Type to search
Advanced channel search

Продам канал с доходом 138090

Всего за 55 000. Срочно нужны деньги.
img
ad

TGStat Bot

Bot to get channel statistics without leaving Telegram
img
ad

SearcheeBot

Your guide in the world of telegram channels
img
ad

ГЎЗАЛ ЁЗҒИЧЛАР

@guzal_yozgichlar
Channel's geo and language: Uzbekistan, Uzbek
Category: not specified

Мафтунлигим шуқадарки, унинг ўзига айлангим келганидан шу номни қўйдим. Бу Чўлпоннинг номи остига беркиниш эмас. Мажнун исминг нима деса,исмим Лайли деганидек,шоир ижодига муҳаббатимдан шу ҳолдамен.Юрагида муҳаббати бор одамнинг ўз изҳор услуби бўлади.

Related channels  |  Similar channels
Channel's geo and language
Uzbekistan, Uzbek
Category
not specified
Statistics
Is this your channel? Confirm Канал в реестре блогеров РКН? Confirm Channel history
Posts filter

ГЎЗАЛ ЁЗҒИЧЛАР

18 Jan, 23:53

Open in Telegram Share Report
МЕНИНГ КЎНГЛИМДА ЯШАЙДИ ХУДО!
(Изтиробли болалик  тасвирлари...)

Ҳеч Худони излаганмисан?!
Овоз чиқармай, унга айтиб-айтиб йиғлаганмисан?!
Товба, шукр, Алҳамдулиллоҳ!
Яратиқлар ичида энг кўнгилпарасти,
Энг соддаси эканинг ҳеч ўйлаганмисан?!
Биласанми, осмонга термилиб,
Худонинг уйини кўргиси келган бола эдим мен,
Ҳар кеча кўзларимни юмиб,
Бурчакка биқиниб олиб кутардим Худони.

Бола ақлим сезган ноҳақликлар ҳақида,
Ўксиклик, хўрлик,  ёлғизлигим ҳақида гаплашгим келарди.
Ўртоғимнинг янги оёқ кийимига,
Қўшни боланинг ўйинчоқ машинаси меники бўлишини ҳоҳлаганимда,
Эркалангим, музқаймоқ ялагим келганида,
Ота меҳрини қўмсаганимда,
Кўзларимни юмиб, Худони излардим кўзим ичидан...

Онамнинг ҳорғин ва ғамли юзларига кулгу сўраш учун излардим Худони,
Ёрилиб, қон тепчиган бармоқларини силашини истардим Худони.
Излаб-излаб улғайиб қолдим,
Ўксиб-ўксиб улғайиб қолдим.
Ва бир куни сездимки,
Худо мен билан, менинг  кўнглимда бўлган экан.
Йиқилсам суяган, очиқсам тўйдирган, 
Эркалаган экан уйқуларимда...

Бир нарса мени ҳануз  ўйлантиради,
Умрининг охирги лаҳзаларида, дард билан олишган Онам,
Жилмайибгина жон бердилар...
Онам кўрганмидилар кўзларимда Худони?!
Эй изимни қуритмоқчи бўлганлар,
Чоҳ қазиб чарчамаётганлар,
Сочим оқини, пешонамдаги ажинларни санаётганлар,
Менинг кўнглимда яшайди Худо!

@Мирзоҳид Ботиров

Гўзал ёзғичлар
https://t.me/joinchat/AAAAAFX-cD3IFksPJ9DBUQ
каналига обуна бўлинг
ГЎЗАЛ ЁЗҒИЧЛАР
Мафтунлигим шуқадарки, унинг ўзига айлангим келганидан шу номни қўйдим. Бу Чўлпоннинг номи остига беркиниш эмас. Мажнун исминг нима деса,исмим Лайли деганидек,шоир ижодига муҳаббатимдан шу ҳолдамен.Юрагида муҳаббати бор одамнинг ўз изҳор услуби бўлади.
171 0 2 10
ГЎЗАЛ ЁЗҒИЧЛАР

18 Jan, 23:53

Open in Telegram Share Report
МЕНИНГ КЎНГЛИМДА ЯШАЙДИ ХУДО!
90 0 2 1
ГЎЗАЛ ЁЗҒИЧЛАР

16 Jan, 20:21

Open in Telegram Share Report
Кўнглимни қўрга кўмиб,
Ва ё бир нурга кўмиб,
Нуқрадай томиииб-томиб,
Мавлога борай энди.

