O‘zAgroLizing | Rasmiy kanal

"Ijro intizomi – samaradorlik omili"

🚜 "O‘zagrolizing" aksiyadorlik jamiyati tomonidan "Ijro intizomi – samaradorlik omili" mavzusida seminar tashkil etildi. Ushbu seminar ijro intizomi talablarini takomillashtirish, davlat boshqaruvi va huquqiy nazorat tizimida ijro intizomining ahamiyatini keng yoritish hamda amaliyotda yuzaga kelayotgan masalalarni muhokama qilishga bag‘ishlandi.

👉 Seminarda yuqori darajadagi mehmonlar va tajribali mutaxassislar ishtirok etishdi. Jumladan, O‘zbekiston Respublikasi Adliya vazirligining O‘zbekiston Respublikasi Prezidenti hujjatlari ijrosini nazorat qilish boshqarmasi bosh maslahatchisi Anvar Yusub o‘g‘li Abduxoliqov, O‘zbekiston Respublikasi Hisob palatasining mas’ul xodimi Shahobiddin Fathuddinovich Karimov va O‘zbekiston Respublikasi Vazirlar Mahkamasining mas’ul xodimi Zufar Akbarovich Nuriddinov ishtirok etib, mavzu doirasida o‘z ma’ruzalarini taqdim etdilar.

⏺Ma’ruzachilar o‘z chiqishlarida ijro intizomining davlat boshqaruvidagi o‘rni, amaldagi hujjatlarning sifatli va o‘z vaqtida ijrosini ta’minlashdagi ahamiyati hamda samaradorlikni oshirish vositasi sifatida xizmat qilishi haqida so‘z yuritdilar. Shu bilan birga, ijro intizomini mustahkamlash orqali tashkilotlarning ish samaradorligini oshirish, xodimlarning mas’uliyatini kuchaytirish va hujjatlar ijrosini samarali nazorat qilish mexanizmlarini takomillashtirish yo‘llari haqida muhim tavsiyalar berildi.

⏺Uchrashuv davomida Anvar Abduxoliqov ijro intizomiga oid huquqiy me’yorlar va O‘zbekiston Respublikasi Prezidentining hujjatlarini amalda bajarish jarayonlarini tashkil etish bo‘yicha tajribalarini o‘rtoqlashdi. Shuningdek, Shahobiddin Fathuddinovich ijro intizomi bo‘yicha hisob va hisobot ishlari, nazorat tizimida aniqlangan kamchiliklar va ularni bartaraf etish choralari haqida batafsil ma’lumot berdi. Zufar Akbarovich esa ijro intizomi masalalarida hukumat darajasidagi nazorat mexanizmlarini rivojlantirish va samaradorlikni oshirishga qaratilgan amaliy chora-tadbirlar haqida ma’ruza qildi.

✨ Shuningdek, ishtirokchilar davlat idoralari va tashkilotlarda kuzatilayotgan ijro intizomi bilan bog‘liq muammolar, jumladan, ayrim hujjatlarning kechikishi, ijro tizimida muvofiqlashtirishdagi qiyinchiliklar, xodimlar tomonidan mas’uliyatning yetarlicha bajarilmasligi kabi masalalarni ochiq muhokama qilishdi. Ushbu muammolarni bartaraf etish yo‘llari, jumladan, raqamli texnologiyalarni joriy qilish, ijro jarayonlarini avtomatlashtirish va xodimlarning malakasini oshirish bo‘yicha amaliy takliflar bildirildi.

🔵 Tashkil etilgan uchrashuv, "O‘zagrolizing" AJning ish jarayonlarida ijro intizomini mustahkamlashga xizmat qiladi hamda ishlarni samarali tashkil etishda muhim saboqlar va tajribalar beradi. Bu esa davlat boshqaruvida samaradorlikni oshirish va huquqiy mexanizmlarni yanada takomillashtirishga hissa qo‘shadi.

#seminar 🌎 www.uzal.uz
🕊Telegram | 📹Instagram | 📱Facebook | 📺YouTube

🇺🇿 "O‘zbekistonda yetishtirilayotgan meva-sabzavotlarni qayta ishlash va ularni mahalliy bozor va eksportga yo‘naltirish" bo‘yicha “O‘zagrolizing” aksiyadorlik jamiyati tomonidan tizimli ishlar amalga oshirilmoqda.

