Duolar va Zikrlar 🤲🏻

Оятал Курсийни хар куни ўқишликни ажрлари

✅ «Оятал Курсий»ни уйидан чиқаётганда ўқиган одам қайтиб келгунча Аллоҳ таолонинг ҳимоясида бўлади.

✅ «Оятал Курсий»ни ҳовлисида ўқиган одамникига ўттиз кунгача шайтонлар, қирқ кунгача сеҳргарлар кирмайди.

✅ «Оятал Курсий»ни уйқуга ётганда ўқиган одамни Аллоҳ таоло ўзини ҳам, қўшнисини ҳам, қўшнисининг қўшнисини ҳам омонда сақлайди.

✅ “Ҳар бир фарз намозидан кейин Оятал курсийни ўқиган одам учун Жаннатга киришига ҳеч қандай тўсиқ йўқ.”

Оятал курси: Аллоҳу лаа илааҳа иллаа ҳувал ҳаййул қоййуум, лаа та'хузуҳу синатув валаа навм, лаҳу маа фис-самааваати вамаа фил ард, ман заллазий йашфаъу ъиндаҳу иллаа би'изниҳ, йаъламу маа байна айдиҳим вамаа холфаҳум валаа йуҳийтууна бишайъим мин ъилмиҳи иллаа бимаа шаа'а, васиъа курсиййуҳус- самааваати вал ардо валаа йа'уудуҳу ҳифзуҳумаа ваҳувал аълиййул ъазийм

➡️ Яқинларингизга ҳам улашинг! 👇

🌙 @Kunlik_Duolarim 🤲 - Кунлик  Дуолар каналига аъзо бўлинг

Орзу-ҳавасингни меъёрини бил, очкўзлик йўлига кирма. Аллоҳ марҳамат қилганида ризқ-бараканинг ниҳояси йўқдир.
Юнус ибн Убайд.

#МУТОЛАА_ВАҚТИ

МУНОЗАРА

Абу Бакр Боқилоний раҳимаҳуллоҳ ўз асрининг буюк уламоларидан эди. Ироқ ҳокими 371-ҳижрий санада уни танлаб, насронийлар билан мунозара қилиш учун Қустантинияга юборди. Рум подшоси Абу Бакр Боқилонийнинг келаётганликларини эшитгач, кирадиган эшикни паст қилиб қуришларини буюрди. Мақсади Боқилоний кираётиб эгилишлари ва Рум подшоси ва аъёнлари олдида ўзларини хорлашлари лозим эди.

Боқилоний келгач уларнинг ҳийласини англадилар ва айланиб орқа билан эгилиб кирдилар. Яъни, юзлари улар томонга эмас, эшик томонга бўлди. Подшоҳ билдики, олдида зийрак инсон турибди. Боқилоний кириб салом бермадилар. Зеро Расулуллоҳ саллоллоҳу алайҳи ва саллам аҳли китобга биринчи бўлиб салом беришдан қайтарганлар. Кейин у зот роҳибларнинг каттасига қараб:

- Аҳволингиз яхшими? Хотин, бола-чақангиз қандай? - дедилар.
Рум подшосининг аччиғи келиб:
- Билмайсанми, роҳиблар уйланмайди, бола-чақа қилмайди?! - деди.
Боқилоний:
- Аллоҳу акбар! Роҳибларингизни уйланиш ва бола-чақадан поклайсиз, Роббингизни эса уйланиш ва фарзанд ила муттаҳам қиласиз! - дедилар.

Кейин подшоҳ безбетларча:
- Оишанинг қилган ишига нима дейсан? - деди.
Боқилоний:
- Агар Оишага туҳмат қилинган бўлса, Марямга ҳам туҳмат қилинган. Ваҳоланки иккаласи ҳам покиза. Аммо Оиша турмушга чиқди ва фарзанд кўрмади. Марям эса турмушга чиқмади ва фарзанд кўрди. Ботил туҳматга қайси бири лойиқроқ эди? Аллоҳ иккисини ҳам пок қилди.

Подшоҳнинг ғазаби қайнади ва деди:
- Пайғамбарингиз ғазот қилар эдими?
- Ҳа.
- Ғалаба қозонар эдими?
- Ҳа.
- Мағлуб бўлар эдими?
- Ҳа.
- Ажабо! Пайғамбар ҳам енгиладими?!
Шунда Абу Бакр Боқилоний унга:
- Илоҳ ҳам хочга михланадими? - дедилар.
Подшоҳ жим бўлиб қолди.

