Huquqshunos xizmati

@Huquqshunos_xizmati: 100-савол

❓Ассаламу алайкум менинг саволим шундан иборат .Мен 2023 йил Магистратурани тугатганман ўрта таълим мактабида иш фоалият олиб бораман 2023-2024 ўқув йилида 2-тоифада иш ҳақи ҳисобланиб келди магистрларга автоматик тарзда 2-тоифа берилади деганди эшитдим ва аттестациядан ўтиш учун ариза топширишни билмагандим лекин менга 2- тоифада ойлик ҳисобланиб борилган .шу йил аттестация учун тўғридан тўғри тоифа беришга топширдим лекин менда2- тоифа сертификати юқ Эрп базага қандай қилиб 2-тоифа қилиб киритсак бўлади сертификат юқ бўлганлиги учун энди менга ойлик мутахассислик бўйинча иш ҳақи ҳисобланадими у бўйича кимга мурожат қилсам бўлади 2-тоифа деб ҳисоблаши учун

🔝 ҲУҚУҚШУНОС ЖАВОБИ:

🔺Вазирлар Маҳкамасининг 2021 йил 17 сентябрдаги 572-сон қарорига
1-ИЛОВА сифатида тасдиқланган
«Мактабгача, умумий ўрта, ўрта махсус, профессионал ва мактабдан ташқари таълим ташкилотлари педагог кадрларини аттестациядан ўтказиш тартиби тўғрисида»ги Низомнинг 10-банди «Илгари аттестациядан ўтмаган ишга янги қабул қилинган педагог кадрларга ёки олий таълим ташкилотларини битириб биринчи бор ишга кирган педагог кадрларга аттестацияга жалб этилгунга қадар қуйидаги тартибда малака тоифаси (лавозим) берилади:

🔺магистр даражасига эга мутахассисларга, шунингдек, олий маълумот даражаси бўйича академик даражалар жорий этилгунга қадар олинган олий маълумотли педагог кадрларга — иккинчи малака тоифаси (катта ўқитувчи лавозими)»

🔺Юқоридаги Низомнинг 32-банди Мазкур Низомнинг 8 — 10-бандларида кўрсатилган педагог кадрлар ҳар йили 1 январдан 31 декабрга қадар тўғридан-тўғри аттестациядан ўтказилмасдан малака тоифаси (лавозим) сертификатини олиш учун бевосита давлат хизматлари марказлари орқали ёки Ягона интерактив давлат хизматлари портали ёхуд ваколатли вазирликларнинг расмий веб-сайтида рўйхатдан ўтган ҳолда мурожаат қиладилар.

🔺Мазкур Низомнинг 8 — 10-бандларида кўрсатилган педагог кадрларга тўғридан-тўғри аттестациядан ўтказмасдан малака тоифаси (лавозим) сертификатини бериш бўйича давлат хизматини кўрсатганлик учун йиғим ундирилмайди.

🔺Бевосита давлат хизматлари марказларига мурожаат қилинганда мазкур Низомнинг 8 — 10-бандларида кўрсатилган педагог кадр номидан давлат хизматлари маркази ходими, Ягона интерактив давлат хизматлари портали ёки ваколатли вазирликларнинг расмий веб-сайти орқали мурожаат қилинганда эса педагог кадрнинг ўзи мустақил равишда ушбу Низомга 3-иловага мувофиқ сўровномани электрон тарзда тўлдиради.

🔺Ваколатли вазирликлар томонидан мазкур Низомнинг 8 — 10-бандларида кўрсатилган педагог кадрнинг тўғридан-тўғри аттестациядан ўтказилмасдан малака тоифаси (лавозим) сертификатини олиш бўйича сўровномаси 20 кун муддатда кўриб чиқилади ва ижобий қарор қабул қилинганда уларга мазкур Низомга 4-иловага мувофиқ QR код қўйилган электрон шаклдаги сертификат берилади.

☝️Юқоридагиларга кўра, Сиз Давлат хизматлари марказига паспортиз ва бакалавр ҳамда магистратура дипломларизни тақдим этиб, иккинчи тоифа сертификатини тўғридан тўғри олишда амалий ёрдам беришларини сўрашингиз керак. Давлат хизматлари маркази ходими сизни номингиздан ариза бериб, 20 кун ичида QR кодли 2-тоифа сертификатини олиб беради.Сертификатни иш жойингизга тақдим этиб ойлик маошни иккинчи тоифадан келиб чиқиб ҳисоблашларини сўрашингиз керак

🔝 Савол юбориш учун:

@Huquqshunos_xizmati_bot
@Huquqshunos_xizmati_bot

🔝 Каналга уланиш учун:

@Huquqshunos_xizmati
@Huquqshunos_xizmati

@Huquqshunos_xizmati: 99-савол

❓Мен 2022 йил 23 май куни маҳалла фуқаролар йиғини раиси (оқсоқоллари) сайловида 3 (уч) йил муддатга МФЙ раиси лавозимига сайландим ва 2024 йил 11 сентябр куни ўз хохишимга кура хизмат вазифамдан озод  этилишимни ва моддий ёрдам берилишини сўраб иш берувчи рахбар номига ариза билан мурожаат қилганман.
      Мен 2024 йил 11 сентябр куни вазифамдан озод этилдим.
      Мен 2022 йил 23 май кунидан 2024 йил 11 сентябр куни оралиғида мехнат таътилига чиқмаганман (иш берувчи мехнат таътили бермаган) ва моддий ёрдам олмаганман.
      Мен иш берувчи ташкилот хисобчиси билан 2024 йил 20 сентябр куни телефон орқали иш берувчи ташкилот томонидан  менга фойдаланилмаган барча йиллик асосий ва қўшимча таътиллар учун 2022 йил 23 май кунидан 2024 йил 11 сентябр кунига қадар булган вақт учун пуллик компенсaция тўланиши тўғрисида сухбатлашганимда менга иш берувчи томонидан фақатгина 2024 йил январ ойидан 2024 йил август ойлари 8 (саккиз) ой учун фойдаланилмаган барча йиллик асосий ва қўшимча таътиллар учун пуллик компенсaция тўланишини, 2022-2023 йиллар учун фойдаланилмаган барча йиллик асосий ва қўшимча таътиллар учун пуллик компенсaция ва бир марталик  моддий ёрдам тўланмаслигини билдирди (Низомга тўғри келмаслигини билдирди) бу холат қанчалик тўғри?.
      Менга 2022 йил 23 май кунидан 2024 йил 11 сентябр кунига қадар булган вақтга пуллик компенсaция ва бир марталик моддий ёрдам тўланадими?.
      Шу хақида маълумот берсангиз.

🔝 ҲУҚУҚШУНОС ЖАВОБИ:

Меҳнат кодексининг 172-моддаси Меҳнат шартномаси бекор қилинганда ходим билан ҳисоб-китоб қилиш ҳақида.

🔺Унга кўра:

Меҳнат шартномаси бекор қилинганда ходим билан ҳисоб-китоб қилиниши керак.

🧮 Ҳисоб-китоб ходимга:

✔️охиригача олинмаган иш ҳақини;

✔️ходим томонидан фойдаланилмаган барча асосий ва қўшимча таътиллар учун компенсацияларни;

✔️агар меҳнат тўғрисидаги қонунчиликда ёки меҳнат ҳақидаги бошқа ҳуқуқий ҳужжатларда ёхуд меҳнат шартномасида бошқа тўловларни тўлаш назарда тутилган бўлса, ушбу тўловларни тўлашни ўз ичига олади.

🟣Иш берувчи томонидан ходимга тегишли бўлган барча суммаларни тўлаш ходим билан меҳнат шартномаси бекор қилинган кунда амалга оширилади.

🟣Агар ходим меҳнат шартномаси бекор қилинган куни ишламаган бўлса, тегишли суммалар ҳисоб-китоб қилиш тўғрисида ходим томонидан талаб қўйилганидан кейин уч кундан кечиктирмай тўланиши керак.

🟣Ўзи билан меҳнат шартномаси бекор қилинган ходимга меҳнат шартномаси бекор қилинганидан кейинги даврда бирор-бир тўловлар (ой, чорак, йил якунлари бўйича мукофотлар) ҳисобланган тақдирда, ушбу тўловлар ходим томонидан тегишли талаб қўйилганидан кейин уч кундан кечиктирмай амалга оширилади.

🟣Меҳнат шартномаси бекор қилинганда ходимга тегишли бўлган суммаларнинг миқдорлари тўғрисида низо чиққан тақдирда, иш берувчи унга шак-шубҳасиз тегадиган суммани ушбу модданинг учинчи қисмида кўрсатилган муддатда тўлаши шарт.

☝️Демак, иш берувчи сизга фойдаланилмаган 2022-2023-2024 йилларда фойдаланилмаган йиллик меҳнат таътиллару учун пуллик компенсация тўлаши шарт. Агар бундан бош тортса, Адлия бўлимига ариза бериб, компенсация пулини ундириб беришларини сўрашиз керак. Улар сизга суд тартибида 2022-2023-2024- йиллар учун компенсация пулини ундириб беради.

Лекин, моддий ёрдам пули фақатгина ишлаётган ходимларга берилади. Сиз билан меҳнат шартномаси бекор қилингани сабабли, моддий ёрдам пулини олаолмайсиз.

