AOKA - Rasmiy kanali


Channel's geo and language: Uzbekistan, Uzbek


Ўзбекистон Республикаси Президенти Администрацияси ҳузуридаги Ахборот ва оммавий коммуникациялар агентлиги расмий канали.
▫️Facebook: https://www.facebook.com/aoka.uz/
▫️Instagram: https://www.instagram.com/aoka_uz/
🌐 https://aoka.uz

Related channels  |  Similar channels

Channel's geo and language
Uzbekistan, Uzbek
Statistics
Posts filter


Ёшликнинг орзуларга тўла қизғин, шижоатли, шўх, ҳаёт ташвишларидар холи пайти - мактаб даврига тўғри келади.

Бугун ҳар ким ўқувчилик чоғларини, устозларини, орзуларини беихтиёр эсга олади.

25 май - “Сўнгги қўнғироқ”куни рамзий маънода битирувчи ўқувчилар учун “мақсадлар эшиги” ҳисобланади. Битирувчи ёшлар комилликнинг аниқ қарорлар ва ечимлар қабул қилиш босқичига ишонч билан кўтараладилар.

АОКА жамоаси мамлакатимизнинг барча таълим муассасалари битирувчиларини қутлайди! Қандай йўналиш ёки касбни танламанг, у Сизнинг юксак марралардаги йўлингиз! Муваффақият, омад, зафар, натижа ва самарадорлик сизни кутмоқда. Дадил олға қадам ташланг! Ватанимиз тараққиётига хизмат қиладиган муносиб фарзанд бўлишингизга ишонамиз!

Telegram | Youtube | Facebook | Instagram | Медиабанк | Сайт


Video is unavailable for watching
Show in Telegram
🇺🇿 🇹🇯 Ўзбек-тожик муносабатлари нашриёт-матбаа ва ахборот-кутубхона соҳаларида янада мустаҳкамланмоқда

Қардош халқ билан икки томонлама маданий-ижтимоий муносабатларни ривожлантириш, ўзаро ҳамкорлик қирраларини кенгайтириш мақсадида жорий йилнинг 19-25 май кунлари бир гуруҳ тожикистонлик ноширлик ва матбаа соҳаси вакиллари юртимизда тизимдаги янгиликлар ва ислоҳотларни ўрганиш ва тажриба алмашиш учун ташриф буюрди.

Ташриф дастурига мувофиқ тожикистонлик делегация аъзолари “Kolor Pak”, "Standart poligraf service" матбаа корхоналари, Алишер Навоий номидаги Миллий кутубхона, "Ўзбекистон нашриёти" давлат унитар корхонаси, “Hilol” нашриёт-матбаа мажмуаси, “Akademnashr”, "Yangi asr avlodi", “Asaxiybooks” нашриёти ва яна кўплаб хусусий нашриётлар фаолияти билан яқиндан танишишди.

Нашриёт-матбаа муассасалари фаолияти билан танишишда делегация аъзоларига матбаа дастгоҳлари, технологик ускуналар, матбаачиликнинг замонавий усулларидан фойдаланиш, ноширлик маҳсулотларига қўйилган техник регламент ва давлат стандартлари ҳамда тайёр маҳсулот нусхаларини чоп этиш сифатини баҳолаш усуллари батафсил таништирилди.

Шунингдек, интернет орқали китоблар савдолари, чекка ҳудудларга етказиб бериш хизматлари, жаҳон адабиётидан энг сара асарларни ўзбек тилига таржима қилиш, электрон ва аудиокитобларни сотувини йўлга қўйиш ва ривожлантириш борасида ҳам амалга оширилаётган ишлар ҳақида маълумот берилди.

Амалий-назарий учрашувлар якунида тожикистонлик делегация аъзоларига сертификатлар тақдим этилди.

Telegram | Youtube | Facebook | Instagram | Медиабанк | Сайт


🌐 Медиа макон: дунё янгиликлари

⚡️ Meta сунъий интеллект ёрдамчисининг пуллик версияси устида ишламоқда;

⚡️ Хитой Киберфазо маъмурияти Президент Си Цзинпиннинг баёнотлари ва бошқа расмий адабиётлар асосида янги чат-ботни ишга туширди;

⚡️ Google Африка ва Австралияни боғлайдиган биринчи сув ости оптик толали кабелини ётқизишни режалаштирмоқда;

⚡️ База пользователей TikTok фойдаланувчилар базаси "кексайиб бормоқда", бу эса илова бизнеси учун ижобий таъсир кўрсатмоқда;