Йўлларим бахшиш этиб,
Ишқ майини нўш этиб,
Хаёлингиздан кетиб,
Мавлога борай энди.

Қай йўлда оввораман,
Ғарибман, бечораман,
Сўниқдим тобора ман,
Мавлога борай энди.

Яшадим бир ишқпараст,
Рўёлардан маст-аласт,
Чиқмайин туриб нафас,
Мавлога борай энди.

Сайрон дунёмдан кечиб,
Ҳайрон дунёмдан кечиб,
Вайрон дунёмдан кечиб,
Мавлога борай энди.

Жоним сукутда талош,
Юрагимга томар ёш,
Қадаримга эгиииб бош,
Мавлога борай энди...

@Мирзоҳид Ботиров
16.01.2025

Яқинларингизга юборинг
Kаналга уланиш👇👇👇

Гўзал ёзғичлар
https://t.me/joinchat/AAAAAFX-cD3IFksPJ9DBUQ
251 0 3 2 10
ГЎЗАЛ ЁЗҒИЧЛАР

13 Jan, 16:41

Open in Telegram Share Report
Forward from: ГЎЗАЛ ЁЗҒИЧЛАР
МЕН СЕНИ, ОНАМ ДЕБ СЕВАМАН ВАТАН!

Битта сўз бўғзимда бераётир жон,
Битта орзу орти ёниб оқар қон,
Номингдан ўргилай, жон Ўзбекистон,
Мен сени-Онам деб севаман ахир!

Қай элда сенингдек гўзал тарих бор,
Қай элда беш фасл яшайди баҳор,
Кўнглимда буюк ишқ, гуллайди хумор,
Мен сени-Онам деб севаман Ватан!

Бағрингда туғилдим, ўтаман кулиб,
Соғиниб кетаман, бағрингда туриб,
То юрак кўксимда, тураркан уриб,
Мен сени-Онам деб севаман Ватан!
Қадди тик, ўзлигин эр билган элим,
Қизин гул, ўғлини шер билган элим,
Беҳисоб достону шеър бўлган элим,
Мен сени-Онам деб севаман ахир!

Аллоҳ суйган тупроқ, ризқимдан аён,
Чўлга уруғ қадаб, қилдилар бўстон,
Номингдан ўргилай, жон Ўзбекистон,
Мен сени-Онам деб севаман ахир,
Мен сени-Онам деб севаман Ватан!

@Мирзоҳид Ботиров
Сўзи ва ижроси

Яқинларингизга юборинг
Kаналга уланиш👇👇👇

Гўзал ёзғичлар
https://t.me/joinchat/AAAAAFX-cD3IFksPJ9DBUQ
194 0 3 12
ГЎЗАЛ ЁЗҒИЧЛАР

10 Jan, 16:20

Open in Telegram Share Report
Бир ҳаёти зора маҳкум, бир хаёли ора маҳкум,
Бир вужуди нора маҳкум, инсон эдим дунёсина.

Карбалои сабза унмас, бир кўнгилдир дардга кўнмас,
Лабда бисмиллоси тинмас, бир жон эдим дунёсина.

Тонгла бошин эгиб турган, кўксига ўт тегиб турган,
Икки молик давра қурган, ошён эдим дунёсина.

Сўйласа ёши ариқдек, жисми жони заммариқдек,
Панжадин учган тариқдек, имкон эдим дунёсина.

Бир хаёли ерга тортган, бир нигоҳи қумга ботган,
Бир кўнгил деб йиғлаётган, армон эдим дунёсина.

Нола қилган саҳаргача, осий бўлган қадаргача,
Алиф, мимдан забаргача, бир он эдим дунёсина.

Ростми эдим, ёлғон эдим, аршга битик фармон эдим,
Мирзо тарки жаҳон эдим, меҳмон эдим дунёсина.

