O‘zAgroLizing | Rasmiy kanal

➡️Investitsiya — bu nafaqat moliyaviy koʻmak, balki zamonaviy texnologiya, yangi ish oʻrinlari va eng muhimi, xalq farovonligini taʼminlash yoʻlidagi ishonchli qadamlardir. Ayniqsa, soʻnggi yurtimizda xorijiy investorlar ishtirokida turli sohalarda tadbiq etilayotgan yirik loyihalar buning yaqqol dalilidir.

⏺Jumladan, Buxoro viloyatining Shofirkon tumanida ham shunday istiqbolli loyiha va tashabbuslar, uzoq yillik taraqqiyotga xizmat qiluvchi agroloyihalar ham roʻyobga chiqarilayotgani katta ahamiyatga ega, albatta.

🟠Xitoylik tadbirkor Liu Jengchun boshchiligidagi “Chun Chuan” MCHJ xorijiy korxonasi tomonidan teng manfaatli hamkorlik asosida choʻl massividan 2 211 gektar yer maydoni obod qilinib, moʻl hosil, baraka va bandlik maqsadlarida ekishga tayyorlanmoqda.

⚫️Xitoylik investorlar tomonidan olib kirilgan agrotexnika vositalari, tomchilab sugʻorish tizimlari, plyonka usuli va serhosil urugʻlar — bularning bari zamonaviy qishloq xoʻjaligining muhim qismlaridir. Xitoylik mutaxassislar tomonidan dastlabki bosqichda 200 gektar yaylov yer maydoni tayyorlanib, chigit ekish ishlari boshlab yuborildi. Endilikda bu yer qarovsizligicha qolmaydi, balki har bir gektar maydon mahalliy iqtisodiyotga millionlab foyda keltiradi.

✔️Mazkur loyiha umumiy qiymati 18 million AQSH dollariga baholangan boʻlib, 2025-yil yakuniga qadar kamida 7 million dollarlik xorijiy investitsiya oʻzlashtiriladi. Muhimi, bu saʼy-harakat doirasida 60 nafargacha mahalliy aholi vakili uchun doimiy ish oʻrni yaratiladi. Bu nafaqat iqtisodiy oʻsish, balki ijtimoiy barqarorlik hamdir.

#jarayon 🌎 www.uzal.uz
🕊Telegram | 📹Instagram | 📱Facebook | 📺YouTube

💧 Tomchilatib sug’orish

🌱 Bugungi kunda suvga bo‘lgan talabning ortishi suvdan oqilona va unumli foydalanishni taqozo etmoqda. Bu, o‘z navbatida, sug‘orishda ilg‘or va tejamkor usullarni joriy etish vazifasini qo‘ymoqda.

ℹ️ Amaliyotda qo‘llashga tavsiya etilayotgan tomchilatib, polietilen plyonka, egiluvchan shlanglar orqali sug‘orish texnologiyalari va ularning afzalliklari katta ahamiyatga ega. Tomchilatib sug‘orish texnologiyasi sug‘orish ishlarini me’yorida tashkil etish imkonini beradi.

🚰 Mazkur usul tashlama va chuqur filtratsiya suvlari yo‘qolishiga yo‘l qo‘ymaydi, vegetatsiya davrida iqlim sharoiti, tuproqning holatidan kelib chiqib suv berish, turli mineral o‘g‘itlarni suv orqali o‘simlikning ildiziga yuborish, sug‘orish tizimini avtomatlashtirish imkonini beradi. Natijada, dehqonchilikda samaradorlik bir necha barobar ortadi.

#agro 🌎 www.uzal.uz
🕊Telegram | 📹Instagram | 📱Facebook | 📺YouTube

2024-yil yakunlari bo‘yicha Ochiqlik indeksi eʼlon qilindi

Korrupsiyaga qarshi kurashish agentligida ochiqlikni taʼminlash sohasida amalga oshirilayotgan ishlarning samaradorligi va natijadorligini baholash komissiyasining yig‘ilishi bo‘lib o‘tdi.

Yig‘ilishda O‘zbekiston Respublikasi Prezidentining PF-154-son Farmoniga muvofiq, 2024-yil yakunlariga ko‘ra davlat organlari va tashkilotlarida ochiqlik bo‘yicha amalga oshirilgan ishlarning samaradorligi va natijadorligini baholashga qaratilgan Ochiqlik indeksi asosida to‘plangan barcha ko‘rsatkichlar atroflicha muhokama qilinib, yakuniy natijalar ko‘rib chiqildi.

