Azadovna | Mini

Bugun bir narsa oʻqib qoldim.
Murphy qonuni: "Noto‘g‘ri ketishi mumkin bo‘lgan narsa albatta noto‘g‘ri ketadi"

Murphy qonuni hayotdagi tasodifiy nosozliklar va kutilmagan muammolarni kulgili tarzda tushuntiradi.
Garchi u pessimistik hazil sifatida qabul qilinsa ham, aslida odamlarni muammolarni oldindan ko‘rib, ularga tayyor bo‘lishga undaydi.

Quyidagi oddiy hayotiy misollar bu qonunning qanday ishlashini ko‘rsataman va bularni bari meni hayotimda roʻy berganlaridir.

Transport va shoshilish
– Agar siz juda shoshayotgan bo‘lsangiz, svetofor doim qizil bo‘ladi.
– Avtobusni uzoq kutganingizda u kelmaydi, lekin tamaddi qilish yoki e’tiboringizni boshqa narsaga qaratishingiz bilan u darhol keladi.
– Agar siz taksiga o‘tirgan bo‘lsangiz va haydovchi juda tez ketayotgan bo‘lsa, albatta eng katta tirbandlikka tushasiz. Vallohi

Texnik nosozliklar
– Muhim hujjatni chop etmoqchi bo‘lsangiz, printer qog‘ozni tiqib oladi.
– Kompyuteringizni uzoq vaqt ishlatganingizda u muammosiz ishlaydi, lekin muhim taqdimot paytida to‘satdan muzlab qoladi.
– Agar telefoningiz qo‘lingizdan tushsa, eng nozik qismi yerga birinchi tegadi.

Oziq-ovqat va oshxona hodisalari
– Non yerga tushsa, yog‘langan tomoni bilan tushadi.
– Oshxonada to‘kib yuborish ehtimoli bo‘lgan har qanday suyuqlik, albatta kiyimingiz yoki gilamga tushadi.
– Qaynayotgan sut yoki choy qachon to‘kiladi?
Albatta, bir lahzaga e’tiboringizni boshqa joyga qaratganingizda.

Hayotdagi mayda-chuyda muammolar
– Do‘konda uzoq navbatda turganingizda, sizning oldingizdagi odam albatta kassa muammosiga duch keladi.
– Agar shoshayotgan bo‘lsangiz, kalitingizni yoki telefoningizni yo‘qotasiz.
– Muhim uchrashuvga kechikkaningizda, kiyimingizga kutilmaganda dog‘ tushadi.

Bu bilan nimani yozmoqchiman
Murphy qonuni bizga har doim hamma narsa rejadagidek ketavermasligini eslatishini. Ammo bu haqiqatni qabul qilib, har qanday vaziyatga tayyor bo‘lsak, hayot ancha osonlashishini.
Shuning uchun, Murphy qonunini shunchaki hazil sifatida qabul qiling va unga tayyor bo‘lish yo‘llarini o‘ylab qo‘ying!

#Just
Have you ever cried without tears?

Yeah that happens to me a lot, when we are suffering as a woman,

When we have no one to tell what we are feeling inside except from Allah.

When we fail and try to recover and find a power to start everything again from zero.

As a woman we try to hide our emotions and feelings.

But cried isn't a solution.

Only GOD.

For Kenna,
an angel on earth who taught me what unconditional love truly is and how it can change the world

© Joseph Nguyen

Ulashing!
Kafforat roʻzasi – bu musulmon kishining roʻza qoidalarini buzib qoʻyganligi uchun tovon sifatida tutishi lozim boʻlgan roʻza. Bu odatda Ramazon oyida ataylab roʻzasini buzgan kishiga vojib boʻladi.

Kafforat roʻzasi qachon lozim boʻladi?

Kishi quyidagi holatlarda Ramazon roʻzasini qasddan buzsa, kafforat vojib boʻladi

1. Ataylab ovqat yoki ichimlik iste’mol qilish
2. Bevosita jinsiy aloqa qilish
3. Ogʻizga suv olib gʻargʻara qilib yutish

Kafforat roʻzasi ketma-ket 60 kun davomida tutilishi lozim. Agar uzrsiz biror kunda buzilsa, yana boshidan boshlash kerak.