@Мирзоҳид Ботиров
05.11.23

Гўзал ёзғичлар
https://t.me/joinchat/AAAAAFX-cD3IFksPJ9DBUQ
каналига обуна бўлинг!
ГЎЗАЛ ЁЗҒИЧЛАР
Мафтунлигим шуқадарки, унинг ўзига айлангим келганидан шу номни қўйдим. Бу Чўлпоннинг номи остига беркиниш эмас. Мажнун исминг нима деса,исмим Лайли деганидек,шоир ижодига муҳаббатимдан шу ҳолдамен.Юрагида муҳаббати бор одамнинг ўз изҳор услуби бўлади.
2.1k 1 4 2 14
ГЎЗАЛ ЁЗҒИЧЛАР

7 Jan, 16:54

Open in Telegram Share Report
Икки дунё ораси хаёлга кетиб қолсам,
Жавобин кимса билмас саволга кетиб қолсам,
Ҳали ўлгим йўқ эди, уволга кетиб қолсам,
Ортимдан ким кулару, йиғлар борми ёронлар?!

Хайр дедим, хайрсиз кунлар битирди жонни,
Қуласа қуласинеей, тутармидим осмонни?!
Бошим дор оғочида, тортинглар тез арқонни,
Ё кўксимни тешгани тиғлар борми ёронлар?!

Бир авлиё бўлсайди, этагини ушласам,
Бир тоғ бўлса чиқсаму унгиридан тушмасам,
Кўними йўқ кўнгилни, ҳайратларда хушласам,
Шу кўнгилни эккани боғлар борми ёронлар?!

Кеча қаро алвасти, қоним сўриб тўймайди,
Руҳим қушнинг шаклинда шамол билан ўйнайди,
Ёди тутар куну тун унутарга қўймайди,
Телбалигим кўтаргай соғлар борми ёронлар?!

Бўса олдим ўйланиб майсаларнинг лабидан,
Ёр изладим ҳай ё ҳуу, ҳудди ўзим кабидан,
Тошга айланди кўнглим, ёр билганнинг зарбидан,
Кўнглимнинг ойида ҳам доғлар борми ёронлар?!

Саволлар бисёр бўлди, мен савол бўлсам керак,
Жимгина сўнган вулқон, ё шамол бўлсам керак,
Кетса кетсин ё Худо, мен эсам, ўлсам керак,
Битта шоир ўлди деб йиғлар борми ёронлар?!

@Мирзоҳид Ботиров
07. 01. 2025

Гўзал ёзғичлар
https://t.me/joinchat/AAAAAFX-cD3IFksPJ9DBUQ
ГЎЗАЛ ЁЗҒИЧЛАР
Мафтунлигим шуқадарки, унинг ўзига айлангим келганидан шу номни қўйдим. Бу Чўлпоннинг номи остига беркиниш эмас. Мажнун исминг нима деса,исмим Лайли деганидек,шоир ижодига муҳаббатимдан шу ҳолдамен.Юрагида муҳаббати бор одамнинг ўз изҳор услуби бўлади.
448 0 7 9 14
ГЎЗАЛ ЁЗҒИЧЛАР

6 Jan, 18:12

Open in Telegram Share Report
Ассалому алайкум,
устоз Абдулҳамид Чўлпон руҳлари шод бўлсин!


"Кўнглимда йиғлаган малаклар кимлар?
Шарқнинг оналари, жувонлари-ми?!"
Изларида қолган дард шевалари,
Фикрату тахайюл мезонлари-ми?

Ғамбода дил билан бораяпман, жим,
Саҳифамга нелар ёзилар ғижим.
Ҳолимга кулади, кулади дунё-
Сочлари сарғайган қари мунажжим!

Кўксимга қадалар адоват ниши,
Аллоҳга ҳавола, банда қилмиши.
Пушаймон чоҳига қуламасин ҳеч,
Аё дўст, шу ўксик қалбимиз иши!

Қаро ерга кетди, не бир султонлар,
Шунгача ғурурдан кўпирди қонлар.
Башар ғавғолари тўзғиган кунда,
Қорайиб кетармиш кўм-кўк осмонлар.

