Seb's

Minnesota aslida ham shunday g'alati shtatmi?

Bugun aka-uka Koenlar filmlari marafoni boshlaganimizning oltinchi kuni, hamda ularning eng mashhur filmlaridan biriga yetib keldik. Bugungi menyumizda ularning ularning mashhurligini bir pog'ona ko'targan, naqd ikki yo'nalishda oskar yutgan film -

Fargo

Minnesota shtatida yashovchi Jerri mashinalar savdosi bilan shug'ullanadi. Uning qaynotasi shu ishxonasining boshlig'i, boy odam. Lekin shu boy odamdan oddiygina pul ololmasligiga aqli yetgan Jerri g'alati ish qilishga qaror qildi: qaynotasini shantaj qilish uchun uning qizini, ya'ni o'zini xotinini o'g'irlab ketishga odam yollashni reja qilgan u. Ammo bu hayotda hamma narsa ham biz o'ylagancha bo'lavermaydiku.

Fargo filmi o'z kastingi bilan bemalol istalgan sharoitda maqtana oladi, ko'plab filmlarga kasting qanaqa bo'lishi kerakligini ko'rsata oladi. Frensis Makdormand o'zining betakror ijrosi uchun akademiya tomonidan taqdirlangan. Qolgan aktyorlarning personajlari ham aynan o'ziga yozilganday. Masalan, Uiliyam Meysi bosh ro'ldagi Jerrini o'ynashni avvaldan juda qattiq istagan ekan. U o'zining so'rovlari javobsiz qolayotganidan keyin, shaxsan o'zi Nyu Yorkga, filmni suratga olishayotgan joyga borib Koenlarga "To'g'risi meni o'rnimga boshqa bu ro'lni o'ynolmayotgan kimnidir olib filmni 'bir joylaringga' tiqasizlar deb qo'rqayabman. Agar meni tanlab olmasanglar, uylaringga borib itlaringni o'ldiraman", degan ekan va albatta bu barchasi hazil (har xolda aktyor shunday degan keyinchalik))).

Filmning eng esda qolarli jihati undagi atmosfera, hamda personajlar. Ya'ni, o'ta qora atmosferaga ega film bo'lishiga qaramasdan ichida juda ko'plab hazillar borligi filmni juda jiddiy olib bo'lmaydiganday tasavvur uyg'otadi. Butun filmni olib qarasangiz aslida unda qotilliklar, vaxshiy sahnalar topiladi, lekin siz ularni ko'rish orqali juda bir tashvishga tushib qolmaysiz. Istalgan payti bemalol tomosha qilish mumkin bo'lgan filmga aylangan bu qobiliyati orqali kartina.

Keling endi sarlavhaga qaytsak. Men bunaqa deyishimning sababi film boshida, "Real voqealarga asoslangan" degan yozuvni ko'rish mumkin. Yana xuddi shu film voqealari tasvirlangan hududni yoritadigan, film bilan bir xil nomga ega bo'lgan Fargo seriali ham shunday so'zlar bilan boshlanadi. Demoqchimanki, ikkala Fargo ham o'zidagi voqealarni aynan bo'lib o'tganligiga da'vo qiladi. Agar bular 100% to'g'ri bo'lganda Fargo shahrini oldida DC komikslaridagi Gotham shahri ham ip esholmay qolardi, chunki ulardagi jami qirg'inlar, qotillar-u zo'ravonliklar soni ozgina shubhali eshitiladi odamga. Xo'sh, men serialni bilmayman, lekin Koenlar o'zlarining ishi haqiqiy voqea emasligini tan olgan, bu degani ular aytgan filmdagi har bir gap to'g'ri emas, lekin ba'zi shahardagi bo'lgan jinoyatlar filmda ham ko'rsatilgan. Filmdagi ba'zi voqealargina real hayotda bo'lgan, hammasi emas.

Serialni eslagan ekanmiz, men uni ham sizlarga ko'rishni tavsiya bergan bo'lardim, sababi serial ham yaxshi chiqqan, uning mavsumlari antalogiya shaklida olingan, lekin uning dastlabki 1-mavsumi Fargo filmiga juda yaqin voqealarga, hamda atmosferaga ega. Yaxshilab ko'rsangiz, filmdan serialga ko'chgan bitta katta detalni ham anglaysiz serialda. Biron payt serial uchun ham alohida yozarman.

