Komiljon Aslonov | Rasmiy

Sizni eshitadigan odamgagina so'zlang

Sizni tushunadigan odamgagina so'zlang

Sizni his qiladigan odamgagina so'zlang.

Shunda sakinat topasiz

Shunda huzur topasiz... (#kuzatuvlar #xulosalar)

💬📹📹@komiljon_aslonov

⏺Inson kimnidir qalbini og‘ritishdan qo‘rqishi kerak.

⏺Inson ota-onasini norizo qilishdan qo‘rqishi kerak.

⏺Inson harom luqma yeb qo‘yishdan qo‘rqishi kerak.

⏺Inson gunoh qilishdan qo‘rqishi kerak.

⏺Inson Qiyomatdan qo‘rqishi kerak.

✅ Ammo...

⏺Inson haq gapni aytishdan qo‘rqmaslik kerak.

⏺Inson katta maqsadlar qilishdan qo‘rqmaslik kerak.

⏺Inson Allohga tavakkul qilishdan qo‘rmaslik kerak.

🔔Xulosa: Insonning qalbida qo‘rquv bo‘lishi kerak, ammo u qo‘rqoq bo‘lmasligi kerak.(#kuzatuvlar #xulosalar)

💬📹📹@komiljon_aslonov

🗣QOBILIYAT

Kimki, o‘ziga berilgan qobiliyatdan foydalanmasa, bu qobiliyat uni tark etadi.

📖 XAYRLI ILM

Har bir ilm iymon(islom) ilmi bilan birga o'rgatilsa, o'sha ilm egalari amalga oshirgan barcha ishda xayr bo'ladi, barokat bo'ladi. Chunki, harom, halolni yaxshi anglaydi ular.

❓ SAVOL

Nima deb o‘ylaysiz, (boshingizni tik tutib ayta olasizmi): gunohlaringiz soni ko‘pmi, tavbalaringiz?

(#kuzatuvlar #xulosalar)

💬📹📹@komiljon_aslonov

Shunday insonlar borki, maqsadi yo'lida raqobatchilaridan eng oldida emas, orqaroqda bo'lishni xohlashadi. Ya'ni sohasining eng zo'ri bo'lib olishni emas, o'zidanda zo'rroq insonlar bo'lishini istaydi.

Bunga sabab, ana shu o'zidan yaxshiroq insonlarga yetib olish, ular qatorida bo'lish uchun o'z ustida yanayam ishlashni xush ko‘radi. Ya'ni harakat, harakat va harakat qilishdan rohat oladi ular. Natijada bu sohada ilmi, tajribasi oshib, eng zo'ri bo'lishadi, bir kuni. Ular raqobatni yaxshi ko‘radi. Raqobatdan yaxshilik yo‘lida foydalanishadi.

Siz ham orqadamisiz. Yuqoridagi insonlardek bo'ling. "Mendan zo'rlar ko'p, men endi ulardek bo'lolmayman" deb, sinib qolmang. Aksincha, sekin bo'lsada, ularni ilm borasida "quvlang". Raqobatchingiz bo‘lmasa, kimnidir raqobatchi deb, belgilab, bundan o‘sish yo‘lida foydalaning.

Zero, raqobat yo‘q joyda o‘sish bo‘lmaydi.(#kuzatuvlar #xulosalar)

💬📹📹@komiljon_aslonov

🫀QALB

🔖Qalbida zarra hasad tuyg‘usi bo‘lgan insonni “Qalbimda Alloh bor” degan so‘zlari shubhalidir (men uchun)...🔖

📃 YAXSHI XOTIRALAR

🔖Keksayganda eslab quvonish uchun bugun yaxshi xotiralar qoldiring.🔖

☺️ YAXSHI INSON

🔖Har doim o'zingga quloq sol !
Chunki, yaxshi insondan yomon maslahat chiqmaydi. :) 🔖 (#kuzatuvlar #xulosalar)

💬📹📹@komiljon_aslonov

BAXT

- Sen juda baxtlisan-da, do‘stim.
- Nega?
- Chunki o‘z sevganingga uylanding.
- Bilasanmi, sen esa ikki hissa baxtlisan!
- Nega?
- Chunki senda istalgan qizni tanlab uylanish imkoniyati bor, menda esa yo‘q...

© K. Aslonov

“Amerikani yaxshi tarafi - nima bo’lishiga qaramasdan, hokimiyat har to’rt yilda o’zgaradi”

— deydi, bir yurtdoshimiz.