Айт, қачон кибрнинг тўни ечилар?
Дўстман деб, дўст учун кафан бичилар.
Қадар куни ўтмас иддаоларинг,
Худога ҳавола, балки, кечирар,
Балки, кеч урар!

@Мирзоҳид Ботиров

"Абдулҳамид Чўлпон.

👨‍👩‍👧‍👦Яқинларингизга юборинг

Kаналга уланиш👇👇👇

Гўзал ёзғичлар
https://t.me/joinchat/AAAAAFX-cD3IFksPJ9DBUQ
255 0 3 15
ГЎЗАЛ ЁЗҒИЧЛАР

1 Jan, 20:18

Open in Telegram Share Report
Янги йилни қутлаймиз,
Янги йилим деб,
Онам каби қариб,қуриб, инграниб бораяпти олам!
Ҳамма мақтар, баландпарвоз табриклар яна,
Мен ҳам ёзмоқчи эдим, ҳаммаси жўн,
Ҳаммаси айтилгандай, ғализ, тўхтадим,
Ҳамма айтган сўзларни айтгим келмади.
Ана, қаранг, кечаги куртак сарғайган,
Афсус, бугун ётар оёқ остида,
Янги йилни нимасини қутлайди шўрлик?
Ёшимни, сочим қораларини ўғирлаган У,
Ахир бу ўғирлик!
Ҳамма югуради, у ёқдан бу ёққа,
Кимлар яна нафс куйида чопар маркетга,
Кимдир бора олмас ҳатто яймага.
Кимдир ризқ, соғлиқ, бахт сўраб,
Тунда жойнамозда ялинар Ҳақга.
Менга фақат ҳаловат керак!
Кимга армон ҳануз бошпана,
Юзимизни, ичимизни кўрсат эски тошойна!
О янги йил, мен учун эски йилдан нима фарқинг бор?!
Билмайман буни?
Фақат кузатаяпман қариган кунни!
Янги йил!
Янги йилми, эски йилми нима фарқи бор?!
Умримиз ўтиши, гуноҳлар ортиши,
Кўзларнинг, қўлларнинг қариши,
Манзилига яқин боради одам...

Мирзоҳид Ботиров

Гўзал ёзғичлар
https://t.me/joinchat/AAAAAFX-cD3IFksPJ9DBUQ
314 0 4 4 16
ГЎЗАЛ ЁЗҒИЧЛАР

29 Dec 2024, 21:40

Open in Telegram Share Report
ЯНГИ ЙИЛ ТИЛАГИ

Янги йил!
Сен ҳақингда нимадир айтай,
Лекин, сен ҳақингда ҳаммаси айтилган, ҳаммаси мубҳам.
Яратганнинг меҳри ё қаҳри, кимга қандай?!
Мен эса, ўтаётган умр, сарғайган қоғозлар,
Шамол ўйнаётган япроқлар ичида турибман мулзам.

Йўлаклар сирпанчиқ, қадамлар тинмас,
Совуқ йилтиллайди, минглаб ойналар,
Умрнинг бесамар кунларин санаб, кўнглим қийналар.
Тилак тилашади қадаҳ чўқишиб,
Шунчаки сохталик, ялтироқ сўзлар.
Ичингни кемириб ётган илоннинг,
Бошини яшириб юмилар кўзлар.

Эски йил, сен кетсанг мен учун ўзгарар нима?!
Янгиланар қайси қорайган юрак?!
Мен дунёга мутлоқ иймон тилардим,
Ижобат десалар биргина тилак.

Дардлар эскиради, юзлар қарийди,
Кимдир сочидаги оқидан хафа.
Кимдир кимни йўқлар, зарурат!
Бари, бари ёлғон фалсафа!

Қайсар хаёлларни қувиб бир зумга,
Бир тилак тиладим, йилнинг йўқ даҳли.
Роббим, ҳузурингга етишгунича,
Иймонни англасин одамзод аҳли!

