🇺🇸 Доналд Трамп президентлигининг биринчи кунида амалга оширишни ваъда қилган ишлар
Доналд Трамп Оқ уйга кириши билан қуйидаги ишларни амалга оширишини бот-бот таъкидлаган.
1. Оммавий депортация
Трамп АҚШда яшаётган ноқонуний муҳожирларни ёппасига депортация қилишини, Мексика билан жанубий чегарани мигрантлар учун тақа-тақ ёпишини айтиб келади.
Буни амалга ошириш осон эмас; чунки бунга жуда катта маблағ керак. Ҳисоб-китобларга кўра, битта ноқонуний иммигрантни депортация қилиш АҚШ ҳукуматига 20 минг долларга тушар экан.
Бу дегани, бир миллионта одамни тутиш ва мамлакатдан чиқариб юбориш учун 20 миллиард доллар экан. Ноқонуний муҳижирлар сони камида 11 миллион экани тахмин қилинса, уёғини энди ўзингиз тасаввур қилаверинг.
Трамп бу соҳада амалда нима қила олиши мумкин? Мексика орқали ноқонуний ўтувчилар йўлини максимал даражада тўсади; қўлга тушганларни ўша ернинг ўзида депортация қилиши мумкин. Чегара бўйлаб девор қуриш давом этади.
АҚШга иммиграцияни чекловни янги қонун таклиф қилиниши ҳам мумкин.
2. Украина урушини тўхтатиш
Бу, эҳтимол, Трампнинг энг машҳур ваъдаси. У Украина урушини 24 соат ичида тўхтатишга ваъда берган.
Бу ҳам имконсиз иш. Бир кунда Киевга ва Кремлга маъқул келадиган келишувга эришиш мумкинлигини тасаввур қилиб бўлмайди.
Трамп амалда нима қилиши мумкин? Россия билан музокараларни бошлаш бўйича Зеленский ҳукуматига босимни кучайтиради. Қурол-яроғ келиши камайса, Украина Трампнинг баъзи шартларига рози бўлиши мумкин.
Россияга эса Украинанинг ҳеч қачон НАТОга аъзо бўлмаслиги ваъда қилиниши мумкин. Аммо Россия шу пайтгача эгаллаб турган Украина ҳудудларининг тақдири нима кечади? Киев улардан воз кечишга рози бўладими? Кўп эҳтимол билан, йўқ. Можаро ҳозирги фронт чизиқларида музлатилиши мумкин. Менимча, бундан ортиғини, яъни Россия эгалланган ҳудудлардан чекинишини кутмаслик керак.
3. Божларни ошириш
Трамп хориждан АҚШга кириб келадиган барча товарлар учун божларни оширишни ваъда қилган. Айниқса, Хитой молларига. Буни президент фармон орқали осонликча амалга ошириш мумкин. Конгресс тасдиғини олиш шарт эмас.
4. Нефть қазиб чиқаришни кўпайтириш
АҚШ дунёда энг катта нефть захирасига эга мамлакатлардан бири. Атроф-муҳитни ҳимоя қилиш важи билан аввалги маъмуриятлар мамлакатда нефть қазишни кўпайтиришга тақиқ қўйган. Трамп бу тақиқларни бекор қилмоқчи.
5. Трансгендерларнинг аёллар спортида қатнашишини тақиқлаш
Трамп жинсни ўзгартириш учун бериладиган федерал ёрдам дастурларни бекор қилмоқчи; кейинчалик жинсини ўзгартирганидан қатъи назар, туғилган вақтида берилган биологик жинсни тан олиш масаласини қонунлаштирмоқчи. Шунингдек, трансгендер шахсларнинг аёллар спорти билан шуғулланишини тақиқлаши ҳақида айтган.
Булар - Трамп сайловчиларга берган айрим ваъдалар. Маҳаллий сиёсатга оид яна бошқа кўплаб қилмоқчи бўлган ишлари бор. Улар бу рўйхатга киритилмади.
