Театр Арбоблари уюшмаси

@teatrolam

Channel's geo and language: Uzbekistan, Uzbek

Category: Art

Ўзбекистон Республикаси Театр Арбоблари уюшмасининг Telegramдаги расмий саҳифаси
https://www.instagram.com/teatrolam/
https://www.facebook.com/teatrarboblari.uyushmasi

Related channels | Similar channels

Channel's geo and language

Uzbekistan, Uzbek

Театр Арбоблари уюшмаси

1 Feb, 16:16

ГЎЗАЛ ФАЗИЛАТЛАР – САНЪАТКОРНИНГ ЁРҚИН КЎЗГУСИДИР

Ахлоқан пок инсон, бу аввало, имони бут, эътиқоди баланд, маънавияти етук, безовта қалб, ҳамиша изланувчан шахсдир. Бундай изланувчилар, ҳаёт билан ҳамнафас, шижоатли касб эгалари - санъаткорлар, саҳна усталаридир. Халқни ҳар тарафлама тоблаб бориш, уларнинг қалби, дилига эзгулик уруғини қадаш ғоятда муҳимдир. Саҳнада ҳаётнинг аччиқ-чучугию пасту баландини, қувончу ташвишларини кўрсатиб бера оладиганлар ҳам саҳна усталари, маҳоратли санъат аҳлидир. Ана шундай истеъдодли, Аллоҳ қонига касбини сингдирган, забардаст дейишга арзигулик истеъдод эгаси - Муқимий номидаги Ўзбекистон давлат мусиқали театрининг етук устоз санъаткори, Ўзбекистон Республикасида хизмат кўрсатган артист - Малика Қаюмовадир.

Санъатнинг турлари кўп. Аммо, театр сеҳрлилиги билан ўзгача бир олам, шундай санъаткорлар борки, улар айнан театр учун туғилган. Театрни севишади, ҳаётларини бошқа хеч бир санъат тури билан тасаввур қила олишмайди.

Батафсил

60 0 0

Театр Арбоблари уюшмаси

1 Feb, 15:39

Ўзбекистонда хизмат кўрсатган маданият ходими, режиссёр, актёр, устоз санъаткор — Жаббор Сатторович Тошевни таваллуд топган куни муносабати билан табриклаймиз!

У кишининг ўғли ҳам таниқли актёр, дубляж устаси — Санжар Сатторов.

Жаббор Сатторовичга мустаҳкам соғлик, узоқ умр, ижодига улкан зафарлар тилаймиз! Фарзандлари ва невараларининг орзу-ҳаваси ҳамда роҳатини кўриб юришларига тилакдошмиз!

Маълумот: Ўзбекистонда хизмат кўрсатган маданият ходими — Тошев Жаббор Сатторович 1959 йилнинг 1 Февраль куни Қашқадарё вилояти Касби туманидаги Қамаши қишлоғида ишчи оиласида дунёга келган. Отаси Тошев Саттор 2-жаҳон уруши қатнашчиси, онаси Файзиева Бибиниёз эса оддий ишчи бўлишган.

Батафсил

109 0 5

Театр Арбоблари уюшмаси

1 Feb, 15:20

Малика Қаюмова (1954 – 2024)

Ўзбекистонда хизмат кўрсатган артист, Муқимий номидаги Ўзбекистон давлат мусиқали театрининг актрисаси – Малика Қаюмова 1954 йилнинг 1 февраль куни Тошкент вилоятида таваллуд топган.

2011 йили “Ўзбекистонда хизмат кўрсатган артист” фахрий унвони билан мукофотланган.

Маълумоти олий. 1976 йили Тошкент Театр ва рассомлик санъати институтини битирган. Институтни битиргач, ўзбек драма театрида ўз фаолиятини бошлаган. 1993 йилдан бошлаб Муқимий номидаги мусиқали театрда фаолият кўрсатиб келган.

Бу театрда Малика Қаюмова ёш бўлишига қарамасдан, оналар ролини ижро этиб, театр жамоасининг ишончини қозонган. Малика Қаюмова ўз ижодий фаолияти давомида театрда саҳналаштирилган 30 дан ортиқ спектаклларда бош қаҳрамон роллари ва характерли образларни юксак маҳорат билан ижро этиб, репертуарни бойитган.