@Мирзоҳид Ботиров

Гўзал ёзғичлар
https://t.me/joinchat/AAAAAFX-cD3IFksPJ9DBUQ
354 0 6 15
ГЎЗАЛ ЁЗҒИЧЛАР

27 Dec 2024, 22:55

Open in Telegram Share Report
УЙҒОН ДУНЁ, ЖУДА ҲАМ ЯҚИН,
ЖАННАТ ҚОЛИБ, ДЎЗАХГА ТОЙИШ

Ўйласам, яшаш бир чувалган ғалтак,
Йиға-йиға жарга қулаган.
Қарабмизки умримиз ботил,
Ҳақ буйруғин шайтон бажарган.

Кекирдакка панжасин қадаб,
Йиллар ўтди пўстимиз шилиб.
Номин айтиб бўлмаган бир ком,
Руҳимизни ютар тиқилиб.

Рақс тушади соямиз енгил,
Қадамимиз пойлайди ишрат.
Бошимиздан гуноҳга ботиб,
Худойимдан кутамиз нусрат.

Шом олдидан ухлаган касдай,
Кифтимизни эзади завол.
Ўзимизни танимаймиз, воҳ,
Кўнгил савол, кечмишлар савол.

Аллоҳ, Аллоҳ ўзингсан Раҳмон,
Тавба дейман, шому саҳарда.
Тиклаб бергин тавба кўпригин,
Юзи қаро қилмай Маҳшарда.

Қўл чўзамиз, бир дуо сўраб,
Ҳасратимиз бўлмас кушойиш.
Уйғон дунё, жуда ҳам яқин,
Жаннат қолиб дўзахга тойиш.

@Мирзоҳид Ботиров


Гўзал ёзғичлар
https://t.me/joinchat/AAAAAFX-cD3IFksPJ9DBUQ
322 0 2 1 10
ГЎЗАЛ ЁЗҒИЧЛАР

25 Dec 2024, 21:32

Open in Telegram Share Report
Бу не савдо, дарду алам,
Қалтирайди қўлда қалам,
Кўринмас кўк бўриларам,
Чўлларни соғиндим Она!

Миннатли ош ҳазм бўлмас,
Боши эгик, ҳамма қулмас,
Бири берса,  бири билмас,
Қўлларни соғиндим Она!

Ҳавво қани, Одам қани?!
Шоҳу Амирзодам қани?!
Тош излаган, бош ургани,
Қулларни соғиндим Она!

Нафсин енгиб ё Ҳақ деган,
Ўздан кечиб бир Ҳақ деган,
Мансурни ҳам сўйиб еган,
Ғулларни соғиндим Она!

Айтай десам дардим қадим,
Кўнглимга афсуслар надим,
Нурулзиё, Муҳаммадим,(С.А.В)
Нурларни соғиндим Она!

Мусо калимуллоҳдайин
Юсуфу Зуннуни айин,
Искандари Зулқарнайин,
Зўрларни соғиндим Она!

Лошимни бир кун ер қучар,
Руҳим билмам қайга кўчар,
Ул Буроқки, кўкка учар,
Ўрларни соғиндим Она!

Дунё коса, лим-лим тўлган,
Кимдир унга оғу солган,
Кўксимдаги ишқдан қолган,
Кулларни соғиндим Она!

Иймони кўнглин матлаби,
Роббим деган тонгу шаъби,
Хадичайи Кубро каби,
Ҳурларни соғиндим Она!!!

@Ботиров Мирзоҳид

Гўзал ёзғичлар
https://t.me/joinchat/AAAAAFX-cD3IFksPJ9DBUQ каналига обуна бўлинг.
326 0 5 9
ГЎЗАЛ ЁЗҒИЧЛАР

20 Dec 2024, 23:23

Open in Telegram Share Report
Бу кўчада битта ҳовли бор,
Дарвозага қулф илинган.
Остонаси шўрлаган тупроқ,
Деворларин кўкси тилинган.

(Бу ҳовлига меҳр кўмилган).

Бу ҳовлини неча йилларки,
Ўгайситиб кетади баҳор.
Ҳатто оппоқ булут бағридан,
Тўкилади занг рангида қор.

( Бу ҳовлига қадр кўмилган).

Ҳовли юзи заҳфарон гиёҳ,
Ёввойи бир сукунат тахлар.
Нимадир кам, сувми, эътибор,
Бу ҳовлида қурир дарахтлар.

