#Yubeley_she'r
OTA
Kurashib yashading men uchun, Ota,
Tirashib yashading men uchun, Ota,
Nasiyaga olib kimdandir baxtni
Ulashib yashading men uchun, Ota.
Hayot tamg'asini yelkangga bosmish,
Turmush azoblarin yelkangga osmish.
O'zni urding farzand ertasi deya,
Qishloqda qotmasin ensasi deya,
Sandalda cho'g' bo'ldi tortgan azobing,
Umid qurdi qushdek qalbingda uya.
Sindi qotgan nondan og'zingdagi tish,
Belingni-da bukdi adolatsiz qish.
Kovushing yirtilgan, choponing yamoq,
Belqarsing rangpardir, qo'lingda tayoq.
Dalada o'tlaydi orzu-umidlar,
O'ylading kelishin kunduzlar porloq.
Sabr suvlaridan umid urdi nish,
Bolam deya qilding har qanday yumush.
Eslayman yo'qchilik damlarni bot-bot,
Ko'z oldimdan o'tar beshafqat hayot.
Maktabga yuborib yangi kiyimda,
Sen choy ichar eding solmasdan novvot.
Quvvating borini yo'qchilik olmish,
Yillar iztirobi yuzingda qolmish.
Mana yoshim yetib men ham tushundim,
Turmushning baland past yo'llarin ko'rdim.
Sen toshga qoqilib bola boqqanding,
Matonating ko'rib o'rnimdan turdim.
Oldingdagi aybim mumkinmi yuvish,
Deysan: Faxr etgum qilsang ezgu ish.
Anvar ESHNAZAR. 02.01.2022
https://t.me/AnvarEshnazarov
OTA
Kurashib yashading men uchun, Ota,
Tirashib yashading men uchun, Ota,
Nasiyaga olib kimdandir baxtni
Ulashib yashading men uchun, Ota.
Hayot tamg'asini yelkangga bosmish,
Turmush azoblarin yelkangga osmish.
O'zni urding farzand ertasi deya,
Qishloqda qotmasin ensasi deya,
Sandalda cho'g' bo'ldi tortgan azobing,
Umid qurdi qushdek qalbingda uya.
Sindi qotgan nondan og'zingdagi tish,
Belingni-da bukdi adolatsiz qish.
Kovushing yirtilgan, choponing yamoq,
Belqarsing rangpardir, qo'lingda tayoq.
Dalada o'tlaydi orzu-umidlar,
O'ylading kelishin kunduzlar porloq.
Sabr suvlaridan umid urdi nish,
Bolam deya qilding har qanday yumush.
Eslayman yo'qchilik damlarni bot-bot,
Ko'z oldimdan o'tar beshafqat hayot.
Maktabga yuborib yangi kiyimda,
Sen choy ichar eding solmasdan novvot.
Quvvating borini yo'qchilik olmish,
Yillar iztirobi yuzingda qolmish.
Mana yoshim yetib men ham tushundim,
Turmushning baland past yo'llarin ko'rdim.
Sen toshga qoqilib bola boqqanding,
Matonating ko'rib o'rnimdan turdim.
Oldingdagi aybim mumkinmi yuvish,
Deysan: Faxr etgum qilsang ezgu ish.
Anvar ESHNAZAR. 02.01.2022
https://t.me/AnvarEshnazarov