Boshni qimirlatib, ovozsiz, faqat qo‘lni ko‘ksiga qo‘yish bilangina salom berib ham, alik olib ham bo‘lmaydi. Salom-alik baralla, eshittirib aytilishi kerak.

Haddan tashqari engashib, yerga bukilib salom berish odobimizda man etilgan.

Xiyol egilib salom berish mumkin. Notanish kishilarga, yosh bolalarga ham salom beriladi.

Uchrashganda qanday salom berilsa, xayrlashayotganda ham shunday salom bilan ajrashiladi. Hech kim yo‘q uyga kirganda ham salom beriladi.

Agar biror kishi birov orqali sizga salom aytib yuborgan bo‘lsa, buning javobini («Assalomu alayka va alayhi», deb) darhol qaytarishingiz lozim.

Salom maktub orqali yuborilgan bo‘lsa, dilingizda yoki xat orqali yozma ravishda «Vaalaykum assalom», deyiladi.

Ijtimoiy odoblar 📚
Shayx Muhammad Sodiq Muhammad Yusuf ✍