YURIDIK XIZMAT || Rasmiy kanal!

Фарзандингизни ёлғиз катта қиляпсизми⁉️ Унда ортиқча тўлаган солиқларингизни қайтариб олинг!

Ўзбекистон Республикаси Солиқ кодексида бир қатор тоифадаги шахслар учун солиқ имтиёзлари белгиланган.

Жумладан:

📍Солиқ кодексининг 380-моддасига асосан, икки ва ундан ортиқ ўн олти ёшга тўлмаган болалари бор ёлғиз оналарнинг даромадлари қайси ойда олинган бўлса, ўша ойда ҳар бир ой учун меҳнатга ҳақ тўлашнинг энг кам миқдорининг 1,41 баравари миқдоридаги даромадлари даромад солиғидан озод этилади.

‼️Ортиқча тўланган солиқларни эса, туман солиқ идорасига мурожаат қилиб, қайтариб олишингиз мумкин.

Ушбу маълумотни яқинларингизга ҳам имкон борича улашинг!

📨Исталган мавзуда савол юбориш учун: @yuridikxizmatmurojaat

@yuristmaslahatlarii

‼️ИШОНЧНОМА БИЛАН АВТОМОБИЛ СОТИБ ОЛМАНГ

Автомобил сотиб олганда, албатта, олди-сотди шартномасини тузишга ҳаракат қилинг, ишончнома эмас. Чунки автотранспорт воситаларининг савдоси шартнома нотариал тартибда тасдиқланганидан ҳамда давлат рўйхатидан ўтказилганидан сўнг ҳақиқий ва тугал ҳисобланади. Бу қонунда тўғридан-тўғри кўрсатилган талаб.

Ҳуқуқий асос: Фуқаролик кодексининг 385-моддаси.

Бизга саволингиз бўлса:
👉@yuridikxizmatmurojaat👈

Малумотни яқинларингизга улашиш учун:
https://t.me/+z61esuUvAMQ5YjVi

ЎРИНДОШЛИК АСОСИДА ЎТИЛГАН ДАРСЛАРГА ҲАМ УСТАМА ҲИСОБЛАНАДИМИ⁉️

❗️Тўланади албатта.

📍"Умумтаълим муассасаларида синфларни комплектлаш ҳамда тарификация рўйхатларини шакллантириш тартиби тўғрисида"ги низомнинг 1-бандига кўра:

▪️ базавий тариф ставкаси ― бир ставка дарс соати учун ўқитувчининг маълумоти ва малака тоифасига кўра белгиланган базавий ҳақ миқдори эканлиги белгиланмоқда.

▪️ ўқитувчининг тариф ставкаси эса ―
ўқитувчига бириктирилган дарс соатлари асосида бир ставка учун белгиланган базавий тариф ставкадан келиб чиқиб аниқланадиган миқдор ҳисобланади.

Мазкур Низомнинг 23-бандига асосан эса, устамаларнинг ишчи гуруҳ томонидан белгиланган талабларга кўра аниқланиши ва устамалар миқдорлари ўқитувчининг тариф ставкасига нисбатан ҳисобланган ҳолда тўланиши белгиланган.

Бизга саволингиз бўлса:
👉@yuridikxizmatmurojaat👈

@yuristmaslahatlarii

❗️Ўқитувчилардан ортиқча ҳужжатларни талаб қилиш тақиқланган

Хабар беришларича, айрим мактабларда фан ўқитувчиларидан дарс таҳлили дафтари, тезис ва яна шунга ўхшаган бир қанча ҳужжатларни талаб қилиш ҳолатлари кузатилаётган экан. Лекин уларнинг бу хати-ҳаракати мутлақо нотўғри.

Чунки умумий ўрта таълим муассасаларининг педагогик мутахассисликлари бўйича намунавий йиллик иш режасини шакллантириш тартиби тўғрисидаги йўриқнома»га мувофиқ (Адлия вазирлигидан 2020 йил 29 июнда 3058-I рақам билан рўйхатдан ўтказилган) ўқитувчилар томонидан юритиладиган ҳужжатлар сони биттагача (фақат синф журнали (жумладан, электрон равишда kundalik.com тизими орқали) қисқартирилган.