➡️ Яқинларингизга ҳам улашинг! 👇

🌙 @Kunlik_Duolarim 🤲 - Кунлик  Дуолар каналига аъзо бўлинг

 🅰️🅰️🅰️🅰️🅰️🅰️  🅰️🅰️🅰️🅰️🅰️

🎀 🎀  🟥🟥🟥🟥🟥🟥🟥🟥 🎀 🎀

🅰️🅰️🅰️🅰️  🅰️🅰️🅰️🅰️🅰️🅰️

👑👑𝗕𝗔𝗬𝗥𝗔𝗠𝗢𝗡𝗔 𝗛𝗔𝗗𝗜𝗬𝗔𝗟𝗔𝗥‼️
❤️❤️𝗔𝗬𝗢𝗟𝗟𝗔𝗥𝗜𝗠𝗜𝗭 𝗢𝗥𝗭𝗨𝗦𝗜𝗗𝗔𝗚𝗜 𝗕𝗔𝗚𝗘𝗠𝗔𝗟𝗔𝗥‼️
🔥🔥𝗕𝗘𝗝𝗜𝗥𝗜𝗠 𝗖𝗛𝗜𝗡𝗡𝗜 𝗜𝗗𝗜𝗦𝗛𝗟𝗔𝗥‼️
🤩🤩𝗫𝗨𝗟𝗟𝗔𝗦 𝗧𝗔𝗥𝗜𝗙𝗚𝗔 𝗧𝗜𝗟 𝗢𝗝𝗜𝗭 𝗕𝗢'𝗟𝗚𝗔𝗡 𝗕𝗔𝗥𝗖𝗛𝗔 𝗡𝗢𝗭𝗜𝗞 𝗗𝗜𝗗𝗟𝗜 𝗔𝗬𝗢𝗟𝗟𝗔𝗥𝗜𝗠𝗜𝗭 𝗧𝗔𝗡𝗟𝗢𝗩𝗜✔️✔️

😍😍𝗘𝗡𝗗𝗜 𝗕𝗜𝗭𝗡𝗜𝗡𝗚 𝗞𝗔𝗡𝗔𝗟𝗗𝗔‼️
🫰🫰𝗦𝗛𝗨𝗡𝗖𝗛𝗔𝗞𝗜 𝗞𝗔𝗡𝗔𝗟𝗚𝗔 𝗞𝗜𝗥𝗜𝗡𝗚 𝗩𝗔 𝗕𝗔𝗥𝗖𝗛𝗔𝗦𝗜𝗡𝗜 𝗢𝗣𝗧𝗢𝗠 𝗡𝗔𝗥𝗫𝗗𝗔 𝗗𝗢𝗡𝗔𝗚𝗔 𝗫𝗔𝗥𝗜𝗗 𝗤𝗜𝗟𝗜𝗡𝗚🛍🛍

❤️❤️𝗞𝗔𝗡𝗔𝗟𝗚𝗔 𝗞𝗜𝗥𝗜𝗦𝗛⬇️⬇️

https://t.me/+as4JG9IRteVhNTI6
https://t.me/+as4JG9IRteVhNTI6
https://t.me/+as4JG9IRteVhNTI6

#кун_эслатмаси

Дуонинг арабча матни:

اللَّهُمَّ اغْفِرْ لِلْمُسْلِمِينَ وَالْمُسْلِمَاتِ وَالْمُؤْمِنِينَ وَالْمُؤْمِنَاتِ الْأَحْيَاءِ مِنْهُمْ وَالْأَمْوَاتِ
اللَّهُمَّ إِنَّا نَعُوذُ بِكَ مِنْ جَهْدِ الْبَلَاءِ، وَدَرَكِ الشَّقَاءِ، وَسُوءِ الْقَضَاءِ، وَشَمَاتَةِ الْأَعْدَاءِ

«Аллоҳуммағфир лил муслимиина вал муслимаати, вал муъмиинина вал муъминаати ал аҳйааи минҳум вал амваат».
«Аллоҳумма инна наъуузубика мин жаҳдил балаа, ва дарокиш-шақоо, ва сууил қодоо, ва шамаататил аъдаа».

Дуонинг маъноси:
«Аллоҳим! Биз оғир балодан, бахтсизлик етишидан, ёмон қазои қадардан ва душманлар шодлигидан Сендан паноҳ тилаймиз!»
«Аллоҳим! Мусулмону муслималарни, мўмину мўминаларни – уларнинг тирикларию ўлганларини мағфират қил!»

Фитнали вақтда амал қилганларга эллик кишининг савоби берилади.

Расулуллоҳ соллаллоҳу алайҳи васаллам шундай деганлар: «Яхшилик қилинглар, ёмонликдан тийилинглар. Итоат қилинувчи бахиллик (ёки таъмагирлик), эргашилувчи ҳавои нафс, устун кўрилган дунёга, ҳар бир фикр эгаси ўз фикридан ғурурланаётганига гувоҳ бўлсанг, бошқаларни қўйиб, ўзингни (ҳолинга) қара. Олдингизда сабрли кунлар бор, у кунларда сабр қилиш – чўғни ушлаб туриш кабидир. У кунларда шариатга амал қилувчининг савоби ўзи каби амал қиладиган эллик кишининг савоби мислича бўлади» (Имом Ибн Можа, Имом Термизий ва Имом Абу Довуд ривояти).