🔝 Савол юбориш учун:

@Huquqshunos_xizmati_bot
@Huquqshunos_xizmati_bot

🔝 Каналга уланиш учун:

@Huquqshunos_xizmati
@Huquqshunos_xizmati

@Huquqshunos_xizmati: 98-савол

❓Жияним рассида ота онасини олдида 4 ва 5 синфларни ўқиб келди ва õқиганлиги тўғрисида ҳужжат ҳам бор. Ҳудудимиздаги мактаб рахбари уни 5-синфга қабул қилмоқчи. Шу тўғрими

🔝 ҲУҚУҚШУНОС ЖАВОБИ:

Ўзбекистон Республикаси халқ таълими вазирининг 2015 йил 2 июндаги 13-мҳ-сон буйруғига ИЛОВА сифатида тасдиқланган «Ўқувчиларни синфдан синфга ва бир умумий ўрта таълим муассасасидан бошқасига ўтказиш тартиби тўғрисида»ги Низомнинг 5-боби Хорижий давлатда таълим олган Ўзбекистон Республикаси фуқаросини Ўзбекистон Республикасидаги мактабга ўтказиш ҳақида.

🔺Унга кўра:

🔺27. Ота-оналар хорижий давлатда таълим олган Ўзбекистон Республикаси фуқароси бўлган фарзандини Ўзбекистон Республикасидаги мактабга ўтказиш ҳуқуқига эга.

🔺28. Хорижий давлатда таълим олган болани Ўзбекистон Республикасидаги мактабга ўтказиш учун ота-оналар томонидан мактаб директорига қуйидаги ҳужжатлар тақдим этилади:

🟣ота-она томонидан мактаб директори номига ариза;

🟣боланинг хорижий давлатда таълим олганлиги ҳақидаги ҳужжатнинг (ҳужжатларнинг) асли ва нотариал тасдиқланган таржимаси;

🟣боланинг соғлиғи тўғрисида тиббий маълумотнома;

🔺29. Мактаб директори тақдим этилган ҳужжатларни бир иш куни ичида кўриб чиқади ва болани мактаб ўқувчилари сафига қабул қилиш тўғрисида буйруқ чиқаради.

🔺30. Мактаб директори боланинг хорижий давлатда ўқиган таълим дастури мактабнинг ўқув дастурларига мос келиш-келмаслигини аниқлайди ҳамда фанлар бўйича аниқланган фарқларни жорий ёки навбатдаги ўқув йилида бартараф этиш чораларини кўради.
Боланинг хорижий давлатда таълим олганлиги ҳақидаги ҳужжат мавжуд бўлмаганда, мактаб директори болани унинг ёши ва билим даражасига мос синфга қабул қилиши лозим.

🔺31. Болани мактаб ўқувчилари сафига қабул қилиш тўғрисида буйруқ чиқарилгач, уч кун муддатда синф журнали ва ўқувчилар ҳаракати дафтарига тегишли ёзув киритилади.

☝️Демак, юқоридаги Низомда кўрсатилган ҳужжатлар тўлиқ бўлса, мактаб директори ўқувчини 6-синфдан қабул қилишга мажбур ҳисобланади.

🔝 Савол юбориш учун:

@Huquqshunos_xizmati_bot
@Huquqshunos_xizmati_bot

🔝 Каналга уланиш учун:

@Huquqshunos_xizmati
@Huquqshunos_xizmati

❓Иш ҳақи ҳисоб китобдаги хатолар оқибатида тўланган бўлса, иш берувчи ортиқча тўланган иш ҳақини ушлаб қолишга ҳақлими

@Huquqshunos_xizmati: 97-савол

❓Мен мактабда инглиз тили фани ўқитувчисиман ўткан ўқув йили давомида пластик картамга 2 ойда 1марта қўшимча пул чиққан. Тумандан туманга ўтиб ишлайман ва мактабимиз ўзлаштириши паст даражадаги мактаб бўлганлиги сабабли менга қўшимча тўлаяпти давлат деб ўйладим. Ҳозирда эса аудит текшириб бу техник хато деб мендан ортиқча ўткан суммаларни ойлигимдан ҳечқандай розилигимсиз олиб қолмоқда. Фарзандим касаллиги туфайли мен ортиқча тушган пулларни ҳам ишлатиб юборганман. Ҳозирда боз устига кредитим ҳам бор. Ойлигимдан бу даражада олиб қолишлари қонунан тўғрими?