( Бу ҳовлига сабр кўмилган).

Кир ойналар мўлтайиб боқар,
Эгасидан қолган изларга.
Остонада увалади ҳис,
Ҳасратидан дўниб музларга.

(Бу ҳовлига ажр кўмилган).

Куя босган эски наматдан,
Таралмайди гўдак ислари.
Куйдиради икки дунёни,
Бу дунёнинг куйган ҳислари.

(Бу ҳовлига умид кўмилган).
 
Шиша каби синаркан юрак,
Паст девордан ташланса нигоҳ.
Ҳамма кетган ўша ҳовлида,
Тентирайди етимча гуноҳ.

( Бу ҳовлига макр кўмилган).


@Мирзоҳид Ботиров
20.12.2024

Гўзал ёзғичлар
https://t.me/joinchat/AAAAAFX-cD3IFksPJ9DBUQ
377 0 6 2 13
ГЎЗАЛ ЁЗҒИЧЛАР

18 Dec 2024, 22:53

Open in Telegram Share Report
Бир лаҳза, бир лаҳза қалбимни тингла,
Денгиз шовурин, тоғлар шивирин,
Само қалдироқларини тинглагинг келса.
Ҳайратлар сокинлигини, саволлар жимлигини,
Ишқ пўртанасини англагинг келса.
Бир лаҳза, бир лаҳза қалбимни тингла...

Бир лаҳзагина нигоҳларимга боқ,
Номсиз оташ ичра куяётган ҳисни,
Оғриқларнинг сарғиш рангларини,
Ва саволсиз жавобларнинг қоришиқ азобини,
Кўргинг келса...
Бир лаҳза нигоҳларим тубларига боқ.

Бир лаҳза, бир лаҳза яшаб кўргин туйғуларимда,
Дунёйимнинг ҳар бурчида кезин бешумор.
Ва кузаклар ҳорғинлигин жисмингда ҳис эт,
Хун сўрасин, беш фаслимга сиғмаган баҳор...

Ухла бедор тунларимнинг ялдоларида,
Босиб ҳам ўт юрагимга босилган изни.
Ва сўнгги бор, тингла яна, бир лаҳза, бир он...
Роббим билан ҳеч туганмас суҳбатимизни...

@Мирзоҳид Ботиров
18.04.2024

Гўзал ёзғичлар
https://t.me/joinchat/AAAAAFX-cD3IFksPJ9DBUQ
355 0 3 8
ГЎЗАЛ ЁЗҒИЧЛАР

17 Dec 2024, 18:28

Open in Telegram Share Report
Ўғлимга...

Ҳеч битмади ярам, томчилайди қон,
Лаҳта юрагимга босилган тамға.
Болам, отанг бошин ҳаётга тиккан,
Болам, отанг умрин алишган ғамга!

Силқиб оқаётир, изларим қизил,
Лекин  яшаш деган ўйин битмайди.
Болам, бу дунёда сийму зар кузур,
Болам, билмам менга нима етмайди?!

Эллик йил югурдим йиллар ортидан,
Эллик йил бош суқдим неча бир чоҳга.
Болам қон дил билан чекиндим минг бор,
Вале бош эгмадим ҳеч бир суллоҳга.

Мен қандай овчиман, мудом қўлим бўш,
Мудом бўғзимдагин кетарлар илиб.
Мудом бошим силаб сохта қўл билан,
Сўнгра туз сепарлар товоним тилиб.

Менга нима етмас, бир кўнгил,  бир ҳис,
Ўйлаганман фақат сенинг эртангни.
Йўллар адаштирди, йиллар алдади,
Юрагининг қонин ичиб отангни...


@Мирзоҳид Ботиров
17.12.2024

Гўзал ёзғичлар
https://t.me/joinchat/AAAAAFX-cD3IFksPJ9DBUQ
354 0 2 2 5
ГЎЗАЛ ЁЗҒИЧЛАР

14 Dec 2024, 13:17

Open in Telegram Share Report
Шоир...

Тушунмадим дунё ишига,
Тушунмаслик алам бераркан.
Юрагида дард бор кишига,
Худо танлаб қалам бераркан.

