Islombek's blog

2024-yil boshidan beri hisoblasam, sal kam 9.5-10 oydan beri kunlik oʻrtacha 10-12 soat oraligʻida komputer bilan muntazam shugʻullanmoqda ekanman.

Bu vaqt oraligʻida komputerni tugmasini bosib oʻchiradigan holatdan, mustaqil PC va Laptoplarni tamirlay oladigan darajaga chiqibman. Bundan tashqari komputer bilan bogʻliq 3 ta kasbda oʻrta darajadagi va qobiliyatli mutaxassislar safida taʼriflashdi. Ulardan birini monitrizatsiya sifatida tanlashga ham ulgurdim.

Yuqorida faqatgina komputer bilan bogʻliq amalga oshirilgan ishlarni sanadim, bulardan tashqari yana bir qator ishlarga ham ulguribman. Eng qiziq qismi bunday hardworkda sogʻligʻim yomoshlashish oʻrniga bir necha barobar yaxshilandi. Charchoqni sezish yoki komputerdan uzoq foydalanish ortidan kelib chiqadigan bosh ogʻrishini bir marotaba ham toʻlaqonli his qilib koʻrmabman.

Lekin kechagi kuni kundaligimda yozib borgan qaydlarimga koʻzim tushib qoldi. Har bir sahifani oʻqish davomida oʻsha kunlardagi hislarni qaytadan his qildim. Yaxshigina emotional bosim boʻldi, sababi biror narsani his qilmaganimga ancha muddat boʻlgan ekan. Birinchi sahifaga yetib kelib nimani koʻrganimni bilasizmi? Bularni barchasi amalga oshirishimga bir nechta insonlarni menga qilgan ishlari sabab boʻlgan ekan.

Keyinchalik jarayonga shunchalik shoʻngʻibmanki, nima uchun bu ishlarni qilayotganim va maqsadimni toʻliq unutibman. Shu sababli harakat davomida koʻzimga hech narsa koʻrinmabdi. Harakterim juda ogʻir, maqsad yoʻlida koʻzimga hatto oʻzim ham koʻrinmayman. Lekin biror marotaba "bularni azarting sabab qilmayabsanmi?" deb savol ham bermabman.

Nega bularni aytayotganimni bilasizmi? Kechagi kuni oʻqiganlarindan soʻng, bugun birinchi marotaba komputerda ishlayotganimga 4 soat ham boʻlmasdan ogʻir charchoqni his qildim. Bu vaqtda hayolimdan oʻtgan yagona fikrlar:

"Demak, muammo muhitim yoki tanamda emas ekan. Men bilan sodir boʻlgan va boʻladigan barchasiga oʻzim aybdorman..."

Keyinroq bu haqidagi obyektiv fikrlarim bilan boʻlishaman. Hozir biroz bulutli osmon ostida sayr qilishim kerak...

So'ngi 20 soat ichida youtubedagi har safar yangi videolarini soatlar sanab kutadigan ikki kanallarimdan yangi videolar joylandi. Yakshanba kuni davomida bir tiyinlik foydasi bo'lmagan kinolarni ko'rish o'rniga shu ikki videoni ko'rishni tavsiya qilaman. (Yana o'zingiz bilasiz) )

1- @azizrakhimov' rel='nofollow'>Aziz Rakhimov kanalida, iqtibos podcast rukunidan "99% odamlardan o'tib ketish oson: ular qilayotganini qilmang" deb nomlangan video.

2- Texnoplov kanalida, Hudo zarrachasi (Higgs Bozoni) deb nomlagan videoning mantiqiy davomi bo'lgan, "Olam TORLARDAN iboratmi?" deb nomlangan video.

Agar bo'sh vaqtingiz ko'p bo'lsa va biznes mavzusi sizni qiziqtirsa quyidagi 2 video ham foydali bo'lishi mumkin.

3- @asoschilar' rel='nofollow'>Asoschilar Podcast kanalidan, "Kofe ortidan 10 oyda 4 000 000$ lik kompaniya" deb nomlangan, "Yess Coffe" asoschisi bilan bo'lgan podcast video

4- @MfaktorBiznesMaktabi' rel='nofollow'>MFaktor Biznes Maktabi kanalidan, Biznes Breakfast Tashrif rukunidan "Ispaniya Yevropaning O'zbekistoni" deb nomlangan video.