Устоз санъаткор 2024 йил вафот этган.

283 1 2

Театр Арбоблари уюшмаси

1 Feb, 14:17

🎆1 Февраль – Ўзбекистон давлат ёш томошабинлар театрининг маҳоратли актёри – Файзулла Асқаров таваллуд топган кун.

Ижоди давомида “Муха-Цокотуха”, “Счастливый принц”, “Кошкин дом”, “Game over” каби спектаклларда ўзига хос ролларни ижро этган.

Театр жамоаси Файзулла Асқаровни туғилган куни билан табриклаб, унга узоқ умр, мустаҳкам саломатлик ва ижодий зафарлар тилайди.

@tyuz_uz

125 0 1 2

Театр Арбоблари уюшмаси

1 Feb, 12:12

#Afisha

O‘zbekiston davlat yosh tomoshabinlar teatri fevral oyi repertuarini e’lon qiladi.

Bir-biridan qiziqarli va maroqli spektakllar, yorqin janrdagi sahna asarlarini o‘tkazib yubormang!

Teatrimizda kutib qolamiz!

@tyuz_uz

162 0 2 1

Театр Арбоблари уюшмаси

1 Feb, 11:20

#Репертуар_февраль

Муқимий номидаги Ўзбекистон давлат мусиқали театрининг
2025 йил февраль ойи репертуари!

@Muqimiyteatruz

123 0 0

Театр Арбоблари уюшмаси

1 Feb, 07:26

#Teatr_ijodkorlari_ijodidan

БАҲОРЛАРГА ЭЛТГИН...

Кўклам нафасига ўхшар нафаси,
Совуқлар заҳрини яширар сал-пал.
Кўнгилда бинафша шивири, саси,
Бизни баҳорларга олиб кет, февраль...

На қиш бу ва на баҳорга ўхшар,
Аросат фаслнинг қилмишими бу?
Шамоллар изиллар, вужуди қақшар,
Яланғоч дарахтлар кечмишими бу?

Қиш, майли феврални сенга бераман,
Қўнглимга босаман қору музларни.
Умид бинафшасин дилдан тераман,
Фақат баҳорларга элтгин бизларни...

Биламан, барибир ташлаб кетасан,
Бахорга элтгувчи йўлларинг ҳам ҳал.
Хоҳла ё хоҳлама мартга етасан,
Бошқа илож йўқдир, уринма, февраль...

Моҳигул ЎКТАМ қизи.
1 февраль, 2022 йил.

175 1 3 2

Театр Арбоблари уюшмаси

1 Feb, 07:11

#Teatr_ijodkorlari_ijodidan

Қўчқор НОРҚОБИЛ

ОЛИСЛАРДА ҚОЛГАН БАХТ
Ҳикоя

Ярим соат ялиндим. Кўнмади, боролмайман, деди. Қарасам, телефонимнинг ҳам жони чиқиб бораяпти — қуввати тугаяпти.
— Бу балки Сенинг ҳаётингдаги энг унутилмас кун бўлар, бу кун балки, тақдирингни кескин буриб юборар... ухлайвер, ғафлат босиб. Садқаи одам...
Телефонимни алам билан ўчирдим. Машинамни энди юрғизаман, деб калитга қўл узатган эдим, қўлтелефон жиринглади:
— Қаердасан?
— Қаерда бўларди, уйингнинг ёнидаман.
— Бўпти, кутиб тур, тушаман.
— Ҳаҳ, ўзимнинг қадрдоним, зўрсан-да...
— Ўчир овозингни.., — бўғриқди Суҳроб.
Йўлга тушдик. Суҳроб орқа ўриндиқда. Қиёфа тунд, қовоқдан қор ёғади. Менинг ҳам дамим ичимда. Пешонамдаги ойнадан аёзни қўрқитадиган авзойига боқиб, ичимдан кулги кўтарилади, ўзимни зўрға тияман.
— Қадрдоним, бирровгинага (шу сўзга урғи бериб, чўзиб айтаман) ҳалиги жойга, фирмага кириб чиқайлик. Қорбобонинг кийимларини тайёрлаб қўйишган.
Суҳроб жим. Юзини ойнага буради.