Alternativ kafforat yoʻllari
Agar kishi 60 kun roʻza tuta olmasa, u quyidagi ishlarni bajarishi mumkin
1. 60 ta miskinni toʻydirish
2. Bitta qul ozod qilish (bugungi kunda bu amal mavjud emas)

Bu kafforat faqat ataylab buzilgan roʻzaga tegishli. Agar roʻza unutib yoki majburlanib buzilsa, faqat qazo qilish kifoya.

"Rasululloh sollallohu alayhi vasallam Ramazonda" kitobidan bilganlarga eslatma, bilmaganlarga ilm!

Balki vaqti kelgandir?

1. Chekishni tashlolmay, yuraging siqilib, tashlashni chin dildan niyat qilgan bo'lsang, balki bugun vaqti kelgandir?

2. Qalbinga Alloh nur solib, ro'mol o'rashni qattiq xohlab, qulay vaqt kutib yurgan bo'lsang, balki vaqti kelgandir?

3. Kimnidir qattiq xafa qilib, kechirim so'rashga kibring yo'l qo'ymayotgan bo'lsa, balki yarashish vaqti kelgandi?

4. Avvallari faqat bomdod o'qib, besh vaqt namoz o'quvchilarga havasing kelib yurgan bo'lsa, balki boshlash vaqti kelgandir?

5. Avvallari masjidga chiqmagan bo'lsang, "Masjidga kirsang hamma senga qaraydi, namozni xato o'qib qo'ysang, seni ustingdan kulishadi" - deb, Shayton seni aldab kelgan bo'lsa, balki masjidga chiqish vaqti kelgandir?

6. Kimdir bilan sevishib yurgan bo'lsang, lekin qalbingnu tub tubudan bu ishni yaxshi emasligini bilib tursang, balki aloqani uzish vaqti kelgandir?

7. Avval ro'za tutmasdan, turli bahonalar qilib kelgan bo'lsang, balki endi vaqti kelgandir?

Nima deysan?

©Ustoz Kundaligi

Yozib ketay vaqti kelganda!
Ramazonda stoli bilan magʻrurlanuvchilarni nima uchun roʻza tutayotganini hech anglamayman haligacha.

Hammaga koʻz koʻz qilib nima topasiz?
Ha sen ham mahtanar eding koʻrardik deysizmi?

Oddiy va qisqa javob berishni hohladim,
— Men avval bu oyat va hadislarni bilmas edim!

Eslating zero eslatma moʻminlarga manfaat beradi!

Isro surasi,
26-27-oyatlar
اَللّٰهُ لَا يُحِبُّ الْمُسْرِفِينَ
"إِنَّ الْمُبَذِّرِينَ كَانُوا إِخْوَانَ الشَّيَاطِينِ ۖ وَكَانَ الشَّيْطَانُ لِرَبِّهِ كَفُورًا"

Innal mubazzirina kanu ikh’wana ash-shayatin, wa kanas-shaytanu li rabbihi kafura.

Albatta, isrof qiluvchilar shaytonlarning birodarlaridir. Shayton esa o‘z Robbisiga nonkor bo‘lgan.

A’rof surasi,
31-oyat
يَا بَنِي آدَمَ خُذُوا زِينَتَكُمْ عِندَ كُلِّ مَسْجِدٍ وَكُلُوا وَاشْرَبُوا وَلَا تُسْرِفُوا ۚ إِنَّهُ لَا يُحِبُّ الْمُسْرِفِينَ

Ya bani adama khudhu zinatakum ‘inda kulli masjidin wa kulu wash’rabu wa lā tus’rifu, innahu la yuhibbul-mus’rifin.

Ey Odam bolalari! Har bir masjid oldida bezaklaringizni kiying va yeb-iching, lekin isrof qilmang! Chunki U (Alloh) isrof qiluvchilarni sevmaydi.

