Bugun ko’p millatlarda Islom yo’qligi va ungga muvofiq yashamayotganlari sabab qattiq ruhiy tushkunlik, moddiyat tomonidan qiyinchilik bo’lmasada, aslida eng kerakli narsa qalbdagi halovat, sakinat, tinchlik yo’qligi uchub harob va bechora ahvolga kelib qolishyapti. Hamma havas qilgan rivojlangan, boy davlatlar haqida chuqurroq o’rganilsa, Islom ularda yo’q ekani uchun haroblashib borayotganlarini aql egalari fahmlashlari qiyin emas. Islomda tug’ilish va islomga muvofiq umr kechirish bizga berilgan ne’matlarning eng sirasi hisoblanadi.
Ko’p ayollar hozirda g’arbdan kirib kelgan, yo’lidan og’diradigan, filtrlanmagan ma’lumotlar beruvchi psihologlar tomon yurib emas, yugurib ketayotganini ko’rish achinarli. Ayrim ayollar dinidan ham ko’proq ana shu narsani o’rganayotgani, yetmaganiga oilasiga kiritish payida bo’layotgani achinarli. Shunchaki jimjimador so’zlardan foydalanilgani orqali hissiyotlar bilan ergashib ketmang. Bir ilmni ayniqsa mediada, o’zlashtirishdan avval, o’zi aslida bu kim, ilm darajasi qanday, ustozlari kim, kimni ortidan ergashyapman, kimni gaplarini qulog’imga quyyapman, kimni gapi orqali harakatlarimni boshqaryapman deb insonlarni filtrlashni, ma’lumotlarni saralab hayotimizga tadbiq etishni o’rganaylik. Mashxur degani, u inson yaxshi ilm beryapti degani emas.
Ruhiy holatingiz, eringiz va bolalaringiz bilan munosabatingiz yaxshi emasmi, Allohga munojot qiling. Duo bor ekan, sajda bor ekan siz hech qachon bu kabi sinovlar ichida cho’kmaysiz.
Kitob o’qing, o’qiganda ham G’azzoliy kitoblarini o’qing. Kitob o’qigan inson, qanday muvozanatli shaxsga aylanib qolishini o’zingiz guvohi bo’lasiz.

@Najiyya_bilan