🔝 ҲУҚУҚШУНОС ЖАВОБИ:

🔺Меҳнат кодексининг 269-моддасига биноан қуйидаги ҳолатларда ходимга ортиқча тўланган иш ҳақи тўловларини қайта ундириб олса бўлади:

🔺иш ҳақи ҳисоб-китобдаги хатолик натижасида тўланган бўлса;

🔺агар ходим меҳнат нормаларини айбли тарзда бажармаган бўлса ва бу меҳнат низоларини кўрувчи орган томонидан эътироф этилган бўлса;

🔺ходимнинг ортиқча иш ҳақи ходимнинг ғайриқонуний ҳаракат ёки ҳаракатсизлиги натижасида тўланган ва бу суд томонидан белгиланган бўлса.

☝️Демак, Сизга иш ҳақи ҳисоб китобдаги хатолар оқибатида тўланган бўлса, иш берувчи ортиқча тўланган иш ҳақини қисман ушлаб қолишга ҳақли ҳисобланади

🔝 Савол юбориш учун:

@Huquqshunos_xizmati_bot
@Huquqshunos_xizmati_bot

🔝 Каналга уланиш учун:

@Huquqshunos_xizmati
@Huquqshunos_xizmati

@Huquqshunos_xizmati: 96-савол

❓Мен 2022 йилгача 22 йиллик стажга эгаман.шу муносабат билан олий тоифага бир умрлик сертификатга эга бўла оламанми.Олий тоифани 2019 йил олганман.Сентябрдан мени бирдан мутахассис сифатида ойлик тўлов қилинди.шу тўғрими

🔝 ҲУҚУҚШУНОС ЖАВОБИ:

🔺Вазирлар Маҳкамасининг 2021 йил 17 сентабрдаги 572-сон қарорига 1-илова билан тасдиқланган “Мактабгача, умумий ўрта, ўрта махсус, профессионал ва мактабдан ташқари таълим ташкилотлари педагог кадрларини аттестациядан ўтказиш тартиби тўғрисида”ги низом 6-бандининг дастлабки версиясида (ВМ 425-сон қарор билан ўзгариш киритилгунга қадар бўлган даврда) кўра:

таълим ташкилотларида 15 йиллик узлуксиз иш стажига эга бўлган олий малака тоифали (бош ўқитувчи лавозимидаги) педагог кадрлар мажбурий аттестацияга жалб этилмаслиги белгиланган эди.

🔺Ушбу қоида асосида 15 йил узлуксиз иш стажига эга олий тоифали ўқитувчиларнинг тоифаси сақланиши керак. Бошқача айтганда улар мажбурий аттестацияга жалб этилмаслиги керак эди.

🔺Бироқ ушбу бандга Вазирлар Маҳкамасининг 2022 йил 2 августдаги 425-сонли қарори билан киритилган ўзгаришга биноан:

олий малака тоифа (бош ўқитувчи лавозими)га эга бўлганидан сўнг олий малака тоифани 15 йил давомида сақлаб келган ва узлуксиз иш стажига эга бўлган педагог кадрлар мажбурий аттестатсияга жалб қилинмайди. Уларнинг тоифаси сақланади.

Қоиданинг мазмунига кўра педагог ходим олий тоифани олгандан сўнг уни 3 марта ҳимоя қилган бўлса (бу 15 йилга тенг), унинг тоифаси сақланади.

🔺Мазкур ўзгариш 2022 йил 2 августдан киритилган. Норматив-ҳуқуқий ҳужжатлар тўғрисидаги қонун 41-моддасига кўра

норматив-ҳуқуқий ҳужжатлар орқага қайтиш кучига эга эмас ва улар амалга киритилганидан кейин юзага келган ижтимоий муносабатларга нисбатан қўлланилади.

🔺Демак, олий тоифани 15 йил давомида ҳимоя қилган ходимнинг тоифаси умрбод сақланиши кераклиги ҳақидаги қоида ушбу санадан бошлаб кучга киради.

🔺Унгача бўлган даврда 15 йил узлуксиз иш стажига эга бўлган олий тоифали педагогларнинг тоифаси эса ҳозирда ҳам сақланиб қолади. Улар мажбурий аттестацияга жалб этилмайди ва уларга олий тоифаси берилиши давом этади.

☝️Демак, Сиз олий тоифани 2019 йилда олганингиз учун Сизни олий тоифангиз умрбод сақланади. Агар сизни тоифангизни бекор қилишса, Адлия бўлимига ёки прокуратурага ариза беришингиз керак. Улар ҳолатни ўрганиб чиқиб сизга тоифангизни сақлаб қолишингизда амалий ёрдам беради

🔝 Савол юбориш учун:

@Huquqshunos_xizmati_bot
@Huquqshunos_xizmati_bot

🔝 Каналга уланиш учун:

@Huquqshunos_xizmati
@Huquqshunos_xizmati

@Huquqshunos_xizmati: 95-савол

❓Ассалому алекум мен шарий никохда булган конуний закси булмаган оиладан уларнинг розлиги билан бола асраб олмокчиман хозрда хомила 8,5 ойлик, конуний хужатлар асосида асраб олишим учун бу ойланинг оила азоларини розлиги керакми ( хола ва тога ). Ёки онани розлиги ўтадими.

