AOKA - Rasmiy kanali

📢 18 апрель, жума куни АОКАда ўтказилиши режалаштирилган брифинглар:

😉😉😉😉😉

⚫️Мавзу: Хорижга кетиш истагида бўлган фуқароларни мақсадли тайёрлаш йўналишида амалга оширилган маҳаллий ва халқаро таълим лойиҳалари
⚫️Вақти: 12:00
⚫️Иштирок этади: Азимжон Ҳусанов, Вазирлар Маҳкамаси хузуридаги Миграция агентлиги директори ўринбосари
😉😉😉😉😉

⚫️Мавзу: Юртимизда жисмоний тарбия ва спортни янада оммалаштириш мақсадида аҳолининг жисмоний тайёргарлигини аниқлаш борасида амалга оширилаётган ишлар
⚫️Вақти: 14:00
⚫️Иштирок этади: Нурбек Саломов, Спорт вазирлиги Ахборот хизмати раҳбари
😉😉😉😉😉

Telegram | Youtube | Facebook | Instagram | Медиабанк | Сайт

📔 Хоразм матбуоти, матбаачилик, ноширлик: тарихи ва бугуни

Ахборот ва оммавий коммуникациялар Агентлиги Хоразм вилояти бошқармаси томонидан ушбу номдаги китоб мутолаа севарларга тақдим этилди.

Тўпламда вилоятда ахборот соҳасида узоқ йиллар самарали меҳнат қилган, нашриёт-матбаа тизими, босма нашрлар, телевидение ва радио, кутубхоналарда фидокорона фаолият олиб борган фахрийлар ҳақида сўзланган. Шунингдек, Хоразм ҳудудида халққа ахборот етказиш ва зиё тарқатиш борасида олиб борилган ва олиб борилаётган кенг кўламли ишлар қайд этилган.

Асар ўқувчиларни Хоразм матбуотининг машаққатли тарихий йўли бўйлаб "саёҳат"га чорлайди. Солнома соҳанинг фидойи ва жонкуяр, заҳматкаш вакилларининг ўз даврида довруқли бўлган ижодлари билан таништиради.

Telegram |WhatsApp| Youtube | Facebook | Instagram | Медиабанк | Сайт

⚠️ Эски башоратларни унутиш вақти келди – Шерзод Асадов

1997 йилда ўз даврининг йирик геостратегларидан бири бўлган Збигнев Бжезинский ўзининг "Буюк шахмат тахтаси" китобида Фарғона водийсини геосиёсий кескинлик ўчоғига айланишини башорат қилган, айрим экспертлар эса ҳатто "порох бочкаси"га ўхшатган эди.

Дарҳақиқат, учта мустақил мамлакатга дахлдор бу қадимий ҳудудда яқин-яқингача шундай воқеалар рўй бердики, кўпчилик бу машъум башорат ҳақиқатдан унчалик ҳам йироқ эмаслигига ишонганди.

Аммо бугун биз бутунлай бошқача воқеликда яшамоқдамиз. Президент Шавкат Мирзиёевнинг узоқни кўра биладиган раҳбарлиги, тизимли ва чуқур ўйланган ислоҳотлари туфайли Фарғона водийсининг учта вилояти ва унинг юраги бўлмиш Андижон бутунлай ўзгариб кетди.

Эски башоратларни унутиш вақти келди. Эндиликда, шу жумладан уч давлат раҳбарларининг саъй-ҳаракатлари ва дўстлиги туфайли бугун Фарғона водийси "порох бочкаси" эмас, балки имкониятлар, фаровонлик, тинчлик, яхши қўшничилик ва бунёдкорлик маконига айланди.

Андижон, Фарғона ва Наманганга келсак, улар эртанги кунга ишонч ва кучли, адолатли Давлат раҳбарининг эътибори билан халқимиз нималарга қодир эканини исботламоқда.

