Жиззахда “Президент арчаси” байрами ўтказилди

Жиззах вилояти Мусиқали драма театрида “Президент арчаси” байрами тантанали тарзда ўтказилди.

Тадбирда Жиззах вилояти ҳокими вазифасини бажарувчи Улуғбек Мустафоев иштирок этиб, барча болажонларни янги йил байрами билан самимий муборакбод этди.

Давлатимиз раҳбарининг қўллаб-қувватлаши остида олиб борилаётган ижтимоий ислоҳотлар, айниқса, болаларни ҳар томонлама қўллаб-қувватлашга қаратилган кенг қамровли дастурлар амалга оширилмоқда.

Аслида инсон қандай ёшда бўлмасин, қалбида болалик яшайди. Тинч ва осуда юртга байрамлар ярашади. Шоду хуррамлик эса болажонларимиз билан янада файзли ва шукуҳли бўлади.

Бу йил, мана шундай файзли кунда вилоятимизнинг 365 нафар болажонларига Президентимизнинг махсус совғалари келтирилди ва вилояти ҳокими вазифасини бажарувчи Улуғбек Мустафаев ҳамда масъуллар томонидан тантанали тарзда топширилди.

Шу билан билан бирга 2 минг нафардан ортиқ махсус мактаб интернати ўқувчилари, шифохоналарда даволанаётган болаларга ҳам совғалар етказиб берилди.

Вилоят Мусиқали драма театрида ташкил этилган байрамона дастурлар болажонларга қўвонч улашди.

🇺🇿Kanalga ulanish:
@akmalbinokulov