"Daryoning bo‘yida bo‘lsang ham, tahoratda suvni isrof qilma."
(Ibn Moja, "Tahorat", 48)

Yanayam eslatma kerak boʻlsa Al Jazeeraga kiringiz musulmon birodarlarmizni holini bir koʻringiz va shukurda boʻlingiz!

Ayol ilm olgan sari iymonlashib boraveradi!
Shunchaki fikrlang! Xulosa oʻzingizdan.

Lider va Boshliq, Yohud boshqaruvchi!

Jamiyat tabiiy ravishda turli jamoalarga bo‘linadi va odatda erkaklar yetakchilikka intiladi. Biroq har kim ham haqiqiy lider bo‘la olmaydi, chunki lider va boshliq o‘rtasidagi farqni anglash juda muhimdir.

Ko‘pchilik boshqaruvni faqat buyruq berish deb tushunadi. Aslida esa haqiqiy lider – jamoaning yuragi, yo‘lboshchisi va ilhom manbai bo‘lishi kerak. Lider bo‘lish bu — lavozim emas, mas’uliyatdir!

Lider va Boshliq O‘rtasidagi Asosiy Farqlar
— Boshliq odamlarni bo‘ysundirishga harakat qiladi, lider esa ularni ruhlantiradi.
— Boshliq buyruq beradi, lider esa o‘zi namuna ko‘rsatadi.
— Boshliq qo‘rquv orqali boshqaradi, lider esa ishonch orqali jamoani birlashtiradi.
— Boshliq natijani talab qiladi, lider esa jamoani natijaga yetaklaydi.

Haqiqiy lider bo‘lish uchun quyidagilarni bilaylik har birimiz yanayam Alloh bilguvchidir

Ishonch – Lider jamoasi bilan ochiq va samimiy bo‘lishi lozim. Agar odamlar sizga ishonmasa, ortingizdan ergashmaydi.

Hurmat – Haqiqiy lider hurmatni buyruqlar bilan emas, o‘zining munosabati, bilimdonligi va odilligi bilan qozonadi.

Ruhlantirish – Jamoani oldinga siljitish uchun lider ularni doimo qo‘llab-quvvatlashi va yangi marralarga ilhomlantirishi kerak.

O‘z ustida ishlash – Lider doim rivojlanib borishi, bilimini oshirishi va jamoasiga o‘rnak bo‘lishi shart.

Agar biz odamlar bilan samimiy aloqa o‘rnatolmasak, ishonchni qozona olmasangiz va ularning kamchiliklarini ularga qarshi ishlatsak– biz lider emasmiz!

Haqiqiy lider – do‘st, hamkasb va yo‘lboshchi!

Shunchaki boshliq bo‘lish oson, ammo haqiqiy lider bo‘lish katta mehnat talab qiladi.
Lider bo‘ling, boshliq emas!

RAMAZON KELMOQDA...

Ramazon—bu faqatgina bir oy davomida ibodat va yaxshi amallarni qilish emas, balki butun yil davomida amal qilish lozim bo‘lgan ezguliklar bilan yanada mustahkam bog‘lanish imkoniyati deya qarayma. Biroq, har yili Ramazon arafasida turli noto‘g‘ri tushunchalar va o‘rinsiz harakatlar kuzatiladi. Shu sababli quyidagilarga e’tibor qaratish muhim deya yozdim

— Garchand oʻzim eshitsam ham Xonandalar va Ramazon qo‘shiqlari aytilishi
Yil davomida turli yengil-yelpi qo‘shiqlar aytib yurgan xonandalar Ramazon haqida qo‘shiq aytishdan tiyilganlari ma’qul.
Chunki Ramazon musiqiy bayram emas, balki xatolarni to‘g‘rilash, qalbni poklash va ibodatni mukammal bajarishga harakat qilish vaqti.

— Ramazon kelayotgani haqida aytib "savob" topish yoki aksincha "Ramazon yaqin kechiring" deyishliklar.
Ba’zi kishilar Ramazonning yaqinlashayotganini e’lon qilish "savob" bo‘lishi mumkin degan noto‘g‘ri tushunchalarni tarqatishadi. Albatta, odamlarni xayrli ishlarga chaqirish yaxshi, lekin bunday narsalarni sun’iy ma’nolar bilan yuklash noto‘g‘ri. Ramazon — Allohning buyrug‘i bilan keladigan barakali oy, uni e’lon qilishning o‘zi biror ortiqcha savob olib kelmaydi.