Telegram |WhatsApp| Youtube | Facebook | Instagram | Медиабанк | Сайт

📢 17 апрель, пайшанба куни АОКАда ўтказилиши режалаштирилган тадбирлар:

😉😉😉😉😉

🗣 Брифинг

⚫️Мавзу: “Инсон” ижтимоий хизматлар марказлари томонидан 2025 йилнинг I чорагида аҳолига кўрсатилган хизматлар
⚫️Вақти: 10:00
⚫️Иштирок этади: Дилфуза Рўзметова, Президент ҳузуридаги Ижтимоий ҳимоя миллий агентлиги Ахборот хизмати раҳбари
😉😉😉😉😉

🗣 Матбуот анжумани

⚫️Мавзу: Ўсимликлар карантини ва ҳимояси агентлиги томонидан 2024 йилдаги амалга оширилган ишлар, жорий йилдаги устувор вазифалар
⚫️Вақти: 12:00
⚫️Иштирок этади: Ўсимликлар карантини ва ҳимояси агентлиги раҳбарияти

➡️ Матбуот анжуманига саволларни @Rasmiy_aloqabot га жўнатишингиз мумкин.
😉😉😉😉😉

❔ Тадбирларга ОАВ ходимлари таклиф этилади.

Telegram |WhatsApp| Youtube | Facebook | Instagram | Медиабанк | Сайт

Матбуот тадбирларида фактларни тақдим этиш ва ахборот хизматида сунъий интеллект имкониятларидан фойдаланиш

Бугун Энергетика вазирлиги ва тизим ташкилотлари Ахборот хизматлари раҳбарлари учун АОКА бўлим бошлиғи Нурали Орипов ҳамда Ахборот хизмати бўлими етакчи мутахассиси Мурод Файзиев иштирокида ўқув-тренинги ўтказилди.

Ўқув-тренингда Ахборот хизматлари фаолиятида долзарб масалалардан бири – инқирозли вазиятларда самарали коммуникацияни қўлга қўйиш мавзуси юзасидан амалий-кўргазмали тушунтиришлар берилди.

Хусусан, инқирозли вазиятларда холис маълумот бериш баробарида очиқланиши лозим бўлган далилларни тақдим этиш мезонлари, журналистлар ва жамоатчилик саволларига тезкор муносабат билдириш, мутасадди идоралар билан ҳамкорлик қилиш ҳамда воқеликка аниқлик киритиш, раддия бериш ҳуқуқи ва бошқа муҳим жиҳатлар бўйича маълумотлар тақдим этилди.

Шунингдек, Ахборот хизматлари ишини енгиллатадиган сунъий интеллект имкониятларидан оқилона ва тўғри фойдаланиш бўйича маҳорат дарслари бўлиб ўтди.

Матн, фото ва видео контент билан ишлашда сунъий интеллектнинг "салоҳияти" кўрсатиб берилди.

📌Ахборот ва оммавий коммуникациялар агентлиги барча давлат органлари ва идоралари, шунингдек, маҳаллий ҳокимликлар Ахборот хизматлари фаолиятини самарали ташкил этиш ва яхшилаш борасида амалий кўмак бериш, матбуот котиблари малакасини ошириш ишларини давом эттиради.

Telegram | Youtube | Facebook | Instagram | Медиабанк | Сайт

✅ Айни дамда II Марказий Осиё медиа форуми доирасида Остонада бўлиб турган АОКА директори Асаджон Ходжаев Қозоғистон Республикаси Маданият ва ахборот вазири Аида Балаева билан икки томонлама учрашув ўтказди.

✅ Учрашувда томонлар Марказий Осиё минтақасида ягона ахборот платформасини янада мустаҳкамлаш тарафдори эканликларини таъкидлашди.

✅ Шунингдек, ўзбек-қозоқ давлат раҳбарларининг ташрифлари давомидаги келишувларда белгиланган вазифа ва тадбирлар ижроси юзасидан амалга ошириладиган ишлар муҳокама қилинди.

✅ Учрашувда томонлар ахборот соҳасида ҳамкорлик ва амалий ўзаро мулоқотни кенгайтириш мақсадида ОАВ ва медиадаги барча йўналиш ва тармоқларда шерикликда ишлашни акс эттирувчи "Истаклар тўғрисида"ги Баённомани имзолашди.

📌 Келажакда ушбу баённома, қозоқ-ўзбек теле-, радиоэшиттиришларини узатиш, ОАВ вакилларининг тажриба алмашиши, икки давлат маданияти, тарихи, миллийлигини кенг тарғиб қилиш, дезинформацияларга қарши курашишда самарали механизм бўлиб хизмат қилади.

✅АОКА директори Асаджон Ходжаев Форум доирасида Озарбайжон Республикаси Медиани ривожлантириш агентлигининг ижрочи директори Ахмед Исмайлов билан ҳам учрашув ўтказди.

✅ Учрашувда Озарбайжонда бўлиб ўтадиган Медиа форумга тайёргарлик масалалари юзасидан ўзаро фикр-таклифлар алмашилди.