Манба: Вашингтон кундалиги
👉https://t.me/DADABOYEV_DILSHOD
Доналд Трамп Оқ уйга кириши билан қуйидаги ишларни амалга оширишини бот-бот таъкидлаган.
1. Оммавий депортация
Трамп АҚШда яшаётган ноқонуний муҳожирларни ёппасига депортация қилишини, Мексика билан жанубий чегарани мигрантлар учун тақа-тақ ёпишини айтиб келади.
Буни амалга ошириш осон эмас; чунки бунга жуда катта маблағ керак. Ҳисоб-китобларга кўра, битта ноқонуний иммигрантни депортация қилиш АҚШ ҳукуматига 20 минг долларга тушар экан.
Бу дегани, бир миллионта одамни тутиш ва мамлакатдан чиқариб юбориш учун 20 миллиард доллар экан. Ноқонуний муҳижирлар сони камида 11 миллион экани тахмин қилинса, уёғини энди ўзингиз тасаввур қилаверинг.
Трамп бу соҳада амалда нима қила олиши мумкин? Мексика орқали ноқонуний ўтувчилар йўлини максимал даражада тўсади; қўлга тушганларни ўша ернинг ўзида депортация қилиши мумкин. Чегара бўйлаб девор қуриш давом этади.
АҚШга иммиграцияни чекловни янги қонун таклиф қилиниши ҳам мумкин.
2. Украина урушини тўхтатиш
Бу, эҳтимол, Трампнинг энг машҳур ваъдаси. У Украина урушини 24 соат ичида тўхтатишга ваъда берган.
Бу ҳам имконсиз иш. Бир кунда Киевга ва Кремлга маъқул келадиган келишувга эришиш мумкинлигини тасаввур қилиб бўлмайди.
Трамп амалда нима қилиши мумкин? Россия билан музокараларни бошлаш бўйича Зеленский ҳукуматига босимни кучайтиради. Қурол-яроғ келиши камайса, Украина Трампнинг баъзи шартларига рози бўлиши мумкин.
Россияга эса Украинанинг ҳеч қачон НАТОга аъзо бўлмаслиги ваъда қилиниши мумкин. Аммо Россия шу пайтгача эгаллаб турган Украина ҳудудларининг тақдири нима кечади? Киев улардан воз кечишга рози бўладими? Кўп эҳтимол билан, йўқ. Можаро ҳозирги фронт чизиқларида музлатилиши мумкин. Менимча, бундан ортиғини, яъни Россия эгалланган ҳудудлардан чекинишини кутмаслик керак.
3. Божларни ошириш
Трамп хориждан АҚШга кириб келадиган барча товарлар учун божларни оширишни ваъда қилган. Айниқса, Хитой молларига. Буни президент фармон орқали осонликча амалга ошириш мумкин. Конгресс тасдиғини олиш шарт эмас.
4. Нефть қазиб чиқаришни кўпайтириш
АҚШ дунёда энг катта нефть захирасига эга мамлакатлардан бири. Атроф-муҳитни ҳимоя қилиш важи билан аввалги маъмуриятлар мамлакатда нефть қазишни кўпайтиришга тақиқ қўйган. Трамп бу тақиқларни бекор қилмоқчи.
5. Трансгендерларнинг аёллар спортида қатнашишини тақиқлаш
Трамп жинсни ўзгартириш учун бериладиган федерал ёрдам дастурларни бекор қилмоқчи; кейинчалик жинсини ўзгартирганидан қатъи назар, туғилган вақтида берилган биологик жинсни тан олиш масаласини қонунлаштирмоқчи. Шунингдек, трансгендер шахсларнинг аёллар спорти билан шуғулланишини тақиқлаши ҳақида айтган.
Булар - Трамп сайловчиларга берган айрим ваъдалар. Маҳаллий сиёсатга оид яна бошқа кўплаб қилмоқчи бўлган ишлари бор. Улар бу рўйхатга киритилмади.
Манба: Вашингтон кундалиги
👉https://t.me/DADABOYEV_DILSHOD