#tavsiya #taqriz #drama #detektiv #Koenlar

Qahratonda ham iliq qalblar uchun Jazz klubi - Seb's

Koenlar kabi hikoya aytadigan yo'q deymanku o'zi. Fargo filmi uchun ular eng yaxshi original ssenariy nominatsiyasida Oskar yutishgan.

O'zi umuman olib sanab chiqsangiz eng yaxshi original/ moslashtirilgan ssenariy uchun Koenlar naqd 7 marta (!) Oskarga nominatsiyaga qo'yilgan. Ulardan ko'proq bu nominatsiyaga qo'yilganlar faqatgina Vudi Allen (16 marta) hamda Billi Uaylder (11 marta) hisoblanadi. Shunaqa ijodkorlarni filmlarini tomosha qilish kerak.

Koenlar yozadigan satira ajoyib, o'tkir va shu bilan bir vaqtda yengil ham bo'ladi. Ular har qanday jiddiy mavzuni bironta absurd bilan aralashtirish qobiliyatiga ega. Shu bilan birga bitta yomon tomoni, ularning komediyalari (boshqa janrdagi ham ko'p filmlari) odatda juda muhokamalardan chetda qoladi. Qadrsizlangan dagen jumla unchalik tushmaydi menimcha bu yerga, sababi bizga o'xshagan oddiy tomoshabinlar orasida fan bazasi kam bo'lgani bilan kinotanqidchilar, mukofot, festivallar ularni birday ko'radi boshqa filmlar bilan.

Aytganday, qanaqasiga bilmadim-u, Tim Robbinsga Shoushenkdagi aqlli, o'qimishli yigit bilan birga Hudsucker Proxy filmidagi go'l, laqmaroq yigit obrazi birday yarasharkan. Kimnidir bir paytda ham aqlli ham axmoq ko'rinishida ko'rish mumkinligiga ikkilansangiz endi bemalol Tim Robbinsni eslashingiz mumkin, har xolda ikkala filmda u bir vaqtda suratga tushgan bo'lsa kerak.

Yozuvchining ichidagi g'oyalar muhimroqmi, yo tashqarisidagi voqealarmi?

Aka-uka Koenlarning 90-yilda chiqqan Miller's Crossing filmini yozish jarayonida o'rtada ular to'xtalish olib, butunlay boshqa bir film haqida yozishganini aytgandim kecha. Bugun shu film haqida, Koenlarning to'rtinchi filmi haqida gaplashamiz.

Barton Fink

Barton Fink o'ziga xos perfeksionist yozuvchi. U Nyu-Yorkda kichikroq ishlar, sahnalar uchun yozar edi, keyin uning ishi haqiqatdan ham ajoyib ekanligi omma ko'ziga tashlanavergach unga birdan katta taklif chiqdi. Bartonni Gollivudga taklif qilishayapti, bu uning avvalgi ishiga qaraganda ancha katta mas'uliyatli ish ekanligi uni hozircha ozgina asabiylashtirib turibdi.

Ushbu film Oskar uchun 3ta yo'nalishda kurashib hech birini yutmaganini akademiyaning haqiqiy yo'qotishi deb baholasak bo'ladi. Sababi aynan ushbu film Kann kinofestivalida yirik uchlik nominatsiyasini: oltin palma yaprog'i, eng yaxshi rejissyor, eng yaxshi aktyorni birvarakayiga yutgan ilk film hisoblanadi. Mana sizga filmni ko'rishingiz uchun zo'r sabab.

Barton Fink bir qaraganda qora komediya janridagi film ekanligini ilg'ash mumkin, lekin bu faqat dastlabki tasavvur xolos. Bu film simvollarga to'la ekanligini, ko'p narsalarning aslida bizga butunlay boshqacha narsadan darak bermoqchi ekanligini filmni oxirigacha ko'rganda bilamiz. Bu filmga bir qilib ta'rif berish kerak bo'lsa Syurrealizm hamda Realizmning qorishmasi degan bo'lardim. Rostdan men bu ikkala tushunchani tangani ikki tomoni deb o'ylardim, bir filmda ikkalasini ham ko'raman deb hech o'ylamagandim.