🔝 ҲУҚУҚШУНОС ЖАВОБИ:

🔺Ўзбекистон Республикасининг Оила кодекси (ОК) 152-моддасида вояга етган эркак ёки аёл фуқаролар фарзандликка олувчилар бўлиши мумкин, деб белгиланган, шу сабабли сизнинг фарзандликка олиш ҳуқуқингиз бор.

🔺Аввало, ОК 205-моддасига асосан болаларнинг туғилишини қайд этиш мажбурийлигини, болалар туғилган жойидан ёхуд ота-онасидан бири доимий яшаш ёки вақтинча турган жойи бўйича рўйхатдан ўтган жойидан қатъи назар, ФХДЁ органларида бир ой ичида амалга оширилиши лозимлиги учун, дугонангиз фарзанди туғилиши билан тегишли тартибда болани туғилишини қайд этади ва туғилганлик тўғрисида гувоҳнома олади.

🔺Кейинги жараён, Ўзбекистон Республикаси ФПКнинг 298-моддасида “фарзандликка олиш тўғрисидаги ариза болани фарзандликка олишни истаган Ўзбекистон Республикаси фуқаролари томонидан фарзандликка олинаётган боланинг яшаш (турган) жойидаги фуқаролик ишлари бўйича туманлараро, туман (шаҳар) судига берилади" деб белгиланган.

🔺Демак сиз ота ва она яшайдиган тумандаги тегишли судга фарзандликка олиш тўғрисида ариза билан мурожаат қиласиз.

🔺Фарзандликка олиш тўғрисидаги аризангизда:

➖фарзандликка олувчиларнинг (олувчининг) фамилияси, исми, отасининг исми, уларнинг (унинг) яшаш жойи;

➖фарзандликка олинаётган боланинг фамилияси, исми, отасининг исми ва туғилган санаси, унинг яшаш (турган) жойи, фарзандликка олинаётган боланинг ота-онаси тўғрисидаги, ака-ука ва опа-сингиллари борлиги ёки йўқлиги ҳақидаги маълумотлар;

➖фарзандликка олувчиларнинг (олувчининг) фарзандликка олиш тўғрисидаги илтимосини асословчи ҳолатлар ва мазкур ҳолатларни тасдиқловчи далиллар;

➖фарзандликка олувчилар (олувчи) боланинг туғилганлик тўғрисидаги далолатнома ёзувига тегишли ўзгартиришлар киритишни истаган тақдирда — бу бўйича ҳам қўшимча илтимос.

🔺ОК 159-моддасига кўра болани фарзандликка олиш учун фарзандликка олинаётган бола ота-онасининг розилиги талаб этилади.

🔺Шундай экан сизнинг танишингиз ўз турмуш ўртоғи билан (яъни сизга фарзандиликка берилаётган боланинг ҳақиқий ота онаси) судга ёзма розилик беришлари керак.

🔺Сўнгра ОК 164-моддасига асосан суднинг фарзандликка олиш тўғрисидаги ҳал қилув қарори қонуний кучга кирган кундан бошлаб ўн кун ичида ФХДЁда қайд этилади.

🔺Фарзандликка олувчилар боланинг туғилиши ёзилган дафтарга, агар бу ҳақда суднинг ҳал қилув қарорида кўрсатилган бўлса, унинг ота-онаси деб ёзилиши керак.

☝️Демак, Бола асраб олишда фақатгина ота-онанинг розилиги сўралади. Бобо, буви, тоға, амаки, ҳола, аммаларини розилиги шарт эмас.

🔝 Савол юбориш учун:

@Huquqshunos_xizmati_bot
@Huquqshunos_xizmati_bot

🔝 Каналга уланиш учун:

@Huquqshunos_xizmati
@Huquqshunos_xizmati

@Huquqshunos_xizmati: 94-савол

❓Ассалому алайкум мен ўқтувчи бўлиб ишлайман апрель ойида муддатдан олдин 6 ойлик ҳомила билан туғриқ таътилига чиқдим 17 август санасида ҳомила таътилим тугаб 19 август санасидан опискага чиқдим 15 октябрь санасида опискам тугайди мени ишга чиқсам буладими иш талаб қилиб боришга ҳақим борми қонуний жавоб беринг олдиндан рахмат

🔝 ҲУҚУҚШУНОС ЖАВОБИ:

Меҳнат кодексининг 405-моддаси болани икки ва уч ёшга тўлгунига қадар парваришлаш таътиллари ҳақида.