Гоҳ йиғлатиб, гоҳи кулдириб,
Кўксингизга туйғу тўлдириб,
Бир жисмда минг бор ўлдириб,
Худо танлаб қалам бераркан.

Ўз дардини сўйламайди У,
Ўз кўнглини ўйламайди У,
Жон жонига ботганда туйғу,
Худо танлаб қалам бераркан.

Гул сўлиса нигоҳи силаб,
Душманга ҳам омонлик тилаб,
Минг жабрига сабрини улаб,
Худо танлаб қалам бераркан.

Бир нигоҳ деб телба бўлганга,
Ўзи йиғлаб, ўзи кулганга,
Баҳорида куздай тўлганга,
Худо танлаб қалам бераркан.

Тунларидир ибодат сайри,
Ҳар лаҳзада иқрорлик майли,
Бордирки бир каромат, хайри,
Худо танлаб қалам бераркан.

Эга қилиб ақлу тилига,
Тоғдай тоқат солиб дилига.
Дўстим, синаб суйган қулига,
Худо танлаб қалам бераркан.

@Мирзоҳид Ботиров
14.04.2024

Гўзал ёзғичлар
https://t.me/joinchat/AAAAAFX-cD3IFksPJ9DBUQ
338 0 3 2 9
ГЎЗАЛ ЁЗҒИЧЛАР

12 Dec 2024, 18:08

Open in Telegram Share Report
О ноябр, қорайган қоғоз,
Хаёл ниши кўнглимни тилар.
Одамларни ҳайратими оз,
Нега бизни тушунмайдилар?!

Билинмадим, тундай ўткинчи,
Дилни босган ҳижрон ўкинчи,
Ҳаёт деган аразчи,  кинчи,
Нега бизни тушунмайдилар?!

Юрагимнинг ярасисан куз,
Ишқ ва ҳижрон орасисан куз,
Қани соқий,  дарвешларга  суз, 
Нега бизни тушунмайдилар?!

Ой осмонда сузган оқ балиқ,
Ҳар лаҳзада битта хатолиқ,
Сийлаб турса яратган Ҳолиқ,
Нега бизни тушунмайдилар?!

Айтмаганман исмингни аяб,
Бирор бора кўзингга қараб,
Яшасак ҳам, зўрға,  амаллаб, 
Нега бизни тушунмайдилар?!

Қибла энди тўртала томон,
Ҳайратидан ҳасрати ёмон,
Омонлигай, азизам омон,
Нега бизни  тушунмайдилар?!


@Мирзоҳид Ботиров
12.12.2024

Гўзал ёзғичлар
https://t.me/joinchat/AAAAAFX-cD3IFksPJ9DBUQ
342 0 3 11
ГЎЗАЛ ЁЗҒИЧЛАР

6 Dec 2024, 01:53

Open in Telegram Share Report
Forward from: ГЎЗАЛ ЁЗҒИЧЛАР
КЎНГЛИМДА ЯШАЙДИ ХУДО!
(Изтиробли болалик тасвирлари...)

Ҳеч Худони излаганмисан?!
Овоз чиқармай,
Унга айтиб-айтиб йиғлаганмисан?!
Товба!
Яратиқлар ичида энг кўнгилпарасти,
Соддаси эканинг ўйлаганмисан?!
Осмонга термилиб,
Худонинг уйини кўргиси келган бола эдим мен,
Кейинроқ, кўзларимни юмиб,
Бурчакка биқиниб кутдим Худони.
Бола ақлим сезган ноҳақликлар ҳақида,
Ўксиклик, ёлғизлигим ҳақида гаплашгим келди.
Ўртоғимнинг янги кийимига,
Қўшнимнинг ўйинчоқ машинаси меники бўлишини ҳоҳлаганимда,
Эркалангим келганида,
Музқаймоқ ялагим,
Ота меҳрини қўмсаганимда,
Кўзимни юмиб Худони излардим кўзим ичидан.
Онамнинг ҳорғин ва ғамли юзларига, Кулгу сўраш учун изладим Худони.
Ёрилиб, қон тепчиган бармоқларини, Силашини истадим Худони.
Излаб-излаб улғайиб қолдим,
Ўксиб-ўксиб улғайдим.
Ва бир куни сездим-ки,
Худо кўнглимда бўлган экан.
Йиқилсам суяган,
Очиқсам тўйдирган,
Эркалаган экан уйқуларимда.
Бир нарса мени ўйлантиради,
Охирги лаҳзаларда,
Дард билан олишган онам,
Жилмайибгина жон берди...
Онам кўрганмидилар кўзларимда Худони?!
Эй изимни қуритмоқчи бўлганлар,
Чоҳ қазиб кутаётганлар,
Сочим оқини,
Пешонамдаги ажинларни санаётганлар,
Ҳозир бўлинг,
Менинг кўнглимда яшайди Худо!

