Buxoro shahar hokimligi | Rasmiy

#hokim_hududlarda
#Buxoro_shahri

Buxoroning tarixiy shahar qismi bugun sayyohlar bilan gavjum. Hududda turizm infratuzilmasini yanada yaxshilash ishlari esa doimiy e’tibordagi masalalardan. Shunga ko‘ra, ayni vaqtga qadar eski shaharda keng qamrovli restavratsiya, ta’mirlash-tiklash ishlari bajarildi.

Qayd etish joizki, sayyohlar oqimining oshib borishi mehmonxonalarga talabni ham orttiradi. Shundan kelib, Komiljon Ro‘ziyev rahbarligidagi "Sharq yulduzi muqaddas" MCHJ tomonidan 250 mehmon o‘rniga ega zamonaviy mehmonxona qurilmoqda. Qiymati 30 mlrd. so‘mdan ortiq loyiha yakuniga yetgach, 160 nafar buxorolik uchun muqim ish o‘rni va daromad manbai yaratiladi.

Botir Zaripov mazkur obyektda ham bo‘ldi. Loyiha tashabbuskorlari muammolari bilan qiziqdi. Qurilish ishlarini jadallashtirish yuzasidan vazifalarni belgilab berdi.

Shuningdek, viloyat rahbari eski shahardagi ta’mirlash-tiklash ishlarini ham ko‘zdan kechirdi.

#hokim_hududlarda
#Buxoro_shahri

➡️Kuni kecha Botir Zaripov Buxoro shahridagi mas’uliyati cheklangan jamiyat shaklidagi “Nigora” korxonasida ham bo‘lib, bu yerda aralashma tolali xom, bo‘yalgan gazlama hamda tayyor kiyim ishlab chiqarish kompleksini tashkil etish loyihasi, shu bilan birga inshootda boshlangan keng ko‘lamli qurilish-ta’mirlash ishlari bilan tanishgan edi. Mavjud muammolarni o‘rganib, ularni hal etish bo‘yicha vazifalarni belgilab bergandi.

✅Bugun viloyat hokimi o‘sha o‘rganishda berilgan topshiriqlar ijrosini ko‘zdan kechirdi.

#qurilish_bunyodkorlik
#hokim_hududlarda
#Buxoro_shahri

"Sayfiddin Boxarziy" mahallasida joylashgan ziyoratgoh hududida "Islom tamadduni namoyandalari" xiyoboni barpo etilayotgani haqida avval xabar bergan edik.

Mazkur xiyobonda islom dini namoyondalari Abu Havs Kabir, Abu Bakr Kalobodiy, Mustamliy Buxoriy, Hazrat Poyanda Muhammadshoh Axsaviy (Fayzobod) kabi yetuk allomalarning memoriallari, masjid binosi, tahoratxona, hunarmandchilik markazi, mehmonxona, kutubxona, anjumanlar zali kabi ob’yektlar barpo etilishi ko‘zda tutilgan.

Dastlabki bosqichda 2 000 nafar namozxonga mo‘ljallangan masjid binosi va tahoratxona qurish ishlari davom etmoqda.

“Family Park” qurilish kompaniyasi tomonidan amalga oshirilayotgan ushbu masjid arxitekturasida Sayfiddin Boxarziy hamda Bayonqulixon maqbaralaridan andoza olingan bo‘lib, masjid ikki tarixiy inshoot bilan uyg‘un ravishda bunyod etilmoqda.

Botir Zaripov ushbu manzilda bo‘lib, ikki ming o‘rinli masjid binosi, tahoratxona va xiyobon ma’muriy qismi, shuningdek, tamaddun markazi qurilish ishlarining borishi bilan tanishdi.

Majmua loyihasini yana bir bor ko‘zdan kechirdi.

— Ushbu xiyobon ziyoratchilar uchun muhim tashrif manzillaridan biri bo‘ladi. Shu bois majmua mukammal tarzda bo‘lishi kerak, - dedi viloyat rahbari.

Shuningdek, Botir Zaripov Sayfiddin Boxarziy maqbarasi atrofini obodonlashtirish, xiyobondagi qurilish ishlarini jadallashtirish yuzasidan mas’ullarga topshiriq va ko‘rsatmalar berdi.

Boshlangan ezgu ishlarning xayru barakasini so‘rab, duolar qilindi.