✅ Jumladan, "O‘zagrolizing” aksiyadorlik jamiyati Boshqaruv raisi N.Otajonov, Xitoy Xalq Respublikasining TCA - Zhucheng Xinxundong Machinery Co., LTD kompaniyasi vakillari hamda Buxoro viloyati, Shofirkon tumani, “Nurli bog‘ 2020” MCHJ rahbari H.Asadov bilan ushbu hududda meva-sabzavotlarni qayta ishlash uskunalarini moliyalashtirish va hamkorlik qilish yuzasidan muzokara o‘tkazdi.

💬 O‘tkazilgan muzokara davomida, TSA – ushbu sohada Xitoydagi uchta yirik kompaniyalardan biri ekanligi, 25-yillik tajribaga egaligi, bugungi kunga qadar 100 ga yaqin meva-sabzavotlarni qayta ishlash zavodlarini qurib bitkazib foydalanishga topshirganligi, asosan ularning uskunalari yordamida jem, ketchup, bolalar uchun oziq-ovqat mahsulotlari, qovurilgan kartoshka (fri) ishlab chiqarilayotganligini bildirildi.

💬 Xususan, O‘zbekistonda yetishtirilayotgan mevalarni ko‘p qismi uvol bo‘lib ketishni oldini olish maqsadida, TSA kompaniyasi tomonidan taklif etilayotgan imkoniyatlaridan foydalangan holda meva-sabzavotlarni qayta ishlash, jumladan, quritish (akustik va sublimatsion usulda), bolalar ovqatlari, djemlar, konsentratlar, tabiiy soklar va sirkalarni tayyorlash, meva va sabzavot qoldiqlaridan parranda va baliqlar uchun ozuqa tayyorlash bo‘yicha zamonaviy uskunalarni belgilangan talablar asosida yetkazib berish bo‘yichafikrlar almashildi.

✍️ Shuningdek, ichki imkoniyatlardan kelib chiqib mazkur uskunalar o‘rnatilgan agrologistika komplekslarida yiliga 100 ming tonnagacha mevalarni qayta ishlash rejasi ishlab chiqilayotgani ta'kidlandi.

👉 Muzokaralar davomida, kompaniya vakillari O‘zbekistonda qishloq xo‘jaligi sohasida mahalliy hamkorlar yoki mahalliy distribyutorlar bilan hamkorlik qilish va birgalikda meva-sabzavotni qayta ishlash bo‘yicha loyihalarni ishlab chiqish uchun sarmoya kiritish niyati borligini ma’lum qildi.

#hamkorlik 🌎 www.uzal.uz
🕊Telegram | 📹Instagram | 📱Facebook | 📺YouTube

✔️ 2024-yilda qishloq xo‘jaligi texnikalari xaridi uchun jami 235,5 mln dollar o‘zlashtirildi:

⏺Bundan:
– 74 mln dollar – Jahon banki mablag‘lari;

– 91,7 mln dollar – O‘zbekiston tiklanish va taraqqiyot jamg‘armasi mablag‘lari;

– 64 mln dollar – Yaponiya xalqaro hamkorlik agentligi mablag‘lari;

– 5,8 mln dollar – Tijorat banki mablag‘lari.

🚜 Natijalarga ko'ra, “O‘zagrolizing” AJning qishloq xo‘jaligi sohasidagi loyihalarda ishtiroki va mablag‘larni o‘zlashtirishdagi faolligi Xalqaro moliya institutlari tomonidan yuqori baholandi.

#tahlil 🌎 www.uzal.uz
🕊Telegram | 📹Instagram | 📱Facebook | 📺YouTube

#Qonunchilikdagi_yangiliklar

❗️Ayrim texnika vositalari xavfsizligiga qo'yiladigan talablar belgilandi

Hukumat qarori (10-son, 11.01.2025 y.) bilan “Muomalaga chiqarilayotgan qishloq va o'rmon xo'jaligi transport vositalari va mashinalarining xavfsizligi to'g'risida” gi texnik reglament tasdiqlandi

📱 Texnik reglament quyidagilarni nazarda tutadi:

📖 muomalaga chiqarilayotgan qishloq va o'rmon xo'jaligi transport vositalari va mashinalariga qo'yiladigan xavfsizlik talablarini;

▪️texnika vositalarini identifikatsiya qilish qoidalari, texnika vositalarining reglament talablariga muvofiqligini baholash va tasdiqlashni;

▪️texnika vositalarini muomalaga chiqarish qoidalari hamda muvofiqlik belgisi bilan tamg'alashni;

▪️reglament talablariga rioya etilishi ustidan davlat nazoratini o'rnatishni.