📌 Остонада бўлиб ўтаётган Медиа форум эртага ўз ишини якунлайди.

Telegram | Youtube | Facebook | Instagram | Медиабанк | Сайт

💬 Бугун ёшлар телефон билан ухлаб телефон билан уйғонади – Асаджон Ходжаев

Бугун Остона Шаҳрида II Марказий Осиё медиа форуми ўз ишини бошлагани ҳақида хабар қилинди.

Медиа форум очилишида Қозоғистон Республикаси Маданият ва ахборот вазири Аида Балаева, Ахборот ва оммавий коммуникациялар агентлиги директори А.Ходжаев, Озарбайжон Республикаси Медиани ривожлантириш агентлигининг ижрочи директори Ахмед Исмайлов, Қирғизистон Республикаси Маданият, ахборот, спорт ва ёшлар сиёсати вазири ўринбосари Марат Тагаев, Тожикистон Республикаси ҳукумати ҳузуридаги Телевидение ва радиоэшиттириш қўмитаси раиси ўринбосари Ализода Сухроб ҳамда Марказий Осиё давлатлари медиа экспертлари, жамоатчилик фаоллари иштирок этди.

Тадбирда медиа оламининг глобал муаммолари, устувор масалалари, ҳал этилиши лозим бўлган чора-тадбирлар юзасидан фикр-мулоҳазалар билдирилди.

Сўзга чиққан АОКА директори Асаджон Ходжаев бугунги кунда ёшларнинг Интернет тармоқларидаги ижтимоий платформаларда фаоллиги, бунинг салбий ва ижобий жиҳатлари ҳақида тўхталди:

Марказий Осиё минтақасини нима бирлаштиради? Қандай ғоялар, қадриятлар? Халқаро ҳамжамиятга нима етказмоқчимиз? Биз бир-биримизни ўзаро бойитиш орқали ривожланишимиз мумкин. Албатта, ижтимоий тармоқларнинг ўзига хос хусусиятлари бор. Ёшлар орасида видео контент ривожланмоқда. Ўзбекистон аҳолисининг 60 фоиздан ортиғини ёшлар ташкил этади. Смартфон уларнинг кўпчилиги ҳаётининг муҳим қисмига айланган. Ҳатто телефонда ухлаб, телефонда уйғонади, деди Асаджон Ходжаев сўзи давомида.

АОКА директори нутқида ижтимоий платформалардаги видео контентларни ёшларнинг тарбиясига, туризмни ривожлантириш, таълим тизимини такомиллаштиришга йўналтириш лозимлигини таъкидлади.

Онлайн платформалардаги контентлар фуқароларимиз ҳаётида таълим ва тарбия бериш функциясини бажариши керак. Ижтимоий тармоқларда кўплаб бузғунчи контентни кўряпмиз. Уларнинг сони камаймаяпти, аксинча, кўпаймоқда. Биз ёшларимизни тажовузкор, ноқонуний контентдан ҳимоя қилишимиз керак. Биргаликдаги саъй-ҳаракатларимиз туфайли фуқароларимизни маънавий ва илмий жиҳатдан ривожлантирадиган таълим контентини ривожлантиришимиз керак, деди Асаджон Ходжаев.

Эслатиб ўтамиз Медиа форум эртага маҳорат дарслари билан давом этади.

Telegram | Youtube | Facebook | Instagram | Медиабанк | Сайт

❔ II Марказий Осиё медиа форуми: ахборот соҳасида қандай янги ташаббуслар илгари сурилмоқда?

Жорий йилнинг 16-17 апрель кунлари Остона шаҳрида (Қозоғистон) Марказий Осиё давлатларининг ахборот етакчилари иштирокида "Глобал ўзгаришлар даврида Марказий Осиё: Медиа стратегик ривожланиш воситаси сифатида" мавзусида II Марказий Осиё медиа форуми бўлиб ўтмоқда.

Медиа форумнинг биринчи иш куни Марказий Осиё давлатлари ахборот соҳаси етакчиларининг ишчи учрашуви билан бошланди. Учрашувда ҳар бир мамлакатда ахборот сиёсатини такомиллаштириш ҳамда ҳамкорлик доирасида амалга оширилаётган ишлар юзасидан маърузалар тақдим этилди.