📄 Унга кўра:

🟣Ҳомиладорлик ва туғиш таътили тугаганидан кейин, аёлнинг хоҳишига кўра, унга боласи икки ёшга тўлгунига қадар болани парваришлаш таътили берилиб, бу давр учун Ўзбекистон Республикаси Вазирлар Маҳкамаси томонидан белгиланадиган тартибда нафақа тўланади.

🟣Сиз йиллик меҳнат таътилингиз тугагандан кейин яъни 16-октабрдан бошлаб ишга қайтишингиз ёки 2 ёшгача бола парваришлаш таътилига чиқишингиз мумкин.

🟣Агар сизни ишга қайтармаса, Адлия бўлимига ёки прокуратурага ариза беришингиз керак, улар ҳолатни ўрганиб чиқиб сизга ишга қайтишингизда амалий ёрдам беради

🔝 Савол юбориш учун:

@Huquqshunos_xizmati_bot
@Huquqshunos_xizmati_bot

🔝 Каналга уланиш учун:

@Huquqshunos_xizmati
@Huquqshunos_xizmati

@Huquqshunos_xizmati: 93-савол

❓Мен мактабда ишлайман. 25 йиллик ўқитувчилик стажим бор. 2024 йил аттестациядан 40 балл олиб ўтаолмаганман. Лекин магистратурани тугатганман. 10 йил бўлган. Менга 2- тоифага ойлик тўланиши керак. Лекин менга олий маълумотли ўқитувчи даражасида ойлик тўлашмоқчи. Тоифамни тушириб қўйишибди. Шу тўғрими

🔝 ҲУҚУҚШУНОС ЖАВОБИ:

Вазирлар Маҳкамасининг 2021 йил 17 сентябрдаги 572-сон қарорига
1-ИЛОВА сифатида тасдиқланган «Мактабгача, умумий ўрта, ўрта махсус, профессионал ва мактабдан ташқари таълим ташкилотлари педагог кадрларини аттестациядан ўтказиш тартиби тўғрисида»ги Низомнинг 10-банди Илгари аттестациядан ўтмаган ишга янги қабул қилинган педагог кадрларга ёки олий таълим ташкилотларини битириб биринчи бор ишга кирган педагог кадрларга аттестацияга жалб этилгунга қадар қуйидаги тартибда малака тоифаси (лавозим) берилади:

🟣бакалавр даражасига эга педагог кадрларга — мутахассис (олий маълумотли ўқитувчи) лавозими;

🟣магистр даражасига эга мутахассисларга, шунингдек, олий маълумот даражаси бўйича академик даражалар жорий этилгунга қадар олинган олий маълумотли педагог кадрларга — иккинчи малака тоифаси (катта ўқитувчи лавозими);

🟣фан номзоди, фалсафа доктори (Doctor of Philosophy (PhD) ёки фан доктори (Doctor of Sciense (DSc) илмий даражасига ҳамда Олий аттестация комиссияси томонидан берилган катта илмий ходим, доцент ва профессор илмий унвонига эга бўлган педагог кадрларга — олий малака тоифаси (бош ўқитувчи лавозими).

☝️Юқоридаги Низомнинг 10-бандига асосан, Сизга иккинчи тоифа мажбурий аттестацияга жалб этилгунизга қадар берилган, мажбурий аттестациядан ўта олмаганингиз учун сизни тоифангиз бекор қилиниб мутахасисга туширилгансиз

🔝 Савол юбориш учун:

@Huquqshunos_xizmati_bot
@Huquqshunos_xizmati_bot

🔝 Каналга уланиш учун:

@Huquqshunos_xizmati
@Huquqshunos_xizmati

@Huquqshunos_xizmati: 92-савол

❓Ассалому алайкйм. Менинг саволим қйидагича: Менинг ёшим 57 да нафақадаги ўқитувчиман. 1- Малака тоифам бор. У 2025 йилгача берилган. Агар 2025 йилгача аттестациядан ўтмасам бу тоифамдан мутахасисликка тушуриб қўйишлари қанчалик тўғри бўлади?? Мен қайта аттестациядан ўтмасликка ҳаққим борми? Агар аттестациядан ўтмасам мени тоифамни йўққа чиқариш мумкинми?