P.s: Yuqorida jami 2,5-3 soat vaqtingizni olishi mumkin bo'lgan videolar ro'yhatini keltirib o'tdim. Bunday turdagi videolari shunchaki ko'rish mantiqsizlik. "Hech bo'lmaganda mindsetim o'sadi" desangiz o'zingizni aldaysiz, bundan ko'ra uhlasangiz, har holda tanangiz qandaydir miqdorda foyda oladi. Ish vaqtida eshitib ish qilaman desangiz, fokusingizni buzganingiz qoladi.

Nafaqat yuqoridagi balki har qanday foyda berishi mumkin bo'lgan videolarni hiperfocusda tomosha qiling, kerak bo'lsa kundalikka aytilgan gaplarni yozib tahlil qilib ko'ring. Sizda qancha bilimingiz bo'lsa ham uni ishlatmasangiz, natijalaringiz shunchaki 0 miqdorida qolaveradi.

Hozirgi davrga kelib deyarli barchada istalgan mavzu bo'yicha statik ma'lumotlarni qo'lga kiritish imkoniyati mavjud. Biror narsaga erisha olgan insonlar esa ushbu ma'lumotlarni dinamik holatda qo'llay olganlardir.

"Mabodo sen nafratlanayotgan bo'lsang, demakki seni yengibdilar"

Kong Fuzi (Konfutsiy)

Suv azaldan juda ko'plab hududlarda poklik va tinchlik ramzini bildirgan.

Bir qator keng tarqala olgan e'tiqodiy oqimlarda suvni yerdagi mavjudlikning asosi bo'lgan 4 unsurdan biri, ezgulik va qudrat ramzi sifatida ko'rishadi.

Tinch turgan ummonni insonlar turli chiqindilar bilan bulg'aydi. Qayta va qayta bu hol takrorlanadi. Ummoning esa bag'ri keng, barchasini o'z sukunati ichiga yutadi.

Lekin barcha narsaning javobi bor… Shunday kun keladiki, ummon barcha himmatini chetka suradi. Inson unga uloqtirgan barcha chiqindilarini jamlab o'zining ustiga to'kadi.

To'fon vaqtida barcha ummonni qahri va shavqatsizligidan malomat qiladi. Lekin hech kim uni qancha vaqt davomida bulg'aganliklari haqida o'ylamaydi.

Sokin ummonlar yuzlab shaharlarni yuvib tashlashga qodir. Fikrlashni to'fon uyg'onishdan avval boshlang, uyg'ongach kech bo'ladi…

⚡️⚡️⚡️⚡️ 🏆 - Blog

"Agar hamma bir "kishini" yomon ko‘rsa, buni tahlil qiling; agar hamma bir "kishini" yaxshi ko‘rsa, ham tahlil qiling."

Kong Fuzi (Konfutsiy)

Ajoyib bir psixologik usul mavjud.

Insonga toʻgʻridan-toʻgʻri taʼsir oʻtkazmaysiz. Unga shunchaki qilgan ishi nima ekanligi va oqibati qanday ekanligini aytib, fikrlashiga qoʻyib berasiz.

Juda koʻp insonlarda tashqi ruhiy va jismoniy taʼsirga nisbatan chidamlilik boʻlishi mumkin. Lekin ichki fikrlariga juda kamchilik dosh bera oladi. Shu sababli ham overthinking depressiyaga borishning eng qisqa yoʻli hisoblanadi.

Ustoz aytganidek bolaga tashqi taʼsir koʻrsatib qoʻlidagi instagramni oʻchirib yuborishdan koʻra u bolaga fikrlash oʻrgatilinishi kerak. Shunda u bolani vaqtini bekor ketkazgani uchun soʻkishingizga hojat qolmaydi. U bola oʻzini sizdan koʻra ancha yaxshiroq tanbeh qiladi va tanbehlari siznikidan koʻra taʼsirliroq boʻladi.

Kechagi postimdan soʻng, blogimdan 4 ta tanishim chiqib ketibdi. 3 tasini aniq bilar edim, faqat oʻzlari tan olishmagan edi. Lekin bittasi men uchun yangilik boʻldi )

Men ularni kechirganimni oʻzlariga ham aytganman. Lekin oʻzlarini kechirishmagan koʻrinadi...

Xiyonat bu biror kishining ishonchini ongli ravishda yo‘qqa chiqarishdir.