⚡️ Марк Цукерберг сунъий интеллект маҳсулотлари бўйича маслаҳат кенгашини тузди;

⚡️ FCC раиси радио ва телевидениедаги сиёсий рекламаларда сунъий интеллект ёрдамида яратилган контентни очиқлаш бўйича талабларни таклиф қилди;

⚡️ Meta сунъий интеллектни ўқитиш тўғрисидаги маълумотлар учун ОАВ ноширларга пул тўлаш имкониятини кўриб чиқмоқда;

⚡️ Сунъий интеллект асосидаги Google шарҳларида тез орада рекламалар намойиш этилади;

⚡️ Meta компанияси Google ва OpenAI каби янгиликлар ноширлари билан битимларни муҳокама қилишнинг дастлабки босқичида;

⚡️ 10 йилдан буён фаолият кўрсатиб келган қарийб 40% веб-саҳифалар эндиликда мавжуд эмас;

⚡️ OpenAI "The Wall Street Journal" нашри билан шартнома имзолади;

⚡️ Meta компаниясининг Ray-Ban ақлли кўзойнаклари Instagram'да сторизлар жойлаш имконини беради.
〰️〰️〰️〰️〰️

Telegram | Youtube | Facebook | Instagram | Медиабанк | Сайт


📱 Ахборот хизматлари ходимларининг медиа контентларида хатоликлар ва камчиликлар: мобилография имкониятларини кенг қўллаш усуллари

Самарқанд вилояти Матбуот уйида шаҳар ва туман ҳокимликлари, давлат ташкилотлари, олий таълим муассасалари ахборот хизмати раҳбарлари ҳамда уларнинг операторлари (техник ходимлари) учун “Амалга оширилаётган ислоҳотларни аҳолига етказиш, бунда ОАВ ва интернет тармоғидан фойдаланиш даражасини ўрганиш натижалари” мавзусида ўқув-семинари бўлиб ўтди.

Ўқув-семинар оффлайн ва онлайн шаклда, АОКА ходимлари, вилоят АОК бошқарма раҳбарияти ва мутасаддилари, Журналистлар уюшмаси вилоят бўлими бошлиғи, ҳудудий нашрлар бош муҳаррирлари ва мухбирлари иштирокида ўтказилди.

Машғулотда Интернет тармоғидан манба сифатида фойдаланишда эътибор қаратиш шарт бўлган жиҳатлар;

Ахборот тақдим этишда холислик тамойилига риоя қилиш, ишончли ва даллиларга асосланган маълумотларни тезкор ва сифатли тақдим этиш;

Мобил қурилмада тасвир ҳамда видеога олиш ва монтаж қилиш усуллари;

Ахборот олиш, уни сақлаш, қайта ишлаш ва тарқатиш юзасидан фикр-мулоҳазалар алмашилди.

АОКА Ахборот хизмати мутахассиси Муроджон Файзиев ахборот хизмати ходими томонидан тайёрланган видеоматериаллар, уларни тайёрлашда йўл қўйилаётган камчиликлар ва нуқсонларнинг таҳлили бўйича маҳорат дарси тақдим этди.

Таҳлилий материаллар ва бевосита жонли тақдимотлар асосида ташкил этилган ўқув семинари соҳа масъуллари учун малака ва кўникмаларни ошириш, тажриба алмашишда амалий мактаб вазифасини ўтади.

Telegram | Youtube | Facebook | Instagram | Медиабанк | Сайт


📣 24 май, жума куни АОКАда ўтказилиши режалаштирилган тадбирлар:

😉😉😉😉😉

🗣 Матбуот анжумани

⚫️М
авзу: Истиқболли лойиҳалар миллий агентлиги фаолиятининг устувор йўналишлари, крипто-активлар айланмаси, капитал бозори, суғурта, электрон тижорат соҳалари таҳлили
⚫️Вақти: 12:00
⚫️Иштирок этади: Истиқболли лойиҳалар миллий агентлиги раҳбарияти

➡️ Матбуот анжуманига саволларни @Rasmiy_aloqabot га жўнатишингиз мумкин.
😉😉😉😉😉

🗣 Матбуот анжумани

⚫️Мавзу: Мактабгача ва мактаб таълими вазирлиги тизимидаги таълим муассасалари педагогларини малака (тест) синовларидан ўтказиш якунлари
⚫️Вақти: 14:00
⚫️Иштирок этади: Мактабгача ва мактаб таълими вазирлиги раҳбарияти