🔝 ҲУҚУҚШУНОС ЖАВОБИ:

Вазирлар Маҳкамасининг 2021 йил 17 сентябрдаги 572-сон қарорига
1-ИЛОВА сифатида тасдиқланган «Мактабгача, умумий ўрта, ўрта махсус, профессионал ва мактабдан ташқари таълим ташкилотлари педагог кадрларини аттестациядан ўтказиш тартиби тўғрисида»ги Низомнинг 6-банди кўра қуйидагилар навбатдаги мажбурий аттестацияга жалб этилмайди:

🟣фан номзоди, фалсафа доктори (Doctor of Philosophy (PhD) ёки фан доктори (Doctor of Science(DSc) даражасига ҳамда Олий аттестация комиссияси томонидан берилган катта илмий ходим, доцент ва профессор илмий унвонига эга бўлган педагог кадрлар;

🟣олий малака тоифа (бош ўқитувчи лавозими)га эга бўлганидан сўнг олий малака тоифани 15 йил давомида сақлаб келган ва узлуксиз иш стажига эга бўлган педагог кадрлар;

🟣педагогик фаолият бўйича 25 йил ва ундан кўп иш стажига эга бўлган педагог ходимлар;

🟣ёшга доир пенсияга чиқиши учун 5 йилдан кўп бўлмаган вақт қолган педагог ходимлар;

🟣педагогик фаолият билан шуғулланаётган пенсия ёшига тўлган педагог кадрлар;

🟣педагогик фаолият бўйича уч йилдан кам бўлган иш стажига эга педагог кадрлар;

🟣ҳомиладор аёллар, улар ҳомиладор бўлган даврда ҳамда ишга чиққанидан кейин бир йил давомида;

🟣ҳомиладорлик ва туғиш ҳамда болани парвариш қилиш таътилларида бўлган аёллар, улар таътилда бўлган даврда ҳамда ишга чиққанидан кейин бир йил давомида;

🟣педагогик фаолият билан шуғулланаётган уч ёшгача болалари бор аёллар;

🟣узоқ (уч ойдан ортиқ вақт мобайнида) даволанишни ўтаётган педагог кадрлар, улар даволанаётган даврда ҳамда ишга чиққанидан кейин олти ой давомида;

🟣мазкур Низомнинг 8 ва 9-бандларида кўрсатилган педагог кадрлар, уларга малака тоифаси тўғридан-тўғри берилган ёки бир поғона оширилган вақтдан бошлаб кейинги беш йил давомида;

🟣республика ва чет эл давлатларига ўқишга, қайта тайёрлаш ва малака ошириш курсларига юборилган педагог кадрлар;

🟣ижтимоий муҳофазага муҳтож, иш топишда қийналаётган ва меҳнат бозорида тенг шартлар асосида рақобатлаша олмайдиган шахслар учун энг кам миқдордаги иш ўринларига захирага олиб ишга жойлаштирилган педагог кадрлар, бу иш жойларига қабул қилинган кундан бошлаб уч йил давомида.

☝️Демак, Сиз юқоридаги Низомнинг 6-бандига асосан, пенсия ёшида бўлганингиз учун аттестацияга жалб этилмайсиз. Сизни тоифангиз эса доимий сақланади яъни аттестацияда қатнашмаганингиз учун тоифангиз туширилмайди

🔝 Савол юбориш учун:

@Huquqshunos_xizmati_bot
@Huquqshunos_xizmati_bot

🔝 Каналга уланиш учун:

@Huquqshunos_xizmati
@Huquqshunos_xizmati

@Huquqshunos_xizmati: 91-савол

❓Ассаломалекум ман 2021 йил Р.Ш.Т.Ё.И.М (16 гор болн) бушаб ковид центр зангиотага ишга кирдим 14 йиллик стажим билан. 2022 йил Зангиота больницасидан бушаб 16 гор больницага кайта ишга кирдим. Узлуксиз иш стажи билан. Лекин хозирда куп йиллик иш стажига манга хак туланмаяпти. Шу хакда бугун бухгалтерия булими бошлигига даво килиб чикдим. Тулаш керелиги хакида малум килди ва 30% олишга хаккиз бор диди. Энди 2 йил мобайнида манга туланиши кере булган пул туланмаган шуни 2 йиллик хаккимни талаб килсам буладими

🔝 ҲУҚУҚШУНОС ЖАВОБИ:

🔺Меҳнат кодексининг 253-моддаси Иш ҳақини тўлаш муддатлари ҳақида. Унга кўра:

🟣Ходимларга иш ҳақи тўлаш муддатлари жамоа шартномасида ёки ички ҳужжатда, улар мавжуд бўлмаганда эса меҳнат шартномасида шарт қилиб кўрсатилган муддатларда белгиланади ва ҳар ярим ойда бир мартадан кам бўлиши мумкин эмас.

🟣Ходимларга ойлик иш ҳақи, қоида тариқасида, ўн олти кундан кўп бўлмаган танаффус билан икки қисмга бўлинган ҳолда (бўнакда ва қолган қисми миқдорида) тўланади.