Батафсил

158 1 2

Театр Арбоблари уюшмаси

1 Feb, 06:52

1 Февраль – «Шуҳрат» медали соҳибаси, Самарқанд вилоят мусиқали драма театрининг тажрибали ва маҳоратли актрисаси – Гулистон Музаффаровна Жабборова таваллуд топган кун!

Гулистон Музаффаровна, доимо соғ-саломат бўлинг, бахт, саодат ва омад ҳамиша ҳамроҳингиз бўлишига тилакдошмиз! Келажакдаги хайрли ва ижодий ишларингизга файзу барака ва улкан муваффақият тилаймиз!

Самарқанд вилоят мусиқали драма театрининг ижодий жамоаси.

Маълумот: Гулистон Музаффаровна Жабборова 1970 йилнинг 1 февраль куни Самарқанд вилоятидаги Пахтачи туманида туғилган. Маълумоти олий. Мусиқали драма актёри.

1987 йилда Тошкент давлат Театр ва рассомлик санъати институтининг мусиқали драма ва кино актёрлиги факультетида ўқиш билан бирга, Абдулҳамид Мажидий номли ўзбек драма театрида ўз фаолиятини бошлаган. Истеъдодли мусиқали театр ва кино актрисаси. Ширали овоз соҳибаси.

Батафсил

318 0 3

Театр Арбоблари уюшмаси

1 Feb, 06:34

#Taziya

Ўзбекистонда хизмат кўрсатган артист, "Дўстлик ордени" соҳибаси, устоз санъаткор, бетакрор овоз соҳибаси, етук актриса ҳамда маҳоратли педагог – Ойгул Темировна Ҳалилова ёруғ оламни тарк этди.

Ойгул Ҳалилованинг оила аъзолари ва ҳамкасбларига чуқур таъзия билдирамиз.

Ойгул Ҳалилова сермазмун меҳнат фаолияти давомида 2001 йилда "Ўзбекистонда хизмат кўрсатган артист " фахрий унвони;

2011 йилда Ўзбекистон Республикаси Мустақиллигининг 20 йиллик эсдалик кўкрак нишони;

2016 йилда Ўзбекистон Республикаси "Дўстлик" ордени;

2016 йилда «Ўзбекистон Республикаси Мустақиллигининг 25 йиллиги» кўкрак нишони билан тақдирланган.

Қашқадарё вилоят мусиқали драма театри Матбуот хизмати

919 1 29 10

Театр Арбоблари уюшмаси

1 Feb, 05:08

Муқимий номидаги Ўзбекистон давлат мусиқали театрининг актёри – Илҳом Атамирзаевни таваллуд топган куни билан муборакбод этамиз.

Илҳом Атамирзаевга соғлик, узоқ умр, ижодий ва ижобий парвозлар тилаймиз. Умр йўлдоши, маҳоратли актриса – Гуласал Раҳмонова билан умрбод бахтли ҳаёт кечиришлари ва биргаликда ижод қилиб юришларини тилаймиз!

Маълумот: Илҳом Нуриддинович Атамирзаев 1986 йилнинг 1 февраль куни Наманган вилоятининг Учқўрғон туманида туғилган.

Маълумоти олий. 2010 йили Тошкент давлат Санъат институтининг «Мусиқали драма» факультетини битирган.

Муқимий номидаги Ўзбекистон давлат мусиқали театрида 2010 йилдан буён ишлаб келмоқда.

Илҳом Атамирзаев театрдаги фаолияти давомида репертуардан жой олган қатор спектаклларда хилма-хил образларда намоён бўлиб, томошабинлар эътиборига тушган ижодкорлардан бири.

179 1 3

Театр Арбоблари уюшмаси

31 Jan, 15:34

#Teatr_ijodkorlari_ijodidan

БОЛАЛИКНИ СОҒИНДИМ...

Болалигимизда қиш фасли бошқача бўларди.... Яъни, фасллар ўз ўрнида келар, ҳозирги каби баҳорни эслатадиган қиш эмас, балки изиллатадиган изғиринли, қорли қиш бўларди...

Биринчи синфга чиққан йилим оиламиз янги уйга-ҳозирги замонавий коттежларни эслатадиган уйлардан бирига кўчиб ўтган, янги бунёд этилган митти туманда ҳамма бинолар – мактаб, боғча, дўконлар янги эди.

