ANVAR ESHNAZAR

@AnvarEshnazarov

Channel's geo and language: Uzbekistan, Uzbek

Category: Telegram

Dedim: Haqiqatni aylagil bayon,
Dedi: Yaratgandan o'zgasi yolg'on!
@Anvar_Eshnazar_bot

Related channels | Similar channels

Channel's geo and language

Uzbekistan, Uzbek

ANVAR ESHNAZAR

25 Jan, 22:49

Sizda arkon, bizda armon, yana neni istaysiz?
Biz yutib qon, siz shilib jon, yana neni istaysiz?
Qo‘lingizda qamchilar qamchilaysiz, "Qam"chilar,
O‘zingizga cho‘x olib, bizni cho‘g‘ga qistaysiz.

Oshimizni yedirdik, boshimiz qolsin endi,
Ulug‘larimiz ketdi, yoshimiz qolsin endi.
Og‘izdan qon kelmasa, o‘tmaydimi hisobga,
Ko‘ksimizda hech yo‘qsa toshimiz qolsin endi.

Sizlar yaxshi olamda, asli ayb bizdan o‘tdi,
Johilda gunoh bo‘lmas, bari ojizdan o‘tdi.
Bir bor kelib dunyoga bir bora ketar mardlar,
Baʼzi joni fidolar yoshlari yuzdan o‘tdi.

Telbalarga tegmang, yo‘q, telbalarda mansab yo‘q,
O‘yin bilan ovvora, tomoshadan asab yo‘q.
Ularda yo‘o‘o‘q axir g‘am, qo‘rqmang ziyon bermaydi,
Qorin-qursoqdan bo‘lak, tafakkurda matlab yo‘q.

Anvar ESHNAZAR. 26_01_2025

https://t.me/AnvarEshnazarov

ANVAR ESHNAZAR

Dedim: Haqiqatni aylagil bayon, Dedi: Yaratgandan o'zgasi yolg'on! @Anvar_Eshnazar_bot

👍 3

👏

✅

Открыть комментарии

✅ Telegram

✅ You Tube

34 0 0

ANVAR ESHNAZAR

25 Jan, 10:00

#Yubeliy_sheʼr

Menga mushkul emas Gobini kezish,
Vahima uyg‘otmas Everest oshmoq.
Qo'limdan kelmadi faqat bitta ish -
O'rnata olmadim ko'nglingda bayroq.

Ashklarim boshladi Pashkol mavsumin,
Ohimdan tarqaldi Londonda tuman.
Dardlarimdan kamdir Saxara qumi,
Armon ekvatordek yuzimdan o'tgan.

Yapon sunamisi dilim toshqini,
Qonimdek ko'pirar Chilida vulqon.
Mening tabassumim - Shimol yolqini,
Sening inkoringdan yo'qolar shu on.

Hayotim o'tmoqda tundra kabi tund,
Yurak lovullaydi Habashistondek.
Oh ursam ko‘payar Junglidagi dud,
Sevgim daryosida ahding to'g'ondek.

Nahotki Arktika kabi qahraton,
Qalb deya atalmish ichki olaming?!
Men Quyosh, sen Oysan yetmog'im gumon,
Qalinmi ko'nglingda azon qatlaming?

Taqdir birlashtirar kelganda to'g'ri,
Yigit-qiz yulduzi yulduzlariga.
Bizning sayyorlar to'qnashsa hamki,
Tetanigim tegar g'am muzlariga.

Ichimda toshadi Atlantikalar,
Sen shod kuzatasan Tinch okeandek.
Gaiti singari jonim silkinar,
Hayotimga qo'yma Bermudingda chek!

Anvar ESHNAZAR. 25.01.2022

https://t.me/AnvarEshnazarov

ANVAR ESHNAZAR

Dedim: Haqiqatni aylagil bayon, Dedi: Yaratgandan o'zgasi yolg'on! @Anvar_Eshnazar_bot

👍

👏 1

✅ 1

Открыть комментарии

✅ Telegram

✅ You Tube

57 0 0 3

ANVAR ESHNAZAR

24 Jan, 18:35

Bugun erksevar, haqparast, xalqparvar shoir-Najmiddin Ermatov tug‘ilgan kun! Eh nega shuni men yozmadim deydigan sheʼrlar bo‘ladi-ku, Najmiddin og‘a ana shunday sheʼrlar muallifi. Bugungi o‘zbek adabiyotidagi kam sonli jasorat sohiblaridan biri.

Тил бу танглайингдан чиққан ортиғинг,
Тумшуғинг тилингни тийиш-чун бешак.
Юрагинг қўрқувни ҳис этмоқ учун,
Қанотинг шунчаки ҳуснингга безак.