Бир ривоятда шундай дейилган:
«Биздан эллик кишинингми ёки улардан эллик кишининг савобими?» деб сўрашди. Расулуллоҳ соллаллоҳу алайҳи васаллам: «Сизлардан эллик кишининг ажри», дедилар (Имом Абу Довуд ривояти).

«Олдингизда сабрли кунлар бор» деган жумланинг маъноси шуки, замон фитнали бўлган вақтда нафс жиловини гуноҳлардан тийиб туриш машаққатли, оғир, қийин ва жуда ҳам аччиқ бўлади. Қўлда чўғ ушласа куйгани каби, у пайтда гуноҳлардан тийилиш ҳам шунчалик оғир бўлади. Лекин Аллоҳдан қўрқиб, ёмон суҳбатдошлардан узоқ бўлган кишиларга катта савоблар берилади. Бундай вақтларда ибодат қилувчига фитнали замон бўлмаганда бир амални қилиб савоб оладиган кишидан элликтасининг савоби берилади.

Расулуллоҳ соллаллоҳу алайҳи васаллам: «Фитна замонида ибодат қилиш ҳижрат қилишнинг савобига баравар бўлади», дедилар (Имом Муслим ривояти).

“Энг шарафли уммат” китобидан.
©️mehrob_uz

➡️ Яқинларингизга ҳам улашинг! 👇

🌙 @Kunlik_Duolarim 🤲 - Кунлик  Дуолар каналига аъзо бўлинг

9 йил давомида эри билан қайнона қайнотасини хизматида яшаган аёл авария сабаб эридан ажради. Йиллар ўткан сари қайнона ва қайнотаси келинни изини қуритиш пайига тушишди.

Бир куни келин овқат сузаётганида қаттиқ чарчагинини хис қилди. "Қорним очди шекилли" деб ўйлади. Таомни сузиб келди. Қайнотаси "тузи паст бўлибди" деса қайнонаси "яхши қайнамабди" деди. Келинни дили оғриди. Бир кўнгли "дастурхонга қўйилган овқатни мақтаб ейиш суннат" дегиси келдию, тилига чиқармади. Узр ойижон, узр дадажон деб индамасдан болаларини овқатлантирди. Идиш товоқларни ювди. Болалари сочиб ташлаган уйларни тозалади. Қони камайганидан холсизланиб кетарди. Эртасига мактабда 6 соат дарси бор, қолмишига бир талай дафтар текшириши керак эди. Болаларини эртак айтиб ухлатди. Бир амаллаб дафтарларни текшираёриб кўзи илиниб кетарди. Шу пайт кимдир елкасига кўрпа ташлаганини хис қилди. Аёл ўгиоилиб ортга қараса батафсил ўқинг... 👈

Самарқандда аёл 7 ойлик чақалоғини кўчага ташлаб, хат қолдириб кетди‼️

Ижтимоий тармоқларда Самарқанд вилояти Оқдарё туманидаги Лойиш маҳалласида аёл фарзандини бир адёл ва 2-3 та кийимлари билан кўчага ташлаб кетган. Одамлар бориб болани қўлга олишганда, боланинг чўнтагида хат борлигини кўришган. Хатни очиб ўқишганда, унда шунда сўзлар ёзилган экан. 

Менинг болам... Давоми👇

"Бас, ким зарра оғирлигида яхшилик қилса ҳам кўрадир. Ва ким зарра оғирлигида ёмонлик қилса ҳам кўрадир" (Залзала сураси, 7-8-оятлар).

Энг оғир жазо

Ҳар бир жиноятнинг жазоси бор. “Шунча одам гуноҳ қиляпти-ю, лекин жазо олмаяпти-ку?” дейишга шошилманг. Жазо деганда ҳар бир гуноҳкорнинг бошига самодан тушадиган бир чақмоқ ё шунга ўхшаш бало назарда тутилмаган. Ҳамма жазо ҳам Фиръавнники сингари денгизда чўкиш, Қорунники сингари ер ютиш бўлавермайди. Фиръавн ва Қорунга берилган жазолар Жабборнинг интиқомидир.
Булардан ҳам баттар жазолар бор. Шулардан бири Аллоҳ бандасининг гуноҳи туфайли унинг қалбини Ўзидан тескари қилиб қўйишидир. Бунда банда тирик бўлса-да, қалби ўлади. Олдидан жаноза кўтариб ўтилса-да, титрамайди, тафаккур қилмайди. Қуръон оятларини эшитса-да, таъсирланмайди. Йиллар ўтади-ю, аммо ибодат қилмайди. Азонни эшитади, лекин масжидга бормайди. Рамазонлар келиб-кетади, аммо уни ғанимат билмайди. Истиғфор айтиб, кўздан надомат ёшлари оқмаслиги, қўллар дуога кўтарилмаслиги, тиллар тасбеҳ, зикр айтмаслиги – булардан ортиқроқ жазо борми?!
Раббимизнинг эшиги бизга ёпилиб қолиши энг қаттиқ жазодир, аслида! Аллоҳ асрасин!