— Taroveh va ro‘zaning fazilatlarini aytayotganda ehtiyot bo‘lish
Ba’zan taroveh namozi yoki ro‘za fazilatlari haqida gapirilganda, aniq manbaga asoslanmagan, to‘qima gaplar tarqatiladi. Har qanday fazilat yoki hadis aytilganda, uning ishonchli manbalardan olinganligiga e’tibor berish lozim. Yo‘q narsani bor deb da’vo qilish, odamlarni noto‘g‘ri yo‘nalishga boshlashi mumkin.
Yohud yanayam oz boʻlsada ilmi boʻlmasa ham oʻzidan oltinoy yasab olish.

— Ro‘za tutishning mohiyatini tushunish
Ko‘pchilik ro‘za faqat tushlikdan voz kechish deb o‘ylaydi yoki boshqalarga dalda berish uchun: "Ko‘rasan, faqat tushlik qilmay qo‘ysang bo‘ldi", — kabi gaplarni ishlatishadi. Aslida esa, ro‘za nafaqat ochlik va chanqoqni his qilish, balki sabr, taqvo va odobni rivojlantirishdir. Ro‘zaning mukofoti haqida gapirish, odamlarni shu jihat bilan ruhlantirish yaxshiroqdir.

Ramazon—o‘zimizni o‘zgartirish, ruhiy poklanish va gunohlardan poklanish uchun berilgan imkoniyatdir. Uni xurofot va noto‘g‘ri tushunchalar bilan emas, balki to‘g‘ri ilm va aniq ma’lumotlar bilan qarshi olishimiz kerak. Keling, bu oyda har qanday yolg‘on, to‘qima gaplar va sun’iy "motivatsiya" lardan qochib, haqiqiy ma’rifatga intilaylik!

Alloh barchamizni ilmimizni va fahmimzni ziyoda qilsin!

If a dog chews shoes, whose shoes does he choose?

Or

Peter Piper picked a peck of pickled peppers a peck of pickled peppers Peter Piper picked if Peter Piper picked a peck of pickled peppers where's the peck of pickled peppers Peter Piper picked?

Or

I've got a date at a quarter to eight;
I'll see you at the gate, so don't be late.

Shu tez aytishlarni kim mendan koʻproq ayta oladi?

Bir aytib koʻring, qanday boʻlar ekan)

https://t.me/QuestionUZ_Robot?start=e316bf1836ea4f

Ha ha uyalasiz bilaman ammo harakat qilib koʻringchi.

"Muqaddima" asariga taqriz

Ibn Xaldun jahon tamadduni tarixida betakror iz qoldirgan buyuk mutafakkir, tarixchi va sotsiolog sifatida tanilgan. Uning "Muqaddima" asari ilmiy tafakkur taraqqiyotida tub burilish yasagan fundamental tadqiqot bo‘lib, tarix, sotsiologiya, iqtisodiyot, davlat boshqaruvi va madaniyatshunoslik sohalarini o‘z ichiga olgan nodir asardir. Ushbu kitob nafaqat o‘z davrida, balki hozirgi zamonda ham o‘zining ahamiyatini yo‘qotmagan va ko‘plab olimlar tomonidan ilmiy manba sifatida e’tirof etilgan.

Asarning mohiyati va ilmiy yondashuvini biroz tushunishim qiyin boʻldi balki men tarixshunos yoki filologiyadan ilmim kamligi sabablidir ammo tushunganimni yozdim, aybga buyurmang!

"Muqaddima" asari Ibn Xaldunning mashhur "Kitob al-‘Ibar" (Tarix kitobi) asarining kirish qismi sifatida yozilgan bo‘lsa-da, undagi ilmiy qarashlar alohida mustaqil asar sifatida qabul qilinadi. Ibn Xaldun tarixni oddiy voqealar zanjiri emas, balki ijtimoiy, iqtisodiy va siyosiy qonuniyatlar asosida shakllanuvchi jarayon sifatida ko‘rib chiqadi.