Film o'zida yozuvchilar bilan bog'liq Writer's block degan tushunchani juda yaxshi ochib bergan. Shunchaki nimadir haqida yozishga odamda talant yetarli bo'lmasligi haqida juda yaxshi uqtira olgan. Misol uchun deylik, kuchli bosim ostida, yoki qisqa dedlayn ichida nimadir yozishga yozuvchini majburlash, yoki uni undash uning yozish qobiliyatiga, kreativligiga jiddiy zarar berishi, uni bloklashi mumkinligini filmga yaxshi ko'chirishgan.

Ikkinchi tomondan, film Gollivuddagi B-sortidagi, ikkinchi eshelondagi filmlarga qo'l uchi bilan yondashadiganlarni yomonlashni ajoyib uddalagan. Film haqida olingan filmlar qatoriga, Gollivud haqida olingan filmlar qatoriga, ro'yxatiga Barton Finkni ham bemalol qo'shib qo'ying, agar hali ko'rmagan bo'lsangiz.

Filmdagi aktyorlarning ijrosi juda ajoyib chiqqan, lekin ulardan kimnidir ajratib ko'rsatish kerak bo'lsa men Jon Gudman yoki Maykl Lernerni ajratib ko'rsatgan bo'lardim.

#taqriz #tavsiya #drama #komediya #Koenlar

Yozuvchilar uyushmasi jazz klubi - Seb's

O'zi Koenlar haqida valdirab yotibman, ularning ijodi qiziqmi ?
Reaksiya, izoh, share, binnimalar qilib turinglar, borliginglar bilinsin. O'zimga-o'zim gapirib yurganday tuyulyapti )

Qadrdon gangsterlar mavzusi Koenlar nigohida:

Koenlar ijodini o'rganishda davom etamiz, bugun ularning "Raising Arizona" yengil komediyasidan darhol yana nuar kriminal janriga qarab qaytgan, faoliyatidagi uchinchi filmi haqida gaplashamiz.

Miller's crossing (Перекрёсток Миллера)

1920-yillar atmosferasida, Amerikadagi uyushgan jinoyat, mafiya, gangsterlar olami haqida to'qima.
Tom Regan mahalliy mafiya boshlig'i Leoning o'ng qo'li, kerak bo'lsa oyog'i desak ham bo'ladi. Sababi aynan u juda ko'p ishlarni bitiradi. Shaharda boshqa bir to'da boshlig'i bilan Leoning orasidan 'qora mushuk o'tgach' hamma palakat boshlandi.
Bunaqa filmlar syujeti haqida filmning o'zidan bilib olgan ma'qul, har xolda ikki soatlik filmda Koenlar tushuntirganday men tushuntira olmayman sizga bu voqeani. O'zi dunyoda Koenlardan ham ko'ra zo'r voqea so'ylovchilar juda-juda kam topilsa kerak (agar bo'lsa)

Filmni ko'rib o'tirgan paytingiz, dastavval ozgina voqealar sekin tuyulsa, yoki bunaqa ko'p kino ko'rganman deb o'ylasangiz adashasiz, sabr qiling va yakunda o'z yutug'ingizni olasiz. Filmning birinchi yarmidan ko'ra, ikkinchi yarmida undagi voqealar rivoji, tezlik, tahlika, intriga ancha kuchaygan.
Bunaqa ko'cha to'dalari, Italyan yoki Irland Amerikaliklarga bog'liq mafiya mavzulari haqida kimdir sizdan fikr so'rasa hech shubhasiz Koppolaning "Godfather" yoki Skorsezening bironta shu mavzudagi filmlarini ko'z oldingizga keltirasiz. Lekin men aytib qo'yay hozir gaplashayotgan filmimiz ham shularning darajasiga bemalol tenglasha oladi. Agar ingliz tilidagi "underrated" so'zini qaysidir filmga nisbatan ishlatish kerak bo'lsa unda bu film o'sha, "Miller's crossing".

