob bo‘lishi maqsadga muvofiq ekan.
Kitobdagi faktlar, raqamlar va turli xil diagrammalardan zavqlanyapman.
Nimaga shu vaqtgacha o‘qimay ortga surib kelganman, o‘zim ham xayronman 🤷🏻‍♂

@Joe_Books 📚