BARCHINOY | qizlar jamoasi

"Xudoyo ayamdi daydiga davo beygin...."

#Bingofact

Freyd kushetkasi - psixoanaliz tarixida ramziy ahamiyatga ega bo‘lib, bu uslub Freydning bemorlarini davolashda qo‘llagan mashhur terapiya usulining bir qismi.

Freyd kushetkadan 1890-yillarda bemorlar bilan ishlashda foydalana boshlagan. Uning asosiy maqsadi bemorlarni qulay va erkin suhbatga jalb qilish edi. Freydning fikriga ko‘ra, divanda yotgan bemor o‘zini erkinroq his qiladi, bu esa chuqur va to‘g‘ri xotiralarni, his-tuyg‘ularni eslab qolish yoki ifodalashni osonlashtiradi. Kushetka nozik naqshli Sharq gilami bilan qoplangan bo‘lib, u bemorlarni jismonan qulayroq his qilishga yordam bergan. Freyd bu gilamlarni Sharq madaniyatiga bo‘lgan qiziqishi tufayli tanlagan.

Kushetka hozirda Londondagi Freyd Muzeyida saqlanmoqda. Psixoanalizda kushetka hali ham ramziy ahamiyatga ega, lekin zamonaviy psixoterapevtlarning aksariyati yuzma-yuz muloqot qilishni afzal ko‘rishadi. Shunga qaramay, Freydning kushetkasi uning ishining timsoli va tarixiy merosi sifatida mashhur bo‘lib qolgan.

#Suratlarda_tarix

"Le Graning oynadan ko'rinishi" - fotografiya tarixida bizgacha yetib kelgan eng qadimiy geliogravyura hisoblanadi. Fransuz ixtirochisi Jozef Nisefor Neps tomonidan 1826-yilda (ayrim manbalarda 1827-yil) bitum qatlami bilan qoplangan plastinka yordamida yaratilgan.

Umuman olganda, geliografiya texnologiyasi Neps tomonidan XIX asr 20-yillarida yaratilgan bo'lsa-da, aynan ushbu fotosuratdan oldin olingan boshqa fotolar saqlab qolinmagan.

Nepsning texnologiyasi zamonaviy fotografiyaga unchalik ham o'xshamaydi - u ko'proq tipografik fotomexanika jarayonlarini eslatadi. Ushbu suratni yaratish uchun ixtirochi sezuvchanligi past kamera bilan kamida 8 soat vaqtini sarflagan. (Zamonaviy izlanishlar suratga olish bir necha sutka davom etganini ham taxmin qilishadi)
Hozirgi kunda fotosuratning asl varianti Texas shtati Ostin shahridagi Garri Rensom tadqiqot markazida saqlanadi. U eskirishni sekinlashtiradigan kislorodsiz gaz aralashmasi bilan to'ldirilgan maxsus idishga joylangan.

Manba Nota bene

#opa_singillarim

Bugungi kunimni fayzli qilgan qadrdonlarimga kattakon rahmat🥰

24 yoshimni qanday qarshi olarkinman deb rosa oʻylanib yurgan edim. Men bu davrada, bu oilada, "Barchinoy"da doim halovat topaman❤️ hayotimga mazmun bagʻishlab turganingiz uchun tashakkur🤗

Sizlarni yaxshi koʻraman🫠🫶🏻

#women_writers | #nobel_winners

Perl Bak — amerikalik yozuvchi va tarjimon. 1938-yilda adabiyot bo‘yicha Nobel mukofotiga sazovor bo‘lgan ilk amerikalik ayol hisoblanadi.

Perl Bak Xitoyda o‘sib-ulg‘aygan, chunki uning ota-onasi missioner edi. Xitoyda kechgan bolaligi va mahalliy madaniyat bilan yaqindan tanishuvi ijodining asosiy manbai bo‘lgan.

"Yer" (The Good Earth) asari unga 1932-yilda Pulitser mukofotini olib keldi.