@Мирзоҳид Ботиров

Гўзал ёзғичлар
https://t.me/joinchat/AAAAAFX-cD3IFksPJ9DBUQ
каналига обуна бўлинг
ГЎЗАЛ ЁЗҒИЧЛАР
Мафтунлигим шуқадарки, унинг ўзига айлангим келганидан шу номни қўйдим. Бу Чўлпоннинг номи остига беркиниш эмас. Мажнун исминг нима деса,исмим Лайли деганидек,шоир ижодига муҳаббатимдан шу ҳолдамен.Юрагида муҳаббати бор одамнинг ўз изҳор услуби бўлади.
433 0 4 12
ГЎЗАЛ ЁЗҒИЧЛАР

6 Dec 2024, 01:53

Open in Telegram Share Report
КЎНГЛИМДА ЯШАЙДИ ХУДО!
(Шеър учун мусиқий фон)
362 0 5 5
ГЎЗАЛ ЁЗҒИЧЛАР

3 Dec 2024, 00:40

Open in Telegram Share Report
632 0 7 5 6
ГЎЗАЛ ЁЗҒИЧЛАР

2 Dec 2024, 21:20

Open in Telegram Share Report
Кўнгилга бир ҳислар тўлган паллада,
Аршидан ёғилиб турганда нусрат.
Асрий изтироблар ўлган паллада,
Бўл деган илоҳий садони эслат!

Кел, суҳбат қурайлик, озорлар ҳаққи,
Бу кўҳна дунёдан безорлар ҳаққи,
Унут ё эсланган мозорлар ҳаққи,
Аналҳақ деган бир нидони эслат!

Қаноти қирқилиб, кўкни кўзлаган,
Ҳасрат оловида тўнғиб, музлаган,
Оҳангларда оқиб, ҳайрат излаган,
Ўзингдай бир сўзга гадони эслат!

Тушлари алдамчи, ҳурлар алдаган,
Умрини шамъини нурлар алдаган,
Қаро кўз дудоғи гуллар алдаган,
Ишқ отлиқ, ўртовчин савдони эслат!

Икки йўл сўнгидир оқмидир қаро,
Мудом кезингани ғурбатлар аро,
Тугаб битмайдиган мангу можоро,
Умр деб аталган ғавғони эслат!

Бариси ўткинчи, йиллар тамагар,
Азозил йўл кутар, қиёмат қадар,
Бир лаҳза, кўнглимга дўст бўлсанг агар,
Худони эслатгин, Худони эслат!

@Мирзоҳид Ботиров

Кимнидир ортидан чайнаб, тирикчилик қилаётганлар, ўзларича ҳузур топаётганлар, ҳалиям кеч эмас, товба қилинг, вақтингиз жудаям оз қолди)))

02.12.2024

Гўзал ёзғичлар
https://t.me/joinchat/AAAAAFX-cD3IFksPJ9DBUQ
ГЎЗАЛ ЁЗҒИЧЛАР
Мафтунлигим шуқадарки, унинг ўзига айлангим келганидан шу номни қўйдим. Бу Чўлпоннинг номи остига беркиниш эмас. Мажнун исминг нима деса,исмим Лайли деганидек,шоир ижодига муҳаббатимдан шу ҳолдамен.Юрагида муҳаббати бор одамнинг ўз изҳор услуби бўлади.
3.6k 1 7 10
20 last posts shown.