Biznesreport.uz - bank, biznes, iqtisod

Endilikda banklar 200 mlndan ortiq omonatlarni kafolatlamaydi

Prezident tomonidan 18-fevral kuni “Banklardagi omonatlarni himoya qilish kafolatlari to‘g‘risida”gi Qonun imzolandi.

Endilikda kafolatlangan omonat miqdori bir bankda bir omonatchiga 200 mln so‘mni tashkil etadi.

🛡 Agar Sizning banklarda yangi qonun kuchga kirgunga qadar qo‘ygan muddatli yoki jamg‘arma omonatingiz bo‘lsa, omonatlaringiz miqdoridan qat’i nazar to‘liq kafolatlanadi.

Shuningdek, endilikda faqat aholining emas, balki tadbirkorlik subyektlari, shu jumladan, yakka tartibdagi tadbirkorlarning ham omonatlari kafolatlanadi.

Omonatlarni kafolatlash nima uchun kerak?

Birinchidan, bu omonatchilarni himoya qilish, ya’ni bank tugatilgan taqdirda, omonatchilarga ularning mablag‘larini qaytarish;

Ikkinchidan, bu banklarni yuqori foiz stavka bilan emas, balki barqaror faoliyat bilan raqobatlashishga undaydi.

Omonat miqdoringiz 200 mln so‘mdan oshsa, qanday kafolatlanadi?

💡 Yangi qaror bankka undan ko‘proq pul qo‘yish mumkin emasligini anglatmaydi.

Omonatni bu miqdorda kafolatlash esa faqatgina bank tugatilgan taqdirdagina qo‘llaniladi, aks holda banklar omonatlar bo‘yicha o‘z majburiyatlarini shartnoma asosida bajaraveradi.

🗓 Kompensatsiya to‘lab berish muddati 20 ish kunini tashkil etadi va bosqichma-bosqich 7 ish kuniga qisqartiriladi.

Bu degani Agentlik kompensatsiyani to‘lab berishni boshlashi uchun unga eng uzog‘i bilan 20 ish kuni beriladi.

Kompensatsiya to‘lash va omonatlarni himoya qilish ishlari Omonatlarni kafolatlash agentligi tomonidan tashkil etiladi.

Mazkur Qonun to‘g‘risidagi batafsil ma’lumotlarni Markaziy bankning rasmiy sayti yoki Omonatlarni kafolatlash agentligi rasmiy saytidan olishingiz mumkin.

Telegram I Instagram I Veb-sayt

💵 Kambag‘al oilalarga tadbirkorlikni boshlash uchun foizsiz ssuda beriladi

O‘zbekistonda kambag‘al oilalarga tadbirkorlikni boshlashda yordam berish tizimi o‘zgartirilmoqda. Endilikda, subsidiya o‘rniga ularga foizsiz ssuda ajratiladi.

🏛 Unga ko‘ra, "Ijtimoiy himoya yagona reyestri" va "Kambag‘al oilalar reyestri"ga kiritilgan fuqarolar tadbirkorlik faoliyatini boshlash uchun zarur asbob-uskunalarni xarid qilishda foizsiz ssudadan foydalanishlari mumkin.

Bu o‘zgarish kambag‘al oilalarning moliyaviy mustaqilligini oshirish va barqaror daromad manbalarini yaratishga yordam berishi kutilmoqda.

❓ Foizsiz ssuda nima?

Foizsiz ssuda – bu davlat yoki moliyaviy tashkilot tomonidan ajratiladigan kredit bo‘lib, unga hech qanday qo‘shimcha foiz qo‘shilmaydi. Ya’ni, qarz oluvchi qancha mablag‘ olgan bo‘lsa, o‘sha summani belgilangan muddat ichida qaytaradi.

🤔 Odatda, foizsiz ssudalar aholining ehtiyojmand qatlamlariga, tadbirkorlikni boshlash yoki uy-joy sharoitlarini yaxshilash kabi maqsadlarda beriladi. Bu tizim kambag‘al oilalarga qo‘shimcha qarz yuklamasdan, o‘z biznesini yo‘lga qo‘yish yoki daromadini oshirishga yordam beradi.

Avvalroq, kambag'al oilalarga moddiy yordamlar haqida xabar bergan edik.

