💸 Kambag'al oilalarga moddiy yordam: subsidiya, nafaqa va tibbiy sug'urta

Prezident farmoni bilan aholini ijtimoiy himoya qilish tizimini yaxshilashga qaratilgan yangi moddiy yordamlar e'lon qilindi.

Nimalar o'zgaradi?

🔵2025-yil 1-apreldan boshlab, “Yoshlar daftari” va 1-sentabrdan “Ayollar daftari” jamg‘armalari orqali bir martalik moddiy yordamlar o‘rniga, kam ta’minlangan oilalar uchun nafaqalar to‘lanadi;

🔵Shu yilning 1-mayidan, "Ijtimoiy daftar" jamg‘armalari hisobidan tibbiy yordam va jarrohlik amaliyotlari Davlat tibbiy sug‘urtasi jamg‘armasi orqali moliyalashtiriladi;

🔵Aprel oyidan Qoraqalpog‘iston va Xorazmda muhtoj oilalarga bir martalik moddiy yordam o‘rniga, Kambag‘al oilalar reyestriga kiritilganlarga subsidiyalar ajratiladi.

Bu mablag‘lar uy-joy qurish va artezian quduq qazish kabi xarajatlarni qoplashga sarflanadi. Bunda ularga 11,25 mln so'mdan ko'p bo'lmagan mablag' beriladi.

🔵1-maydan ozodlikdan mahrum etish joylaridan ozod qilinganlarga “Inson” markazlari orqali bir martalik nafaqa puli (2,25 mln so'm) to‘lanadi.

🔵Tuman (shahar) hokimliklari huzurida yangi "Infratuzilma va ijtimoiy barqarorlik" jamg‘armalari tashkil etiladi.

Eslatib o'tamiz, avvalroq kambag'allik chegarasi 669 ming deb belgilangandi.

Telegram I Instagram I Veb-sayt