Яхши эслайман, янги уйимиз аввал колхоз деб аталган ташкилотнинг ерларига туташиб кетгани боис, қишда бу далалар чилла суви билан суғориларди. Ўшанда далалар муз билан қопланар ва бу биз болалар учун яхмалакда учиш энг севимли машғулотимиз эди. Тошкентга малака оширишга борганларида дадам раҳматли бизга чана олиб келганлари ҳам кечагидай ёдимда... Биз шу чана билан маза қилиб яхмалак учардик, кечгача қорбўрон ўйнардик.. Энг қизиғи совуқда қанча ўйнасак ҳам, юзларимиз, қўлларимиз музлаб қолса ҳам ҳеч касал бўлмасдик...

Батафсил

176 0 2

Театр Арбоблари уюшмаси

31 Jan, 14:38

04:14

Video is unavailable for watching

Show in Telegram

🎭OAV_biz_haqimizda

“Amir Temur jangovar bayrog‘i” mukofoti Surxon vohasiga olib kelindi. Shu munosabat bilan Surxondaryo Sanʼat saroyi davlat muassasasida tashkil etilgan tantanali tadbirda Surxondaryo viloyat musiqali drama teatri ijodkorlari tomonidan Amir Temur siymosi gavdalantirilib, sahna ko‘rinishlari namoyish etildi.

Manba: STRK

Surxondaryo viloyat musiqali drama teatri Matbuot xizmati.

150 0 0 2

Театр Арбоблари уюшмаси

31 Jan, 13:58

00:31

Video is unavailable for watching

Show in Telegram

31 Январ – Ўзбекистон давлат ёш томошабинлар театрида “Game over” спектакли намойиш этилди.

@tyuz_uz

204 0 1 1

Театр Арбоблари уюшмаси

31 Jan, 13:55

#Бизнинг_ижодкор

✅ Дурдона Носирова 1991 йил 25 июлда Самарқанд вилояти Оқдарё туманида таваллуд топган.

✅ 2014 йилда Ўзбекистон давлат санъат ва маданият институтининг “Мусиқали театр актёрлиги” факултетини тамомлаган. Мазкур театрда 2014 йилдан буён ишлаб келмоқда.

🎭 “Отабек ва Кумушбиби”_Кумуш
“Тоҳир ва Зуҳра”_Зуҳра
“Лайли ва Мажнун”_Лайли
“Хонума”_Сона
“Олифта”_Рухсора
“Зўрдан зўр чиқса”_Ошиқ қиз
“Уйғониш”_Гуландом
“Қобил ила Ҳобил”_Абуда
“Жадидлар”_Марям
“Қайнона”_Севдо
“Айёргина аёллар”_Лола
“Жайдари келин”_Азиза
“Дилдаги доғ”_Садира
“Ёшлик соғинчи” театрлаштирилган ретро концерт дастурида
“Муҳаббат наволари” театрлаштирилган мусиқали томошада

@Muqimiyteatruz

141 0 1

Театр Арбоблари уюшмаси

31 Jan, 13:54

00:51

Video is unavailable for watching

Show in Telegram

#Бугун_репертуаримизда

31 январь, соат 18:00 да Муқимий номидаги Ўзбекистон давлат мусиқали театр репертуарида – “Антиқа совчилар” спектакли!
Саҳналаштирувчи режиссёр – Б.Назаров.
Саҳналаштирувчи дирижёр – О. Комилжонов.

Мурожаат учун телефон рақамларимиз:
(+998) 71-245-1633
(+998) 90-959-3456

@Muqimiyteatruz

122 0 0

Театр Арбоблари уюшмаси

31 Jan, 13:52

#Бизнинг_ижодкор

✅ Жавоҳир Одилжонов 1995 йил 13 августда Қашқадарё вилояти Қарши шаҳрида таваллуд топган.

✅ 2019 йилда Ўзбекистон давлат санъат ва маданият институтининг “Мусиқали театр актёрлиги” факултетини тамомлаган. Муқимий номидаги Ўзбекистон давлат мусиқали театрида 2018 йилдан буён ишлаб келмоқда.