➡️ Яқинларингизга ҳам улашинг! 👇

🌙 @Kunlik_Duolarim 🤲 - Кунлик  Дуолар каналига аъзо бўлинг

Жон чиқар вақтда гўзал хотиманинг 5 аломати

1. Вафот этаётган пайтида пешонаси терлаб кетади.

Бу ҳақда Расулуллоҳ саллаллоҳу алайҳи васаллам: «Мўминнинг ўлими пешонаси терлаши биландир», деб айтганлар (Ибн Можа ва Термизий ривояти).

Изоҳ: Ибн Масъуд розияллоҳу анҳу: «Мўминда гуноҳларидан бирортаси қолса, ўлим пайтида унга жазо сифатида пешонаси терлайди», деганлар. Яъни, бу гуноҳи оз қолгани ва бор бўлса ҳам, у шу туфайли ювилиб кетганини билдиради. Суфён Саврий раҳматуллоҳи алайҳ: «Саҳобалар жон бераётган одамнинг терлаганини яхши кўрар эдилар», деб айтган.

2. Жума кечаси ёки жума кундузи вафот қилади.
Бу ҳақда Расулуллоҳ саллаллоҳу алайҳи васаллам: «Бирор мусулмон киши жума куни ёки жума кечаси вафот қилса, Аллоҳ уни қабр фитнасидан сақлайди», дедилар (Имом Термизий ва Аҳмад ривояти)

3. Ўлишидан олдин шаҳодат калимасини айтишга муваффақ бўлади. Бу ҳақда Расулуллоҳ саллаллоҳу алайҳи васаллам: Кимнинг дунёдаги охирги сўзи «Лаа илаҳа иллаллоҳ» бўлса, жаннатга киради», дедилар (Абу Довуд ривоятлари).

4. Ҳадисда зикри келган шаҳидларнинг бири бўлмоқ.
Ҳадисда Расулуллоҳ саллаллоҳу алайҳи васаллам: «Шаҳидлар беш хил: вабодан ўлган, қорин оғриғидан ўлган, ғарқ бўлган, қулаган нарсанинг остида қолиб ўлган ва Аллоҳ йўлида шаҳид бўлган», дедилар (Муттафақун алайҳ).

5. Ибодат устида, масалан намоз ўқиётган, рўзадор ҳолида ёки диний илм мажлисларига бориш, қатнашиш асносида вафот топиши.

Бу ҳақда Расулуллоҳ саллаллоҳу алайҳи васаллам: «Қачон Аллоҳ таоло бир бандага яхшиликни ирода қилса, ўлимидан олдин поклаб қўяди», деганларида, саҳобалар: «Бандани поклаб қўйиши нима?» дейишди. Шунда у зот: «Солиҳ амал бўлиб, унга ўша амални бажаришда илҳом беради ва ўша амал устида жонини қабз қилади», дедилар (Табароний ривояти).

Аллоҳ йўлида.

Каъб ибн Ужра  р.а. дан ривоят қилинади;
Расулуллоҳ  саллаллоҳу алайҳи васаллам олдларидан бир киши ўтиб қолди.
Расулуллоҳ саллаллоҳу алайҳи васалламнинг саҳобалари у кишидаги куч ва фаолликни кўриб:
- “Эй Аллоҳнинг расули? Агар бу киши Аллоҳ таоло йўлида ҳаракат қилса ажойиб бўлар эди” - дейишди.
Шунда Расулуллоҳ саллаллоҳу алайҳи васаллам:
- “Агар у киши ёш фарзандларини боқиш учун  кўчага  чиқса, у Аллоҳ йўлидадир. Агар кекса ота онасини боқиш учун  кўчага  чиқса,  у Аллоҳ йўлидадир.
Агар бошқалардан сўрамасдан, ўз иффатини сақлаш  мақсадида пул топиш учун  кўчага  чиқса, у ҳам Аллоҳ йўлидадир.
Агар риё ва фахр учун чиқса, у шайтон йўлидадир” - деб айтдилар.