Natijalarga ko'ra, "O'zagrolizing" aksiyadorlik jamiyati 82.4 ball bilan 98 ta davlat tashkilotlari orasida 20-o'rinni egalladi hamda "yashil" samaradorlik ko'rsatkichdan joy oldi.

22 ta aksiyadorlik jamiyatlari o’rtasida esa 8-o’rinni egalladi.

#ochiqlik_indeksi 🌎 www.uzal.uz
🕊Telegram | 📹Instagram | 📱Facebook | 📺YouTube

🗣Qishloq xo‘jaligi uchun mas’uliyatli palla boshlandi. Har bir amalga oshirilgan ish kelajakdagi hosil sifati va miqdoriga bevosita ta’sir ko‘rsatadi. Buni chuqur anglagan Namangan viloyati Kosonsoy tumani fermerlari yelkama-yelka berib, mavsumiy ishlarga kirishib ketishgan.

✅ Ayni kunlarda tumandagi paxtachilikka ixtisoslashgan fermer xo‘jaliklarida 2025-yil hosili uchun chigit ekishga tayyorgarlik ishlari yakunlanmoqda. Yerlar boronalash, o‘g‘itlash va pushta olish orqali ekishga tayyor holga keltirilgan.

⏺Endilikda zamonaviy agrotexnologiyalar asosida plyonka ostiga, 76 sxemada, qo‘shqator usulida chigit ekish ishlari olib borilmoqda. Ushbu innovatsion yondashuv hosildorlikni oshirish va yer unumdorligini yaxshilashga xizmat qiladi.

➡️Joriy yilda tumanda 3204 gektar maydonga chigit ekish rejalashtirilgan bo‘lib, shundan 1906 gektariga plyonka ostida ekish amalga oshiriladi. Umumiy hisobda 10990 tonna paxta xomashyosi yetishtirish ko‘zda tutilgan.

✍️ Ushbu maqsadga erishish uchun 13 ta yer tayyorlash va ekish otryadi, 1 ta urug‘lik chigit tarqatish shoxobchasi, 180 ta texnika va agregatlar hamda 30 nafardan ortiq mutaxassislar jalb qilingan.

🔄 Bundan tashqari, g‘alla maydonlarida begona o‘tlarga qarshi gerbitsid, fungitsid va suspenziya sepish, o‘g‘itlash, ariq-zovurlarni tartibga keltirish va betonlash, dala chetlariga tut hamda tok ko‘chatlari ekish kabi agrotexnik tadbirlar ham qizg‘in davom etmoqda.

#jarayon 🌎 www.uzal.uz
🕊Telegram | 📹Instagram | 📱Facebook | 📺YouTube

TA’ZIYA

Ko'p yillar davomida "O'zagrolizing" AJ Boshqaruv raisining o'rinbosari bo'lib ishlab kelgan ustoz Ro'zmetov Bahodir Nurmamatovich 66 yoshida vafot etdi.

"O'zagrolizing" aksiyadorlik jamiyati jamoasi marhumning oila a’zolari va yaqinlariga chuqur hamdardlik bildiradi.

🗣"O'zagrolizing" aksiyadorlik jamiyati tomonidan lizing asosida yetkazib berilgan o‘zi yurar texnikalarga 2025-yil birinchi choragida o‘rnatilgan GPS qurilmalari to‘g‘risida ma'lumot.

✍️ Batafsil infografikada:

#tahlil 🌎 www.uzal.uz
🕊Telegram | 📹Instagram | 📱Facebook | 📺YouTube

Mahalliy ustadan milliy traktor

✍️ Andijon viloyati Izboskan tumanida istiqomat qiluvchi mahalliy hunarmand va texnik ixtirochi Qosimov Ilxom o‘zining tashabbusi va mahorati bilan zamonaviy talablarga javob beradigan traktor yaratishga muvaffaq bo‘ldi. Uning mazkur ishlanmasi qishloq xo‘jaligi sohasida kichik va o‘rta fermer xo‘jaliklari ehtiyojlari uchun mo‘ljallangan bo‘lib, samaradorligi va tejamkorligi bilan ajralib turadi.

