❗️ЯНГИ ТИЗИМ: ИЖТИМОИЙ КАРТАЛАР ЖОРИЙ ЭТИЛАДИ!

2024 йил 27 декабрдаги Вазирлар Маҳкамасининг 897-сон қарорига мувофиқ, Ўзбекистонда ижтимоий карталар тизими жорий этилади.

❓Ижтимоий карта нима?
▪️Ижтимоий карта – бу электрон идентификация воситаси бўлиб, у фуқароларнинг давлат ва ижтимоий хизматлардан фойдаланишини соддалаштиради. Карта орқали шахснинг ижтимоий мақоми, олган ёрдамлари ва бошқа маълумотлари бир платформада сақланади.

❓Ижтимоий карта орқали қандай имкониятлар яратилади?
▪️Нафақалар ва ёрдам пулларини олиш: Карта орқали нафақа ва ижтимоий ёрдам маблағларини олиш тез ва қулай бўлади.
▪️Тиббий хизматлардан фойдаланиш: Давлат тиббиёт муассасаларида кўрсатиладиган хизматлар учун электрон идентификация орқали тезкорлик таъминланади.
▪️Жамоат транспортида имтиёзлар: Карта фойдаланувчилари жамоат транспортидан имтиёзли тарзда фойдаланиш имконига эга бўлади.
▪️Коммунал ва бошқа тўловлар: Табиий газ, электр энергияси, сув ва бошқа хизматлар учун тўловлар автоматлаштирилади.
▪️Маълумотларнинг марказлашган базаси: Барча ижтимоий хизматлар ягона электрон тизим орқали бошқарилади, бу эса хизматлар сифатини оширади.

❓Кимлар учун мўлжалланган?
Ижтимоий карта қуйидаги шахсларга мўлжалланган:
▪️Нафақа ва ижтимоий ёрдам олувчилар;
▪️Кам таъминланган оилалар;
▪️Ногиронлиги бор шахслар;
▪️Ёлғиз кексалар;
▪️Давлат ёрдамига муҳтож бошқа шахслар.

❓Қачондан бошлаб жорий этилади?
Ижтимоий карталар 2025 йилнинг биринчи ярмида босқичма-босқич амалиётга татбиқ этилади. Биринчи босқичда кўп талаб этилувчи ижтимоий хизматлар қамраб олинади. Кейинчалик, функционаллик кенгайиб, барча давлат хизматларини қамраб олади.

❓Картани қандай олиш мумкин?
▪️Рўйхатдан ўтиш: Фуқаролар давлат хизматлари марказлари ёки махсус электрон платформа орқали рўйхатдан ўтади.
▪️Шахсий маълумотлар: Рўйхатдан ўтишда шахсий маълумотлар ва ҳужжатлар тақдим этилади.
▪️Картани олиш: Тайёр бўлган карта фуқароларга етказилади ёки электрон версияда фойдаланиш мумкин бўлади.

👍Каналга уланиш👉🏻 @Bankxabar