Endi keling men sizga film haqida qiziq bir narsa aytib beray: Miller's Crossing filmi ssenariysini yozish vaqtida aka-uka Koenlar writer's block ga (bilmayman o'zbekchasi nima, erinmasanglar internetdan qidiringlar) duch kelishadi, hech nima yozolmay qolishadi. Keyin esa uch hafta dam olishga qaror qilishadi, hamda bu dam olishda o'sha yozuvchilar uchraydigan "ilhom tanqisligi" haqida film uchun ssenariy yozishadi, "Barton Fink" filmi haqida gap ketyabdi. So'ngra yana o'zlarining filmlariga qaytib uning ssenariysini tugatishadi. Agar siz Barton Fink filmini ko'rgan bo'lsangiz, hamda sinchiklab kuzatsangiz, Miller's Crossing da unga bir nechta havolani topasiz. Daxshat-a, hali chiqarmagan filmlariga oldingi filmlarida havola qoldirishyapti rejissyorlar.

Filmning o'zi haqida gapirganda esa, undagi aktyorlar ijrosini e'tirof etib ketmay hech iloj yo'q. Ayniqsa Tom Regan ro'lini o'ynagan Gabriel Birn hamda Leoni o'ynagan Albert Finniga ro'llari juda yarashgan.

#taqriz #tavsiya #kriminal #nuar #Koenlar

Kelishilgan o'yinlarga qarshi jazz klubi sifatida - Seb's

Filmda Fransis Makdormand kichikroq ro'llardan birini o'ynagan, hamda bosh ro'llardan birini o'ynagan Holli Hanter ikkalasi birga bitta kollejga (bizni tilda universitet bo'lsa kerak) borgan ekan. Aka-uka Koenlar esa ro'lni maxsus Hanter uchun moslab yozishgan ekan.

Jahon kinosini bir pog'ona yuqoriga ko'targan debyut:

1984-yilda hozirgi dunyo kinematografiyasida o'zining katta salmoqli nomiga ega bo'lgan ikki inson o'zining ilk to'liq metrajli filmi bilan debyut qilgan edi. Bu ikkisini biz aka-uka Koenlar deya taniymiz hozirda.

Blood Simple (Просто кровь)

O'zlarining debyut filmlari uchun ularga yaxshi bir maslahatni rejissyor Sem Reymi bergan. Sem Reymi ularga "eshikma-eshik" yurib investorlarga o'zlari oladigan film haqida ikki daqiqalik kichik treylerni ko'rsatib chiqishni taklif qiladi. Buni qarangki uning aytgan ishi yaxshi g'oya bo'lib chiqdi, Koenlar bu yurish bilan $750.000 atrofida investitsiya to'plashadi, va bu pul prodakshn ishlarini boshlashga yetarli bo'ldi. Tushunayapsizlarmi, ular film olish uchun, o'zlari soxta treyler suratga olib, investorlarni jalb qilib keyin haqiqiy filmini olishgan. "Better call Saul" serialida Jeyms Makgil ikkita universitetdagi talabani olib kelib, moshenniklik qilib kompaniya uchun reklama rolikni olishini eslatib yubordi menga bu hikoya.

Marti Texasda kichik bar egasi. U ancha paytdan beri o'z xotini boshqa bir erkak bilan don olishib yuribdi deb o'ylaydi, uning taxminiga ko'ra erkak ham unga begona emas. Marti bularni tasdiqlatish uchun xususiy izquvar yollaydi. Izquvar ham o'z ishini bajarib, uning gumonini tasdiqlagandan so'ng voqealar tizgini kutilmagan tomonga burilib keta boshladi.

Film haqiqatdan Koenlarni o'z uslubidagi kartina chiqqan. O'ta jiddiy voqealarning ibtidosi qanaqadir bir ko'rinmay turgan, kutilmagan kichik bir palakatdan boshlanadi. Hamda Koenlar bunaqa jiddiy suhbatlar, dialoglar orasiga o'tkir hazillarni 'suqib' olish bo'yicha ham juda ajoyib namuna ko'rsatishgan. Umuman film kichik byudjet orqali olingani ba'zi detallarda seziladi, lekin uning texnik jihatlariga bu umuman ta'sir ko'rsatmagan. Ajoyib operatorlik ishi, juda mahorat bilan qilingan editing (bilmayman o'zbekchasiga nima) butun filmda sezilib turadi.