Шу боис ўқитувчилардан фақат синф журнали (электрон кундалик жорий этилган мактабларда электрон шаклда)дан бошқа ҳужжатларни талаб этиш мутлақо нотўғри.

Ўтган йили Халқ таълими вазирлиги ўқитувчилардан дарс сифатидан бошқа ҳужжатларни талаб этиш таъқиқланганлиги ҳақида мутасаддиларни сўнги бор қатъий огоҳлантирган. Ундан ташқари Республикадаги барча вилоят бошқарма бошлиқлари ҳамда туман (шаҳар) халқ таълими бўлими мудирлари иштирокида йиғилиш ҳам ўтказган.

❕Шу ўринда таълим муассасаси педагог ходимининг касбий фаолиятига қонунга хилоф равишда аралашиш ёки ўз хизмат вазифаларини бажаришига тўсқинлик қилиш Ўзбекистон Республикасининг Маъмурий жавобгарлик тўғрисидаги кодексининг 197-5-моддаси, шунингдек мансаб ваколатини суиистеъмол қилиш Ўзбекистон Республикасининг Жиноят кодексининг 205-моддасига мувофиқ жавобгарликка тортилишини эслатиб ўтамиз.

📨Исталган мавзуда савол юбориш учун:
👉@yuridikxizmatmurojaat👈

@yuristmaslahatlarii

❗️ЎҚИТУВЧИ ДАВЛАТ БОЖИ ТЎЛАМАЙДИ

📝 Қонун билан “Давлат божи тўғрисида”ги қонунга қуйидаги қўшимчалар киритилди:

🔘Педагог ходимлар – касбий фаолиятини амалга ошириш давомида ўз шаъни, қадр-қиммати ва ишчанлик обрўсини ҳимоя қилиш билан боғлиқ ишлар юзасидан Фуқаролик ишлари бўйича судларда давлат божини тўлашдан озод қилинади.

✔️ Шунингдек, педагог ходимлар – касбий фаолиятини амалга ошириш давомида педагог ходимларнинг ҳуқуқларини бузаётган давлат органларининг ғайриқонуний қарорлари, улар мансабдор шахсларининг ҳаракатлари (ҳаракатсизлиги) устидан Маъмурий судларга шикоят қилганда давлат божини тўлашдан озод қилинади.


Бизга саволингиз бўлса:
👉@yuridikxizmatmurojaat👈

👉https://t.me/yuristmaslahatlarii👈

Ойликлар кечикяптими? Иш берувчини огоҳлантириб қўйинг

Қонун талаби бўйича кечиктирилган иш ҳақи учун компенсация тўловлари амалга оширилиши лозим. Меҳнат кодексининг 333-моддасига асосан Иш берувчи иш ҳақини, таътил тўловларини, меҳнат шартномаси бекор қилингандаги тўловларни ва (ёки) ходимга тўланиши лозим бўлган бошқа тўловларни тўлаш муддатини бузган тақдирда, уларни тўлов муддатидан кейинги кундан эътиборан то ҳақиқатда ҳисоб-китоб қилинган кунни ўз ичига олган муддатгача ҳар бир кечиктирилган кун учун Ўзбекистон Республикаси Марказий банкининг ўша вақтда амалда бўлган қайта молиялаштириш ставкасидан келиб чиққан ҳолда фоизлар (пулли компенсация) билан бирга тўлаши шарт.

📨Исталган мавзуда савол юбориш учун:
👉@yuridikxizmatmurojaat👈

@yuristmaslahatlarii

КОНТРАКТ ПУЛИ ДАВЛАТ ТОМОНИДАН ҚОПЛАБ БЕРИЛИШИ МУМКИНМИ?

Боқувчисини йўқотган  нодавлат олий таълимда ўқиётган талабага давлат томонидан контракт пулини 50% ни тўлаб берадими. Қайси асосда.

📍ЖАВОБ:

Ўзбекистон Республикаси Президентининг 2021 йил 5 мартдаги «Хотин-қизларни қўллаб-қувватлаш, уларнинг эамият ҳаётидаги фаол иштирокини таъминлаш тизимини яна-да такомиллаштириш  чора-тадбирлари тўғрисида»ги ПҚ-5020-сон қарори билан муҳтож қизлар, шунингдек боқувчиси йўқ ёлғиз аёлларга таълим олишда қўшимча кафолатлар белгиланган.

