Odilxon

Sarvar Usmon degan JUDA KATTA JURNALIST nafaqaga chiqibdilar.
Mingdan ortiq dahshatli ko‘rsatuvlar uchun rahmat.

Haqiqat oldida bosh egish tovbadir, o'zgasi g'ovg'adir!

Qodiriy

Fikrimni o'zgartiraman. Premium Tilmoch, ayniqsa "Sayqallash" funksiyasi bilan, ancha-buncha ishlarni yengillashtiradi. Faqat qimmatga tushishini aytmaganda))

Ego — dushman kitobi nashrdan chiqishiga oz qoldi. Bu yerda shu kitobni o'zbekchada o'qishni istaganlar bo'lsa, birorta tanlovcha o'tkazib yuborsak, g'oliblarga kitobni sovg'a qilsak, qanday bo'larkan? G'oliblar birinchi tirajda chiqqan kitobdan bahramand bo'ladilar)

Gap ko‘p. Lekin hozircha bitta qisqa maslahat bilan cheklanmoqchiman: Barchangizni jamoat oshxonalarida ovqatlanishni darhol to‘xtatishga chaqiraman.

Miya yuvish

Ish va gap o‘rtasidagi yagona bog‘liqlik shuki, ularning biri ikkinchisini o‘ldiradi.

Ego — dushman

Alloh ularning joylarini jannatdan qilsin, zolimlarga O‘zi kifoya qilsin!

Gender tengligi yo‘q ekan O‘zbekistonda. Nuqul kvartira izlasang faqat qizlarga chiqadi-ya!

Fursatdan foydalanib, shunday tashabbus bildirgan, jamoa tashkil qilgan Bahodir akaga rahmat aytaman.
Bu kitobni taklif qilgan jamoamiz a'zolari va tarjimaga ko‘maklashgan do‘stlarimizga alohida tashakkur.
Ularning mehnatisiz kitobni chiqarish balki umuman sodir bo‘lmas edi.
Tarjima haqida ko‘p iliq fikrlar bildirilgan bo‘lsada, shaxsan o‘zim uchun u hali mukammallikdan uzoq. Shu sababdan, yaqin kelajakda kitobning qayta tahririga urinish rejamizda bor.

Ammo hozircha Adib Xolid maqolasi hamda "Populizm" asari tarjimasi bilan bandmiz.

Rauf Jilasun qalamiga mansub "Halol Luqma" kitobini Shams Solih ovozida eshitib tugatdim.
Juda ta'sirli! Kitobda topish-tutishiga haromni aralashtirmaslikka intilgan insonning bu yo'ldagi qiyinchiliklari ham, yo'l oxiridagi saodatli hayoti ham qalamga olingan.
Kitobni tinglab, ana shunday sabot va irodani menga ham berishini Xudodan tiladim. Dunyo ajoyibotlari-yu, g'illi-g'ashliklari sizni o'ziga tortib ketayotgan bo'lsa, mana shu kitobning mutolaasini tavsiya qilaman.

Xullas, ba'zan Mark Mensoncha fikrlash depressiyaga solsa, ba'zan aksincha, beparvolikka o‘rgatadi.

Ulkan koinotdagi "ojiz va notavon zarra" ekanimizni, tarixiy nuqtai-nazardan yashab-o‘tadigan davrimiz-u, hatto yashab turgan mingyilligimiz ham arzimas vaqt ekanligini eslasak, shu qadar mayda muammolar bilan o‘ralashib qolganimizdan hijolatga ham tushib qolamiz.

Aynan ana shu "mayda zarra" ekanligimiz sababli hech narsa kuyinishga arzimasligini, hayotning har lahzasidan bahra olib yashash to‘g‘riroq bo‘lishini anglatmoqchi bo‘ladi bizga Menson.

Ha, bu bir tomondan odamni tinchlantiradi, boshqa tomondan, shu qadar arzimas ekanligimiz kishini battar tushkunlikka tushirib qo‘yadi.

Menson ilgari surayotgan g‘oyaga e'tirozim ana shu nuqtada — Qur'on bizga hayvonlardek maqsadsiz va faqatgina birlamchi ehtiyojlarni qondirish uchungina yashamaslik kerakligini o‘rgatadi. Unda ko‘rinmas, notavon zarra degan tushuncha yo‘q, qo‘lida bor imkoniyatdan foydalanib, natijasini Allohga havola qilinadi. Allohning xohishi bizning naqadar kichik va ojiz ekanimizga ham, qanchalik harakat qilganimizga ham qaramaydi. Ya'ni natija qanday bo‘lishidan qat'i nazar harakatlarimiz uchun emas, Alloh xohlagani uchun shunday holda bo‘ladi.

Demak, maqsadni kattaroq olaverish kerak.

Bular ko‘rinishidan kichik, ammo mohiyatan jiddiy omillar bo‘lib, hali kelayotgan yilda bular holva bo‘lib qoladi. Iqtisodchilar anchadan buyon yaqinlashib kelayotgan iqtisodiy bo‘hrondan ogohlantirib kelishmoqda.
Bu davrda imkon qadar qarz olmaslik, naqd pullarni saqlash, umuman olganda, "ekonom rejimda" yashab turish tavsiya qilinadi. Yil oxirigacha biroz miqdorda zahira mablag‘ini asrab qo‘yishga harakat qilmoq lobud.

O‘qib ko‘rishga arziydi

Menga bir narsa qiziq ko‘rinadi: har yili Openbudgetda yutish uchun katta mablag‘lar tikilyapti: odam yollanyapti, pul taklif qilinyapti (bugun bir ovoz uchun 70 ming taklif qilishganini eshitdim. O‘tgan yili 20 ming so‘m edi. Kursning o‘sish sur'ati dahshatli).
Bularni kim, nega moliyalashtiradi? Vatanparvarligi, mahalla obodligi,  maktab farovonligi uchunmi? U holda bu ish ommaviy tus olmas edi.
Loyiha g‘olib bo‘lsa, to‘g‘ridan-to‘g‘ri kartaga pul tushirib berilmaydi-ku.
Xullas, bu ishlarning o‘ta bir samimiy, manfaatsiz bo‘layotganiga ishonish qiyin.

Shundan so‘ng bu loyiha atrofidagi qing‘irliklar haqida bir-biridan qiziq hikoyalar eshitdim. Men uchun eng reallikka yaqin bo‘lgani:
Loyiha kirituvchi avval pudratchi bilan kelishib qo‘yadi.
So‘ngra, loyiha yutishi uchun yetarli investitsiya kiritadi, loyiha yutgach, ishni yarim bahosiga bitirib, qolgan pulni pudratchi bilan arra qiladi.

Old but gold scheme.

Siz bu borada qanday hikoyalarni bilasiz?

💯