(Имом Табароний ривояти)

➡️ Яқинларингизга ҳам улашинг! 👇

🌙 @Kunlik_Duolarim 🤲 - Кунлик  Дуолар каналига аъзо бўлинг

#кун_эслатмаси

Дуонинг арабча матни:

اللَّهُمَّ اجْعَلْنَا لِكِتَابِكَ مِنَ التَّالِينَ، وَعِنْدَ خَتْمِهِ مِنَ الْفَائِزِينَ
اللَّهُمَّ اجْعَلْ هَذَا الْبَلَدَ آمِنًا مُطْمَئِنًا وَسَائِرَ بِلَادِ الْمُسْلِمِينَ
اللَّهُمَّ انْصُرْ مَنْ نَصَرَ الدِّينَ، وَاخْذُلْ مَنْ خَذَلَ الْمُسْلِمِينَ

«Аллоҳумма ижъална ликитаабика минат-таалиин, ва иънда хотмиҳи минал фааизиин».
«Аллоҳумма ижъал ҳаазал балада ааминам мутмаинан ва сааиро билаадил муслимиин».
«Аллоҳуммансур ман насороддиин, вахзул ман хозалал муслимиин».

Дуонинг маъноси:
«Аллоҳим! Бизларни Китобингни тиловат қиладиганлардан ва хатм чоғида зафар қучганлардан қил!»
«Аллоҳим! Ушбу юртни ва бошқа мусулмонлар юртини омон, осуда эт!»
«Аллоҳим! Динга ёрдам берганларга ёрдам бер ва мусулмонларни хўрлаганларни Ўзинг хор эт!»

Закот – мол-давлатни ўғриликдан ва йўқолишдан сақловчи қўрғондир

Абу Дардо розияллоҳу анҳудан ривоят қилинади: «Расулуллоҳ соллаллоҳу алайҳи васаллам: «Мол-мулкингизни закот билан қўриқланглар, беморларингизни садақа билан даволанглар, бало-офатларни дуо ва тазарру билан қарши олинглар», дедилар (Имом Табароний ва Имом Байҳақий ривояти).

➡️ Яқинларингизга ҳам улашинг! 👇

🌙 @Kunlik_Duolarim 🤲 - Кунлик  Дуолар каналига аъзо бўлинг

☝🏾Ҳасаддан сақланинглар!

📖Абу Ҳурайра розияллоҳу анҳудан ривоят қилинади: «Набий соллаллоҳу алайҳи васаллам:
📌«Ҳасаддан сақланинглар! Чунки ҳасад худди олов ўтинни ёки хашакни егандек ҳасанотларни ейди», дедилар».
🔖Абу Довуд ва Ибн Можа ривоят қилганлар.

#Дуо
Ҳалол ризқ ва чиройли амал талабида ўқиладиган дуо

Дуонинг арабча матни:
اللهمّ ارزقني طيّباً واستعملني طيّباً.

Ўқилиши: Аллоҳуммарзуқний тоййибан вастаъмалний тоййибан. (солиҳа)
Маъноси: Эй Аллоҳ! Мени ҳалол билан ризқлантириб, (солиҳ) ҳалолга амал қилдир.

Файзул қодир 5 ж. 438 – бет.

➡️ Яқинларингизга ҳам улашинг! 👇

🌙 @Kunlik_Duolarim 🤲 - Кунлик  Дуолар каналига аъзо бўлинг

#кун_эслатмаси

Дуонинг арабча матни:

اللَّهُمَّ اجْعَلْنَا مِنْ أَهْلِ الْقُرْآنِ الَّذِينَ هُمْ أَهْلُكَ وَخَاصَّتُكَ
اللَّهُمَّ اجْعَلِ الْقُرْآنَ شَفِيعَنَا، وَحُجَّةً لَنَا لَا حُجَّةً عَلَيْنَا

«Аллоҳумма ижъалнаа мин аҳлил Қуръан. аллазийна ҳум аҳлука ва хооссотука».
«Аллоҳумма ижъалил Қуръана шафийъанаа, ва ҳужжатал ланаа лаа ҳужжатан ъалайнаа».

Дуонинг маъноси:
«Аллоҳим! Бизни Ўз аҳлинг ва хосларинг бўлмиш Қуръон аҳлидан қилгин».
«Аллоҳим! Қуръонни шафоатчимиз эт ва уни бизнинг фойдамизга ҳужжат қил, зараримизга эмас».