➡️Mahalliy ishlab chiqaruvchilarni rag‘batlantirish va milliy texnikani rivojlantirish maqsadida Qosimov Ilxom tomonidan yaratilgan traktorni rasmiylashtirish, zarur sertifikat va ruxsatnomalarni olish, shuningdek, ushbu traktorni ommaviy ishlab chiqarishni tashkil etish yuzasidan “O‘zagrolizing” AJ Boshqaruv raisi N.Otajonov bilan muhokamalar olib borildi.

⏺Muzokaralar jarayonida ustaning ishlanmasiga yuqori qiziqish bildirilib, uning texnik xususiyatlari, mahalliy sharoitlarga mosligi hamda ishlab chiqarish uchun zarur infratuzilma va loyiha quvvatlari muhokama qilindi. Shuningdek, traktorni lizing asosida qishloq xo‘jaligi subyektlariga taqdim etish imkoniyatlari ham ko‘rib chiqildi.

🔵 N.Otajonov mazkur tashabbusni qo‘llab-quvvatlashga tayyor ekanini bildirib, “O‘zagrolizing” AJ tomonidan texnik va huquqiy jihatdan ko‘maklashish, ta’minot-yetkazib berish zanjirlarini yo‘lga qo‘yish va mahalliy traktor ishlab chiqarishni rivojlantirish bo‘yicha hamkorlikdagi chora-tadbirlarni amalga oshirishda ko'rsatmalar berdi.

👉 Mazkur tashabbus mahalliy imkoniyatlardan samarali foydalangan holda import o‘rnini bosuvchi mahsulotlar ishlab chiqarishni kengaytirish, yangi ish o‘rinlari yaratish va texnik innovatsiyalarni hayotga tatbiq etishda muhim ahamiyat kasb etadi.

#jarayon 🌎 www.uzal.uz
🕊Telegram | 📹Instagram | 📱Facebook | 📺YouTube

➡️Buxoro viloyatining Vobkent tumanida joylashgan "Farhod-1" fermer xo‘jaligi va "Garden Buxoro agroklaster" MChJga qarashli dala maydonlarida xorijiy tajriba va ilg‘or texnologiyalar asosida zamonaviy agro-ishlab chiqarish ishlari yo‘lga qo‘yilgan.

👉 Jumladan, "Farhod-1" fermer xo‘jaligiga qarashli 2,5 gektar yer maydoni hamda “Garden Buxoro agroklaster” MChJga tegishli 142 gektarlik dalalarda Xitoy texnologiyasi asosida “Xin Lu Zao-57” navli paxta urug‘i 76/10 sxemasi bo‘yicha, qo‘shqator qilib ochiq usulda ekilgan.

⏺Fermer xo‘jaligi rahbarining ta’kidlashicha, 2024-yilda olib borilgan kuzatuv va monitoring ishlari shuni ko‘rsatdiki, "Shinjon" uslubida paxta ekish amaliyoti yuqori samaradorlikka ega bo‘lib, bu usul hosildorlikni sezilarli darajada oshirishga xizmat qilmoqda. Ayniqsa, iqlim va tuproq sharoitlariga mos holda tanlangan navlar, agrotexnik tadbirlarning to‘g‘ri tashkil etilishi bilan birgalikda, xorijiy tajribaning mahalliy sharoitlarga uyg‘unlashtirilishi muhim omil bo‘lmoqda.

🔵 Bugungi kunda fermerlar doimiy ravishda ilmiy izlanishlar olib borib, yangi agrotexnologiyalarni ishlab chiqarishga tatbiq etish orqali raqobatbardosh mahsulot yetishtirishga intilishmoqda. Paxtachilik sohasida olib borilayotgan islohotlar, ayniqsa, klaster tizimi asosida yo‘lga qo‘yilgan innovatsion loyihalar bu borada muhim ahamiyat kasb etmoqda.

🗣O‘tgan yilgi tajribalar asosida, 2025-yilgi mavsumda ham hosildorlikni bir necha barobarga oshirish maqsadida keng ko‘lamli agrotexnik tadbirlar amalga oshirilmoqda. Jumladan, navlarni tanlashda ularning tuproq va iqlim sharoitlariga mosligi, kasalliklarga chidamliligi, tezpisharligi kabi mezonlarga alohida e’tibor qaratilgan. Shuningdek, o‘g‘itlarning miqdori, tarkibi va berilish me’yorlari ham qat’iy ilmiy asoslangan tizim orqali belgilangan.

#jarayon 🌎 www.uzal.uz
🕊Telegram | 📹Instagram | 📱Facebook | 📺YouTube