Laziz Hamidov

Eron ham poytaxtni boshqa yerga ko‘chirishni rejalashtirmoqda ekan.

Bunga sabab esa Tehrondagi ekologik muammolar va tirbandlik deb aytildi.

So‘nggi yillarda bir qator davlatlar ham poytaxtini ko‘chirishga qaror qilgan. Masalan, Indoneziya Jakarta o‘rniga Nusantara shahrini tanladi, Misr Qohira yaqinida yangi shahar qurdi, Myanma esa Yangon o‘rniga Nepidoni poytaxt sifatida e’lon qildi. Ushbu qarorlarning barchasi aholi sonining ortishi, tirbandlik, eski infratuzilma va ekologik muammolar bilan bog‘liq bo‘lgan.

O‘zbekistonda ham 2019-yilda Toshkentni Jizzax yaqiniga ko‘chirish taklif qilingan edi, keyinchalik poytaxtdagi ma'muriy markazlarning bir qismi «Yangi Toshkent»ga ko‘chirilishi rasman e'lon qilingan. Balki kelajakda butunlay poytaxt Yangi Toshkent shahriga ko'chib o'tar.

@lazizhamidov

Bugunning eng yaxshi xabarlaridan biri Qozog‘iston va Tojikiston bilan ID-karta orqali chegaralarni kesib o‘tish tartibi joriy qilinayotgani bo'ldi. Hozir bunday tartib faqatgina Qirg‘iziston bilan amalda edi.

Men o'ylaymanki bu qaror bizni yana ham yaqinlashtiradi, shu bilan birgalikda Markaziy Osiyo davlatlari integratsiyasi uchun jiddiy bir qadam. Keyingi bosqich esa yagona viza hududini tashkil qilish deb o'ylayman.

@lazizhamidov

Bugun O‘zbekistonda dollar kursi 12 900 so‘mdan sotilibdi. Bu yangi rekord. Yil boshidan beri so‘m dollarga nisbatan 4 foizga qadrsizlandi.

Ma’lumot uchun, 2025-yil uchun belgilangan byudjetda dollar kursi o‘rtacha 13 250 so‘mdan hisoblangan.

@lazizhamidov

O'zbekistonda donor sifatida qon topshirayotganlarni rag'batlantirishning o'ziga xos usulini o'ylab topishibdi. Menga yoqdi.

Endi, kamida 40 marta qon topshirgan fuqarolar uchun maxsus imtiyozlar taqdim etiladi:

- Jamoat transportida bepul sayohat qilish imkoniyati;
- 15 barobar bazaviy hisoblash miqdori (taxminan 5,6 million so‘m) miqdorida bir martalik mukofot.

O'zi donor sifatida tez-tez qon topshirish juda ham foydali. Chunki qon topshirish organizmni yangilab, yurak salomatligini yaxshilaydi va kasalliklar erta aniqlanadi. Eng asosiysi esa, donorlik og‘ir bemorlarni kerakli qon bilan taminlab hayotini saqlab qolishga yordam beradi.

Quyidagi link orqali O‘zbekistondagi qon quyish markazlarining manzilini bilib olishingiz mumkin.

@lazizhamidov

O‘zbekistonda bo‘lishi nomaqbul deb topilgan chet ellik shaxslarga oid qonun kuchga kirdi.

Bunday shaxslar ro‘yxatiga O‘zbekiston xalqining sha’nini, qadr-qimmatini, tarixini tahqirlovchi ommaviy chiqishlar qilgan shaxslar ham kiritiladi.

Mazkur ro‘yxatga tushgan shaxslar uchun mamlakatga kirish besh yilga taqiqlanadi. Shuningdek, ular O‘zbekistonda bank hisob raqamlarini ochish, ko‘chmas mulk sotib olish, davlat mulkini xususiylashtirishda qatnashish, moliyaviy va shartnoma munosabatlariga kirishish imkoniyatidan mahrum qilinadi. Faqatgina o‘z mulklarini sotish huquqi saqlab qolinadi.

@lazizhamidov

Internetda bir inson asma kasalligining 4-darajasidan aziyat chekayotgan qizining ahvoli haqida kuyinib, tegishli idoralarga murojaat qilgani haqidagi videoga ko‘zim tushib qoldi. U qizining og‘ir azoblar ichida yashayotgani, biroq shu kungacha na hokimiyat, na mahalla, na ijtimoiy himoya bilan shug‘ullanadigan tashkilotlar tomonidan yordam ko‘rsatilmaganini aytgan.

O‘ylaymanki, mamlakatda yirik loyihalar amalga oshirilayotgan bir paytda, ijtimoiy himoya masalalariga ham katta e’tibor qaratish zarur. Ayniqsa, nogironligi bor, qarovga muhtoj yoki ishlash imkoniyatiga ega bo‘lmagan insonlarga yordam berish tizimini kuchaytirish kerak. Balki bu borada salmoqli ishlar qilinayotgandir ham, lekin iloji boricha yordamga muhtoj aholini katta qismini qamrab olish o'ta muhim. Bunday insonlarning ahvolini yengillashtirish uchun mahalla, davlat va ijtimoiy himoya tashkilotlari faoliyatini yanada samarali qilish lozim.

Masalan, Germaniyada ijtimoiy himoya tizimi qanchalik samarali tashkil etilganini ko'pchilik biladi. U yerda bu soha bir qancha muhim tashkilotlar tomonidan boshqarilmoqda. Eng yirik va asosiy tashkilotlardan biri Bundesagentur für Arbeit (Ish Agentligi) bo‘lib, u ish bilan ta’minlash, ishsizlik nafaqalari va kasbiy qayta tayyorgarlikni boshqaradi. Shuningdek, Sozialämter (Ijtimoiy xizmatlar agentligi) kam ta’minlanganlar, nogironlar va uy-joy yordamlarini ta’minlaydi, Gesetzliche Krankenversicherung (GKV) esa sog‘liqni saqlash xizmatlarini taqdim etadi. Rentenversicherung pensiya va nogironlik yordamlarini nazorat qiladi, Pflegeversicherung esa parvarishga muhtojlarga yordam ko‘rsatadi. Eng asosiysi, ushbu tashkilotlarning umumiy maqsadi faqat "bor" bo‘lishdan iborat emas, balki ular haqiqatan ham fuqarolar va muhtoj insonlar uchun moliyaviy yordam, sog‘liqni saqlash va bandlikni ta’minlashga yo‘naltirilgan.

@lazizhamidov