➡️ Матбуот анжуманига саволларни @Rasmiy_aloqabot га жўнатишингиз мумкин.
😉😉😉😉😉

🗣 Брифинг

⚫️Мавзу: “Сўнги қўнғироқ” байрам тадбирлари муносабати билан жамоат тартибини сақлаш борасида кўрилаётган чоралар
⚫️Вақти: 15:00
⚫️Иштирок этади: Музифа Султонова, ИИВ Жамоат хавфсизлиги департаменти ахборот хизмати раҳбари
😉😉😉😉😉

🗣 Брифинг

⚫️Мавзу: "Кичик бизнесни узлуксиз қўллаб-қувватлаш" комплекс дастури доирасида амалга оширилаётган ишлар
⚫️Вақти: 16:00
⚫️Иштирок этади: Шуҳрат Орипов, "Бизнесни ривожлантириш банки"  АТБ ахборот хизмати раҳбари
😉😉😉😉😉

Тадбирларга ОАВ ходимлари таклиф этилади.

Telegram | Youtube | Facebook | Instagram | Медиабанк | Сайт


🌐 Медиа макон: дунё янгиликлари

⚡️ Тадқиқотларга кўра, келажакда руҳий бузилиш белгилари ижтимоий тармоқлардан фойдаланишнинг салбий жиҳатларини акс эттириши мумкинлиги смартфонларнинг ўсмирларда руҳий саломатлик инқирозини келтириб чиқаради, деган фикрни рад этади;

⚡️ Франция ҳукумати сайлов тўғрисидаги янги қонунга қарши протестларга жавобан хориждаги ҳудудларидан бири Янги Каледонияда TikTokни блоклади;

⚡️ Ҳиндистон сайловларида сиёсий номзодлар томонидан сайловчилар эътиборини жалб қилиш мақсадида фойдаланилаётган сохта аудио ва видеолар янада кўпаймоқда;

⚡️ Google DeepMind сунъий интеллект моделларининг потенциал хавфли имкониятларини баҳолаш учун *фреймворк (*дастурли тизим тузилишини аниқлайдиган дастур платформаси) яратди ва 2025 йилгача аудит воситаларини жорий этишни режалаштирмоқда;

⚡️ Meta сунъий интеллектдан фойдаланган ҳолда Ҳиндистондаги сайловлар ҳақида дезинформация тарқатувчи ва диний зўравонликни қўзғатувчи бир қатор сиёсий рекламаларни маъқуллади;

⚡️ Саккиз нафар TikTok иловаси блогери АҚШ ҳукуматини сотиш ёки тақиқлаш тўғрисидаги қонун бўйича судга берди, уларга кўра ушбу қонун блогерларнинг Бирламчи тузатиш ҳуқуқларини бузади;

⚡️ Сохта тадқиқотлар оқими етакчи илмий журналларнинг миллионлаб доллар сарфлашига, шу билан бирга минглаб раддияларга сабаб бўлмоқда;

⚡️ Google Cloud тасодифан пенсия жамғармаси маълумотларини ўчириб ташлади;

⚡️ Европа Комиссияси Microsoft рақиб жамоалар манфаатларига путур етказаётгани сабабли янги антимонополия айбловларини қўйишга тайёрланмоқда;

⚡️ Моди ҳукумати томонидан цензурага дуч келмаслик учун YouTube платформасида постлар эълон қилишни бошлаган ҳиндистонлик журналистлар эндиликда уларни блоклашаётгани ёки демонетизациялашаётганидан шикоят қилишмоқда;

⚡️ Google қидирув тизими сунъий интеллект томонидан яратилган жавоблардан фойдаланар экан, ўз бизнесини юритишда қидирув трафигига таянадиган ижодкорлар ва ноширлар йўқ бўлиб кетиш эҳтимоли бор.
〰️〰️〰️〰️〰️

Telegram | Youtube | Facebook | Instagram | Медиабанк | Сайт


Ноширлик-матбаа тизимидаги камчиликлар: қандай ечим ёки чоралар зарур?

АОКАда “Ноширлик фаолияти тўғрисида”ги Қонун ижроси юзасидан Олий Мажлис Сенатининг Ахборот сиёсати ва давлат органларида очиқликни таъминлаш масалалари қўмитасининг мажлиси бўлиб ўтганлиги хабар қилинган эди.

АОКА ва бошқа мутасадди ташкилотлар қўллаб-қувватлаши ва мониторинги асосида мамлакатимизда ноширлик ва матбаа тизимини ривожлантириш, уларнинг фаолиятига янги, инновацион, замонавий технологияларни жорий қилиш, мавжуд камчилик ва бўшлиқларни бартараф этишда комплекс чора-тадбирлар ишлаб чиқиш ва уларнинг амалга оширилиши жадаллаштириш юзасидан тизимли ишлар амалга оширилмоқда.