Фарзандингизга ташаккур айтишни ўргатинг

Тахминан 1997 йил эди. Каминаи ожиз Париждан Нью-Йорк шаҳри томон йўл олдим. Самолётда мен учун ажратилган ўриндиққа бориб ўтирган эдимки, бир фаранг аёл ўзининг тахминан 3-4 ёшли қизчаси билан менинг ёнимдаги ўриндиқдан жой олди. Менинг одатим шуки, парвоз давомида ҳар доим бирор китоб мутолааси билан банд бўламан. Бу сафар ҳам шундай бўлди. Китоб мутолаасидан мени тайёрада таом тарқатиш эълони чалғитди. Мен улардан узр сўраб, таом емаслигимни билдирдим, чунки Париж тайёрасидаги таомларнинг ҳолати каминага маълум эмас эди. Одатда, парвоз давомида мен ўзим билан олган таомларни тановвул қиламан. Агар йўл учун таом олмаган бўлсам, манзилгача сабр қиламан. Ёнимдаги аёл ўзи ва қизи учун таом буюртирди. Қизалоқ менинг ўриндиғимга яқин бўлгани учун унинг ҳаракатларини беихтиёр кузатар эдим. Шу онда бир воқеа юз бердики, камина бундан жуда қаттиқ таъсирландим. Она ҳар гал қизига қошиқда овқат берганида унга «Say thank you» («Раҳмат дегин») деб уқтирар эди. Қизалоқ ҳар луқмадан сўнг эринмасдан онасига «Thank you» (ташаккур, раҳмат) дер эди. Камина қизалоқнинг овқатланиш вақтида онасига 36 марта ташаккур айтганини санадим. Лекин шуни билдимки, она бировнинг яхшилиги эвазига ташаккур айтишни қизининг томоғига овқат билан бирга киритди, энди бу қизалоқ бу одатни ҳеч қачон тарк қилмайди. У бутун умр шукр қилгувчи бўлиб ҳаёт кечиради. Аслида бу одат, бу амал мусулмонларнинг одати эди, мусулмон оналарнинг фарзандига ўргатадиган суннат амал эди.

Шайх Зулфиқор Аҳмад Нақшбандий
“Солиҳ фарзанд қандай тарбия қилинади?” китобидан.

➡️ Яқинларингизга ҳам улашинг! 👇

🌙 @Kunlik_Duolarim 🤲 - Кунлик  Дуолар каналига аъзо бўлинг

Агар Аллоҳ бандасини севиб қолса...

Ўтган салаф уламоларининг биридан: "Агар Аллоҳ бандасини севиб қолса нима қилади?" дея сўрашди. У киши жавоб қилдилар: "Хато иш қилганда истиғфор айтишга илҳомлантириб қўяди".

Аллоҳ таоло бундай марҳамат қилади: "Модомики, улар истиғфор айтар эканлар, Аллоҳ уларни азобловчи эмас" (Анфол сураси, 33-оят).

🤲 Истиғфор айтаётган бандасини Аллоҳ таоло азобламайди. Истиғфор айтишни кўпайтирайлик.

Астағфируллоҳа ва атуубу илайҳ.

✍ Одилхон қори Юнусхон ўғли

Жаннатнинг саккизта дарвозаси бўлиб, Қиёмат куни ҳар дарвозага фаришталар туриб олишади.

Уларнинг юзлари оппоқ бўлиб, табассум билан у ерга кираётган мўминларни олқишлаб, қаршилаб туришади.

Жаннат дарвозаларининг номлари қуйидагичадир:

1. Намоз дарвозаси – бундан намозни қолдирмасдан адо этганлар киради.

2.  Ғазот дарвозаси – бундан ғазот қилганлар киради.

3. Райён дарвозаси – бундан рўзадорлар киради.

4. Садақа дарвозаси – бундан садақа берувчилар киради.

5. Айман дарвозаси – бундан ҳисоб китоб қилинмайдиганлар киради.

6. Афв қилувчилар дарвозаси – бундан одамларни афв қилиб кечирувчилар киради.

7. Зикр дарвозаси – бундан Аллоҳни зикр қилганлар киради.

8. Ҳаж дарвозаси – Байтуллоҳни ҳаж қилувчилар киради.

Аллоҳим саккиз жаннат эшикларидан киришни  насиб этсин барчамизга

➡️ Яқинларингизга ҳам улашинг! 👇

🌙 @Kunlik_Duolarim 🤲 - Кунлик  Дуолар каналига аъзо бўлинг

#кун_эслатмаси

Дуонинг арабча матни:

اللَّهُمَّ نَوِّرْ قُلُوبَنَا بِالْقُرْآنِ، وَزَيِّنْ أَخْلَاقَنَا بِالْقُرْآنِ
اللَّهُمَّ اجْعَلِ الْقُرْآنَ لَنَا فِي الدُّنْيَا قَرِينًا، وَفِي الْقَبْرِ مُؤْنِسًا، وَعَلَى الصِّرَاطِ نُورًا وَفِي الْجَنَّةِ رَفِيقًا، وَمِنَ النَّارِ سِتْرًا وَحِجَابًا

«Аллоҳумма наввир қулуубана бил Қуръани, вазаййин ахлаақонаа бил Қуръан».
«Аллоҳумма ижъалил Қуръана ланаа фиддуня қорийнаа, ва фил қобри муънисаа, ва ъалас-сирооти нурор, ва фил жаннати рофийқоо, ва минан-наари ситров ва ҳижаабаа».