U o‘z tadqiqotida quyidagi asosiy g‘oyalarga e’tibor qaratadi
— Tarixiy voqealar sabab va natijalarining ilmiy tahlili – Ibn Xaldun tarixiy hodisalarning tasodifiy emas, balki aniq sabab va oqibatlarga asoslangan holda yuzaga kelishini ta’kidlaydi. U tarixni tushuntirishda sababiy bog‘liqlik va ijtimoiy dinamikani asosiy tamoyil sifatida qo‘llaydi.
— Sivilizatsiya rivojlanishi va inqirozi – Ibn Xaldunning eng mashhur nazariyalaridan biri bu sivilizatsiyalarning paydo bo‘lishi, rivojlanishi va yemirilishiga doir tushunchalaridir. U jamiyatlarni qishloq xo‘jaligi bilan shug‘ullanuvchi ko‘chmanchi qabilalardan boshlab, markazlashgan davlatlarga qadar bosqichma-bosqich rivojlanishini tahlil qiladi. Har bir sivilizatsiya tabiiy ravishda gullab-yashnash, barqarorlik va inqiroz bosqichlaridan o‘tishini ta’kidlaydi.
— Umronshunoslik – sotsiologiya asoschisi sifatida – Ibn Xaldun "ilm al-umron" (umronshunoslik) tushunchasini joriy etgan bo‘lib, bu zamonaviy sotsiologiyaning ilk tamoyillari sifatida e’tirof etiladi. U jamiyatlarning ijtimoiy tuzilmasi, iqtisodiy faoliyati, demografik o‘zgarishlari va siyosiy tizimlari haqida chuqur tahlil olib borgan.
— Iqtisodiy qarashlari – Ibn Xaldun iqtisodiy jarayonlarni chuqur o‘rgangan va mehnat taqsimoti, soliqlar, bozordagi talab va taklifning jamiyat rivojlanishiga ta’siri kabi masalalarni ilgari surgan. Ayniqsa, soliq stavkalarining oshishi davlat daromadlarini kamaytirishi mumkinligi haqidagi g‘oyasi keyinchalik iqtisodiyot fanida "Laffer egri chizig‘i" deb nom olgan.
— Davlat va hokimiyat nazariyasi – Ibn Xaldun davlatni inson jamiyatining tabiiy ehtiyoji sifatida ko‘radi. U barqaror davlat qurish uchun siyosiy rahbarlarning axloqiy jihatdan mukammal bo‘lishi va adolat tamoyillariga asoslanishi lozimligini ta’kidlaydi.
Asarning bugungi ahamiyatini shunday tushundim

"Muqaddima" asari nafaqat tarixiy ilmiy asar, balki zamonaviy fanlar uchun ham bebaho manba hisoblanadi. U sotsiologiya, iqtisodiyot va siyosatshunoslik kabi sohalarda hamon dolzarb bo‘lib qolmoqda.

Shuningdek, bugungi jamiyatda hukumatlarning barqarorligi, iqtisodiy islohotlar, globalizatsiya jarayonlari va madaniy ta’sirlar kabi masalalarni tushunishda Ibn Xaldunning qarashlari nihoyatda foydalidir ekan. U insoniyat tarixini takrorlanuvchi davriy jarayon sifatida ko‘rib chiqib, har bir sivilizatsiya uchun saboq chiqarish zarurligini uqtiradi.

Xullas "Muqaddima"ni faqat tarixiy asar sifatida emas, balki kelajakni tushunish uchun ham bebaho manba sifatida o‘qishmiz lozim deb oʻylayman.

Va bu asarni menga hadya sifatida yuborgan insonga katta rahmat aytgan holda,(Alloh ilmni ziyoda qilsin) men ham bu hadyani kimgadir berishni hohladim)!

Oʻqimasangiz ham boʻladi!

Bugun meni yuragimni larzaga solgan bir voqeani sizlar bilan bo‘lishmoqchiman.

Yaqin dugonam qariyb bir yarim yildan beri farzand kutmoqda.

