Кеча кечаси TVда бевосита эфирда халқ артисти Юлдуз Усмонова Ўзбекистонга олиб келинган фаластинлик болаларга иккита новостройка квартира совға қилганини эълон қилди.

Унинг ортидан шу новостройкани қурган фирманинг вакили ҳам фаластинликларга қўшимча яна иккита квартира фирманинг номидан совға қилингани айтилди.

Усмонованинг айтишича, жабрдийдаларга ёрдам қўлини чўзиш учун шаффоф ҳисоб рақами ҳам очилган бўлиб истовчилар шу рақамга мадад пулларини ўтказишлари мумкин экан.

Бир тарафдан Усмоновага қойил қолиш керак, эҳсон учун иккита квартира бу жуда катта гап.

Иккинчи тарафдан, ҳуқуқшунослигимга бориб бу квартираларнинг фаластинликларнинг номига қандай қилиб расмийлаштирилиши мени ўйлантириб қўйди.

Адашмасам, қонунчилигимизда чет элликларга тўғридан-тўғри уй-жойларни ҳадя қилиш механизми йўқ. Фақатгина алоҳида ҳолларни, масалан, Президентнинг тегишли ҳужжати билан россиялик хоккейчиларга ёки қирғизистонлик бахшига квартиралар совға қилинганини ҳисобга олмасак, албатта.

Яъни, Усмонованинг ёки фирманинг номида бўлган квартира чет элликларнинг номига қандай расмийлаштирилади, шу масала ҳам менга қизиқ...

Лекин нима бўлганда ҳам, жуда ажойиб иш бўлибди.

Оқибатли тонг, Азизлар!

@AdolatFarzandi