Men esa:

“Hokimiyat o‘zgargani bilan, maqsad o‘zgarmasa ne naf?

Dunyoni bosib olishga urunishlar, begunoh musulmonlarni qirish uchun urush ochish, kuchsiz davlatlar hududini qo‘shib olishga harakat... Bularning bari zulm.

Prezidentlar shunchaki, kelib ketuvchi vosita. Maqsadlarni o‘zgartirish kerak”

— deyman.

@komiljon_aslonov

Jismingizning sizga haqqi bor.

Nafsingizning sizga haqqi bor.

Ruhingizning sizga haqqi bor.

Har birining haqqini qanoatlantirishingiz kerak.

Jism ehtiyoji — poklanish, dam olish, uni (jismonan, aqlan) chiniqtirish, betob bo‘lganda davolash va hokazo.

Nafs ehtiyoji — halol luqma, ...

Ruh ehtiyoji— tushkunlikdan asrash, zikr va ibodat bilan oziqlantirish, tovba bilan poklash, haromdan saqlash va hokazo...

Har birining haqqini qanoatlantirishingiz kerak.

Ular Qiyomatda guvohlik beradi.

@komiljon_aslonov

Agar uzoq vaqt tushkun holatda yurgan bo‘lsangiz, sizda "U" yo‘q.

Agar dunyo ko‘zingizga "rangsiz"dek ko‘rinayotgan bo‘lsa, demak sizda" U" yo‘q.

Ko‘chaga chiqqingiz kelmaydi, hech kim bilan ko‘rishishni istamaysiz, qorong‘u uyda bag‘ringizni yerga bosib yotaverasiz. Chunki, sizda "U" yo‘q.

Baʼzida yashashni istamaysiz! "Kelmasam yaxshi edi bu dunyoga" deysiz. Sababi, sizda "U" yo‘q...

"U" shunday narsaki, sizni:
✓ yashashga undaydi,
✓ kuch bag‘ishlaydi,
✓ harakatga keltiradi,
✓ umid beradi,
✓ sinov, qiyinchiliklarni yengishda shijoat bo‘ladi.

"U"ning nomi — MAQSADdir. Maqsadi yo‘q inson yuqoridagilarning barchasiga duch keladi.

❓ Sizda "U" bormi?(#kuzatuvlar #xulosalar)

@komiljon_aslonov

Haqiqatan ham ko‘pchilik maqtagan narsa zo‘r(sifatli) bo‘ladimi?

Buni kitob misolida ko‘rib chiqaylik.

Bugun kitob savdosi unchalik ham daromadli bo‘lmagan davrda, turli janrdagi kitoblar chop etilayapti. Tabiiyki, nashriyotlar ziyon ko‘rishni istamaydi. Shunda ular nima qiladi?

Piar kuchidan foydalanadi. Yaʼni:

Deylik, mashhurroq yozuvchini biror kitobini chop etmoqchi.

1. Iqtiboslar tarqatiladi.
Hali kitob to‘liq tarjima qilib tugamasdan avvaldan undan qaymoq joylarini internet orqali tarqatib boradi.

2. Auditoriyasi ko‘proq va taniqliroq insonlardan foydalanadi.
Bu insonlar kitobxon bloger, aktiyor, jurnalist, tv boshlovchi va hokazo bo‘lishi mumkin. Deylik, biz bilgan Abdukarim Mirzayev (jurnalist), Xayrulla Hamidov (sharhlovchi), Erkin Bozorov (aktiyor),....

Ulardan kitob haqida chiroyli fikrlar yozib olinib, instagram, telegram, facebook va boshqa tarmoqlarga tarqatiladi.

Qarabsizki, kitob o‘qimaydigan odam ham shu kitobni topib o‘qishga qiziqadi.

Aslida, hamma maqtalgan kitob ham zo‘r bo‘lavermaydi. Kim uchundir zo‘r asar, boshqa uchun o‘ta zerikarli bo‘lishi mumkin. Chunki, hammaning qiziqishi, tanlovi har xil. Maqtasa, olib ketavermang. Ochib, varaqlab, biroz o‘qib ko‘ring, avval.

Bu qoida boshqa narsalarning reklamasi uchun ham ishlaydi.

Kitob tanlash haqida bu yerda yozgandim.

Lekin, shunday bo‘lsa ham baribir kitob o‘qib borish kerak. 😉 Mutolaaning foydalari ko‘p.

Xulosa: reklamaga to‘liq ishonib ish tutmang.

@komiljon_aslonov