Хусусан, базавий тўлов-контракт асосида давлат олий таълим муассасасига қабул қилинган, ота-онаси ёки уларнинг биридан айрилган муҳтож қизлар, боқувчиси йўқ ёлғиз аёлларни Қорақалпоғистон Республикаси Вазирлар Кенгаши, вилоятлар ва Тошкент шаҳар ҳокимликлари ҳамда давлат олий таълим муассасалари ҳисобидан ўқитиш тартиби жорий этилган.

Унга кўра, 2021/2022 ўқув йилидан бошлаб базавий тўлов-контракт асосида давлат олий таълим муассасасига қабул қилинган, ота-онаси ёки уларнинг биридан айрилган муҳтож қизлар, боқувчиси йўқ ёлғиз аёлларни Қорақалпоғистон Республикаси Вазирлар Кенгаши, вилоятлар ва Тошкент шаҳар ҳокимликлари ҳамда давлат олий таълим муассасалари ҳисобидан ўқитиш тартиби жорий этилган.

Бунда, ўқиш учун тўлов пуллари:

2021/2022 ўқув йилида Қорақалпоғистон Республикаси Вазирлар Кенгаши, вилоятлар ва Тошкент шаҳар ҳокимликлари томонидан 100 нафардан хотин-қизлар учун ҳар йили маҳаллий бюджетнинг қўшимча манбалари ҳамда молиявий барқарор давлат олий таълим муассасалари томонидан уларнинг Кенгаши қарорига асосан 50 нафаргача хотин-қизлар учун давлат олий таълим муассасаларининг бюджетдан ташқари маблағлари ҳисобидан;

2022/2023 ўқув йилидан бошлаб Қорақалпоғистон Республикаси Вазирлар Кенгаши, вилоятлар ва Тошкент шаҳар ҳокимликлари томонидан 150 нафардан хотин-қизлар учун ҳар йили маҳаллий бюджетнинг қўшимча манбалари ҳисобидан қоплаб берилади.

Кўриб турганингиздек, боқувчисини йўқотган аёл-қизларнинг тўлов контракт суммаси улар давлат олий таълим муассасасида ўқиётган бўлса тўлаб берилади. Нодавлат ОТМларда ўқийдиган хотин-қизлар учун бундай имтиёз/кафолат белгиланмаган.

📨Исталган мавзуда савол юбориш учун:
👉@yuridikxizmatmurojaat👈

@yuristmaslahatlarii

⁉️ПЕНСИЯНИ БОШҚА ШАХСГА ЎТКАЗИШ МУМКИНМИ

Савол:

Assalomu alaykum,kechagi sizga bir savolim bilan murojaat qilgan edik,agarda oilada turmush oʻrtogʻi yaʼni er vafot etsa,uning nafaqa pulini ayolini nafaqa puliga alishtirsa boʻladimi,degan savol bergan edik.
Eriniki 1 700 000 ekan,
ayoliniki 1 100 000
Shunday qaror bor ekan, iltimos javobi tayyor boʻlgan boʻlsa maslahat bering,kimga uchraymiz?

📍Жавоб: Мумкин эмас. Пенсия ёки нафақаларни бошқа шахсга ўтказишга йўл қўйилмайди.

“Фуқароларнинг давлат пенсия таъминоти тўғрисида”ги Қонунинг 63-моддасига асосан пенсионер олиши лозим бўлган ва унинг вафоти муносабати билан олинмай қолган пенсия пули мерос таркибига киритилмасдан боқувчисини йўқотганлик пенсияси билан таъминланадиган шахслар доирасига кирувчи оила аъзоларига тўланади.

Пенсионер вафот этган тақдирда унинг оиласига ёки пенсионернинг дафн маросимини ўтказган шахсга пенсияни ҳисоблаш базавий миқдорининг тўрт баробари миқдорида дафн этиш нафақаси тўланади.

Кўрсатиб ўтилган пуллар, уларни олиш учун пенсионер вафот этганидан кейин олтмиш кун ичида мурожаат этилган тақдирда тўланади.

