​⚡️O‘QITUVCHI

Halollikdir shiori,
Halol luqma tishlaydi,
Olti kun maktabda ish,
Bir kun uyda ishlaydi.
               ※※※
O‘zbekda ish tugamas,
Tugamas yozu, qishlar,
Yakshanbani kutishib,
Turar uydagi ishlar.
               ※※※
Yerni ag‘dar,ekin ek,
Uy joy ko‘tar,uy joy qur,
Shunday qizg‘in va shoshqin,
O‘taveradi  umr.
               ※※※
Goho yakshanbada ham,
Maktabga chorlaydilar,
Ish deb hatto yozda ham,
Hech yerga bormaydilar.
               ※※※
Yuguradi yeladi,
Hech tolmaydi o‘qituvchi,
Dam oladi demang siz,
Dam olmaydi o‘qituvchi.
               ※※※
Shiddat bilan odimlar,
O‘zgaruvchan bu zamon,
Besh yilda bir toifa,
Malaka test-imtihon.
               ※※※
O‘tolmasa gar testdan,
Hech qadr topmaydilar,
Ishdan kelib tunlari,
Uyda test yodlaydilar.
               ※※※
Qadrin bilmas hamma ham,
G‘iybatlar sotarlar bor,
Piching qilib ortidan,
Toshlar ham otarlar bor.
               ※※※
Ishdan ortmas o‘qituvchi,
Buni bilgan bilibdi,
Kimni uribdi ustoz,
Kimni g‘iybat qilibdi?
               ※※※
Bir naql bor ustoz zot,
Otangdek ulug‘ degan,
Baribir ustoz ulug‘,
Ustoz mo‘tabar ekan.
               ※※※
Haykal qurmang unga siz,
E’zoz ehtirom bering,
Unga ozgina hordiq,
Ozgina orom bering.
               ※※※
Halollikdir shiori,
Haloldan non tishlaydi,
Olti kun maktabda ish,
Bir kun uyda ishlaydi.

✔️ Shu kanalda E'lon qilinadi 👉 @MANDATLAR_UZ

Ойлик ҳисоблаш учун бот:
✈️ @Oylik_hisoblovchibot

👩🏻‍🏫 @Oqituvchi | Obuna bo'ling👇
https://t.me/+ngRPMExoXBU2ZDcy
https://t.me/+ngRPMExoXBU2ZDcy