«ШАРҚ ЮЛДУЗИ» журнали

☀️28 декабрь - Ўзбекистон Қаҳрамони, Ўзбекистон халқ шоири, халқимизнинг ардоқли фарзанди Эркин Воҳидов таваллуд топган кун.
Эркин Воҳидов умрининг сўнгги кунларигача эл-юрт дарди билан ёниб яшади. Унинг "Руҳлар исёни" достони, "Ўзбегим", "Инсон" қасидалари, "Сўз латофати" илмий-маърифий рисооаси оламшумул аҳамиятга эга.
Ўзбек халқининг ардоқли шоири Эркин Воҳидов ўз ортидан бебағо маърифий мерос қолдирди.

Мени уйғотмайди соат жаранги
Мени уйғотмайди қушларнинг жанги
Қўнғироқлар ҳам уйғотолмайди.
Фақат,
Кўрпа қоқаётган қўшни келиннинг
калтак товушидан кетаман чўчиб.

Унга тикиламан парда остидан
Ногоҳ кўриб қолар ва жилмаяди
Хижолат дастидан.

Кўрпадан чанг эмас, ўрмалар овоз…
Бугун уйғотгани доимги эмас
Ғалати ғичирлаш,
ғалати товуш.
Деразам шарақлаб очилди. Кўрдим.
Беланчак.
Шамолда
тебранар
бўм-бўш.

Мамлакатимизда тадбиркорликка бўлган эътибор йилдан йилга ортмоқда.
Мактабгача тарбия муассасаларида ҳам бу илмнинг асослари ўргатиляпти. Бундан
чиқди, тадбиркорларнинг расмий танловларида ғолибликни қўлга киритиш тобора
қийинлашиб бораётган айни пайтда Деновдаги “Афросиёб” савдо ишлаб чиқариш
корхонасининг раҳбари Амри Нарзуллаевнинг “Ташаббус-2004” республика
танловида бир варакайига икки номинация бўйича ғолибликни қўлга киритиши –
жўн иш эмас. Ахир кўпкарида от қанча кўп бўлса, улоқни айириш шунча қийин
бўлиши тайин-да. Ғолиб шаънига иккита таниқли хонанданинг иккита гўзал қўшиқ
басталаши-ку, алоҳида мавзу…

Yordam beraman

Aka, aka, men sizga,
Rosa yordam beraman.
To‘kilgan mevalarni
Qoldirmasdan teraman.

Faqat bitta shartim bor,
So‘zingizdan qaytmaysiz.
Kundalikni yirtganim
Onamlarga aytmaysiz.

Мамлакатимиздаги барча олий таълим муассасалари ҳамда умумтаълим мактабларининг талаба ва ўқувчиларини китоб мутолаасига жалб этиш, бадиий саводхонлик даражасини ошириш мақсадида “Маърифат улашиб” лойиҳасида элимиз ардоғидаги шоирлар, ёзувчилар билан учрашувлар ташкил этилмоқда.

Жумладан, Термиз давлат педагогика институтига "Маърифат улашиб лойиҳаси" доирасида шоир, журналист ва таржимон “Дўстлик” ордени соҳиби, "Шарқ юлдузи" журнали Бош муҳаррири ўринбосари Азиз Саид, Ёзувчилар уюшмаси аъзолари Ориф Тўхташ ҳамда Исомиддин Пўлатовлар ташриф буюришди.

Дастлаб, ижодкорлар томонидан "Яшил макон" умуммиллий лойиҳаси доирасида олийгоҳ ҳовлисига кўчат ўтқазилди. Шундан сўнг талабалар билан ижодий учрашув ташкил этилиб, самимий суҳбат қурилди. Учрашув давомида ёшлар ўзларини қизиқтирган саволларга жавоб олишди.

Шунингдек, талабалар турар жойи ҳовлисида ташки этилган "Гулхан атрофидаги суҳбат" қизғин мушоира кечасига айланиб кетди.

Ўзбек адабиётида ҳужжатли наср жанрнинг етакчиларидан бири Набижон
Боқий деб айтсак, муболаға бўлмас. Муаллифнинг “Қатлнома”, “Чингиз афандига
мактублар. Анвар пошонинг васияти” номли китоблари қаторига “Қизил Тошбўрон”
ҳужжатли романи ҳам қўшилди. Бу роман жадидчилик ҳаракатининг аввалидаги
шахс Ҳамза Ҳакимзода Ниёзийнинг босиб ўтган йўли ва фаолияти ҳақида сўзлайди.
Бир қонуният бор: ўз давридан анча олдин кетганларни замон қабул қила
олмайди, бунинг оқибатида олдин кетганларга тош отилади, ҳар хил бўҳтонлар
уюштирилади, иғвою фисқ-фасод ботқоғига ботирадилар. Ҳамза ҳам ўз давридан
анча олдин кетгани боис ҳар хил ваҳшийларнинг ҳужумидан сақланиш учун
ҳимояга муҳтож эди.

Бахт қуши

Мана бахт қуши ҳам елкага қўнди.
Бу яғир елкага қўнди-ку охир,
Оғир бахт қуши.
Этга ботиб кетди тирноғи.
Бағир қон.
Қанотлар қон.
Лабга силққан қон таъми – тахир.
Мен бу қушдан фақат
Бахт сўрагандим, ахир.
У эса…
Мени қурбонликка сўради.

Ғалати одам бу Сўрақул деганимиз, доим бир ғалвани бошлаб юради. На
маслаҳат сўраш, на бундай ўйлаб, каллани ишлатиш бор. Бир ишга қўл урса, мард
бўлиб бошлайди-ю, мағлуб бўлиб тугатади. Кейин, иштонини ҳўллаб қўйган
боладек, мўлтайиб туришига ўласизми? Мунғайишни ҳам боплайди. Не қилсаям
ошнам-да, деб раҳмингиз келади. Балки шуни билгани учун ҳам оқибатини ўйлаб
нетиб ўтирмасдан ҳар кўчага бош суқар?
Ўзинг Султонтоғ вилоятининг олис Бойқўрғон туманидан, Туябоши деган
гадойтопмас бир қишлоқдан зўрға йўл топиб келган бўлсанг, ҳаддингни бил,
дейдиган мард топилса қани!