✅ Reglament quyidagi texnika vositalariga nisbatan qo'llaniladi:

traktorlar (T va S toifalar);

tirkamalar (R toifa);

almashadigan tirkama mashinalar (S toifa);

o'ziyurar, osma, yarim osma, tirkama va o'rnatiladigan mashinalar;

bog'dorchilik-uzumchilik, polizchilik, sabzavotchilik, kartoshkachilik, rezavor meva va dorivor o'simlikchilik hamda o'rmonchilikda qo'llaniladigan mexanizatsiyalashgan kichik mexanizatsiya vositalari, shu jumladan, motokultivator, motoo'rish moslamasi, motoarava va elektrlashtirilgan mexanizatsiya vositalari va boshqalar;

chorvachilik, parrandachilik, baliqchilik, asalarichilik, pillachilik mahsulotlarini ishlab chiqarish va oziqa tayyorlash jarayonida qo'llaniladigan mashinalar;

urug'larni, g'allani yoki dukkakli sabzavotlarni tozalash, saralash yoki kalibrovka qilish uchun mashinalar.

Texnik reglament umumiy talablar, shu jumladan, boshqa texnik reglamentlar bilan tartibga solinadigan texnika vositalarini ishlab chiqarish, sotish va yo'q qilish jarayonlariga nisbatan tatbiq etilmaydi.

Agrar sohadagi hamkorlik istiqbollari ortmoqda

🇺🇿"O'zagrolizing" aksiyadorlik jamiyatida Boshqaruv raisi Nodir Otajonov, Jahon Banki koordinatori Bayarsayxan Tumurdavaa delegatsiyasi vakillari bilan uchrashuv o‘tkazdi. Unda ikki tomonlama hamkorlik aloqalarini o‘rnatish, yangi loyihalarni joriy etish masalalari muhokama etildi.

➡️Muloqot davomida Jahon Banki tomonidan 2025-yilda lizing faoliyatini diversifikatsiya qilish hamda qo‘shimcha resusrlarni jalb qilish, kelgusidagi lizing loyihalari va rejalar bo‘yicha taqdimot o‘tkazilib, muammo va takliflar muhokama qilindi.

ℹ️Xususan, kompaniya vakillari qishloq xo'jaligini texnika bilan ta'minlashdagi mexanizmlar asosida agrar tarmoqni rivojlantirish uchun yaratilgan sharoitlarni ta’kidlab o’tildi.

💬Shuningdek, lizing orqali berilayotgan qishloq xo‘jaligi texnikasi va tegishli xizmatlarning texnologik rivojlanishi, ishonchliligi va sifatiga yangi loyihalar orqali hissa qo‘shish, sanoat kooperatsiyasi orqali tegishli va arzon mahsulotlarni ishlab chiqish uchun platforma yaratish hamda mahalliy tadbirkorlar bilan umumiy maqsadlar bo‘yicha kelishish va harakatlar rejasini muvofiqlashtirish bo‘yicha takliflar o‘rtaga tashlandi.

✍️Nodir Otajonov o’z navbatida, agrar sohadagi hamkorlikda amalga oshirilayotgan islohotlarni e’tirof etar ekan, bugungi uchrashuv ham "O'zagrolizing" rivoji uchun manfaatli bo’lishini qayd etdi.

✅Uchrashuv yakunida lizing faoliyatining bir qator tarmoqlari bo‘yicha aniq takliflarni ishlab chiqish hamda bu borada kelgusida hamkorlik aloqalarini o‘rnatishga kelishib olindi.
____________________

Расширяются перспективы сотрудничества в аграрной сфере

В акционерном обществе «Узагролизинг» состоялась встреча председателя правления Нодира Отажонова с делегацией во главе с координатором Всемирного банка Баярсайханом Тумурдаваа. В ходе встречи обсуждались вопросы установления двустороннего сотрудничества и внедрения новых проектов.

В рамках диалога представители Всемирного банка представили презентацию о диверсификации лизинговой деятельности в 2025 году, привлечении дополнительных ресурсов, а также о будущих лизинговых проектах и планах. Были обсуждены проблемы и предложены возможные решения.

В частности, представители компании подчеркнули условия, созданные для развития аграрного сектора на основе механизмов обеспечения сельского хозяйства техникой.

