ANDIJON YOSHLAR TEATRI

#Bobur_542_yilligi_oldidan

Andijon farzandi, shoh va shoir Zahiriddin Muhammad Bobur tavalludining 542 yilligi munosabati bilan Andijonda fevral oyi "Bobur oyligi" deb e’lon qilinib, keng miqyosda buyuk ajdodimizning qoldirgan bebaho boy merosi, hayoti va ijodiga yuksak ehtirom va e’zoz ko‘rsatish, uni avlodlarga munosib ravishda yetkazgan holda, ayni damda viloyatda  katta ko‘lamda ijodiy tayyorgarliklar boshlangan bo‘lib, buyuk bobokalonimizning tarixi, ijodi va hayotini o‘zida aks ettiruvchi yangi qisqa metrajli film suratga olinmoqda.

Andijon viloyati Yoshlar teatrining ijodiy  jamoasi ham mazkur ijodiy jarayonlarda sahna orti va sahna oldida faol qatnashib, tarixiy obrazlarni gavdalantirmoqdalar.

@andyoshlartheatr

#Navoiy_tavalludining_584_yilligi

Millatimiz quyoshi

Bugun oʻzbek xalqining faxri, iftixori, gʻazaliyot mulkining sultoni Mir Alisher Navoiy  bobomizning 584 yilligi yurtimiz boʻylab keng nishonlanmoqda.Bu sana munosabati bilan nafaqat Oʻzbekistonda, balki chet ellarda, xususan turkiy tilli davlatlarda ham turli maʼnaviy-maʼrifiy tadbirlar oʻtkazilayotgani ulugʻ mutafakkir shoirning dunyo adabiyotida alohida oʻrni borligining isbotidir.

Zero oʻzining muhtasham “Xamsa”sini turkiy tilda yaratishga jazm etgan alloma oʻzidan avval besh dostonni yozib olam ahli eʼtiboriga tushgan ulugʻ shoir Nizomiy Ganjaviyning ijodiga yuksak baho berib “Oson ermas bu maydon ichra turmoq, Nizomiy panjasigʻa panja urmoq” deya oʻz ixlosu havasini bildirgan edi...
Lekin, alloma shoirimizning “Xamsa”si Alisher Navoiy ijodining  gultoji boʻlib turkiy xalqlarning adoqsiz mehrini qozondi.

Umuman oʻz asarlari bilan turkiy tilning keng imkoniyatlarini, qudratini olamga namoyish etgan oʻzbek tili va adabiyotining asoschisi Alisher Navoiy oʻz ijodi bilan asrlar osha hamon quyoshdek nur taratib turibti.

Shukrki, davrimiz yoshlari  bu bebaho merosni chuqur oʻzlashtirib,  maʼnolar xazinasidan bahramand boʻlish imkoniyatiga ega. Bu yogʻdu hali necha-necha zamonlar osha avlodlar qalbiga maʼnaviyat, maʼrifat, madaniyat kabi yuksak insoniy fazilatlarni baxsh etishi muqarrar.

Barchamizga bugungi qutlugʻ kun muborak boʻlsin!

🚀 Telegram / 📷 Instagram