* * *

Бахтли қилолмасман сени ҳеч қачон,
Синграниб суягим сирқирар сим-сим.
Дур янглиғ ўзини қилмас намоён,
Сирларинг садафда очилмас тилсим.

Бахтли қилолмасман сени ҳеч қачон,
Ойдинда сочингни майда ўрмоқни
Истаган оймомо гувоҳдир, инон,
Истайман мен сени бахтли кўрмоқни.

Бахтли қилолмасман сени ҳеч қачон,
Билмам, на қолишни ва на ўлишни.
Оёғинг остида типирчилар жон,
Ўзинг истамайсан бахтли бўлишни!

Бахтли қилолмасман сени ҳеч қачон...

11.08.2020