Kimdir sizga xiyonat qilishi uchun har bir qadamlarini oldindan rejalashtirishi shart emas. Oqibatlarini bila turib amalga oshirilgan harakat ham xiyonatdir va bu eng ko‘p uchraydigan xiyonat.

Ayniqsa, nima siz uchun kechirilmas harakat bo‘lishini qayta-qayta takrorlasangiz, ham baribir shu ish amalga oshirilsa, bundan yomoni yo‘q... Chunki bu yerda qasddan mensimaslik va hurmatsizlik mujassam bo'ladi.

Xatoni kechirish mumkin, sababi u bilmaslik natijasi, bilganidan so‘ng esa boshqa takrorlanmaydi. Agarda ikkinchi marotaba takrorlansa, endi bu xato emas, xiyonatdir.

Xiyonatni kechirmoqchimisiz? Birinchisi yetarli bo‘lmadimi? Ikkinchi xiyonat birinchisining kechirilganligi natijasi. Demak, xiyonatni kechirib, o‘zingizga xiyonat qilasiz.

Kimnidir deb o‘zingizga qayta va qayta xiyonat qilishga tayyor bo‘lsangiz, demak siz "o‘liksiz". Negaki, hech bir tirik jon o‘ziga doimiy azobni ravo ko‘rmaydi. Yoqsa, hech kim jahannamdagi doimiy azob-uqubatdan qo‘rqib, bu dunyo rohatlaridan voz kechmasdi...

⚡️⚡️⚡️⚡️ 🏆 - Blog

Yolg'onni juda yomon ko'raman. Kimnidir yolg'on gapirayotganini yoki rost bo'lmagan ma'lumotni manipulatsiya qilib rost sifatida o'tkazishga urinayotganini ko'rsam haligacha jim tura olmaydigan odatim bor. Bir dona kichik yolg'on bo'lsa ham, qanday joyda bo'lishimdan qattiy nazar bu yolg'onga qarshi chiqaman. Afsuslanarli joyi shundaki bu odatim sababli juda ko'p joylarda "lose" pozitsiyasida qolib ketaman. Agar yolg'onni tan oldira olsam: ichki egoim uchun "win" pozitsiyasida bo'laman, lekin atrofdagilar yoki o'sha muhit uchun "lose" pozitsiyadida ko'rinaman. Ya'ni "Nima qilasan buncha talashib kichik yolg'on hech narsa qilmaydiku" yoki "Shu bilan teng kelib nima qilasan, yolg'on gapirsa ham hop deb qo'yaver. Hech kimga zarar yetkazgani yo'q-ku" kabi tanbehlarni juda ko'p eshitaman. Ichki egoim esa yolg'onga indamay qarab turishimga umuman qo'yib bermaydi.

Lekin borgan sari odamlarga yolg'on ko'proq yoqishini tushunib borayabman (bu haqida keyinroq batafsil aytib beraman). Shu sababli 5-6 oydan beri o'zimda "detachment" tamoyilini "Stoitsizm" va "Buddizm" asoslaridan insprition olgan holda shakllantirishga harakat qilayabman. Natijalar kutganimdan ancha yaxshiroq bo'layabdi. Rejamga ko'ra ushbu tamoyilni to'liq shakllantirib olishim uchun 6-12 oy vaqt kerak bo'lar edi. Yaqinda 6 oy bo'ladi, bu vaqtda birinchi pointda topganlarim va yo'qotganlarimni sarhisob qilaman. So'ng birgalikda bu narsa nima ekanligi va bu narsa insonga qanday tasir qilishini ko'rib chiqamiz.

⚡️⚡️⚡️⚡️ 🏆 - Blog

Bugun bir ajoyib holat yuz berdi...

(Vaqtingizni tejash maqsadida, to'g'ridan-to'g'ri xulosaga o'tishingiz mumkin. Pastadagi blokka olingan qism siz uchun foydali bo'lmasligi mumkin.)

Yaqindagina uyqudan turdim, tanishlarimdan biri menga yangi ish vakansiyasini yuborgan ekan. U shunday dedi: "Islombek, siz bu vakansiyaga murojaat qilib ko'ring. Bu onlayn loyiha bo'lib, freelance ishlaringizdan tashqari qo'shimcha doimiy daromad bo'lishi mumkin. Agar ishimiz o'xshab qolsa, rejalashtirgan loyihalarimiz uchun ham mablag' shakllantirardik."

