Boʻm-boʻshman.
Ichimda qolmagan hech biri:
Na kuz
Na bahor.
Faqat 
Oʻyilgan yaraning oʻrni bor
Koʻksim ostida.
Balki qachondir yuragimni yulib oldim-u,
Ongim yetkazmadi menga bu holni.
Yigʻlolmasdim baribir
Qolmagan kuchim.
Chekishni bilsaydim
Chekib tugatardim kimlarnidir
Tutunga qoʻshilib havo oqimida suzishin kuzatmoq qanday maroqli boʻlardi odamning...
Negadir har kuni ochman,
Har lahza
Toʻydirib boʻlmaydi balki endi
Doʻstidan,
Ishqidan,
Oʻzidan kechgan odamni.
Boʻm-boʻshman...

@FeruzaXayrullayeva