Maqolalar | Azizbek Zubaydullayev

Yigit kishi oʻz sogʻligidan boshqa hamma narsaning tashvishida yashaydi

She'rimning bir bandiga ko'zim tushdi. "Juda yaxshi ekan, Ishq haqidagi 1-she'rim bo'lsa kerak" deb o'yladim. Yo'q, 2-si ekan)

Ikkinchisi biroz tezroq yozilgani uchun, unchalik katta sifatli bo'lmasa kerak deb o'ylagan edim.

Yo'q, u ham o'z o'rnicha go'zal bo'libdi. Ikkalasi ham go'zal.
Hamd)

Top Odat & Dasturlar

💡Kun tahlili. Kun tahlili, rejalar, gʻoyalar, xulosalar... umuman barchasi uchun universal shaxsiy yozgilar dasturi - Notion

✅ Kun rejasi. Shaxsiy, kichikroq turdagi vazifalar uchun juda qulay dastur - Ticktick

📅Odatlar nazorati uchun sodda, qulay, reklamasiz va bepul dastur - Habit Loop

📲Elektron kitob oʻqish. Istalgan boʻsh vaqtimda, yoʻllarda, speed reading uchun juda qulay, kitob matnini telefon ekraniga moslab beruvchi dastur - Moon Reader

🎧 Audiokitob eshitish. Telegramning oʻzida ham audio eshitaman. YouTubedan audiokitoblarni @Chaqqon_robot botga tashlab, audio qilaman va tezlashtirib eshitaman

🤾‍♂️Sport uchun ajoyib tushunarli animatsion va ovozli koʻrsatmalarga ega, osondan qiyinlashib boruvchi, uyda ham qilsa boʻladigan mashqlar jamlangan - Home Workout

(1-qism) Shu chellenjdagi kelasi postlarda shu va boshqa eng foydali odat va dasturlar haqida batafsil aytib boraman)
@AzizbekZubaydullayev

8 yil (9-16 yoshimgacha) dunyoviy badiiy, fantastik, xullas yetarli namuna boʻlmaydigan insonlar haqida oʻqiyverib, juda oddiy bir xatoni qilib, sogʻligim, oʻzimga ishonchim, umuman hayotim butunlay buzilib ketgach, shunaqa kitoblarni koʻrsam, endi qusgim keladi

Oʻqisam yo islomiy ilmiy / badiiy, yo shaxsiy rivojlanish, yo buyuk insonlar avtobiografiyasi, yo ilmiy-marʼifiy kitoblar oʻqiyman

Alhamdulillah, men yozgan eng yaxshi sheʼr boʻldi

Oʻqishingizdan bir narsani aytay.

Sheʼr - bir oʻtirishda yozilmagan. Juda uzoq soatlar, bir necha kunlar yozilgan.

Shuning uchun, har bir bandini shoshilmay, maʼnolariga katta eʼtibor berib oʻqishingizni xohlardim.

Ishq

Ey Alloh, sevardik Sendan oʻzgani
Orzu-yu havoga bogʻlab qalbimiz
Sening yoʻq joylardan koʻp izlab baxtni
Bildim, unutganga gʻurbating cheksiz

Soʻng nogoh keldi-ku hadsiz musibat
Orzudan ayrilib, qolmadi himmat
Ustiga qoʻshildi azob-uqubat
Tushunmay der edim "zahmating cheksiz"

Yoqmasdi musibat, "qalbni tigʻlar" deb
Kutmasdim bunda bir xayr yotar deb
Bilmasdim barisi Senga eltar deb...
Sendan adashsak-da, himmating cheksiz

Soʻngra tushundimki, yolgʻiz Baxtimiz
Nafs emas, orzumas yoki zavqimiz
U - Sensan Allohim, rost maʼshuqimiz!
Axir, sevolganga rahmating cheksiz

Yoʼqotgan narsamning bari uchun hamd!
Yetmagan orzumning bari uchun hamd!
Ey Alloh go'zaldir sen ne qilsang ham!
Taqdiring goʻzaldir, hikmating cheksiz...

Endi izlagaymiz Sendan mehringni
Tildan hech qoʻymayin ulugʻ zikringni
Qalbdan poklagaymiz Sendan oʻzgangni
Ishqing izlaganga neʼmating cheksiz

Endi sinovda ham, Seni sevarmiz
Musibatda yonsa ham zaif tanamiz
Tana-ku azobdan, qalblar Ishqdan biz
Ishqdan his qilingan lazzating cheksiz

Xush qabul Sen bergan har taqdir zayli
Gar kunim azobda oʻtsa ham mayli
Sen nima bersang ham roziman, mayli...
Rozimiz Mavlomiz, izzating cheksiz

Allohim, endi hech Ishqdan ayirma
Tek qoʻyma bir lahza, yoʻldan toyirma
Sevgi-la yashayin, koʻzim buyirma
Seni topolganga qurbating cheksiz...
@AzizbekZubaydullayev

"Qizlar - kelajagi porloq yigitlarni yoqtirishadi.
Yigitlar - tarixi pok qizlarni yoqtirishadi"

