🚘 Oilada muhabbat…

Ayolning muhabbat va sadoqati erining puli yo’q va ahvoli tang vaqtida, erkakning mehr muhabbati, ayoli uning yumushlariga yaramay, o’ralashgan vaqtida namoyon bo’ladi.
Nikoh ko’rinishlar, ayni holatlar ustiga emas, aksincha, Alloh rizoligi, Rosululloh 📿 sunnatlariga ko’ra ahd qilinadi, nikohda juda bir go’zal va’dalarga ho’p deya gardanga olishni har ikkala taraf ham eplashi mumkin. Ammo, Ana shu va’dalarga muvofiqlikda umr kechirish ko’plarning qo’lidan kelmaydi.
Vadalarimizga vafoli, ahdlarimizga mas’ulyatli bo’laylik.
Oila saodati, oilaning gullashi moddiyat ila o’lchanganda, dunyoda boylardan o’zgada muhabbat bo’lmasdi. Ayollar jamoasi, qanoat hosil qilishlikni, ustimizdan Robbimiz rahbar qilgan va uni rizoligini topishga amr qilgan juftimiz oldida hamisha, nikoh onida va’da berganimiz kabi qat’iyatli bo’laylik. Muhabbat yaxshi onlarda emas, aynan yo’qchilik, hastalik, tanglikda sinaladi. Sinov kerak albatta-bu o’zaro ishonch va bog’liqlikni ziyoda qilish uchun ham kerak.
Erkaklar ham ayoli xoh hasta xoh go’zal holi bo’lsin yonida tursinlar, zotan, dunyo hayotida nikohdan so’ng ayolni suyanish uchun eridan o’zga kimi ham qoladi?! Modomiki, eri ilk darajaga chiqar ekan, ayoliga muruvvatli bo’lishdan qaytmasinlar.
Asosan, tug’ruqdan so’ng, homila vaqti ayolga mashaqqatli onlar keladi. Shunda erkaklar ham g’azabini jilovlashni o’rganib, shirin so’z va oliyjanoblik hislatida haliym bo’lsinlar.
Ayol uchun eng og’ir damlar homila va tug’ruqdan keyingi onlar bo’lsa, erkaklar unutmasin-larki, Ana shu vaqt qanday munosabat ko’rishganini ayollar qalblariga muhrlab qo’yishadi.

#ayollar

@Najiyya_bilan