Har doim ham ketish to'g'ri yo'l bo'lavermaydi. Ya'ni ketish joiz bo'lmagan paytda xoh kimnidir hayotidan, xoh boshqa joydan (masalan, kanaldan) bo'lsin, bu insonga juda katta qimmatga tushadi. Ketishimda bir ma'no yo'q edi o'shanda. Kimdir so'rasa "biroz dam olmoqchiman" dedim. Lekin asl sababini o'zim ham bilmasdim. Balki blogimga bog'lanib qolganmanmi yo'qmi o'zimni sinab ko'rmoqchi bo'lgandirman.
Blogimni hayotimda ortiqchalik yuki yo'q edi. 1 yil davomida buni his qilmaganman. Ammo ketishimdan oldin yelkamda juda katta og'irlik paydo bo'ldi. Buni nomi mas'uliyat, albatta. Blogimga oldingidek e'tibor bermayotgandim. Bu yerdagi 1000 dan ziyod insonlarni vaqtini suiiste'mol qilayotgandek ko'rinardim. Va bu o'y yelkamda og'ir yuk paydo qildi. Hayotimdagi ba'zi muammolar, stress va og'riqlar tufayli o'zimni yo'qotib qo'ydim. Aksariyat yaqinlarim hayotimni tark etishi, ishonchsizlik, harakatsizlik - hammasi har yoqdan siquvga olgandek edi. Boz ustiga, e'tiborsizligim tufayli ichki ishlar qo'liga tushdim. Yaqinda sud bo'ladi. Shaxsiy hayotimda turli o'zgarishlar bo'lavergach, sizlarga ham tayinli foydam tegmasligini bilgan holda to'xtatdim.
1 oy davomida muammolarim bilan bo'lib, 6 ta kitobni tugatibman. Tez orada har biri haqida batafsil post joylayman.
Rostini aytsam, notog'ri vaqtda ketib qolganim juda yomon bo'ldi. Blogimda aktivlik sezilarli darajada tushdi. IPhone telefonimdan ayrildim :(
Videolarim sifati pasaydi. Telefonim oddiyligi sababli ishimdan ham ketishga majbur bo'ldim. Ketganimdan keyin ortimdan yaxshi-yomon gaplar eshitdim. Yaqinim deganlarim ketimdan sirlarimni sotib yurishganini eshitdim. Ishonuvchanligim tufayli yana pand yedim. Hayotimda hamma narsamni xuddiki yangidan, 0 dan boshlagandekman. O'rni keldi bir yaqinimga pul kerakligi uchun, unga kerakli summani topolmaganimdan kitoblarimni sotmoqchi ham bo'ldim. Lekin sotmadim. Man bilan faqat shular qoldi. Faqat va faqat kitoblarim✨
Ramazonda zo'r aktivlik bilan qaytdim deyolmayman. Ammo qo'ldan kelgancha foydali resurslar joylashga harakat qilaman. Qalbim xuddiki, hozir yog'ayotgan qor kabi, havo kabi sovib qolgan. Balki, sizlarni aktivligingiz, ishonchingiz tufayli yana qayta iliqlashar...*postni o'qigan bo'lsangiz bildirib qo'ying, xursand bo'laman✨