Telegram I Instagram I Veb-sayt

🏦 Islom taraqqiyot banki maktablar qurilishi va yo‘l ta’miri uchun sarmoya kiritdi

Islom taraqqiyot banki O‘zbekistonda ikki yirik loyiha uchun qariyb 300 million dollar ajratadi. Bular:

1. Mamlakat bo‘ylab 58 ta maktab qurilishi rejalashtirilgan bo‘lib, bu maqsad uchun $160,25 mln ajratiladi.

Ulardagi barcha sinflar zamonaviy laboratoriya jihozlari, raqamli texnika va mebellar bilan ta’minlanadi. Shuningdek, SmartED o‘quv qo‘llanmalarini yangilash, pedagoglarni tayyorlash dasturlarini takomillashtirish, baholash metodikasini qayta ko‘rib chiqish belgilanmoqda.

2026-yilgacha barcha maktab o‘quvchilarini inklyuziv ta’lim tizimi bilan qamrab olish rejalashtirilgan.

2. Sirdaryo viloyatidagi A-373 avtomobil yo‘lini rekonstruksiya qilishni nazarda tutadi va bu ishlar uchun

$138,8 mln

yo‘naltiriladi.

Mazkur yo‘lning 37 kilometrlik qismi to‘rtta yo‘lakkacha kengaytiriladi, bu esa harakat vaqtini 30 daqiqagacha qisqartirishi va avariya holatlarini taxminan 40% ga kamaytirishi kutilmoqda.

Mazkur loyihalar O‘zbekistonda ta’lim tizimi va yo‘l infratuzilmasini yanada rivojlantirishga xizmat qiladi.

Telegram I Instagram I Veb-sayt

UPayning hammuassisi Behzod Botirov Pay Way to‘lov xizmatining 74,38% aksiyalarini sotib oldi

✔ Bu haqdagi ma’lumot Yagona korporativ axborot portalida e’lon qilindi.

✍️ 13-fevral kuni Botirov Behzod 4,96 mlrd so‘mga Pay Wayning 45,15% aksiyasini sotib oldi. Bunda har bir qimmatli qog’ozning nominal qiymati 1000 so‘mni tashkil qilgan.

✍️ 14-fevralga kelib Behzod Botirov yana kompaniyaning 29,23% aksiyasini 3,21 mlrd so'mga sotib oldi.

Xullas, umumiy bitim summasi 8,18 mlrd so'mni tashkil etib, Botirov hozirda 74,38% aksiyalarga egalik qilmoqda.

🌀Natijada asosiy asoschi va ijro etuvchi organ rahbari Sattarov Bunyod Baxtiyorovichning ulushi 50% dan 10,49% ga kamaydi. Shunday bo‘lsa-da, u Pay Wayni boshqarishda davom etmoqda.

📁 14-fevral kuni Pay Way o‘zining o‘zaro aloqador shaxslar ro‘yxatiga Botirov Behzod ham qo‘shildi. Shuningdek, 7-fevraldan boshlab Botirov kuzatuv kengashining a’zosi etib tayinlandi.

💡Pay Way to‘lov xizmati Andijonda ro‘yxatdan o‘tgan bo‘lib, 2022-yil 29-iyuldan boshlab IT Park texnoparkining rezidenti hisoblanadi.

🪙2024-yilning to‘qqiz oylik natijalari bo‘yicha Pay Way 1,3 mlrd so‘m foyda ko‘rgan.

Telegram I Instagram I Veb-sayt

O‘zbekistonga qaysi davlatlar eng ko‘p investitsiya kiritmoqda?

Statistika agentligining dastlabki ma’lumotlariga ko‘ra, 2024-yilda O‘zbekiston Respublikasida asosiy kapitalga o‘zlashtirilgan investisiyalar hajmi 493,7 trln so‘mni tashkil etgan.

Shundan asosiy kapitalga o‘zlashtirilgan jami xorijiy investisiya va kreditlar ulushi 67,6 % ga yetgan.

O‘zlashtirilgan jami xorijiy investisiya va kreditlar hajmida eng yuqori ulushga ega bo‘lgan investor davlatlar:

🟢Xitoy – 27,9%;
🟢Rossiya – 13,2%;
🟢Turkiya – 6,8%;
🟢Germaniya – 5,2%;
🟢Saudiya Arabistoni – 5%;
🟢Niderlandiya – 4%.

Telegram I Instagram I Veb-sayt

Yosh tadbirkorlar uchun tashkil qilinayotgan jamg‘arma qanday faoliyatlarni amalga oshiradi?