U o‘zining "Welcome House" tashkilotini ochgan, bu dunyodagi birinchi irqiy ajratishlarsiz farzandlikka olish agentligi bo‘lgan.Tashkilot asosan aralash irqdan bo‘lgan yoki farzandlikka olish qiyin bo‘lgan bolalarga yordam berishni maqsad qilgan. Perl Bakning bu harakati uning insoniylikka bo‘lgan sadoqati va ijtimoiy adolatga bo‘lgan intilishini aks ettiradi.

#Soʻz_sehri

Suhbatimga ko'zi shahlo, qoshi o'q-yoy istaram,
Boshga parqu, tinglamoqqa savti eshvoy istaram.

Eshvoy — Xorazm doston noma (kuy)lari asosida yaratilgan kuy va ashulalar nomi. XVIII asrda yashagan mashhur Shovotlik Eshvoy baxshi nomiga nisbatan berilgan.
Eshvoyning dastlabki namunasi boʻlgan "Doston Eshvoy"ni baxshining oʻzi yaratgan.

Toʻychi hofiz bastalagan "Fargʻonacha eshvoy"ning ashula yoʻli Toshkent va Fargʻona vodiysida tarqalgan boʻlib, oldin xorazmcha ufar usulida, keyinchalik taronalar usulida ijro etilgan.

#Potterhead

Mandragora — Garri Potter olamidagi sehrli o'simlik.
Mandragora, odamga o‘xshash ko‘rinuvchi ildizga ega o‘simlik bo‘lib, uning yig‘isi odamni hushdan ketkazishi yoki o‘ldirishi mumkin.Hogvartsda mandragoralar o‘simlikshunoslik darslarida o‘rganiladi.
Basilisk tomonidan toshga aylantirilgan odamlarni tiriltirish uchun mandragora damlamasi ishlatiladi.

#Old_facts

"Festival farzandlari"
Ushbu frazeologizm odatda SSSRda tug'ilgan negroid irqiga mansub odamlarga nisbatan ishlatilgan.

1957-yilda Moskvada bo'lib o'tgan "VI Butunjahon yoshlar va talabalar festivali"dan keyin SSSRda qora tanli bolalarning tug'ilishi ko'payib ketgan. Festivalga kelgan ko'plab millat vakillari orasida afrikaliklar ham anchagina edi. SSSR ichki ishlar vazirligi bergan statistik ma'lumotlarga ko'ra, festivaldan 1 yil o'tgach 531 nafar mulat tug'ilishi qayd qilingan.

Tahlilchilarning fikricha, festivalga kelgan 34 ming mehmonning atiga 5-6 mingini qora tanlilar tashkil qilgan. Ammo "Trud" gazetasi tomonidan boshqa irq vakillariga mansub "festival farzandlari"ni izlash samarasiz yakunlangan.

Shuningdek, 1980-yilgi Moskva olimpiadasidan keyin tug'ilgan boshqa irqqa oid bolalar "olimpiada farzandlari", 2018-yilgi futbol bo'yicha jahon chempionatidan 1 yil o'tgach tug'ilgan boshqa irqqa oid bolalar esa "mundial farzandlari" deb ataladi.

Manba: Nota bene!

#Old_facts

Turkmanistonning birinchi prezidenti Saparmurat Niyazov (Turkmanboshi) tomonidan 1997-2001-yillarda yozilgan kitob. 2001-yil 12-sentyabrda ommaga taqdim etilgan. 2001-2006-yillarda 40 tilga tarjima qilingan hamda dunyo bo'ylab 1 milliondan ortiq nusxada sotilgan.

Kitob afsonalar va tarixiy voqeliklar bilan birlashgan axloqiy nasihat hamda falsafiy mulohazalardan iborat. U 5 bo'limdan iborat:

1. "Turkman"
2. "Turkmanniing yo'li"
3. "Turkman millatining kelib chiqishi"
4. "Turkman davlatchiligi"
5. "Turkmanning ruhiy dunyosi"

Kitob sharafiga sentyabr oyi "Niyozov" deb shanba esa "rux kuni" deb o'zgartirilgan. 2005-yilda kitob turkman bayrog'i bilan birga kosmosga olib chiqilgan.

Saparmurat Niyazov o'limidan keyin kitobning obro'si ham tushib borgan. 2013-yilda maktablarda uni o'qish to'xtatilib, o'rniga yangi prezident Gurbanguli Berdimuxamedovning kitobi majburiy fan sifatida joriy qilingan.