Также были выдвинуты предложения по развитию технологического уровня сельскохозяйственной техники, предоставляемой в лизинг, повышению ее надежности и качества за счет новых проектов, созданию платформы для производства доступной и качественной продукции в рамках промышленной кооперации, а также координации действий с местными предпринимателями на основе общих целей.

Нодир Отажонов, в свою очередь, отметил проводимые реформы в сфере аграрного сотрудничества и подчеркнул, что сегодняшняя встреча будет полезной для дальнейшего развития «Узагролизинг».

По итогам встречи стороны договорились разработать конкретные предложения по различным направлениям лизинговой деятельности и наладить дальнейшее сотрудничество в этом направлении.

#hamkorlik 🌎 www.uzal.uz
🕊Telegram | 📹Instagram | 📱Facebook | 📺YouTube

🇺🇿 O’zbekiston Respublikasi Prezidentining 2024-yil 20-fevraldagi “Qishloq xo‘jaligi texnikalarini xarid qilishni davlat tomonidan qo‘llab-quvvatlashning qo‘shimcha chora-tadbirlari to‘g‘risida”gi PQ–78-son qarori bilan “O’zagrolizing” aksiyadorlik jamiyati uchun katta imkoniyatlar yaratildi, jumladan o‘tgan davr mobaynida jami 3,1 trln. so‘mlik 8 439 dona texnikalar lizing oluvchilarga topshirildi.

Batafsil infografikada:

#tahlil 🌎 www.uzal.uz
🕊Telegram | 📹Instagram | 📱Facebook | 📺YouTube

🚜 "O'zagrolizing" aksiyadorlik jamiyati fermerlarga Xitoy Xalq Respublikasida yetakchi “TIAN CHENG” kompaniyasining Oʼzbekistondagi “TIANYE PLASTIK” MChJ XK tomonidan ishlab chiqarilayotgan qo'shqatorli seyalkalarni imtiyozli lizing shartlari asosida taklif etadi.

- qator oraligʼi 76 sm kenglikdagi qoʼshqatorli plyonka osti aniq donalab ekadigan, tomchilatib sugʼorish tizimiga va oʼgʼit solib ketishga moʼljallangan seyalkalar

🀄️ 1 donasining narxi 78 mln.so’m

- qator oraligʼi 90 sm kenglikdagi qoʼshqatorli seyalkalar

🀄️1 donasining narxi 97,5 mln.so’m

Soni cheklangan, lizing asosida xarid qilishga ulgurib qoling!

#lizingobyekti 🌎 www.uzal.uz
🕊Telegram | 📹Instagram | 📱Facebook | 📺YouTube

📣 Bugun, 22-yanvar soat 10:00 da AOKAda brifing bo’lib o’tadi.

🚜 Unda “Oʻzagrolizing” AJ axborot xizmati rahbari Sarvinoz Mirzayeva: “O‘zagrolizing” aksiyadorlik jamiyati faoliyatining 2024-yildagi asosiy natijalari haqida ma’lumot berib o’tadi.

🟢 Brifing AOKAning hamda jamiyatning ijtimoiy tarmoqlardagi rasmiy sahifalari, “UzReport TV” hamda “Oʻzbekiston 24” telekanallari orqali jonli efirga uzatilishi rejalashtirilgan.

#brifing 🌎 www.uzal.uz
🕊Telegram | 📹Instagram | 📱Facebook | 📺YouTube

Gollandiya qishloq xo‘jaligining keng rivojlanishiga asos bo‘luvchi muhim omillar

🌲 Gollandiya qishloq xo‘jaligi ushbu soha rivoji uchun ilg‘or texnologiyalar asosida ishlab chiqqan loyihalari bilan mashhur. Ular mamlakatni dunyodagi eng ilg‘or qishloq xo‘jaligi tizimiga aylantirdi. Texnologiyalarning keng qo‘llanilishi va barqarorlikka bo‘lgan intilish ularning muvaffaqiyatida hal qiluvchi rol o‘ynadi

Yuqori texnologiyalar va innovatsiyalar

🔝Gollandiya qishloq xo‘jaligida zamonaviy texnologiyalar keng qo‘llaniladi. Masalan, vertikal dehqonchilik, gidroponika va avtomatizatsiya. Bu texnologiyalar o‘simliklarni kam joyda ko‘paytirishga, resurslarni tejashga va yuqori samaradorlikka erishishga yordam beradi.

🌐 Tomchilatib sug’orish va suvni tejash texnologiyalari orqali suv yetishmovchiligi muammosini samarali hal etishgan. Ular o‘zining yuqori texnologiyali issiqxonalari bilan ham mashhurdir. Unda ekinlarni yetishtirish sharoitlarini optimallashtirish uchun ilg‘or texnologiyalar joriy etilgan.