Bu taklif menga qiziqarli ko'rindi, ayniqsa, hozirda doimiy daromad manbaim yo'qligi uchun. Oylik daromadni taxmin qilish mumkin, ammo daromad qayerdan kelishini hali bilmayman. Mayli, bu haqida keyinroq gaplashsak.

Shunday qilib, tanishim yuborgan manzilga murojaat qildim. Aytish joizki, ancha vaqtdan beri hech qanday vakansiyaga o'zimni nomzod sifatida taklif qilmagandim. Shu sababli, bu jarayon men uchun zerikarli ish qidirish emas, aksincha, qiziqarli suhbatdek tuyuldi. "Nima yozsam ekan?" deb o'ylanmasdan, oldin ishlatgan bir texnikamni qo'llashga qaror qildim: bir xabarda o'zim haqimda to'liq ma'lumotni berdim. "Assalom," deb boshladim va qayerlarda ishlaganim, qanday tajribam borligini, qanday qiymat bera olishimni batafsil yozib yubordim.

Mijoz onlayn ekan. Xabarni o'qiganidan so'ng 10 daqiqa davomida "typing..." yozuvi chiqib turdi. Men sinov vazifasi uchun texnik topshiriq (TT) yoki to'ldirishim kerak bo'lgan anketa yozayotgan bo'lsa kerak deb o'yladim. 10 daqiqa davom etgan "typing..." dan so'ng qisqa tanaffus bo'ldi, so'ngra yana bir bor "typing..." chiqdi, faqat bu safar ancha qisqa davom etdi. Nihoyat, uzoq kutilgan xabar keldi, ammo juda qisqa edi: "Assalomu alaykum. Uzr, biz sizga maosh to'lay olmaymiz. Bizga 'yoshroq' dizayner kerak."

Balki ular mening xabarimni o'qigandan so'ng o'zlari hayajonlanib ketishgandir. Shu qisqa javobdan keyin 5 daqiqa o'tmay, chatni ham o'chirib yuborishdi.

(Holatni tushunmaganlar uchun men taklif qilgan qiymatlardan, ular meni juda qimmat dizayner deb o'ylashdi. Lekin qanday qiymatlar bera olishimni aytganim bilan, narxlari haqida hali gaplashmagan edik. HR esa narxlarini gaplashmay turib "sizga oylik to'lay olmayiz" va shu kabi tashkilot reputatsiyasiga tasir ko'rsatuvchi gaplarni ishlatganligi sababli chatni o'chirib yubordi)

Bu voqeani nega blogimda yozayapman? Xullas, siz biznes egasi bo'lasizmi, xizmat ko'rsatish sohasi mutaxassisi yoki freelancer — barchamiz uchun bir xil qoidalar amal qiladi. Birinchi navbatda va qayta-qayta o'zingiz xizmat ko'rsatadigan yoki xizmat ko'rsatmoqchi bo'lgan auditoriyangizni tahlil qilib boring. Tahlil qilish oralig'i qanchalik qisqa bo'lsa, moslashuvchanlik shunchalik kuchli bo'ladi (umumiy qadriyatlarni unutmaslik kerak, albatta). Aks holda, men kabi o'z mijozingizni "cho'chitib" yuborishingiz mumkin. So'nggi marta tahlil o'tkazganimga ancha bo'lgan edi, va mana natijasi bir dona savdo jarayonidayoq sezildi.

*Aytgancha ilmiy atamalarni ishlatmasdan ham post yozsam bo'lar ekan )

⚡️⚡️⚡️⚡️ 🏆 - Blog

Individualizm

Bu ijtimoiy va falsafiy nuqtayi nazar bo‘lib, unda har bir shaxsning erkinligi va mustaqilligi asosiy qadriyat deb hisoblanadi. Ushbu tushuncha asosan G‘arb falsafasida keng tarqalgan bo‘lib, shaxsiy huquqlar va manfaatlarni jamiyat manfaatlaridan ustun qo‘yadi. Individualizm ko‘pincha shaxsiy tanlov erkinligi va o‘z xohishiga ko‘ra hayot kechirish g‘oyasini qo‘llab-quvvatlaydi.