Дуонинг маъноси:
«Аллоҳим! Қуръон билан қалбларимизни мунаввар қил, Қуръон билан хулқларимизни зийнатла».
«Аллоҳим! Қуръонни бизга дунёда ошнойимиз, қабрда ҳамнафасимиз, сирот узра нур, жаннатда рафиқ, дўзахдан тўсиқ ва парда қил!»

Ким ҳар доим кечалари туриб, нафл намозлар ўқиб юрса, жаннатга ҳисоб-китобсиз киради

Байҳақий ривоят қилган ҳадисда Набий соллаллоҳу алайҳи васаллам шундай деганлар: «Одамлар Қиёмат куни бир баландликка тўпланади. Шунда: «Ёнбошлари тўшакдан ажралган зотлар кимлар?» деган нидо эшитилади. Кейин ўша зотлар келишади. Улар жуда озчилик бўлишади, жаннатга ҳисоб-китобсиз киришади. Шундан сўнг қолганларни ҳисоб-китоб қилишга буюрилади».

➡️ Яқинларингизга ҳам улашинг! 👇

🌙 @Kunlik_Duolarim 🤲 - Кунлик  Дуолар каналига аъзо бўлинг

ОНАНИНГ  ДУОСИ

Бир куни бой бадавлат ўғил онасидан хабар олгани ёшликда ўсиб улғайган хонадонига келди. Онаси пешин намозини ўқиётган эди. Ўғил эшикда анча кутиб қолди. Она узоқ дуо қилиб намозини якунлаб ўғли ёнига чиқди, кутиб тоқати тоқ бўлган ўғил жаҳлда онасига деди:

– Она сиз ҳар куни беш вақт намоз ўқиб, узундан узоқ дуо қилиб, бир нарсаларни сўрайсиз? Лекин ҳеч нарсангиз йўқ, ночор ҳаёт кечирасиз. Мана менинг бошим саждага тегмаган, намоз ўқимайман, лекин ҳаммаси етарли, бирор нарсага муҳтожлигим йўқ – деди

Шунда она ўғлига: Болажоним, мен саждага бош қўйиб, сенинг униб ўсишингни, бой бадавлат яшашингни, ҳар ишда омадли бўлишингни сўрайман. Менга бундан бошқа ҳеч нарса керак эмас. Мана меҳрибон Аллоҳ сўраганимни беряпти, яна битта энг катта тилагим бор, шу тилагим ҳам рўёбга чиқса, мендан бахтли она йуқ дунёда -деди кўзларига ёш олиб.

– Нима тилак экан у, онажон – деди ўғил.
Она: сенинг беш вақт намоз ўқишингни, намозга шошилишингни кўзларим билан кўрсам армоним йўқ эди, болажоним. Онасининг сўзларини эшитган ўғил беихтиёр кўзига ёш олиб:
– Меҳрибоним, мен гумроҳ ўғлингизни кечиринг, деди.

🍃«Мен беибодат бўлсам ҳам, Аллоҳ менга беряпти» деб  ўйламанг...  Сизнинг хаққингизга кеча-ю кундуз дуо қилаётган ота-онангиз, яқинларингиз сабабчидирлар. Дуогўй ота-онангизни эъзозланг, ҳурмат қилинг, қадрига тириклик чоғида етинг.

➡️ Яқинларингизга ҳам улашинг! 👇

🌙 @Kunlik_Duolarim 🤲 - Кунлик  Дуолар каналига аъзо бўлинг

#кун_эслатмаси

Дуонинг арабча матни:
اللَّهُمَّ ارْحَمْنَا بِالْقُرْآنِ، وَاجْعَلْهُ لَنَا إِمَامًا، وَنُورًا، وَهُدًى، وَرَحْمَةً، وَشِفَاءً
اللَّهُمَّ عَلِّمْنَا مِنْهُ مَا جَهِلْنَا، وَذَكِّرْنَا مِنْهُ مَا نُسِّينَا، وَارْزُقْنَا تِلَاوَتَهُ آنَاءَ اللَّيْلِ وَأَطْرَافَ النَّهَارِ لِرِضَاكَ

«Аллоҳуммарҳамнаа бил Қуръан, важъалҳу ланаа имаамаа, ва нууроо, ва ҳудаа, ва роҳматав вашифаа».
«Аллоҳумма ъаллимнаа минҳу маа жаҳилнаа, вазаккирнаа минҳу маа нуссийнаа, варзуқнаа тилааватаҳу аанаал-лайли ва атроофан-наҳаари лиридоок».