Бизга саволингиз бўлса:
👉@yuridikxizmatmurojaat👈

@yuristmaslahatlarii

Кафил бўлиш бу текин хизмат ё мажбурият эмас

Ижтимоий тармоқларда касби ўқитувчи бўлган, танишининг илтимосига кўра автокредит учун кафил бўлиб ўтган фуқаронинг дардлари айланиб юрипти. Қарздор кредит ҳисобига сотиб олинган автомобилни гаровга олинмасдан туриб сотиб юборган. Натижада, кафил емаган сомсасига - қарздорликни тўлаб юришга мажбур бўлмоқда. Шундай оғир ҳолатга тушмаслик учун, тушганда эса қандай чора кўриш учун нима қилмоқ керак?

Аввало айтиш керакки, Ўзбекитсонда кредит ҳисобига олинаётган автомобилнинг гаровга олинмай қолиши энг катта рисклардан бири. Чунки Ўзбекистон шароитида автомобиль тўлов амалга оширилгач, 3-6 ойда чиқади. Автомобиль салондан чиққанидан кўпинча банклар кечикиб хабар топади.
Ақлли банклар фойда ортидан қувмай, автомобиль қийматининг дастлабки взнос билан ҳисоблаганда 50 фоизини тўламоқда. Қолгани автомобиль салондан чиққанидан кейин. Табиийки, қарздор банкка келишга мажбур бўлади. Vin код билан автомашина идентификацияланади.

Шунинг учун автокредит учун имкон бўлса кафил, ҳатто вақтинча кафил бўлманг.

Юзхотирчилик, андиша важлари сизни қийнаётган бўлса, етти ўлчаб бир кесинг, кафилликка рози бўлганда ҳам буни бепул амалга оширманг, ундан кейин мабодо кредитни тўлашингизга тўғри келса, регресс ҳуқуқингиздан фойдаланинг. Қарздор учун тўланган ҳар бир сўмни қарздордан, унинг мулкидан талаб қилишга ҳақлисиз.

Кредит қайтарилмаслиги риски суғуртаси росмана бозор нархи 3-5 фоизни ташкил этади. Кафилликнинг йиллик реал бозор қиймати, сиз қарздорга жуда яқин муносабатларда бўлсангиз ҳам, кредит танининг 2 фоизидан кам эмас.

Шартномада буни акс эттиринг. Қарздор рози бўлмаса, демак ё унинг тўлиқ қобилияти йўқ, ёки потенциал муттаҳам ёки алдоқчи.

Айтгандай, кўпчилик биргаликдаги қарздорлик ва кафилликнинг фарқига бормайди. Биргаликдаги қарздорликда тўланган қарзни талаб қилиш регресс ҳуқуқи йўқ. Бу қарз тўлаш учун қулликга ёлланиш сингари.
Биргаликдаги қарздорликка агар қарздор ота-онангиз, фарзандингиз, ака-укангиз, турмуш ўртоғингиз, боринг ана севган ёрингиз бўлсагина розилик билдиринг.
Буйрагингизни кимга бера оласиз?
Биргаликдаги қарздорлик ҳам шу. Биргаликдаги қарздорликни расмийлаштиришда кафилликдан ҳам кўра кўпроқ эҳтиёткор бўлинг.

Бизга саволингиз бўлса:
👉@yuridikxizmatmurojaat👈

@yuristmaslahatlarii

ЎҚИТУВЧИЛАРГА 1.5 СТАВКА БЕРИЛГАН ДАРС СОАТЛАРИНИНГ БИР СТАВКАДАН ОРТИҚ БЎЛГАН ҚИСМИ БЎШ ИШ ЎРИНЛАРИ СИФАТИДА ҚАЙД ЭТИЛМАЙДИ

Кўпчиликка маълумки, ҳозирги кунда ҳудудий бандлик бўлинмалари томонидан умумтаълим мактаблари раҳбарлари томонидан ўқитилаётган дарс соатларини ҳамда ўқитувчилар томонидан бир ставкадан ортиқ дарс соатларини, ҳатто минимал даражадаги ортиб қоладиган дарс соатларини (1 ёки 2 соат) ҳам ҳар ойлик ҳисоботларда вакант дарс соатлари сифатида кўрсатиб беришларини талаб қилиш ҳолатлари кузатилади.