🌡Bu issiqxonalar harorat, namlik va yorug‘likni nazorat qiluvchi tizimlar bilan jihozlangan bo‘lib, fermerlarga yil davomida boshqariladigan muhitda hosil yetishtirish imkonini beradi.

Kuchli ilmiy-tadqiqot bazasi

🏛 Gollandiyada qishloq xo‘jaligi ilm-fani va tadqiqotlarining yuqori darajasi mavjud. Vageningen universiteti bu sohada dunyodagi yetakchi o‘quv va tadqiqot muassasalaridan biri hisoblanadi. Ilmiy izlanishlar tuproq unumdorligini yaxshilash, yangi usullar va mahsulotlarni ishlab chiqarish bo‘yicha muntazam yangiliklar olib keladi.

🚪 Masalan, ekinlar va tuproq holatini kuzatish uchun dron va sensorlardan foydalanish hamda ekish, o‘g‘itlash va yig‘ishtirib olish bo‘yicha asosli qarorlar qabul qilish uchun ham ular to‘plagan ma’lumotlardan foydalaniladi.

Barqaror dehqonchilik

🤑 Ushbu mamlakatda shamol va quyosh energiyasi kabi qayta tiklanadigan energiya manbalaridan foydalanish, tomchilatib sug‘orish orqali suv sarfini kamaytirish va pestitsidlar o‘rniga zararkunandalarga qarshi kurashning tabiiy usullaridan foydalanish mexanizmlari keng yo‘lga qo‘yilgan.

Kooperatsiya va innovatsion fermalar

🌱Gollandiyadagi fermerlar va korxonalar o‘zaro kuchli kooperatsiya qilishadi. Ular ishlab chiqarish, marketing va texnologiya bo‘yicha bir-birini qo‘llab-quvvatlashadi. Fermerlar yashil issiqxonalar yordamida yil davomida mahsulot yetishtirishadi, bu esa hosildorlikni sezilarli darajada oshiradi.

Yuqori samarali transport va logistika

🚚 Mamlakat logistika infratuzilmasi juda rivojlangan. Rotterdam porti va Amsterdam xalqaro aeroporti xalqaro bozorlar bilan tezkor aloqalarni ta’minlaydi. Bu eksport hajmining oshishiga sabab bo‘lmoqda. Gollandiya dunyodagi ikkinchi yirik qishloq xo‘jalik mahsulotlari eksportchisi hisoblanadi.

Barqarorlik va ekologik mezonlarga e’tibor

📍Gollandiyada organik dehqonchilik, uglerod chiqindilarini kamaytirish va qayta tiklanadigan energiya manbalaridan foydalanish tizimi keng yo‘lga qo‘yilgan. Bu esa mamlakatni ekologik jihatdan barqaror va samarali qishloq xo‘jaligiga erishgan yetakchi davlatga aylantirmoqda.

#bu_qiziq🕊Telegram | 📹Instagram | 📱Facebook | 📺YouTube

⌛ Qishloq xo‘jaligi texnikalarini modernizatsiya qilish bo‘yicha olib borilayotgan ishlar doirasida Jizzax viloyatining Paxtakor tumaniga zamonaviy qishloq xo‘jaligi texnikalari yetkazildi.

🚜 “O‘zagrolizing” aksiyadorlik jamiyati tomonidan yetkazilgan texnikalar orqali qishloq xo‘jaligida yuqori samaradorlikka erishish, hosildorlikni oshirish va fermerlar faoliyati uchun zamonaviy texnik bazani yaratishga imkoniyat yaratilmoqda .

👀 Xususan, Paxtakor tumaniga yetkazib berilgan 15 dona haydov traktori;
18 dona chopiq traktori;
15 dona bog‘ traktori;
22 dona transport traktori;
160 dan ortiq turli qishloq xo‘jaligi texnikalari va agregatlari zamonaviy texnologiyalar bilan jihozlangan bo‘lib, yuqori samaradorlikka ega va ekologik xavfsiz ishlash imkonini beradi.

👉 Shuni ta'kidlash kerakki, haydov va chopiq traktorlari qishloq xo‘jaligi yerlarini ishlov berishda yoqilg‘i sarfini qisqartirishga va tuproqning tabiiy unumdorligini saqlab qolishga mo‘ljallangan.