Сайрамоқ? Нима у? Телбалар йўли,
Англамоқ - ахлоққа тескари ғоят.
Осмон бу қонунга зид бўлган маскан,
Учишга уриниш оғир жиноят.

Тухумдан чиққандан шундай дедилар:
Қафасдан ташқари - жиноят буткул.
Фақат ичкарини ҳақ йўл деб билди,
Энди ҳеч жиноят қилмайди булбул.

https://t.me/Najmiddin_Ermatov
https://t.me/AnvarEshnazarov

🥳

🥳 – 1

🥳

Открыть комментарии

✅ Telegram

✅ You Tube

1.6k 1 15 4

ANVAR ESHNAZAR

24 Jan, 13:40

Forward from: “Yoshlik” jurnali

#olis_yaqin_ovozlar

* * *
Tushlarimga kirasan yana,
Qiqirlaysan baxtdan shodumon.
Deyman: soching to‘zg‘ibdi, qara,
Mo‘ralaysan barmog‘im tomon.

Odimlaysan mendan nariga
Va ortingga boqasan kulib.
Dugonangning ko‘ylaklariga
Jahling chiqar boqqanim ko‘rib.

Ovozingda sehrli ohang,
Nigohingda ilohiy sevgi.
Baxt ovozi etadi jarang,
Visolingdan ko‘rinsa belgi.

Ko‘z uzmasman oftob chehrangdan,
Vujudingda bahoriy ifor.
Qani kelsa tushlarim o‘ngdan,
Sohib chiqsam vaslingga, Dildor.

Anvar ESHNAZAROV,
Qashqadaryo viloyati

“Yoshlik” / 2023 / 7

@yoshlikjurnali
yoshlikjurnali.uz

82 0 1 5

ANVAR ESHNAZAR

23 Jan, 14:00

Baʼzida oshkora jim turdim,
Baʼzida hayqirdim pinhona.
Baʼzida orqaga yugurdim,
Tosh qotdim istiqbol tomona.

Goh rostlik to‘nida ko‘rindim,
Goh taqdim qahramon niqobin.
Ne qilsam qorin deb urindim,
Sipqordim riyoning sharobin.

Chapaklar chaldim men ro‘yoga,
Musht tugdim haqiqat ko‘rinsa.
Zid borib farmoni Xudoga
Uyatdir jannatdan joy so‘rsam.

Men kimman qoni yo‘q kapalak,
Tishlari to‘kilgan bo‘riman.
Tor bo‘lsin jurʼatga bu yurak
Tik boqay zamonning zo‘riga!

Anvar ESHNAZAR. 23_01_2025

https://t.me/AnvarEshnazarov

ANVAR ESHNAZAR

Dedim: Haqiqatni aylagil bayon, Dedi: Yaratgandan o'zgasi yolg'on! @Anvar_Eshnazar_bot

👍 2

👏 1

✅

Открыть комментарии

✅ Telegram

✅ You Tube

101 0 0 4

ANVAR ESHNAZAR

22 Jan, 16:12

Atoqli shoira Farida Afro‘z bilan.

👍 2

👏 4

✅ 1

Открыть комментарии

✅ Telegram

✅ You Tube

130 0 3 3

ANVAR ESHNAZAR

22 Jan, 15:56

Adabiyotshunos olim Nurboy Jabborov bilan.

👍 1

👏 4

✅ 2

Открыть комментарии

✅ Telegram

✅ You Tube

144 0 4 1

ANVAR ESHNAZAR

19 Jan, 10:00

#Yubeliy_sheʼr

Tosh tegib sinadi ayt oyna nechun?
So'radi mavlono tolibdan bir kun.

Shogird der: Ustozim, tosh qattiq bo'lar,
Yoki shisha nafis, shundan chil sinar.

Balki sinib ketar zarbla otilsa,
Talaba so'zladi neniki bilsa.

-Gapingda ma'ni bor, lek sabab boshqa,
Ochiq oyna sinmas otilgan toshga.

Oynadan ko'ngilga ishora bordir
Qalbingni ochiq tut Yaratgan yordir.

Anvar Eshnazarov. 19.01.2022

https://t.me/AnvarEshnazarov

ANVAR ESHNAZAR

Dedim: Haqiqatni aylagil bayon, Dedi: Yaratgandan o'zgasi yolg'on! @Anvar_Eshnazar_bot

👍 1

👏 1

✅

Открыть комментарии

✅ Telegram

✅ You Tube

443 0 1 2

ANVAR ESHNAZAR

19 Jan, 07:55

#Yubeliy_sheʼr

Yoshligida kimlar sarson,
Kimlar davron surgan, bolam?
Sen ro'shnolik ko'rding qachon,
Musofirda yurgan bolam?