Individualizmning ildizlari antik falsafada, misol uchun, yunon faylasufi Sokratning (miloddan avvalgi 469–399-yillar) fikrlarida uchraydi. Sokrat insonning ongini va fikrlarini rivojlantirish ahamiyati haqida ko‘plab fikrlar bildirgan. Bu g‘oyalar keyinchalik Renessans davrida kuchaygan va Jon Lokk (1632–1704) kabi faylasuflar tomonidan erkinlik va huquqlar konsepsiyasi bilan qo‘llab-quvvatlangan.

Individualizm ko‘pincha kapitalizm va liberalizm bilan bog‘lanadi. Ushbu g‘oyaga ko‘ra, shaxsiy manfaatlarga intilish orqali jamiyat umumiy ravishda rivojlana oladi. Lekin ko‘pchilik jamiyatlarda inson o‘zidan ko‘ra ko‘proq jamiyatni o‘ylashi kerak, deb hisoblanadi (qo‘shilmayman). Har qanday jamiyatda individualizmning muhim o‘rni bor deb bilaman.

Psixologiyada individualizm odamning o‘zligini shakllantirish, mustaqil qaror qabul qilish va o‘zini ifoda etish bilan bog‘liq deyiladi. Amerikalik psixolog Abraham Maslouning ehtiyojlar iyerarxiyasida (Maslou piramidasi) o‘z-o‘zini anglash va o‘zini rivojlantirish eng yuqori cho‘qqida turadi, bu esa individualizmning inson rivoji uchun qanday ahamiyatga ega ekanini ko‘rsatadi.

Individualizmni yuksak qadrlaydigan jamiyatlar qatoriga AQSh va G‘arbiy Yevropa mamlakatlarini misol qilish mumkin. Bunday jamiyatlarda har bir shaxsning huquqlari, erkin tanlovi va o‘z qadr-qimmati asosiy o‘rinda turadi. Lekin Markaziy Osiyo davlatlari va, xususan, O‘zbekiston kabi mamlakatlarda individualizmga qaraganda ko‘proq kollektivistik yondashuv qadrlanadi. Ma’lumot o‘rnida, kollektivistik yondashuv individualizmning aksi hisoblanadi (introvert va ekstravertni misol qilib keltirish mumkin).

Individualizm bu egoizm emas

Individualizm va egoizm o‘rtasidagi farq shundaki, individualizm shaxsning o‘z tanlovi va erkinligini qadrlashga asoslangan bo‘lib, u o‘zining maqsadlarini amalga oshirayotganda boshqalarning huquqlari va manfaatlarini hurmat qiladi. Individualizmda shaxs o‘z qobiliyatlarini rivojlantirib, jamiyatga ijobiy ta’sir ko‘rsatishga intiladi.

Egoizm esa shaxs faqat o‘z manfaatlarini ustuvor qo‘ygan va ko‘pincha boshqalarning ehtiyojlarini e’tiborsiz qoldiradigan yondashuvdir. Egoist odam faqat o‘z foydasi haqida o‘ylaydi va boshqalarning manfaatlari bilan hisoblashmasligi mumkin. Bu esa jamiyatdagi hamkorlik va birlikka zarar yetkazishi ehtimoli yuqori.

Misol uchun

Xo‘sh, men individualistman, lekin ko‘pincha egoist deb ham atashadi. Ya’ni, "men va mening do‘stlarim" tushunchalarni umumlashtirib yuborishganmiz. Bugun esa shuni yaxshiroq farqlashga harakat qilamiz.

Agar men individualist bo‘lsam, munosabatlarim qanday bo‘ladi? Men shaxsiy fikrlarimni qanchalik hurmat qilsam, boshqalarning ham shaxsiy fikrlarini shunchalik hurmat qilaman. Har qanday munosabatda ikkala tarafning ham shaxsiy his-tuyg‘ulari bo‘lishi kerak, deb bilaman. Aytaylik, kimnidir yaxshi ko‘rsam, lekin u mendan ko‘ra boshqalar bilan ko‘proq vaqt o‘tkazishga harakat qilsa, unga hech qanday qarshilik qilmayman. Istalgan vaqt munosabatlarni to‘xtatishni istasa, unga eshikni ko‘rsatib yuborishim mumkin. To‘g‘ri, mening shaxsiy fikrlarim va qarashlarim birinchi o‘rinda bo‘ladi, lekin bu boshqalar bilan bog‘liq emas.