Яъни, юқори малакали ўқитувчи “Умумтаълим муассасаларида синфларни комплектлаш ҳамда тарификация рўйхатларини шакллантириш тартиби тўғрисида”ги (3271-сонли) низом асосида 30 соат дарс олган бўлсада, мактаб директори ҳар ойда ўша ўқитувчига берилган ортиқча 10 соатни ҳудудий бандлик бўлимига бўш иш ўрни сифатида кўрсатишга мажбур эди. Натижада эса ўқитувчиларга берилган ортиқча дарс соатлари иш сўраб келган талабгорларга олиб бериларди.

Куни-кеча норматив ҳужжатларни кўздан кечираётиб, Вазирлар Маҳкамаси томонидан 2021 йил 28 апрелда имзоланган “Халқ таълими тизимидаги ташкилотларнинг бюджетдан ташқари жамғармалари маблағларини шакллантириш ва улардан фойдаланиш тартиби тўғрисидаги низомни тасдиқлаш ҳақида”ги 243-сонли қарори билан Вазирлар Маҳкамасининг 275-сонли қарорига ўқитувчиларни хурсанд қиладиган ўзгартиришлар киритилганлигига кўзим тушиб қолди.

Қувонарли томони шундаки, Вазирлар Маҳкамасининг 275-сонли қарори билан тасдиқланган низомнинг 3-иловасига, «Ўқитувчиларнинг тарификация рўйхати асосида ўқитувчиларга бир ярим ставка миқдоригача белгиланган дарс соатларининг бир ставкадан ортиқ бўлган қисми бўш иш ўринлари сифатида қайд этилмайди.» деган банд қўшилибди.

Ана энди янги ўқув йилидан бошлаб, умумтаълим муассасалари ўқитувчиларига 1,5 ставкагача ажратилган дарс соатлари вакант дарс соат сифатида туман (шаҳар) аҳоли бандлигига кўмаклашиш марказларига бериладиган ҳар ойлик ҳисоботларга киритилмайди. Шу сабабли 1.5 ставка дарс олган ўқитувчилар “энди дарсимни олиб қўйишади” деган “қўрқув”дан ҳалос бўлади.

Ulug‘bek Po‘latov

📨Исталган мавзуда савол юбориш учун:
👉@yuridikxizmatmurojaat👈

ЁШ ОИЛАЛАР УЧУН 33 МИЛЛИОН СЎМГАЧА ГАРОВСИЗ КРЕДИТ❗️

Ёш оилаларга юбориб қўйинг, манфаат келтирсин.

📍Янги оила қурган ва никоҳи қайд этилганига 3 йилдан ошмаган ёшларга ўз хонадонида қўшимча уй-жой қуриш учун 33 млн сўмгача гаровсиз кредит ажратишда кафиллик берилади.

❗️Пул берилмайди, пул банкдан кредит қилиб олинади, кредитга кафиллик берилади.

Саволингиз бўлса: @yuridikxizmatmurojaat

@yuristmaslahatlarii

ҚЎШИМЧА ИМОРАТ УЧУН 40 МЛН СЎМ ЖАРИМА УНДИРИШМОҚЧИ. БУ ТЎҒРИМИ?

2000 йил яйлов ердан томорка учун 0.15гектар ер олгандик нихол экиб бог рог килдик соликларини уз вактида тулаб келяпмиз.Хозирги кунда дарахтлар катта булиб уй куришга шароит булмай томоркамизди енида сойлик булиб сойликди бу томонидан 2018 йил уй куриб бошладик бу вактлар ичида кадастр агенлик ходимлари келиб томоркамизни улчаб кетишди кадастир килинг деб айтишди туман марказига яни уларди иш жойлари борганимизда у булиб бу булиб томоркани кадастир килолмадик .лекин 2018 йилдан буён 0.15 томорка 0.23 булди мол мулк ва ер соликларига солик туляпмиз Якинда бизга кадастир агентлигидан ер учаскангиздан ноконуйний курилиш килгансиз деб 40500000 жарима кулламокчи бу канчалик тугри илтимос имкони булса ёрдам беринг

📍ЖАВОБ:

Маъмурий жавобгарлик тўғрисидаги кодексининг 60-моддаси 2-қисмига кўра ер участкаларини ўзбошимчалик билан эгаллаб олиш, шу жумладан ушбу ер участкаларига нисбатан қонуний ҳуқуқлари мавжуд бўлмаган ҳолда улардан фойдаланиш, — фуқароларга базавий ҳисоблаш миқдорининг йигирма беш баравари, мансабдор шахсларга эса — эллик баравари миқдорида жарима солишга сабаб бўлади.

