Goʻzal guvoh

Har koʻrganda eslatarsan
Maʼshuqimdan bir ajib his
Sogʻinchimga zoʻr kor boʻlding
Rosulimni koʻrgan qiz

Demang, aqling qaribdi-ku
"Oʻtmish qaytmoq endi mushkul"
Tushda boʻlsin - koʻribdi-ku!
Rosulimni koʻrgan qiz

Bizku, endi havaskormiz
Bu maqomga ancha bormiz
Lek diydorga koʻp ham zormiz...
Rosulimni koʻrgan qiz

Men ham koʻray, duo etgil!
Bu siringdan guvoh etgil
Biz oshiqqa dalol etgil
Rosulimni koʻrgan qiz

Gar qaytsalar, bir eslatgil
Bir gʻaribdan salom eltgil
"Sizni kutar" deya aytgil...
Rosulimni koʻrgan qiz

U nurdan bir bahramand et
Zulmat qalbim farahmand et
Kel, uyimni farogʻat et
Rosulimni koʻrgan qiz

Nur yuzingdan aylanayin
Kel, qalbimdan soʻz aytayin
Rozi boʻlgin, uylanayin!
Rosulimni koʻrgan qiz...
@Azizbek_Zubaydullayev