Украинадаги урушнинг давом этишидан энг биринчи манфаатдор ким? Ким урушнинг давом этишини истайди? Зеленский!
Ҳа, айнан шундай. Ўз ватанидаги урушдан унинг президенти манфаатдор. Зеленский ким ўзи? Президент. Лекин у аслида унинг расман ваколат муддати тугаб бўлган президент. Зеленскийнинг ваколат муддати ўтган йилиёқ якунига етиб бўлган ва у уруш вақтида янги сайлов ўтказмасликка қарор қабул қилган эди. Лекин унинг бу қарорининг ҳеч қандай қонуний асоси йўқ бўлиб, президентлик муддатини бундай тартибда узайтириш ҳеч қайси Украина қонунида назарда тутилмаган. Шунинг учун ҳам Путин уни нолегетим президент деб атайди.
Майли бу бошқа масала. Ҳозир Зеленский Европа мамлакатлари ичида энг эътибор қаратилган раҳбарлардан бири. Ҳали ҳеч қайси Украина президенти Зеленскийчалик бундай иззат-икромга сазовор бўлмаган. Қаерга бормасин, у давраларнинг тўрида. Агар 10 та Европа раҳбари тўпланиб қолса улардан биронтасига сўз берилмаслиги мумкин, лекин Зеленский албатта нутқ сўзлайди.
Зеленский АҚШга энг кўп ташриф буюрадиган европалик раҳбардир. Ва у расмий кийимда ҳам юриши шарт эмас, енгил-елпи ҳарбийча кийиниб эмин-эркин бориб келаверади. Истаса соқол қўяди, истамаса - йўқ. Хоҳласа сочини тарайди, хоҳламаса - йўқ. Унинг ватанида уруш кетяпти, ахир.
Унга ҳамма саройларнинг эшиги очиқ. У ўзини бечоралардек қилиб кўрсатиб исталган даврага суқилиб кираверади. АҚШ президентининг Оқ Уйи эшиклари яқинига унча-мунча давлатнинг президентлари яқинлаша олмаслиги мумкин, лекин Зеленский бир деганда киради. Зеленский келмаган бўлса, унинг хотини ҳам Оқ Уйга бемалол кириб-чиқаверади (Трампнинг инаугурацияси бундан мустасно, албатта).
Қаерга бормасин пул ундириш пайида бўлади. Ва бунга эришади ҳам. Ҳозир Украина Европа ва АҚШнинг миллиардлаб пуллари худди сув қумга сингиб кетадиган Саҳрои Кабирга, тубсиз қудуққа, космосдаги қора туйнукка айланиб қолган. Ҳамма унга пул беради. Ахир бундай иззат-икром, бунинг устига миллиардлаб пул олишлар яна қаерда бор? Агар уруш бўлмаганда мана шуларнинг барчаси Зеленскийга насиб қилармиди? Унга шундай иззат-икром кўрсатилармиди? Мутлақо йўқ. Зеленский ҳозир мазза қилиб яшаяпти, аслини олганда.
Уруш тугаса-чи? Уруш тугаса тамом. Зеленский ҳеч кимга айланади. Абсолютно ҳеч ким! У ҳатто аввалги масҳарабоз-комиклигини ҳам саҳнада ижро эта олмайди.
Биринчидан, уруш тугади дегани бу жуда катта эҳтимол билан Украина мағлуб бўлди, дегани. Мағлубларни эса кечирмайдилар. Уруш тугагач Зеленскийга ўз ватанида хоин сифатида жиноят иши очилиши аниқ! Агар унинг учун шахсан Украинада ўлим жазоси тикланмаса яна...
Иккинчидан, Зеленский дунё бўйлаб қочқинга айланади. У қаёққадир қочиб бориб ўша ердан оилавий паноҳ топиши керак. Қочқин ва ҳеч кимга керак бўлмай қолган подшони ким ҳам қабул қиларди? Унга керакми бундай бошоғриқ? Зеленскийни олқишлаб турган Европа раҳбарлари уруш тугаши биланоқ ундан худди бир пайтлар мана ман деган Саакашвилидан воз кечгандек юз ўгиришлари турган гап.
Шунинг учун ҳам Зеленскийга Украинадаги айнан ҳозирги вазият ўта қулай. У минг чираниб бўлса ҳам урушни шу таҳлит чўзишга интилаверади. Украинадаги ҳозирги ҳолат Зеленский учун «ишкалад».
Урушни чўзишнинг Зеленский учун яна катта фойдаси бор. Бу - пул. Зеленскийнинг даромади уруш бошлангандан бери астрономик тарзда кўпайиб кетди. У ҳозир том маънода миллиардерга айланган. Украинага ёрдам тариқасида ажратилаётган миллиардлаб доллардан томиб-томиб уни олигархга айлантирди.
Ўтган йили Франциянинг Бугатти-вейрон бренди ўзининг оламшумул автомобил маркасини тақдим этди. Ўша марканинг илк буюртмасини ким берган деб ўйлайсиз? Зеленскийнинг хотини. Шу йил қишда унинг Швейцариядаги бир кунлик нархи 36 минг доллар бўлган тоғ меҳмонхонасида бошқа шахснинг номига берилган паспорт билан бир неча кун дам олиб кетгани интернетга сиздирилди.
Зеленскийлар оиласи ўтган йили ноябр ойида Кариб денгизидаги «миллиардерлар ороли» деб ном олган Сен-Бертелемидан нақ 17 млн долларга вилла сотиб олгани
маълум бўлди. Зеленский ҳозир бор топганини Англияга ташимоқда. Уруш тугаса у шу ердан паноҳ топади, деган маълумотлар бор.
Хуллас, шунақа гаплар.@AdolatFarzandi
