"Cho'kib ketgan tiriklar"

Nimaga ko'p hollarda ko'ngilga g'am-anduh kelsa sodir bo'ladi-yu, yaxshi narsalar hatto ko'ngilgacha kelmaydi?

Hamma narsa qanday bo'lishi kerak bo'lsa shunday bo'lyapti. Faqat rejalarimizga achinyapmiz xolos...

Qaysi yo'ldan yurmaylik chindan ham eng boshiga qaytaveramiz, qaytaveramiz...

Xavotir – qayg'urishga, sog'inishga va sevishga majburlaydigan tuyg'u!

Men menga xavotir oladigan insonlar ko'p bo'lishi xohlamayman. Xavotir – eng kuchli sevgidir!

© #BI14

- @ch_k_t

Tarmoqdagi tarixi yoki rasmlaridan hozirgi holatini ifodalaydigan odamlarga achinish mumkin. Bu achinish ularni bu ishoralarsiz anglaydigan kimsalar yo'qligi uchun emas, shu ishoralardan keyin ham anglaydiganlar topilmagani uchun bo'ladi.

- @ch_k_t

2024-yilda qoldiradiganlaringiz ro'yhati tayyormi?

Nima deyish mumkin, yaxshi ham bu g'urbatlar ichida Real Madrid bor, bo'lmasa nimalar bo'lardi bu shodligi ichkarimda, tasavvur qilishga ham qo'rqaman...

Hala Madrid!

🤍

Keling, biz qo'rqoqmiz, bugun tan olaylik!

O'zbek oilasi uchun fido bo'ladi. Farzandi uchun aniq o'ladi. U haqiqiy ota yoki ona bo'lsa. Mehrga o'ralib o'sganmiz hammamiz, aslini olib qarasak. Biror joyga ketish oldidan, ko'zda yosh bilan kuzatilamiz, kutib olinish ham ko'zda yosh bilan. Bayramlarda sovg'a bitta paypoq bo'lishi mumkin, uning ortidan keladigan quvonch yoshlari ariqlarni to'ldiradi. Mehr bizni shu darajada qo'rqoq qilib bo'lgan. O'ylaysizki, bizda so'zini baralla aytadigan yo'qmi? Bor! Hammasidan bor. Ammo bizda oila tushunchasi judayam baland!

O'zimdan qiyos qilyapmanmi? Yoki hammada shundaymi? Bilmadim. Ammo biz issiqxonada yetishtirilgan mevalar misolmiz. Tashqariga chiqarmay o'stirishdi hammamizni. Chiqsak sovuq urishidan qo'rqishdi. Chiqarishmadi.

Dunyo tavakkal qilgan joyingdan gullaydi. Ortiqcha mehr ham zarar ekan men sizga aytsam. Noshukurlik, ko'rnamaklikka burmang! Lekin o'ylab qarasangiz rostdan shu.

O'g'il bola yoki qiz bola farqi yo'q, gulga o'raydi biznikilar. Unga tushgan tomchi misol asralib, avaylanib o'samiz(o'zim ham shunday ota bo'lishim aniq lekin yutqaziq joyi kelganda aytishga majburman).

Suzishni hayot o'rgatishi uchun bola qo'rqmay suvga otilishi shart bo'lganidek, oila mehrining me'yori bo'lishi kerak nazdimda.

Oila – bu ne'mat. Yo'qotishdan qo'rqish esa – bu eng katta qo'rqish. Eng katta qo'rquvdir! Siz hech yo'qotadigan narsasi qolmagan odamga qarshi kurashganmisiz? Juda qiyin...

Eng katta oilaviy mehr esa shunday – hattoki vaqtinchaga yo'qotish ham falokat. Shu sabab uzoqdagi sevgidan, yaqindagi zo'ravonlik yaxshi deb hisoblashadi. Muhimi nimaligini so'rasang, ajoyib – muhimi ko'z oldilarida bo'lishi...