🟣Меҳнат кодексининг 253-моддасининг 1-қисмига асосан сизга кўп йиллик иш стажиз учун 30 фоиз устама ҳар ойлик иш ҳаққизга қўшилган ҳолда тўланиши керак. Сиз Адлия бўлимига ёки прокуратурага ариза бериб олинмаган 2 йиллик устама пулингизни иш жойингиздан ундириб беришларини сўрашингиз керак. Улар ҳолат ўрганиб чиқиб сизга олинмай қолган икки йиллик иш ҳаққингизни ундириб беради

🔝 Савол юбориш учун:

@Huquqshunos_xizmati_bot
@Huquqshunos_xizmati_bot

🔝 Каналга уланиш учун:

@Huquqshunos_xizmati
@Huquqshunos_xizmati

@Huquqshunos_xizmati: 90-савол

❓Мен 1965 йилда туғилганман
Ўқитувчилик стажим 34 йил малака тоифам биринчи тоифа эди олий тоифага аттестацияга 5 йил тўлганлиги учун аттестацияга кирдим етарли балл тўплай олмадим (62 балл олдим) тоифам тушадими?

🔝 ҲУҚУҚШУНОС ЖАВОБИ:

Вазирлар Маҳкамасининг 2021 йил 17 сентябрдаги 572-сон қарорига
1-ИЛОВА сифатида тасдиқланган
"Мактабгача, умумий ўрта, ўрта махсус, профессионал ва мактабдан ташқари таълим ташкилотлари педагог кадрларини аттестациядан ўтказиш тартиби тўғрисида"ги Низомнинг 44-банди б) кичик бандига кўра, биринчи малака тоифали ёки етакчи ўқитувчи лавозимидаги педагог кадр:

80 балл ва ундан юқори кўрсаткичга эга бўлса — аттестациядан ўтган, олий малака тоифаси (бош ўқитувчи лавозими) берилган;

70 баллдан 79 баллгача кўрсаткичга эга бўлса — аттестациядан ўтган, биринчи малака тоифаси (етакчи ўқитувчи лавозими) сақланган;

70 баллдан кам кўрсаткичга эга бўлса — аттестациядан ўтмаган, иккинчи малака тоифасига (катта ўқитувчи лавозимига) туширилган

☝️Демак, юқоридаги низомнинг 44 бандига асосан, сиз аттестацияда 62 балл тўплаганиз учун тоифангиз 2-тоифага туширилади.

🔝 Савол юбориш учун:

@Huquqshunos_xizmati_bot
@Huquqshunos_xizmati_bot

🔝 Каналга уланиш учун:

@Huquqshunos_xizmati
@Huquqshunos_xizmati

@Huquqshunos_xizmati: 89-савол

❓Педагогика коллежини бошланғич таълим йўналишини тугатганман. Ҳозирда давлат боғчасида тарбиячи ёрдамчиси бўлиб 1 ставкада 4 ойдан буён ишлаяпман. Саволим шуки 4 ойдан буён нопедагог ҳисобланиб ойлигим кам тўланяпти, мен эса педагогман ойлигимни тўлиқ берилар ва 4 ойлик тўланмай қолиб кетган маошимни ҳам тўлаб беришларини сўраяпман. Талабим қанчалик тўғри?

🔝 ҲУҚУҚШУНОС ЖАВОБИ:

🟣Мактабгача таълим вазирининг 2021 йил 30 декабрдаги 255-сонли “Ўзбекистон Республикаси Мактабгача таълим тизими ходимлари асосий лавозимларининг малака тавсифларини тасдиқлаш тўғрисида”ги буйруғига мувофиқ мактабгача таълим ташкилоти тарбиячи ёрдамчиси лавозимининг малака талаблари белгиланган.

🔺Унга кўра:

🟣мактабгача таълим йўналиши бўйича камида ўрта махсус педагогик маълумот;

🟣бошқа йўналиш бўйича ўрта махсус маълумотлилар мактабгача таълим йўналишидаги касбий қайта тайёрлов курсини ўтаган бўлиши лозим;

🟣амалий иш стажи талаб қилинмайди.

✔️Мана шу қоидага мувофиқ тарбиячи ёрдамчиси лавозими учун ўрта махсус маълумот талаби қўйилган.

✔️Яъни сиз мактабгача таълим ёналишини тамомлаган бўлсангиз мутахассислигиз тўғри келади. Сизни мутахассислигиз бошланғич таълим бўлганлиги учун мактабгача таълим ёналишида қайта тайёрловда ўқишиз керак. Кейин сизга мутахассис педагог ходимлар билан бир хил миқдорда ойлик иш хақи тўланади

🔝 Савол юбориш учун:

@Huquqshunos_xizmati_bot
@Huquqshunos_xizmati_bot

🔝 Каналга уланиш учун:

@Huquqshunos_xizmati
@Huquqshunos_xizmati