O'n yettiga yetib yetmay,
Ovozingdan sho'xlik ketmay,
Taqdirning hukmiga shay
Otlanib turgan bolam,
Musofirda yurgan bolam.

Yo'qchilikka yo'q deyolgan,
Suv simirib, tosh yeyolgan,
Mehnatdan yuzi bo'yalgan
Ming bir sinov ko'rgan bolam,
Musofirda yurgan bolam.

Otam deding, onam deding,
Neki topsam baham deding,
Singlim o'qi bu dam deding,
Akaga uy qurgan bolam,
Musofirda yurgan bolam.

U yoqlarda azaliy qish,
Sinib ketar sovuqdan tish.
Paymonang qanday idish,
Ko'cha supurgan bolam,
Musofirda yurgan bolam?

Safar oldi yillaringni,
Dardga qordi bellaringni,
O'pay qadoq qo'llaringni
Yoshin yashirgan bolam,
Musofirda yurgan bolam.

Banda tilar doim qutni,
Harakatdan yig'ar budni,
Ba'zilar bor talab yurtni,
Xorijlarga surgan, bolam,
Musofirda yurgan bolam.

Qahramonsan asli o'zing,
Jahongirlar nasli o'zing,
Bormi tanlagan qizing,
Sevib ulgurmagan bolam,
Musofirda yurgan bolam.

Men bir zaif otang, kechir,
Kelib diydor suvin ichir,
Eshik nogoh qilsa g'ichir
Onang-chi yugurgan bolam,
Musofirda yurgan bolam.

Yoring yetdi bo'yga, bolam,
Sog'-omon qayt uyga, bolam,
Haq yetkazsin to'yga, bolam,
Ekkan doim o'rgan, bolam,
Musofirda yurgan bolam,
Musofirda yurgan bolam.

Anvar Eshnazarov. 17.01.2023

https://t.me/AnvarEshnazarov

ANVAR ESHNAZAR

Dedim: Haqiqatni aylagil bayon, Dedi: Yaratgandan o'zgasi yolg'on! @Anvar_Eshnazar_bot

👍

👏

✅ 1

Открыть комментарии

✅ Telegram

✅ You Tube

141 0 1 2

ANVAR ESHNAZAR

17 Jan, 10:35

Ijodkor odamdan hamisha mana shunday yaratuvchanlik, ezguliklar chiqadi.

90 0 0 9

ANVAR ESHNAZAR

17 Jan, 10:35

84 0 0

ANVAR ESHNAZAR

16 Jan, 18:52

👆👆👆

Oyina.uz da navbatdagi maqolamiz eʼlon qilinibdi.

98 0 0 4

ANVAR ESHNAZAR

16 Jan, 18:51

Forward from: OYINA.UZ

Konstitutsiya konspektdan paydo bo‘lgan – atamalar etimologiyasi

Konservator so‘zi izohli lug‘atlarda yozilishicha “qotib qolgan qarashlar tarafdori, taraqqiyot va oʻzgarishlarga qarshi” ma’nolarini bildiradi.

Batafsil: https://oyina.uz/uz/article/3398

Rasmiy sahifalarimiz👇

Telegram | Instagram | X | YouTube

97 0 1 3

ANVAR ESHNAZAR

16 Jan, 13:48

Tasavvufga oid "Valiylar sardori - Hasan Basriy" filmini ham ko‘rib bo‘ldik.

👍 2

👏 2

✅

Открыть комментарии

✅ Telegram

✅ You Tube

102 0 0

ANVAR ESHNAZAR

16 Jan, 12:12

Hasaddir kishining qalbidagi zang,
Hasaddir yoqqanni yoquvchi olov.
Bu daraxt mevasin yegan holi tang,
Bu gulni hidlagan zavqlanmas birrov.

Hasadgo‘y go‘yoki el ichra mazlum,
Hasadgo‘y, aslida, zolimi jahon.
Erib bitganidek dengizdagi qum,
Savob yig‘olmagay havassiz inson.

Anvar ESHNAZAR. 16_01_2024

👍

👏 1

✅ 1

✅ Telegram

✅ You Tube

104 0 0 1

ANVAR ESHNAZAR

15 Jan, 15:46

Ochiq oynalarga otilmaydi tosh,
Yuragi kenglarga kengayar dunyo.
Ruhingni nurlarga aylasang yo‘ldosh,
Ko‘ksingga jo bo‘lar cheki yo‘q fazo.

Oyoqdan tortmasin jaholat zinhor,
Kibr yo‘llaringda tuzmasin halqa.
Har bitta yurakda ishq bor, Xudo bor,
Xalqdan yuz o‘girsang, yetmassan Haqqa!

Anvar ESHNAZAR. 15_01_2025

👍 5

👏

❤️ 2

Открыть комментарии

✅ Telegram

✅ You Tube