Yosh tadbirkorlarni qo‘llab-quvvatlash jamg‘armasi negizida Yoshlar ishlari agentligi huzurida Yoshlar tadbirkorligini rivojlantirish davlat maqsadli jamg‘armasi tashkil etiladi.

Jamg‘arma mablag‘lari belgilangan manbalar hisobidan $100 mln ekvivalentiga teng summaga yetkaziladi.

Jamg‘arma ko‘magida kamida 50 ming nafar yoshlarning bandligini ta’minlash va tadbirkorlikka jalb qilish belgilandi.

Yer uchastkalari belgilangan daryo, kanal va sohil bo‘ylarida xizmat ko‘rsatish, ko‘ngilochar va dam olish maskanlarini tashkil etish bo‘yicha biznes loyihalarni joylashtirish uchun o‘rnatilgan tartibda elektron onlayn auksion savdolariga chiqarish orqali ajratiladi.

Yoshlar ishlari agentligining Jamg‘armaga ajratiladigan mablag‘lari hisobidan ustav fondi $10 mln ekvivalentiga teng bo‘lgan venchur jamg‘arma tashkil etiladi.

Avvalroq, Bilasizmi? ruknida Venchur fondlari haqida yozgan edik.

Telegram I Instagram I Veb-sayt

Dollar kursi yana 11 so‘mga pastladi

O‘zbekiston Markaziy banki tomonidan 19-fevral kuni O‘zbekiston so‘miga nisbatan xorijiy valyutalarning yangi kurslari e’lon qilindi.

Dollar kursi 12 970,19 (-11,06) so‘mni tashkil etdi, yevro ham 25,85 so‘mga tushib 13 592,01 so‘mni tashkil etdi.

Boshqa xorijiy valyutalar bo‘yicha belgilangan kurslar ham ma’lum bo‘ldi:

🔵funt sterling — 16 351,52 so‘m (+6,83);
🔵rubl — 142,20 so‘m (+0,03);
🔵Xitoy yuani — 1 781,64 so‘m (-6,12);
🔵Yaponiya iyenasi — 85,42 so‘m (-0,09);
🔵Qozog’iston tengesi — 26,02 so‘m (-0,06).

Telegram I Instagram I Veb-sayt

♾ Meta sun'iy intellektli robotlar yaratishga sarmoya kiritmoqda

Meta foydalanuvchilarga kundalik ishlarida yordam beradigan odamsimon robotlarni ishlab chiqishni boshladi. Bu haqida Bloomberg xabar bermoqda.

Loyihaga ilgari General Motors Cruise bo‘limi rahbari bo‘lgan Mark Uitten boshchilik qiladi. Uning jamoasi robotlar uchun dasturiy ta’minot, sensorlar va hisoblash tizimlari ustida ishlaydi.

Meta'ning texnologiya bo‘yicha rahbari Endryu Bosvort gumanoid robotlar hali ommaviy foydalanish uchun tayyor emasligini, lekin sun’iy intellekt va virtual reallik texnologiyalari bu jarayonni tezlashtirishi mumkinligini aytdi.

🤖 Kompaniya yaqin yillarda bunday robotlar keng tarqalishini kutmayapti, lekin bu yo‘nalishda uzoq muddatli strategiya ishlab chiqmoqda. Tesla va Apple ham shunga o‘xshash loyihalar ustida ishlamoqda.

Telegram I Instagram I Veb-sayt

🏠 Uy-joyga investitsiya yoki depozit?

O‘zbekiston Respublikasi Makroiqtisodiy va hududiy tadqiqotlar instituti (MHTI) Toshkent shahrida uy-joyga investitsiyaning daromadliligini o‘rganib chiqdi.

🤔 Uy-joyga investitsiyaning 2 asosiy daromad manbai bor:

1. Ijaraga berishdan olinadigan daromad.
2. Vaqt o‘tishi bilan mulk qiymatining oshishi orqali keladigan kapital foyda.

Tahlilllarga ko'ra, Toshkentda uy-joy bozorida daromadlilik pasaymoqda:

🔵 2024-yil fevralida o‘rtacha 32,4% bo‘lgan daromadlilik 2025-yil yanvarida 7,6% gacha tushdi;
🔵 Toshkentning ba’zi hududlarida hatto manfiy daromadlilik kuzatilmoqda. (masalan, Shayxontohur: -0,8%, Yunusobod: -3,4%).