So‘nggi paytlarda esa tajribali bir shifokor nazorati ostida davolanmoqda. Shifokor unga maslahat yohud va topshiriq bergan:

"Har kuni shukrona ayt, nafaqat tiling bilan, balki qog‘ozga yozib, o‘qib bor."

Bugun tasodifan dugonamning shukronalar daftarini qo‘limga olib qoldim.

Ko‘z yugurtirar ekanman, qalbimni iliqlik va hayajon qoplaganini his qildim.

Esimda qolgan satrlarini sizlar bilan bo‘lishmoqchiman:
— Meni ayol qilib yaratganing uchun shukronalar aytaman.
— Meni shu mehribon ota-onaning farzandi qilib yaratganing uchun shukronalar aytaman.
— Meni hayot yo‘limni shu inson bilan bog‘laganing uchun shukronalar aytaman.
— Robbim, men barchani kechirdim, sen ham meni kechir.
— Men yaqinda ona bo‘laman.
— Meni mitti farishtam bo‘ladi.
— Meni qizim bo‘ladi.
— Meni o‘g‘lim bo‘ladi.
— Oktyabr oyida farzandim bilan yorug‘ dunyoda diydorlashaman.
Bu satrlarni o‘qir ekanman, beixtiyor ko‘zlarim yoshga to‘ldi va koʻz yoshlarimni yashirishga urindim, Chunki dugonam yurakdan ishonadi: orzu qilgan narsa albatta ro‘yobga chiqadi.

Eng hayratlanarlisi, u shukronalar qatorida mening nomimni ham tilga olibdi. Hozirda til o‘rganishga zo‘r berayotganimni bilib, duolarida menga ham o‘rin ajratgan ekan.
Bu men uchun katta baxt.

Shu voqea menga Paulo Koeloning "Alkimyogar" asaridagi bir iqtibosni yana bir bor eslatdi:
"Agar inson bir narsani chin dildan xohlasa, butun olam uni amalga oshirishga yordam beradi."

Alloh dugonalarimni solih farzand ne’mati bilan siylasin. Orzularimiz ro‘yobga chiqadigan kunlarga yetkazsin!

Alloh goʻzal orzularga ergashganlarni yorqin tole bilan siylaydi!

Bugundan men ham yozishni hohladim)
Alhamdulillah!

Men haqimda. Insonlar haqida

Sening oldingda boshqani aybini aytyapmanmi, boshqani oldida sening ham aybingni aytaman.

Sening foydang uchun boshqaga adolatsizlik qilyapmanmi, qachondir boshqani foydasiga senga ham adolatsizlik qilaman.

Sening guvohligingda boshqani uzrsiz aldayapmanmi, senga ham qachondir yolg’onlar gapiraman.

Menga ishonilgan sirlarni “yaqinimsanku” deb senga aytyapmanmi. Sirlaringni menga ishonma. Senikini ham saqlay olmayman.

Hech kimni eshitmasdan ko’p biladigandek gapiryapmanmi, o’sha mavzudagi bilimimga shubhalan. Ko’p bilganim meni ko’p gapdan tiyar edi.

Mening asl xulqimni jahlim chiqqanida ko’rasan. O’sha haqiqiy men. Boshqa paytdagisi emas. Qiyin paytda asl yuzlar ochiladi.

So’ramasang ham yutuqlarimni gapiryapmanmi, demak yutuqlarim juda kam.

Har xil turdagi insonlarga qilayotgan muomilamga qara. Kuchliga, kuchsizga, kattaga va kichikka. Mansabdorga va mansabsizga.

Darajaga qarab muomila qilayotgan bo’lsam munosabatlarda samimiyligim yo’q. Maqsad faqat shaxsiy manfaatlarim bo’lishi mumkin.

Xatolarimni ko’rsang o’zimga ayt. Qabul qilsam yaxshilanish niyatidaman. Eshitishni xohlamasam atrofimdan uzoqroq yur.

Sababi hali o’zgarish niyyatida bo’lmagan johil odam bo’laman. Senga ham illatlarim yuqishi mumkin.

©Javokhir Toshpolatov