🚜 Transport traktorlarida ilg‘or yuk ko‘tarish va tashish tizimlari joriy etilgan bo‘lib, hosilni tezkor yig‘ib olish va yetkazib berishni osonlashtiradi.

Bundan tashqari, texnikalar zamonaviy raqamli boshqaruv tizimlari bilan jihozlangan bo‘lib, ish jarayonini avtomatlashtirish, ma’lumotlarni real vaqtda kuzatib borish va optimal qarorlar qabul qilish imkonini beradi. Bu innovatsion yondashuvlar qishloq xo‘jaligi ishlarida inson omilini kamaytirishga va mehnat samaradorligini oshirishga xizmat qiladi.

✅Shuningdek, “O‘zagrolizing” AJ tomonidan yetkazib berilgan texnikalar imtiyozli lizing shartlari asosida taqdim etilib, ushbu shartlar quyidagilarni o‘z ichiga oladi:

🟠Boshlang‘ich to‘lovning minimal darajada belgilanishi;
🟠Uzoq muddatli to‘lov imkoniyati, bunda yillik foiz stavkalari fermerlar uchun maqbul darajada saqlanadi;
🟠Texnikani qabul qilgandan keyin to‘lovlarni boshlash uchun qulay muddatlar belgilangan.

❗️Bundan tashqari, fermerlar va dehqonlar uchun texnik xizmat ko‘rsatish markazlari tashkil etilmoqda. Bu markazlar orqali:

✔️Texnikani o‘z vaqtida ta’mirlash va ehtiyot qismlar bilan ta’minlash;

✔️Operatorlarni yangi texnikadan samarali foydalanish bo‘yicha o‘quv kurslariga jalb etish;

✔️Hududda muhandislik va texnik yordam ko‘rsatish tizimini rivojlantirish imkoniyatlari taqdim etiladi.

🔊 Mazkur tadbirlar fermer xo‘jaliklarini zamonaviy texnika bilan ta’minlash orqali qishloq xo‘jaligi mahsulotlari ishlab chiqarish jarayonlarini optimallashtirishga, ishlab chiqarish tannarxini pasaytirishga va hududning umumiy iqtisodiy rivojlanishiga sezilarli hissa qo‘shishi kutilmoqda.

#jarayon 🌎 www.uzal.uz
🕊Telegram | 📹Instagram | 📱Facebook | 📺YouTube

🔔 "Oʻzagrolizing” aksiyadorlik jamiyati
aksiyadorlari diqqatiga!

🔠 2025-yil 4-fevral kuni soat 10:00 da jamiyat aksiyadorlarining navbatdan tashqari umumiy yigʻilishi jamiyat binosi majlislar zalida oʻtkazilishini maʼlum qiladi.

📍Jamiyat aksiyadorlarining navbatdagi yillik umumiy yigʻilishi oʻtkaziladigan manzil:
Toshkent shahar, Yakkasaroy tumani, Bobur koʻchasi, 42a-uy, jamiyat binosining majlislar zali.

🕐Jamiyat aksiyadorlarini roʻyxatga olish 2025-yil 4-fevral kuni soat 09:00 da boshlanadi.

❗️Jamiyat aksiyadorlarining navbatdan tashqari umumiy yigʻilishida ishtirok etish uchun aksiyadorlar qonunchilikka muvofiq shaxsini tasdiqlovchi hujjatlarni roʻyxatga olish vaqtida taqdim etishi shart. Yuridik shaxslarning vakillari belgilangan tartibda rasmiylashtirilgan ishonchnoma bilan kelishlari soʻraladi.

Batafsil:🌎 www.uzal.uz

➖➖➖➖➖➖➖➖➖➖➖

🔔 Вниманию акционеров акционерного общества “Узагролизинг”!

✅ Сообщаем, что 4 февраля 2025 года в 10:00 часов в зале заседаний здания общества состоится внеочередное общее собрание акционеров.

📍Адрес проведения внеочередного общего собрания акционеров:
город Ташкент, Яккасарайский район, улица Бобура, дом 42а, зал заседаний здания общества.

⌛ Регистрация акционеров начнётся 4 февраля 2025 года в 09:00 часов.

❗️Для участия во внеочередном общем собрании акционеры должны при регистрации предоставить документы, удостоверяющие личность, в соответствии с законодательством. Представители юридических лиц обязаны предоставить доверенность, оформленную в установленном порядке.

🕊Telegram | 📹Instagram | 📱Facebook | 📺YouTube