Shuningdek, ijara daromadi ham pasaygan:

🔵 Mirobod (10,0%), Mirzo Ulug‘bek (9,9%) va Shayxontohur (9,8%) tumanlarida eng yuqori ko‘rsatkich qayd etildi;
🔵 Ijara daromadliligi pasaygani bois 1 va 2 xonali uylar investitsiyasi ham kam foyda keltirmoqda.

Bank depozitlari bo‘yicha o‘rtacha foiz stavkasi:

🔵 Milliy valyutada – 21-22%;
🔵 Chet el valyutasida – 5%.

Uy-joyga investitsiya qisqa muddatda foyda keltirishi mumkin, ammo uzoq muddatda kapital bozorini rivojlantirish va investitsiya imkoniyatlarini diversifikatsiya qilish muhim.

Telegram I Instagram I Veb-sayt

💡 Endi Maskning sun'iy intellekti ishga tushdi

Ilon Mask Grok 3 neyrotarmog‘ini taqdim etdi va uni "yer yuzidagi eng aqlli sun’iy intellekt" deb atadi. Bu haqda Forbes xabar berdi.

Maskning fikricha, 2025-yil oxiriga kelib sun’iy intellekt inson aqlidan ham kuchliroq bo‘ladi. Kelgusi 5 yil ichida esa sun’iy intellekt barcha odamlarning bilim va imkoniyatlaridan ustun bo‘lishi mumkin.

🤖 Mask ilgari OpenAI asoschilaridan biri bo‘lgan, lekin keyinchalik kompaniyani tark etgan. 2024-yilda u OpenAI’ni majburiyatlarini buzishda ayblab, sudga berdi.

Ma'lumot uchun,

Grok chat-boti

2023-yilda taqdim etilgan va dunyoning eng kuchli sun’iy intellekt tizimlaridan biri deb tan olingan. Mask OpenAI'ni sotib olish uchun

$97,4 mlrd

taklif qilgani haqida ham xabarlar bor.

Eslatib o'tamiz, avvalroq GPT 4.0 va GPT 5.0 e'lon qilishini haqida xabar bergan edik.

Telegram I Instagram I Veb-sayt

Dollar kursi ikki kunda 20 so‘mga pastladi

O‘zbekiston Markaziy banki tomonidan 18-fevral kuni O‘zbekiston so‘miga nisbatan xorijiy valyutalarning yangi kurslari e’lon qilindi.

Dollar kursi 12 981,25 (-11,90) so‘mni tashkil etdi, yevro ham 21,56 so‘mga tushib 13 597,86 so‘mni tashkil etdi.

Boshqa xorijiy valyutalar bo‘yicha belgilangan kurslar ham ma’lum bo‘ldi:

🔵funt sterling — 16 344,69 so‘m (-9,79);
🔵rubl — 142,17 so‘m (-1,70);
🔵Xitoy yuani — 1 787,76 so‘m (-1,17);
🔵Yaponiya iyenasi — 85,51 so‘m (+0,32);
🔵Qozog’iston tengesi — 26,08 so‘m (-0,05).

Telegram I Instagram I Veb-sayt

💰 Endi mehnat ta’tiliga haq to‘lashda yakshanba kuni hisobga olinmaydi

Prezident tomonidan imzolangan qonun bilan Mehnat kodeksiga o‘zgartirish va qo‘shimchalar kiritildi.

❌ Unga ko'ra, xodim ishdan bo‘shaganda mehnat ta’tilini kompensatsiyaga almashtirish chog‘ida ham yakshanba pulli kompensatsiya to‘lashda hisobga olinmasligi belgilandi.

Endilikda ish haqi saqlanmaydigan ta’tilning davomiyligi jami 12 oylik davr mobaynida jami 3 oydan ortiq bo‘lmasligi kerak.

O‘rindoshlik cheklovlari:

🔵 18 yoshgacha bo‘lganlar qo‘shimcha ish (o‘rindoshlik) qila olmaydi.
🔵 Og‘ir mehnat sharoitida ishlovchilar boshqa shunday ishda o‘rindosh bo‘lishi taqiqlanadi (tibbiyot xodimlari bundan mustasno).

❗️ 12 yoshga to‘lmagan 2 nafar va undan ortiq bolaning yoki 16 yoshga to‘lmagan nogironligi bo‘lgan bolaning ota-onasidan biriga (ota-ona o‘rnini bosuvchi shaxsga), ularning xohishiga ko‘ra, har yili ish haqi saqlanmagan holda davomiyligi kamida 14 kalendar kungacha ta’til beriladi.