Бироқ, муайян муаммолар борки, уларни ҳал қилишда ҳукумат даражасидаги қарорлар ва ижро интизоми жорий қилинишини тақозо этади.

"Халқ сўзи" нашрида Олий Мажлис Сенатининг Ахборот сиёсати ва давлат органларида очиқликни таъминлаш масалалари қўмитасида доимий асосда ишловчи сенатор Маҳмуджон Парпиевнинг ушбу масала юзасидан фикр-мулоҳазалари бўйича мақола чоп этилган. Мақолада келтирилишича:

⚡️Контрафакт ва ностандарт матбаа маҳсулотларининг айланмаси билан боғлиқ ҳолатлар кўпаймоқда;

⚡️тайёр китобларни олиб кириш ва реализация қилишда миллий, умуминсоний қадриятларга путур етказиши мумкин бўлган омиллар мавжуд;

⚡️чоп қилинаётган китобларда имловий ва услубий хатолар кўп учрамоқда;

Умуман, ноширлик, матбаачилик ва китобхонлик йўналишида салмоқли иш
ла
р амалга оширилмоқда. Олдимизда турган вазифалар янада залворли. Бу эса нафақат мутасаддилар, айни чоғда биз, халқ вакилларидан ҳам катта масъулият талаб қилади, дейди муаллиф сўзи якунида.

Telegram | Youtube | Facebook | Instagram | Медиабанк | Сайт


📢 23 май, пайшанба куни АОКАда ўтказилиши режалаштирилган брифинглар:

😉😉😉😉😉

⚫️Мавзу: Аҳолини ичимлик суви билан таъминлаш: амалга оширилаётган ишлар, ечимини кутаётган масалалар ва истиқболдаги режалар
⚫️Вақти: 12:00
⚫️Иштирок этади: Акмал Муродов, "Ўзсувтаъминот"АЖ ахборот хизмати раҳбари
😉😉😉😉😉

⚫️Мавзу: Ўрмонларни муҳофаза қилиш соҳасида амалга оширилган ишлар
⚫️Вақти: 14:00
⚫️Иштирок этади: Даврон Равшанов, Ўрмон хўжалиги агентлиги бошқарма бошлиғи
😉😉😉😉😉

Telegram | Youtube | Facebook | Instagram | Медиабанк | Сайт


Video is unavailable for watching
Show in Telegram
#avtomobilsizkun

🚘 Ҳар ойнинг тўртинчи чоршанбаси "Автомобилсиз кун" сифатида АОКА ходимлари учун анъанага айланди.

Telegram | Youtube | Facebook | Instagram | Медиабанк | Сайт


📣 22 май, чоршанба куни АОКАда ўтказилиши режалаштирилган тадбирлар:

😉😉😉😉😉

🗣 Брифинг

⚫️М
авзу: Uzbekistan Airways томонидан "Ҳаж-2024" мавсумига кўрилаётган тайёргарлик масалалари
⚫️Вақти: 10:00
⚫️Иштирок этади: Дилором Каимбаева, “Uzbekistan Airways” АЖ ахборот хизмати раҳбари

😉😉😉😉😉

🗣 Матбуот анжумани

⚫️Мавзу: Давлат хизматлари ва ФҲДЁ соҳасидаги сўнгги янгиликлар, соҳада амалга оширилаётган ишлар таҳлили
⚫️Вақти: 12:00
⚫️Иштирок этади: Адлия вазирлиги раҳбарияти

➡️ Матбуот анжуманига саволларни @Rasmiy_aloqabot га жўнатишингиз мумкин.
😉😉😉😉😉

🗣 Брифинг

⚫️Мавзу: Ўзбекистонда инсон ҳуқуқлари соҳасидаги халқаро мажбуриятларига риоя қилиниши ҳолати
⚫️Вақти: 14:00
⚫️Иштирок этади: Ғулом Мирзаев, Инсон ҳуқуқлари бўйича Ўзбекистон Республикаси Миллий маркази ахборот хизмати раҳбари
😉😉😉😉😉

🗣 Брифинг

⚫️Мавзу: Геология соҳасини истиқболли ривожлантириш ҳамда олиб борилаётган геология-қидирув ишларини янада жадаллаштиришга қаратилган минерал хомашё базасини ривожлантириш ва қайта тўлдириш дастури ижроси
⚫️Вақти: 15:00
⚫️Иштирок этади: Анвар Намозов, Тоғ-кон саноати ва геология вазирлиги масъул ходими
😉😉😉😉😉

Тадбирларга ОАВ ходимлари таклиф этилади.