Qachondir polaponlar kattalashib, kichkina inga sig'masa ularni bitta-bitta cho'qib pastga uloqtirish kerak! U parvoz qiladi. U yuqorida aytganimdek majburlikdan suzadi...

Lekin yo'qotishlari bor odam sifatida bularni yozyapman. Kelajakda ishlatamiz deya. Qo'rqmaslar tarbiyalanishiga ishonaman! Rahmat.

© #BI14

- @ch_k_t

Esingizdami? Jizzaxdagi portalagan mashina...

Kecha Farg'onada bo'lgan benzin quyish shaxobchasidagi portlashni ko'rgandirsiz, o'qigandirsiz, eshitgandirsiz...

Aslida propan portladi. Tushuntirib ketish kerak. Benzin suyuqlik, u oqib nari borsa yonadi balki nimadirlar qilsangiz portlar. Lekin bu darajada bo'lmaslik kerakda.

Men aholi labiga propan ruxsati yana nimadirlar demayman, bu eski vaqtlardan meros bizga. Metan/propanlar uylarga qo'shni bo'lib ham hamon ishlamoqda.

Kim edi, ha, tili bo'yicha imtihon qilib, keyin sizga hujjat beradigan davlatlar ustimizdan nega kulishini bilasizmi, ular yarmi kulib, yarmi bizga hayratlanib, yarmi esa achinib qaraydi... "O'zbeklar bomba o'rnatib, bemalol mashina xaydashadi"...

Bu rasmni X'dan olgandim. Ajoyib-a? Propan har doim oddiy xalq uchun qimmat. Benzin qimmat. Metan yopiq. Gaz esa yo'q! Propan mahallar kesimida juda ajiiiib bo'linadi. U xohlagan vaqtda keladi, siz qayerdasiz farqi yo'q. Ulgurmasangiz, o'zingizdan o'pkalang. Arzon narxdagisi shu, xuddi bu xalq uchun ehson. "Ooo, muhtaramlar – sizlarga shon-sharaf".

Kun.uz chiqargan videoni ko'rib, bir narsaga ahamiyat berdim: FVB matbuot kotibi bilan Shoshilinchdagi doktorni gapi har xil. Tushunyapsizmi? Bittasi "mana buncha odam jabr ko'rdi", desa, bittasi "mana shuncha", deyapti. Odam sonlari qisqaradi, har doim.. Nimaga bizda odam qadrsizlanishini angladingizmi? Biz ham bunda aybdor. Kimdir "hah, bir kishi o'libdi", "ha 4kishi ketibdi xolos" deydida, tinchlanadi. Shu uchun bular sonni qisqartiraveradi.

Tasavvur qiling, o'sha yongan kuyganlar siz va sizning yaqinlaringiz bo'lsa... Jin ursin.

Kimdirlarni qamashadi. Shu aholi labiga bomba o'rnatish uchub yordam berib, yo'l ochganlar uzoqlashib, qo'lida bodroq bilan qo'rqinchli film tomosha qilishadi. Ular hatto ko'zyosh oqizishni ham eplashmasa kerak. Binolar bo'yaladi. Singan oynalar yangisiga almashadi. Benzin ha, endi faqat benzin sotish qoldiriladi xolos. O'lganlar, yonganlar qaytib kelmaydi. Afsuski. Kuyganlar, doktor aytgandek "og'ir stabil" ahvoldagilar ham menimcha allaqachon...

Bu ommaga chiqib ketgan ayanchli vaziyat xolos. Kichkina deyishga iymandim. Bir kishi ham bir inson ham bitta katta olam, unutmang! Azot va Neft qayta ishlashdagilar ko'milgan, bu ko'milmasmidi?

Farg'ona ko'p narsalarni ichiga yutgan, bu ham afsus yutiladi.

Bir kuni ruhlar gapiradi ishonaman! Men shunga ishonaman...

"Yaxshi bir kishi ketibdi, yarim kishi ketibdi" degan g'alati qobiqqa o'ralib qolmanglar!

© #BI14

- @ch_k_t

mayli, 2025-yilda hammasi yaxshi bo'ladi...