Telegram I Instagram I Veb-sayt

🔝TOP-20 soliq to'lovchilar ro'yxati

Soliq qo‘mitasi maʼlumotiga ko‘ra, 2025-yil yanvar oyida yirik soliq to‘lovchilar jami 8,5 trillion so‘mdan ortiq soliq to‘lagan. 2024-yil yanvar oyida bu ko‘rsatkich 9 trillion so‘m bo‘lgan.

Shundan 4,5 trln so‘mi davlat ulushi mavjud yirik soliq to‘lovchi hisobiga, 1,3 trln so‘mdan ziyodrog‘i esa xususiy sektordagi yirik soliq to‘lovchilar hisobiga to‘g‘ri kelgan. Shuningdek:

✍️ Davlat kompaniyalari orasida NGMK 2,1 trillion so‘m soliq to‘lab yetakchilik qildi;

✍️ Xususiy kompaniyalar ichida UzBAT 182 milliard so‘m soliq to‘lab 1-o‘rinda turibdi.

Eslatib o'tamiz, avvalroq yanvar oyi uchun yirik soliq to'lovchilar haqida xabar bergan edik.

Telegram I Instagram I Veb-sayt

Uzcard karta operatsiyalar uchun SMS-xabarnoma narxini oshirdi

2025-yil 1-martdan boshlab Uzcard kartalaridan tranzaksiyalar bo‘yicha har bir xabar uchun 168,4 so‘mni tashkil etadi.

Bu haqda SMS-xabarnoma xizmatini taqdim etuvchi Play Mobile kompaniyasi ma'lum qildi.

Narxlarning o‘zgarishi xarajatlarning oshishi bilan bog’liq.

📊 Xususan, 2019-yildan beri yuborilgan xabarlar hajmi 75% ga oshgan, bu esa tizimni qo‘llab-quvvatlash va modernizatsiya qilish uchun qo‘shimcha xarajatlarni talab qilgan.

📊 Narxlarning o‘zgarishiga tashqi iqtisodiy omillar ta’sir ham ko‘rsatdi: so‘nggi yillarda elektr energiyasi narxi ikki baravarga, xizmatlarning hisob-kitob kurslari esa 68% ga oshdi.

📈 Bundan tashqari, mobil aloqa operatorlarida bitta SMSning o‘rtacha narxi uch baravarga yuqorilagan.

Telegram I Instagram I Veb-sayt

Haftaning eng muhim yangiliklari:

📲 Onlayn to‘lovlar nima va ular qanday ishlaydi?

📍 Olmazor tumanida gastronomik ko‘cha tashkil qilinadi

🎤To‘lov ilovalarida shaxsingizni tasdiqlamasdan pul o‘tkazolmaysiz

🛒 Zafar Hoshimov tadbirkorlar uyushmasini tashkil qildi

🪙 Tramp memkoini: Investorlar $2 mlrd yo‘qotdi!

❓ Fintex ilovalarida xavfsizlik: moliyaviy ma’lumotlaringiz qanday himoyalanadi?

💸 Kambag'al oilalarga moddiy yordam: subsidiya, nafaqa va tibbiy sug'urta

🤖 Sun'iy intellektning yangi avlodlari: GPT 4.5 va GPT 5.0

🚨 Xitoy va AQSh savdo urushi: Oʻzbekistonga qanday ta’sir qiladi?

Maxsus sonlar:

📈 Oltin narxi oshmoqda! Endi sotib olish vaqti keldimi?

⚡️ Ruslan Rahmatov: Bugungi kunda rahbar nafaqat buyruq beruvchi, balki ilhomlantiruvchi yetakchi bo’lishi lozim

👛 Sayohat qilganingizda keshbek qaytariladi. Bilasizmi?

💼 Qanday qilib o’zini o’zi band qilgan shaxs sifatida ro‘yxatdan o‘tish mumkin?

Telegram I Instagram I Veb-sayt

💼 Qanday qilib o’zini o’zi band qilgan shaxs sifatida ro‘yxatdan o‘tish mumkin?

Soliq ilovasi orqali o'zini-o'zi band qilgan fuqaro sifatida ro'yxatdan o'tish haqida bilarmidingiz?

🔥🔥🔥🔥 sizga bu haqida yana bir maxsus qo'llanma tayyorladi.