🎭 “Отабек ва Кумушбиби”_Отабек
“Зўрдан зўр чиқса”_Ошиқ йигит
“Усмон Носир”_Саша
“Жадидлар”_Талаба
“Бахши”_Шоназар бахшини ёшлиги
“Сен гулсан, жоним”_Зафар
“Замон Авлонийси”_Эргашни ёшлиги
“Ақлдан озиш ҳеч гапмас”_Тоҳир

@Muqimiyteatruz

122 0 0 1

Театр Арбоблари уюшмаси

31 Jan, 13:49

Forward from: Madaniyat.uz I Rasmiy kanal

⁉️ Bugun “Yangi Oʻzbekiston yulduzlari” madaniyat va sanʼat milliy mukofoti g‘oliblarini taqdirlash marosimida qaysi nominatsiyalar bo‘yicha g‘olib va sovrindorlar aniqlanishini bilasizmi?

🎬 🎭 "Kino, teatr va ommaviy tomoshalar" yo‘nalishida – Yilning eng yaxshi spektakli, Yilning eng yaxshi badiiy filmi, Yilning eng yaxshi qo‘g‘irchoq spektakli, Yilning eng yaxshi teatr aktyori, Yilning eng yaxshi teatr aktrisasi, Yilning eng yaxshi teatr rejissyori, Yilning eng yaxshi qiziqchisi, Yilning eng yaxshi sirk artisti.

🎙 “Estrada va an’anaviy, opera xonandaligi, musiqa ijrochiligi va raqs san’ati” yo‘nalishida – Yilning eng yaxshi an’anaviy erkak xonandasi, Yilning eng yaxshi an’anaviy ayol xonandasi, Yilning eng yaxshi opera ijrochisi, Yilning eng yaxshi estrada erkak xonandasi, Yilning eng yaxshi estrada ayol xonandasi, Yilning eng yaxshi orkestri, Yilning eng yaxshi raqqosasi, Yilning eng yaxshi sozandasi.

🎨 “Tasviriy va amaliy san’at” yo‘nalishida – Aholiga xizmat qilgan yilning eng yaxshi kutubxonasi, Yilning eng yaxshi adibi (shoiri), Yilning eng yaxshi milliy madaniyat markazi, Yilning eng yaxshi media loyihasi.

✅ Bizni kuzatib boring, tadbir tafsilotlari haqida xabardor etib boramiz…

Telegram | Instagram | Facebook | Veb-sayt

94 0 0 1

Театр Арбоблари уюшмаси

31 Jan, 10:05

#Tabriklaymiz

🎉 31 Yanvar – Jizzax viloyat musiqali drama teatrining iste'dodli rejissyori – Umid Nurmatov tavallud topgan kun!

🎊 Shu munosabat bilan Jizzax viloyat musiqali drama teatr jamoasi ijodkorimizga ijodiy barkamollik, sihat-salomatlik, oilaviy xotirjamlik va baxt, kelgusi ishlarida ulkan muvaffaqiyatlar tilab qoladi.

Jizzax viloyat musiqali drama teatrining Matbuot xizmati

134 0 0 4

Театр Арбоблари уюшмаси

31 Jan, 07:14

#Spektakl_namoyishi

Yoshlarni ma’naviy salohiyatini va teatr san’atiga bo‘lgan qiziqishlarini oshirish maqsadida Andijon viloyat Yoshlar teatrida dramaturg – Usmon Azim, rejissyor – Elmurod Yo‘lchiboyev tomonidan sahnalashtirilgan "Kunduzsiz kechalar" nomli spektakli Andijon tumani hamda Andijon shahridagi 47-umumta’lim o‘rta maktabi o‘quvchilariga namoyish etildi.

Tomoshabin yoshlarda ma’rifatparvar, jadidchilik harakati namoyandasi, vatanparvar erk kuychisi, Andijonning mard o‘g‘loni – Cho‘lponning hayoti va ijodiga bag‘ishlangan asar bugungi istiqlol kunning qadriga etish bilan birga sahnadagi ta’sirli voqealar rivoji, yorqin obrazlar, qahramonlar kechmishi chuqur taassurot qoldirdi.

@andyoshlartheatr

164 1 3

20 last posts shown.