Ayol — qahva kabidir, agar unga beparvo boʻlsangiz, sovib qoladi. Hattoki sizga boʻlgan his-tuygʻulari ham...

Ayol agar yaxshi ko‘rgan insoni oldida jim bo‘lib qolsa, ayta olmay qolgan gaplari ko‘z yoshga aylanib sizib chiqadi.

Ayol avvaliga sizga yaqinlashishdan qo‘rqadi. Ammo kun kelib, undan uzoqlashsangiz, yig‘lay boshlaydi. Uni juda kamchilik tushunadi.

Ayol sizdan ortiqcha narsa talab qilmaydi, u faqat oʻz singlingiz uchun siz orzu qilgan kuyov kabi boʻlishingizni istaydi, xolos...

Agar oʻzingiz bilan eʼtibor, parvarish xaltasini koʻtarib olmagan boʻlsangiz, ayol kishining qalb eshigini zinhor taqillata koʻrmang!

Ayol yo juda katta makrdir, yo buyuk muhabbatdir!

Xohlaganingizni tanlab oling, ey erkaklar! Agar unga nisbatan makr ishlatsangiz, sizga ham makr bilan javob beradi. Agar uni yaxshi koʻrsangiz, uning chinakam sohibiga aylanasiz!

Ayol oʻzi betob holida dardingizga darmon boʻladi, oʻzi hazin holida sizga tasalli beradi, charchagan holida kechalari uxlamay chiqadi, oʻzi tanimagan kimsa uchun ham xafa boʻladi, hatto toʻyi kuni ham yigʻlaydi… Unga ozgina yumshoqlik bilan lutf qiling!

Ayol har qancha katta yoshda boʻlmasin, u sizdan doimo farzandingizga qilgan muomalani kutadi.

Ayol qanchalik badjahl boʻlmasin, u hech qachon mehr-shafqatdan xoli boʻlmaydi.

Ayol otasiz farzand oʻstira oladi, ammo erkak kishi onasiz farzand oʻstira olmaydi. Shuning uchun ham ayol muqaddasdir!