Мазкур модданинг 3-қисмига кўра ўзбошимчалик билан эгаллаб олинган, ажратилган ер участкасига туташ бўлган ва туташ бўлмаган ер участкаларида қурилиш ишларини амалга ошириш, — фуқароларга базавий ҳисоблаш миқдорининг бир юз эллик баравари (40 500 000 сўм), мансабдор шахсларга эса — уч юз баравари миқдорда жарима солишга сабаб бўлади.

Энди қаранг. Ушбу модданинг иккинчи қисмида назарда тутилган ҳуқуқбузарликни биринчи марта содир этган шахс, агар у ўзбошимчалик билан эгалланган ер участкасининг қайтарилишини таъминласа ва ўзбошимчалик билан эгаллаб олишнинг оқибатларини бартараф этса, жавобгарликдан озод этилади.

Бироқ сизда 60-модданинг 2-қисми эмас балки 3-қисмида назарда тутилган ҳуқуқбузарлик содир этилган. Шу сабабли ҳам сизга юқоридаги норма татбиқ этилмайди яъни жавобгарликдан озод этилмайсиз.

Демак, ер участкангизга туташ бўлган ер участкасида қурилиш ишларини амалга ошириганингиз учун сизга шундай жавобгарлик белгиланиши асосли.

Табиийки сизда савол туғилади. Мен бунча суммани қаердан оламан. Наҳотки, жарима суммаси шунчалик юқори бўлса.

Лекин яна бир қоида бор. Маъмурий жавобгарлик тўғрисидаги кодексининг33-моддасига кўра маъмурий ҳуқуқбузарлик тўғрисидаги ишни кўриб чиқувчи бошқа орган (мансабдор шахс) жавобгарликни енгиллаштирувчи ҳолатларни ва ҳуқуқбузарнинг моддий аҳволини инобатга олган ҳолда, енгилроқ маъмурий жазо чорасини қўллаш тўғрисидаги масалани ҳал этиш учун ишни судга юборади.

Сизга жарима қўллаган маъмурий органга мурожаат қилиб, жаримани камайтиришини тўлашга моддий аҳволингиз йўқлигини маълум қилинг.

📨Исталган мавзуда савол юбориш учун: @yuridikxizmatmurojaat

@yuristmaslahatlarii

ЭЛЕКТР ҲИСОБЛАГИЧНИ ЎЗИНГИЗ СОТИБ ОЛАЯПСИЗМИ?

📍Бу нотўғри. ЭЛЕКТР ҲИСОБЛАГИЧ ҲУДУДИЙ ЭЛЕКТР ТАЪМИНОТИ ТАШКИЛОТИ ТОМОНИДАН БЕПУЛ ЎРНАТИЛИШИ КЕРАК‼️

Асос:

20.08.2019 йилда қабул қилинган Ўзбекистон Республикаси Вазирлар Маҳкамасининг 658-сонли қарорининг 15-бандига асосан, жисмоний шахслар ва юридик шахс ташкил этмасдан тадбиркорлик фаолиятини амалга оширувчи шахсларнинг ҳисобга олиш ускуналарини заруратга кўра таъмирлаш ёки янгисига алмаштириш харажатлари таъминотчи корхона маблағлари ҳисобидан қопланади.

📨Исталган мавзуда савол юбориш учун: @yuridikxizmatmurojaat

@yuristmaslahatlarii

Суд харажатларини тўлашни кечиктириш, бўлиб-бўлиб тўлаш ва уларнинг миқдорларини камайтириш

Ўзбекистон Республикасининг Фуқаролик процессуал кодексининг 133-моддасига кўра давлат божини тўлашни кечиктиришга қонунчиликда белгиланган ҳолларда йўл қўйилади.

Суд тарафларнинг мулкий аҳволига қараб, улардан бирининг ёки иккаласининг давлат даромадига ундириладиган суд харажатларини тўлашни кечиктиришга ёки бўлиб-бўлиб тўлашга йўл қўйиши, шунингдек бу харажатларнинг миқдорини камайтириши мумкин.