Жумладан, Ахборот ва оммавий коммуникациялар агентлиги директори Асаджон Ходжаев ўз нутқида рақамли медиа тараққиёти фонида Марказий Осиё давлатларининг ўзаро ҳамкорлиги ва ахборот алмашинувини мустаҳкамлаш зарурати ҳақида таъкидлаб ўтди:

Замонавий дунёда рақамли технологияларнинг ривожланиши оммавий ахборот воситаларининг жамоатчилик фикри ва онгини шакллантиришдаги таъсирининг мисли кўрилмаган даражада ошишига олиб келди. Бу, айниқса, аҳолисининг 60 фоизини ёшлар ташкил этадиган Марказий Осиё мамлакатларига тааллуқлидир. Агар биз ёшлар билан тизимли иш олиб бормасак, уларга ўз мақсадимиз ва холис маълумотларимизни етказмасак, буни биз учун бошқалар қилади.

АОКА директори Асаджон Ходжаев рақамли муҳитни тартибга солишда онлайн платформалар мониторинги ва қонунчиликка риоя қилинишини назорат қилишнинг аҳамияти борасида тўхталиб, Ўзбекистон қўшни Қозоғистонда қабул қилинган "Онлайн платформалар ва онлайн реклама тўғрисида"ги қонун ва ушбу йўналишдаги тажрибаларни пухта ўрганаётганлигини қайд этди.

Ушбу қонун Қозоғистондаги онлайн платформалар, жумладан, ижтимоий тармоқлар, мессенжерлар ва фойдаланувчилар аккаунт очиши ҳамда контент жойлаштириши мумкин бўлган бошқа интернет-ресурслар фаолиятини тартибга солади.

Ҳозирги кунда Ўзбекистонда онлайн платформалар ва веб-сайтлар фаолиятини тартибга солиш бўйича Қозоғистоннинг тажрибаси ўрганилмоқда. Бу Интернетда хавфсиз муҳитни яратиш, мамлакатимиз фойдаланувчиларининг онлайн макондаги ҳуқуқларини ҳимоя қилиш борасидаги саъй-ҳаракатларнинг ажралмас қисмидир, деди Асаджон Ходжаев сўзи давомида.

Ишчи учрашувда Марказий Осиё давлатларининг ахборот соҳасида истиқболли ҳамкорликни кенгайтириш юзасидан таклиф-мулоҳазалар билдирилди. АОКА директори Асаджон Ходжаев бу борада қирғиз, тожик ва туркман мамлакатлари билан "Йўл харитаси" ҳамда "Мулоқот режалари"ни ишлаб чиқиш; минтақада институционал ва ҳуқуқий-норматив базани мустаҳкамлаш, ахборот вазирларининг доимий учрашувлари механизмларини йўлга қўйиш; давлатлараро мунтазам теле- ва радио репортажлар, шунингдек, маҳаллий каналларни узатишни; матбуот котибларининг ўзаро тажриба алмашиши ва малака оширишини ташкил этиш ташаббусларини илгари сурди.

Биз Марказий Осиё мамлакатлари қардош халқларни жипслаштиришга қаратилган бундай лойиҳалар устида биргаликда ишлашни давом эттиришлари зарурлигига қатъий ишонамиз.

Энг муҳими, ҳали ишга солинмаган ҳамкорлик салоҳиятимиз жуда катта, деди Асаджон Ходжаев.

Ишчи йиғилишдан сўнг Медиа форумнинг очилиш маросими бўлиб ўтди. Форум панел-сессияларда ўз ишини давом эттирмоқда.

Telegram | Youtube | Facebook | Instagram | Медиабанк | Сайт

📢 16 апрель, чоршанба куни АОКАда ўтказилиши режалаштирилган брифинглар:

😉😉😉😉😉

⚫️Мавзу: Ижро этиш соҳасини рақамлаштириш - коррупцион ҳолатларининг олдини олишнинг муҳим омили
⚫️Вақти: 12:00
⚫️Иштирок этади: Фаррух Тошпўлатов, Бош прокуратура ҳузуридаги Мажбурий ижро бюроси Ахборот хизмати раҳбари
😉😉😉😉😉

⚫️Мавзу: “Ўзкомназорат” инспекцияси томонидан 2025 йилнинг биринчи чораги давомида амалга оширилган ишлар
⚫️Вақти: 14:00
⚫️Иштирок этади: Рухсора Машарипова, “Ўзкомназорат” инспекцияси Ахборот хизмати раҳбари
😉😉😉😉😉

Telegram | Youtube | Facebook | Instagram | Медиабанк | Сайт