Buxoro shahar hokimligi | Rasmiy

#Bilasizmi

✅ Qonunchilikka ko'ra, muomalaga layoqatli O'zbekiston fuqarolari, chet el fuqarolari va fuqaroligi bo'lmagan shaxslar qonunchilik hujjatlariga muvofiq yetim bolalar va ota-ona qaramog'idan mahrum bo'lgan bolalarni muqobil joylashtirish shakllariga olish bo'yicha nomzod bo'lishi mumkin.

🔍 Nomzodlarni tanlash, kuzatib borish hamda monitoring qilish Ijtimoiy himoya milliy agentligining tuman (shahar)lardagi “Inson” ijtimoiy xizmatlar markazi tomonidan amalga oshiriladi.

📢 Vakolatli organ nomzodlardan ariza qabul qilguniga qadar ularga bolani tarbiyaga olish uchun talab etiladigan hujjatlar, shuningdek, ularga muqobil joylashtirish shakllari, ularning huquq va majburiyatlari, bolaning huquqlari va qonuniy manfaatlari, bolani oilaga olishning huquqiy oqibatlari to'g'risida axborot beradi.

🌎Veb-sayt   ✅ Telegram  ✅ Facebook

76-DMTT uchun qo‘shimcha bino qurib foydalanishga topshirildi

Buxoro shahar "Nizomiy Ganjaviy" mahallasidagi 76-DMTT uchun 120 o‘rinli qo‘shimcha bino qurib foydalanishga topshirildi. Shu munosabat bilan tashkillashtirilgan tantanali tadbirda shahar hokimligi mutasaddilari, maktabgacha va maktab ta'limi boshqarmasi mas'ullari, mahalla faollari, ota-onalar va maktabgacha ta’lim tashkiloti ishchi-tarbiyachilari hozir bo‘ldilar.

Bahodir Ashurov rahbarligidagi "Durdona quruvchi usta" MCHJ quruvchilari tomonidan 2 mlrd 958 mln so‘m mablag‘ evaziga qurib foydalanishga topshirilgan binoda savodxonlik va mashg‘ulot xonalari, sport va o‘yin zallari, yotoqxona va sanitariya tarmog‘i, issiqlik tizimigacha shay qilingan. Mazkur bog‘cha ishga tushishi hisobiga 15 ta yangi ish o‘rni ham yaratildi.

Ma’lumot uchun, Buxoro shahrida maktabgacha yoshdagi, ya’ni 3-7 yoshli bolalar soni 18 ming 894 nafarga yetgan bo‘lib, qamrov darajasi 100 foizni tashkil etadi. Hozirgi vaqtda shaharda 77 ta DMTT, 12 ta xususiy, 15 ta davlat xususiy sherikchiligidagi hamda 34 ta oilaviy maktabgacha ta’lim tashkilotlari faoliyat ko‘rsatib kelmoqda.

🌎Veb-sayt   ✅ Telegram  ✅ Facebook