Aksincha, egoist bo‘lsam, mening shaxsiy fikrlarim birinchi o‘rinda bo‘ladi va boshqalarning shaxsiy fikrlari bor-yo‘qligiga e’tibor qilmayman. Boshqalarning his-tuyg‘ulari bilan hisoblashmayman. Yuqoridagi misolga qaytsak, bu holatda men yaxshi ko‘rgan insonimning shaxsiy fikr va his-tuyg‘ulariga qiziqmayman. Agar qachondir munosabatlarni to‘xtatishni istasa, bunga qarshilik qilaman. Ya’ni, uni yaxshi ko‘raman va u faqat meniki bo‘lishi kerak, degan qarashga ega bo‘laman.

⚡️⚡️⚡️⚡️ 🏆 - Blog

Shu yo'lda (Grafik dizaynda) nimalarni bosib o'tganingiz haqida ma'lumot bering. Qanday xatolarni qilmaslik kerak?

Ho'sh, savolingiz ikki qismdan iborat ekan, birinchisiga javob bermayman. Ikkinchi savolingizga shaxsiy tajribamdan kelib chiqib javob beraman.

Ikkita narsani bilish va ularni to'g'ri qo'llay olish orqali ko'plab sohalarda yuqori natijalarga erishish mumkin.

Birinchisi o'zingiz haqingizda to'liq va aniq ma'lumotlarni o'rganing. Ya'ni o'z shaxsiyatingizni imkoningiz yetkani qadar tushunishga harakat qiling. Indedual hususiyat va imkoniyatlaringiz dunyo yuzini ko'rishingizdan avval aniq bo'ladi. Ya'ni sizning idedual salohiyatlaringizning asosiy qismi DNKangizda ko'rsatilgan bo'ladi. Ming harakat qilsangiz ham undan ortiq bo'la olmaysiz. Shu sababli tabiat adolatsizligidan unumli foydalanishni o'rganish, sizni har qanday faoliyatni boshlashdan avval qilishingiz kerak bo'lgan ishingiz hisoblanadi.

Ikkinchi narsa bu qo'rquv. Qo'rquvni boshqarishni o'rganmaguningizga qadar, atrofingizdagi barcha narsalar sizni aynan qismingizga tasir ko'rsataveradi. Qo'rquvingizni to'g'ri boshqara olsangiz, sizni ushlab turgan juda ko'plab keraksiz narsalardan ozod bo'lasiz. Qo'rquvingiz boshqara olishni boshlaganingizdan so'ng, hayotingizda sodir bo'layotgan o'zgarishlar o'zingizga yaqqol seziladi. Qo'rquvni yo'qotishni ilk qadami barcha narsaningizni yo'qotishingiz kafolatlanganligini tushunishdan boshlanadi.

Karyera qurishda bu ikki narsa eng muhimi deb aytishim juda ko'pchilik uchun g'alati tuyilishi mumkin. Lekin blogimdagi kuzatuvchilaring asosiy qismi sohasi va jamiyatda o'z o'rniga ega bo'lishga ulgurgan insonlar ekanini hisobga olsak, ular uchun bu ma'lumot normal tushuniladi deb o'ylayman. Yangi mutaxassislar ham bor lekin ular ham qachondir tushunib yetishadi. Bu ikki narsalarni qanchalik erta tushunib yetsangiz, yuqori ko'rsatichlarga erishishing shunchalik ertaroq bo'ladi.

Aytgancha blogimdagi asosiy kuzatuvchilar yil boshi bilan solishtirganda deyarli to'liq yangilanibdi. Ma'lumot o'rnida yil boshida asosan, yangi o'rganuvchilar va yosh mutaxassislardan tashkil topgan edi )

⚡️⚡️⚡️⚡️ 🏆 - Blog

#life / #opinion / #career

Menda hozirgi vaqtda mavjud bo'lgan qadriyatlar.
(bu qadriyatlar yangi bilim va tajribalar asosida o'zgarishini mutlaqo normal qabul qilaman)

Jamiyatda:

• Siyosiy va iqtisodiy harakatlarda ijrochi sifatida ishtirok etmayman. Faqatgina baho beruvchi pozitsiyasida bo'lishim mumkin.
• Propagandalar uyishtirmayman va propagandalarga ergashmayman. Yaxshi yoki yomonligidan qat'iy nazar.
• Jamiyatga ziyon keltiradigan har qanday bo'lakdan voz kechish tarafdoriman.
• Natsionalizm, radikalizm, fundamentalizm va shu kabi bir nechta qarashlarga ega bo'lgan jamiyatlarni qo'llab-quvvatlamayman. To'g'ri inson va jamiyatlarni doimiy ravishda filtr qilaman, lekin bunda uning tili, e'tiqodi, millati deyarli ahamiyatga ega bo'lmaydi.
• Mutloq monarxiya va monarx tuzumi asosidagi boshqaruv tizimiga mutlaqo qarshiman.
• Siyosiy elitaning yopiq hamjamiyat sifatida faoliyat olib borishiga qarshiman.
• Majburiy ta'lim tarafdori emasman.
• Kuch ishlatish, manipulyatsiya, majburiyat va iqtisodiy qaramlikni hosil qilish orqali yig'iladigan jamiyat va jamoatchilik ishlariga mutlaqo qarshiman.
• Ob'ektiv fikrlarni hurmat qilaman. Lekin sub'ektiv fikrlashga imkon bermaydigan yoki sub'ektiv fikrlash qobiliyatini sekin-asta kuchsizlantiradigan jamiyatga qarshiman.
• Postmodernizm tarafdoriman. Albatta, ma'lum chegarada va insonlarning shaxsiy manfaatlaridan holi shaklda.

Munosabatda:

• Feministlar bilan yaqin munosabatda bo'lmayman. Tabiat tomonidan berilgan ustunliklarni tan olish tarafdoriman. Lekin agar rostan ham teng darajaga chiqa olgan bo'lsa, qayta ko'rib chiqaman.
• Gipokrit insonlar bilan (do'stlik, sevgi, hamkorlik, aka-ukalik va qarindoshlik) kabi munosabatlarda bo'lmayman. Agarda biror munosabatim bo'lsa ham bundan voz kechishga tayyorman.
• Ekzistensialist insonlar bilan ko'proq muloqat qilishga va hamkorlik, do'stlik kabi munosabatlar o'rnatishga harakat qilaman.
• Optimistlarni ma'lum darajagacha qabul qilishim mumkin, lekin meyoridan ortiqcha optimistlar bilan uzoq vaqt davomida munosabatda bo'la olmayman.
• Barchani eng kamida bitta pessimist yaqini bo'lishi shart deb o'ylayman. Meni pessimist tanishlarim mavjud va meni reallikka yaqin holda ushlab turishadi, sababi optimistlar tasirida ko'proq bo'lsangiz qanot chiqarib uchishni boshlaysiz.
• Insonning perfektsionizmi ichki bo'lsa, unday insonlarni juda hurmat qilaman, imkon qadar ko'proq va yaqinroq munosabatda bo'lishga harakat qilaman. Lekin perfektsionistik talablari ko'proq tashqi muhitga yo'naltirilgan bo'lsa, bunday inson bilan yaqin munosabatda bo'lmayman.
• Doimiy nolishga moyilligi bor insonlarni jinim suymaydi va bunday insonlar bilan yaqin munosabatda bo'lish va hamkorlik qilishimni tasavvur ham qila olmayman.
• Individualistlar bilan ham ko'proq muloqat qilishga va hamkorlik, do'stlik va shu kabi yaqin munosabatlar o'rnatishga harakat qilaman.

Shaxsiy xususiyatlarim:

• Individualizm
• Avtonomiya
• Introspeksiya
• Minimalizm
• Altruizm
• Pessimizm
• Apretsiya

Xo'sh, endi menimcha, men bilan muloqat qilayotgan vaqtingizda qiyinchiliklarga uchramaysiz. Bundan tashqari, biror munosabat yoki hamkorliklar davomida bu narsalarni hisobga olish ularni yanada sifatliroq va mustahkamroq qiladi :)

#personal

Insoniyatning ko'p qismi yildan-yilga zaifroq va "qalbi nozik" bo'lib ketayotgan ekan, bu haqida bir nechta tadqiqotlar bilan tanishib chiqdim. Ularni maximum zichlab bo'lganimda so'ng, sizlar bilan bo'lishaman. Insoniyatni zaiflashib borayotganiga sabablar va yangi texnologiyalar qayerga qarab ketayotganini ko'rib biroz o'ylanib qoldim...

07/09/2050y

Pennsylvania, Washington, USA.

A law was signed that declared the equality of humans and robots in society. The next day you'll be in court for referring to a robot not by its name, but simply by the word "robot." You're standing in front of an AI judge...