💬 Беҳбудий таваллудига 150 йил: жадидлар маорифи замонавий талқинда

Ўзбекистон касаба уюшмалари Федерацияси саройида Маҳмудхўжа Беҳбудий таваллудининг 150 йиллиги муносабати билан “Жадидлар ва Беҳбудий меросини ўрганишдаги янги ёндашувлар” мавзусида халқаро илмий-амалий конференция ўтказилди.

Конференцияда жадидшунос олимлар, таълим тизими, оммавий ахборот воситалари масъуллари, ёзувчи ва шоирлар, кенг жамоатчилик ҳамда хорижий давлатларнинг юртимиздаги дипломатик корпус вакиллари иштирок этди.

Тадбирда сўзга чиққанлар жадидларнинг бугунги кун таълими ва матбуоти ривожидаги роли, хусусан, Маҳмудхўжа Беҳбудийнинг ўзбек драмматургияси, публицистика жанрига қўшган ҳиссаси, фаол жамоат арбоби сифатидаги меҳнатлари ҳақида тўхталишди.

Маълумот учун: Маҳмудхўжа Беҳбудий “Самарқанд” газетаси ҳамда “Ойина” журналига асос солган.

Конференцияда Беҳбудий қаламига мансуб, илк ўзбек драмаси – “Падаркуш" пьесасидан саҳна кўриниш намойиш этилди.

Тадбирда бир гуруҳ масъулларга ташкилотчиларнинг Маҳмудхўжа Беҳбудий таваллудининг 150 йиллиги рамзи туширилган статуэтка ва эсдалик совғалари топширилди.

Telegram | Youtube | Facebook | Instagram | Медиабанк | Сайт