👉 Maxsus qo'llanma

Telegram I Instagram I Veb-sayt

Xitoy va AQSh savdo urushi: Oʻzbekistonga qanday ta’sir qiladi?

Donald Tramp AQSh prezidentligiga saylanganidan so'ng Amerika va Xitoy savdo urushi yanada avj oldi. Bu esa o'z o'rnida O'zbekistonga ham ta'sirini ko'rsatmoqda.

🔥🔥🔥🔥 bu haqida tahliliy maqola tayyorladi.

Unda savdo urushining ta'sirlari, 2019-yildagi keys va O'zbekiston-Xitoy eksport-importning ko'rsatkichlariga to'xtalib o'tilgan.

👉 Maqolani o'qish

Telegram I Instagram I Veb-sayt

👛 Sayohat qilganingizda keshbek qaytariladi. Bilasizmi?

“O‘zbekiston bo‘ylab sayohat qil!” dasturi doirasida respublika hududlari bo‘ylab ichki sayohatlarni amalga oshirgan O‘zbekiston fuqarolariga xarajatlarining bir qismi qaytarib beriladi.

Bu tartib 2022-yil sentabr oyida boshlab joriy etilgan.

Buni qanday qilish mumkin?

Sayohat qilganda sarflagan pullaringizni bir qismini qaytarib olish uchun quyidagi amallarni bajarishingiz kerak:

🟢Soliq.uz mobil ilovasini yuklab olasiz;
🟢mobil ilova xizmatidan foydalanish uchun FaceID orqali shaxsingizni tizimda tasdiqlaysiz;
🟢sayohat yo‘nalishini va boshlanish sanasini tanlaysiz;
🟢keshbeklarni yig‘ish uchun fiskal cheklarni skanerlash orqali avia, temir yo‘l yoki avtobus biletlarini ilovaga kiritasiz;
🟢sayohatdan so‘ng "Sayohatni tugatish" tugmasini bosasiz va yig‘ilgan keshbek summalarini shaxsiy mahalliy bank plastik kartasiga o‘tkazasiz.

Keshbeklar sayohat davomida quyidagilar amalga oshirilganda qaytariladi:

🛫 avia, temir yo‘l va avtobusdan foydalanish;

👜 joylashtirish vositalari xizmatlaridan foydalanish;

📍madaniyat tashkilotlariga tashrif buyurish.

Xarajatlarning qancha qismi qaytariladi?

Sayohat xarajatlarini qaytarish har bir turistga quyidagi miqdorlarda amalga oshiriladi:

✍️ aviaqatnov orqali borib-kelish chiptasi narxining 15 foizi, lekin 150 ming so‘mdan oshmagan miqdorda;

✍️ temir yo‘lda yoki avtobusda borib-kelish chiptasi narxining 15 foizi, lekin 80 ming so‘mdan oshmagan miqdorda;

✍️ joylashtirish vositasida tunab qolish xarajatining 15 foizi, lekin 80 ming so‘mdan oshmagan miqdorda;

✍️ teatr, muzey, sirk va badiiy galereyalarga har bir tashrif chiptasi narxining 50 foizi, lekin 20 ming so‘mdan oshmagan miqdorda.

Sayohat xarajatlari faqatgina platforma orqali amalga oshirilgan ichki sayohatlar uchun uning yakuni bilan mahalliy turistlarning bank kartalariga qaytariladi.

Telegram I Instagram I Veb-sayt

🎤Yakkasaroy tumanida 16 qavatli uchta biznes markazi quriladi

Yakkasaroy tumani hokimi Nilufar Allabergenova “Griffin Development” vakillari va boshqa xorijiy investorlar bilan uchrashdi.

Muzokaralarda Glinka ko‘chasidagi 37-, 39- va 41-uylar hududida qurilish loyihasi ko‘rib chiqildi.

Ushbu joyda 16 qavatli uchta biznes markazi, zamonaviy mehmonxona, maishiy xizmat ko‘rsatish majmuasi va rivojlangan infratuzilmaga ega turar-joy binolari barpo etilishi rejalashtirilmoqda.

Investitsiyalarning umumiy hajmi $70 mlnni, qurilish maydoni esa 0,63 gektarni tashkil etadi.

Uchrashuv yakunida tomonlar hamkorlik qilish, ishlarni sifatli bajarish va qurilish muddatlariga qat’iy rioya etish bo‘yicha kelishib olindi.

Telegram I Instagram I Veb-sayt