Ўзбекистон Республикаси Олий суди Пленумининг 2009 йил 24 ноябрдаги 14-сонли «Фуқаролик ишлари бўйича суд харажатларини ундириш амалиёти тўғрисида»ги қарорининг 11-бандига асосан ФПК 133-моддасига асосан ҳам жисмоний, ҳам юридик шахсдан давлат фойдасига ундириладиган суд харажатларини кечиктириш, бўлиб-бўлиб тўлаш ёки миқдорини камайтириш масаласини ҳал қилишда, суд уларнинг бу харажатларни қисман ёки бир йўла тўлашга қурби етмаслиги ҳолатларини тасдиқловчи ҳолатлар мавжудлиги ҳақидаги далилларни (масалан, иш ҳақи (даромади), банкда маблағлари мавжудлиги, унинг эгалигида бўлган мулклар ҳақидаги маълумот, вояга етмаган фарзандлари, бошқа боқимандалари борлиги ва ҳ.к. тўғрисидаги маълумотларни) текшириши лозим.

Бизга саволингиз бўлса:
👉@yuridikxizmatmurojaat👈

@yuristmaslahatlarii

ҚОНУНИЙ НИКОҲ БЎЛМАСА ҲАМ АЛИМЕНТ ОЛИШИМ МУМКИНМИ⁉️

📍Албатта, мумкин. Фарзандга алимент олиш учун қонуний никоҳ бўлган-бўлмаганлигининг аҳамияти йўқ.

Ота ҳар қандай ҳолатда фарзандига алимент тўлашга мажбур, ўз шарифини бермаган бўлса, ҳам!

Оил

а кодексининг 96-моддасига биноан ота-она вояга етмаган болаларига таъминот бериши шарт. Вояга етмаган болаларига таъминот бериш мажбуриятини ихтиёрий равишда бажармаган ота (она)дан суднинг ҳал қилув қарорига ёки суд буйруғига асосан алимент ундирилади.

Оила кодексининг 99-моддасига асосан агар вояга етмаган болаларига таъминот бериш ҳақида ота-она ўртасида келишув бўлмаса, уларнинг таъминоти учун алимент суд томонидан ота-онанинг ҳар ойдаги иш ҳақи ва (ёки) бошқа даромадининг

бир бола учун — тўртдан бир қисми;

икки бола учун — учдан бир қисми;

уч ва ундан ортиқ бола учун — ярмиси миқдорида ундирила

ди.
Алимент ундира олматган бўлсангиз, бизга мурожаат қилинг! Энг самарали усуллари билан бўлишамиз!

Саволингизни: @yuridikxizmatmurojaat га юборинг

👉 @yuristmaslahatlarii

ИПОТЕКА КРЕДИТИГА ТЎЛАНГАН ПУЛДАН ДАРОМАД СОЛИҒИНИ ҚАЙТАРИБ ОЛИШ ТАРТИБИ ҚАНДАЙ?

Мен омонатдаги 60 млн пулимга ипотека кредити асосида уй олдим. Шу тўлаган пулимдан даромад солиғини қайтариб олишим мумкинми? Тушунтириб берсангиз.

📍ЖАВОБ:

Солиқ кодексининг 378-моддаси 16-бандига асосан солиқ тўловчининг нодавлат мактабгача таълим
муассасалари ва мактаблар, профессионал ва олий таълим ташкилотларида таълим олиш ҳамда айрим
ипотека кредитларига йўналтирилган солиқ солинадиган иш ҳақи ва бошқа даромадлари солиқ
солинмайдиган даромадлари таркибига киритилган.

Шунга асосан, агар сизнинг банкдаги ҳисобрақамига ипотека кредити асосида уй сотиб олиш учун 60
млн сўм маблағ иш жойи ҳисобланган юридик шахс томонидан ўтказиб берилиб, бу даромаддан даромад
солиғи тўланмаган бўлса, солиқ имтиёзи қўлланилмайди.

Сиз томонингиздан банкдаги омонат ҳисобрақамига мустақил равишда нақд пул ёки пластик карта орқали пул қўйилганлиги тўғрисида банк ҳужжатини (квитанцияни) тақдим этган тақдирда, даромад солиғидан ортиқча тўлов суммаси қайтариб берилиши керак.

Исталган мавзуда савол юбориш учун:
👉@yuridikxizmatmurojaat👈

@yuristmaslahatlarii