Manba: Nota bene!

Arfa — torli musiqa asbobi bo‘lib, qadimdan Yevropa va Sharq musiqasida keng qo‘llanilib kelinadi. Arfa tovushi o‘ziga xos nafis va boy, shuning uchun u asosan simfonik orkestrlarda va yakkaxon ijroda qo‘llaniladi.

Djozef Jeykobsning Binnori asarida irlandiyalik yigit, suvda cho‘kib ketgan qizning suyaklari va sochlaridan foydalanib Arfani yaratadi.

#Kutubxona

"Kreyster sonatasi🎻"

"Kreyster sonatasi" - Lev Tolstoyning 1889 - yilda yozilgan asari. U oilaviy munosabatlar, nikoh muammolari va axloqiy masalalar haqida falsafiy asar bo‘lib, unda Tolstoy o‘zining o‘tkir ijtimoiy va psixologik qarashlarini ifoda etadi.

Asar nomi Lyudvig Betxovenning mashhur "Kreyster sonatasi" asaridan olingan bo‘lib, bu musiqa asardagi asosiy ramzlardan biridir. Tolstoyning o'zi e'tirof etishicha asarning yaratilishiga 1886-yil fevralida yozilgan noma'lum bir ayolning xati turtki bo'lgan. Xatda xotin-qizlarning huquqlari kamsitilyotganidan arz qilinadi. Bir ziyofatda ijro etilgan Lyudvig Betxovenning yaxudiy millatiga mansub mohir sozanda Rudolf Kreytserga bag'ishlangan 9-sonatasi yozuvchiga qattiq ta'sir qiladi.

1889-yilda asar yozib tugatiladi, lekin nashr etilmasidanoq turli yo'llar bilan ko'plab nusxalarda tarqalib ketadi. Faqat 1891-yil 13-aprelda Tolstoyning xotini imperator Aleksandr ||| ning shaxsan qabulida bo'lgach, uning ruxsati bilan asar e'lon qilinadi.

Shunday taassurotlar asosida yaratilgan, o‘z davrida katta shov-shuvga sabab bo‘lgan va Rossiyani junbushga keltirgan bu asar ba'zi joylarda senzura tufayli taqiqlanadi. "Kreyster sonatasi" inson tabiatidagi murakkablik va hayotiy qadriyatlarni chuqur o‘rganishga bag‘ishlangan asar bo‘lib, o‘quvchini o‘z his-tuyg‘ulari va axloqiy qarashlarini qayta ko‘rib chiqishga undaydi.

#first_ladies

Yelena Zelenskaya — Ukraina Prezidenti Vladimir Zelenskiyning rafiqasi, 2019-yildan beri Ukrainaning birinchi xonimi. Time jurnali 2023-yilning 100 ta eng nufuzli odami ro‘yxatiga kiritgan.

Yelena arxitektor, ammo o'z mutaxassisligi bo'yicha ishlamagan. Vladimir Zelenskiy bilan 2003 yilda turmush qurishgan va hozirda 2 nafar farzandi bor

Vladimir Zelenskiy intervyularidan birida uning stili rafiqasining xizmati ekanligini aytadi.
Hozirda siyosiy tadbirlarda faol boʻlgan Zelenskaya instagramda rasmiy sahifasiga ega.

#Soʻz_sehri

Erganak — O'tov, chodir kabilarning eshigi.
Shuningdek, hovlilarda qoʻshni hovlisiga kirish uchun ochilgan maxsus eshiklar ham erganak deb yuritiladi.

#Old_facts

Rim avgurlari — Qadimgi Rimning diniy va siyosiy hayotida muhim rol o'ynagan kohinlar. Ularning asosiy vazifasi tabiatning ayrim hodisalarini, ayniqsa qushlarning xatti-harakatlarini kuzatish orqali xudolarning irodasini bashorat qilish edi.

Bashoratlar muhim qarorlar qabul qilish uchun ishlatilgan, masalan, urush boshlanishi, ibodatxonalar qurilishi yoki yirik hukumat tadbirlaridan oldin.