Дуонинг маъноси:
«Аллоҳим! Қуръон туфайли бизга раҳм қилгин ва уни бизга йўлбошчи, нур, ҳидоят, раҳмат ва шифо этгин!»
«Аллоҳим! Қуръондан билмаганимизни ўргат, ундан унутганларимизни ёдимизга сол ва кечаю кундуз ризолигинг учун уни тиловат қилишни насиб эт».

➡️ Яқинларингизга ҳам улашинг! 👇

🌙 @Kunlik_Duolarim 🤲 - Кунлик  Дуолар каналига аъзо бўлинг

Муҳаммад ибн Юсуф айтдилар:
«Суфён Саврий тунда бизни уйғотиб, «Эй йигитлар! Ёшликда тунги таҳажжуд намозини ўқинглар. Кучга тўлган, ёш пайтингизда ўқимасангиз, қачон ўқийсиз?», дер эдилар.

АЛЛОҲ ЙЎЛИДА БИР-БИРИНИ ЯХШИ КЎРГАНЛАРГА БЕРИЛАДИГАН САВОБ

Абу Муслим Хавлонийдан ривоят қилинади: «Ҳимс масжидига кирдим. У ерда Набий соллаллоҳу алайҳи васалламнинг саҳобаларидан ўттиз нафар ўрта ёшли йигитлар бор эди. Улар ичида кўзлари қора, олдинги икки тиши ярқираган бир йигит жим ўтирарди. Жамоа бир масала борасида шубҳаланиб қолишса, унга юзланиб, савол беришарди. Шунда олдимда ўтирган кишидан: «Бу ким?» деб сўрадим. У киши: «Бу Муъоз ибн Жабал», деди. Менда унга нисбатан муҳаббат уйғонди. То тарқалиб кетгунларича улар билан бирга ўтирдим. Бир неча кундан кейин эрта тонгда масжидга бордим. Масжидда Муъоз ибн Жабал устунга қараб намоз ўқирди. Намозини тугатгач, менга гапирмай, жим ўтирди. Шунда мен ҳам намоз ўқидим. Кейин оёғимни кийимим билан ёпиб, тиззамни қўлим билан ушлаб ўтирдим. У ҳам менга гапирмай, сукут сақлаб ўтирарди. Мен ҳам гапирмай, бир муддат жим ўтирдим. Бироздан кейин унга: «Аллоҳга қасамки, мен сени яхши кўраман», дедим. У: «Нима сабабдан мени яхши кўрасан?» деди. «Аллоҳ таборака ва таоло йўлида», дедим. Шунда у олдига чақириб шундай деди: «Агар сўзинг рост бўлса, хурсанд бўл. Чунки мен Расулуллоҳ соллаллоҳу алайҳи васалламнинг «Аллоҳ таоло айтади: «Менинг буюклигим йўлида бир-бирини яхши кўрадиганларга нурдан бўлган минбарлар берилади. Уларга набийлар ва шаҳидлар ҳам ҳавас қиладилар», деганларини эшитганман».

Абу Муслим айтади: «Кўчага чиқиб, Убода ибн Сомитни учратиб қолдим-да, «Эй Абулвалид, Аллоҳ йўлида бир-бирини яхши кўрганлар ҳақидаги Муъоз ибн Жабал менга айтган ҳадисни сенга айтиб берайинми?» дедим. У: «Мен сенга Набий соллаллоҳу алайҳи васалламдан ҳадис айтиб бераман. Бу ҳадисни Аллоҳ азза ва жалладан ривоят қилганлар», деб, «Менинг йўлимда бир-бирини яхши кўрганлар муҳаббатимга эришди. Менинг йўлимда бир-бирини бориб кўрганлар муҳаббатимга эришди. Менинг йўлимда бир-бири билан олди-берди қилганлар муҳаббатимга эришди. Менинг йўлимда бир-бири билан яхши алоқаларни боғлаганлар муҳаббатимга эришди», деган ҳадисни айтиб берди».

Шарҳ: Мусулмон биродарини бирор дунёвий мақсадсиз, холис Аллоҳнинг розилиги учун яхши кўрган, биродарини худди шундай холис ниятда бориб кўрган, биродари учун мол-дунёси ва бошқа нарсасини чин дилдан рози бўлиб сарфлаган инсонга, Аллоҳнинг розилиги учун, Аллоҳ рози бўладиган шаръий кўринишда яқин қариндошлари ва дўстлари билан муносабатни тиклаган инсонга Аллоҳнинг муҳаббати собит бўлади.

«Солиҳлар ҳаётидан сара нақл ва хабарлар» китобидан

➡️ Яқинларингизга ҳам улашинг! 👇

🌙 @Kunlik_Duolarim 🤲 - Кунлик  Дуолар каналига аъзо бўлинг