Yigitlar - oʻzingizga ishoning. Katta maqsadli boʻling. Va bu ishonchingizni koʻrsating

Qizlar - hayoli va ilmli boʻling

Islomga bagʻishlangan umr

Bu kitobni avvalroq oʻqimaganimga afsus qildim: juda koʻp xulosalar va zavqlar oldim

Shayx hazratlarining hayotlari va ijodlari haqida u kishining ukalari yozgan kitob. Shu nomdagi hujjatli filmdan albatta farqli jihatlari bor

Ibratli hayot va amallaridan olgan xulosalarim - xuddi bir paytlar Abdulloh ibn Muborak hazratlari haqidagi "Savdogarlar ustozi" kitobini oʻqib, olgan chuqur taassurot va hissiyotlarimni eslatib yubordi

Bunday kitoblar ayniqsa oʻziga "kumir" - havas va taqlid qiladigan inson izlaydiganlar uchun juda muhim

Kitobdan oʻzingizga inson kamoloti, yuqori himmat tasavvuri, foydali amallar tatbigʻi, farzand tarbiyasi, vaqtdan unumli foydalanish, insonlarga manfaat yetkazish, dinga, ilmga muhabbat, din va xalq uchun xizmat yoʻnalishlarida tengsiz ibratlar olasiz

Kitob audiosi #books
@Azizbek_Zubaydullayev

Allohning taqdiriga ishon

Undan havotirlanma

Unga rozi bo'l...

"Madrasa vaqting qanday oʻtdi" desa, baʼzida kechqurun uxlamay loyiham ustida ishlab chiqib, ertalab esa oʻqishga borganimni, juda koʻp masʼuliyatlar bilan yashashimga toʻgʻri kelib, yana ustiga tez-tez kasalliklarga ham qoʻshilib turganini, hammasi meni avvalgidan ancha kuchli insonga aylantirganini eslab yuramanda)

Speed Reading haqida

Speed Readingni kunimdagi eng ajralmas odatlardan biriga aylantirdim. Uning juda ko'p foydasini olyapman.

Keling, meni unga qiziqtirgan bir necha ilhomlarni aytay:

🌟Kitob o'qish - bu sizni shunchaki aqlli qilib qo'ymaydi: balki kattaroq muvaffaqqiyatlarga erishish ishonchingizni oshiradi. Chunki siz kitoblarda o'zingizdan kattaroq natijalarga erishgan insonlarning sirini, qo'llagan uslubini o'rganasiz va sizda ham endi shu natijalarga erishish ishonchi hosil bo'ladi. Ya'ni siz - kattaroq natijalarga erishuvchi inson bo'lasiz

🌟Shaxsiy rivojlanish bo'yicha dunyodagi eng mashhur va bilimli mutaxassislardan biri - Tony Robbins yoshligida kitoblarga juda qiziqib qoladi. Va o'ziga har kuni bitta kitob o'qish rejasini qo'yadi. Speed Reading kurslarida o'qib, bu qobiliyatni shakllantiradi. Va shu bilan - 7 yilda 700ta kitob o'qib tugatadi. Hozir uning boyligi ham, ko'rsatadigan ta'siri ham juda katta

🌟Uorren Baffet har kuni 80% vaqtini kitob o'qishga sarflaydi va kunida 500-1000 bet kitob o'qiydi. Olgan hadsiz ilhomlari tufayli hozir 80 mlrddan oshiq qiymatli ulush va loyihalarga ega

🌟Muhammadali Eshonqulov ustozimiz talabalik paytlarida har kun ertalab 5dan 8 gacha vaqtda kitob mutolaasi bilan mashg'ul bo'lganlar. Va 3 soatda 200 bet o'qiganlar. U kishi ham ayni Speed Reading texnikasini qo'llaganlar

Sizga ham albatta o'rganishni tavsiya qilaman
#speed_reading
@AzizbekZubaydullayev

Bir hadisga harakat qo'yishda, bir necha so'zlarida va umumiy tarjimasida qiynalib turgan edim.

Keyin Chatgptga uning rasmini tashlab "Unga harakat qoʻy, har bir soʻzini tarjima qil va umumiy tarjima ber" dedim

Ajoyib bajardi☺️
#arab_tili

Hech kimga umid bogʻlama. Qalbing sinishidan omon saqlagan boʻlasan

Avval shundan oʻrganib, keyin siz ham speed readingni boshlasangiz boʻladi

Hech kimga haddan oshiq havas qilmang.

Uning qanday imtihonda yashayotganini bilmaysiz

Missiya ahamiyati

Missiya - loyiha egasini shijoatlantirib turadi

Missiya - loyiha jamoasini birdam, sodiq, samarali ushlab turadi

Missiya - mijozlarni jalb qiladi

Missiya bu - insonlarga qanday qadriyat bermoqchiligingiz. Uni aniqlab oling, u bilan yashang, u bilan tashkil qiling, jamoada shu ruhni shakllantiring, missiyangizni ommaga eʼlon qiling va missiyaga yarasha xizmat koʻrsating - muvaffaqiyat sizga quvib keladi
@Azizbek_Zubaydullayev