Kartina neo-nuar janridagi triller ekanligiga qaramay ko'proq ba'zi jihatlari odamga slasher filmlardagi atmosferani eslatib yuboradi, undagi saspens ham shunga yaqinroq keladi. Va albatta filmda yaxshigina intriga mavjud, shu intriga sizni film oxirigacha ushlab turishga majbur qiladi. Yana ushbu film Koenlar hamda Fransis Makdormandlarning ilk birgalikdagi loyihasi ham hisoblanadi.

#tavsiya #taqriz #neonuar #triller #Koenlar

Vaqtinchalik nuar jazz klubi sifatida - Seb's

Kanalda aka-uka Koenlar haftaligi (yoki ikki haftaligimi, kim bilsin)

Salkam dinozavrlar davrida Koenlarning filmografiyasini ko'rib chiqishni reja qilgan ekanman, lekin keyinchalik qolib ketgan bu ish, faqat Ladykillers filmi haqida ozgina yozgandim, shu bilan to'xtagan edi. Menimcha ularni kuzatishni noto'g'ri nuqtadan boshlaganman. Kanalni Letterboxd platformasida kuzatadiganlar sezgandir ularning filmlarini ko'rib chiqishni boshladim, endi esa ular haqida kanalning lentasini to'ldirishni ham boshlaymiz. Keyingi kunlarda faqat ular haqida gaplashamiz. Tayyor turinglar )

Ularning filmografiyasini esa quyidagi kanalga joylab boraman ko'rmoqchilar uchun (ingliz tilida): https://t.me/+ctLY67N-uQk5YWRi

The Vvitch: New England folktale

1630-yillar. Oila bolalari bilan birgalikda shahardan chiqib, o'rmonga yaqin bir joyga ko'chib o'tishdi. Ota-ona hamda ularning beshta bolasi bilan tez orada g'alati ishlar sodir bo'la boshladi. Hammasi ularning eng kichik farzandi yo'qolgandan boshlangandi, ular bolasini bo'ri olib ketdi deb ishonishardi, lekin rostdan ham bu bo'rimidi?

Ushbu film hozirgi kunda horror janriga o'zgacha nafas qo'shib turgan rejissyor Robert Eggersning debyut ishi hisoblanadi. Filmning byudjeti atigi 4mln $ ga teng, lekin filmni ko'rganingizda uni arzongarov film deb o'ylamasligingiz aniq. Bu pul miqdorini taqsimlash uchun o'sha paytdagi nisbatan o'rtacharoq plankadagi aktyorlardan yig'ish, suratga olish maydonini kichraytirish orqali mablag'dan tejash amalga oshirilgani aniq, lekin bunaqa sabablarni ko'rsatmagan holatda filmni o'ta sifatli darajaga chiqishida ikki nomni tilga olib o'tish kerak.

Robert Eggers bu filmni suratga olish uchun yillab shu atrofdagi xalq cho'pchaklari, folklorlari kabi narsalardan material to'plagan, hamda bularni ssenariyga o'ta mahorat bilan joylagan. Filmdagi pishiq ssenariydan tashqari ikkinchi uning eng zo'r quroli bu operatorlik ishi. Operator Jarin Blashkening mahorati tufayli film oddiygina horrordan ko'ra ancha estetikali, atmosferali ijod namunasiga aylangan.

Filmni kinomanlar uchun horror deb qo'ysak ham bo'ladi. Ya'ni odatda bu janrni ko'rmaydigan, yoqtirmaydigan odam ham bu filmdan zavqlanishi mumkin, unaqa arzongarov qo'rqinchli sahnalar kuzatilmaydi bu yerda. Men filmni qo'rqinchli emas demayapman, shunchaki bu kartina o'zining janridan ko'ra kattaroq auditoriyaga yoqa oladi demoqchiman. Uning yagona qiyinchilik tarafi bu uning so'zlashuv uslubi bo'lishi mumkin. Chunki unda 1630-yillar atmosferasi ko'rsatilgani uchun, shu davrdagi eski inglizlar gapirgan tilda so'zlashilgan. Lekin bir-ikki marta google xizmatidan foydalanish odamni o'ldirmaydi bu so'zlarni tushunish uchun, shuni ham yodda tuting.

#tavsiya #taqriz #horror #triller #Eggers

Echkilari yo'q jazz klubi sifatida - Seb's