Telegram | Youtube | Facebook | Instagram | Медиабанк | Сайт


🌐 Медиа макон: дунё янгиликлари

⚡️ TikTok иловасининг бош компанияси ByteDance ҳозирда Хитойда сунъий интеллект чат-ботига эга;

⚡️ Интернетда Хитой тарафдорлари бўйича дезинформациялар ва пропагандани тарқатувчи кўплаб сохта хабарлар пайдо бўлди;

⚡️ Тадқиқотлар инсон ҳис-туйғуларини такрорлаши мумкин бўлган сунъий интеллектни осонгина чалғитиш мумкинлигини кўрсатмоқда, чунки ҳис-туйғуларни ифодалашнинг универсал усуллари мавжуд эмас;

⚡️ АҚШ расмийлари Хитой таъмирлаш кемалари Интернет-трафикни узатувчи сув ости кабелларининг ишлашига халақит бераётганидан хавотирда;

⚡️ Тажрибага кўра чат-ботлар сайловлар тўғрисида дезинформацияларни тарқатишда осонгина бошқарилиши мумкин;

⚡️ Марк Цукербергнинг сунъий интеллект пойгасида ғалаба қозониш режасиMeta технологиясини бепул беришдир, бундан кўзланган мақсад рақобатчилар нархларини пасайтириш ва унинг технологияларидан кенгроқ фойдаланишни таъминлаш;

⚡️ OpenAI сиёсий рекламада федерал номзодлар билан боғлиқ сунъий интеллект ёрдамида яратилган контентдан фойдаланишни тақиқловчи қонун лойиҳасини қўллаб-қувватлайди;

⚡️ Сингапурлик ёзувчилар ва ноширлар ҳукуматнинг ўз ишларини бажариш учун сунъий интеллектни ўқитиш режасини рад этишмоқда;

⚡️ Стартап қушларни шамол турбиналаридан ҳимоя қилишда сунъий интеллектдан фойдаланмоқчи.
〰️〰️〰️〰️〰️

Telegram | Youtube | Facebook | Instagram | Медиабанк | Сайт


📔 Миллий кутубхонада «Тонг юлдузи» ёритган олам» номли китоб тақдимоти бўлиб ўтди

АОКА, Мактабгача ва мактаб таълими вазирлиги, Ўзбекистон Миллий кутубхонаси, «Тонг юлдузи» газетаси ҳамкорлигида таҳририятнинг 95 йиллиги муносабати билан «Тонг юлдузи» ёритган олам» китоби тақдимоти ҳамда узоқ йиллар газетада фаолият юритган фотограф Равил Албековнинг ижодига мансуб 40 дан ортиқ расмлар кўргазмаси ўтказилди.

Тадбирда сўзга чиққанлар «Тонг юлдузи» нашрининг салкам бир асрлик фаолияти давомида болалар ва ўсмирлар ижодининг ёрқин кўзгуси бўлганини таъкидлашди. Шунингдек, турли рукнларда таълим жараёнлари, китобхонликни тарғиб қилиш, таниқли шахсларнинг болалик хотиралари, аудитория тафаккури ва мантиқий фикрлашини оширадиган бошқотирма ва ҳоказоларнинг доимий ёритилиши таҳририятнинг ўзига хос услуби, мактабининг узоқ йиллар давомида сақланиб қолишида хизмат қилаётганини қайд этишди.

Мазкур китобдан «Тонг юлдузи» газетасида салкам бир аср давомида чоп этилган насрий ва назмий мақолалар, таниқли ёзувчи ва шоирларнинг ўқувчилик даврларидаги унутилмас ёдномалари ўрин олган.

АОКА директори ўринбосари Ғ.Бозоров тадбир иштирокчиларини қутларкан, «Болалар учун келгусида етук асарларнинг яратилишида, хусусан, давлатимиз раҳбари томонидан соҳа вакиллари, ижодкорлар зиммасига қўйилаётган муҳим масалалар ижросининг таъминланишида «Тонг юлдузи» газетаси, шунингдек, «Ғунча», «Гулхан»журналлари ёш ижодкорларни кашф этиш ва тарбиялаш йўналишидаги фаолияти билан муҳим аҳамият касб этади», деди сўзи давомида.


Тақдимот давомида газетада узоқ йиллар меҳнат қилган бош муҳаррирлар, фаол муаллифлар, шу жумладан, ўқувчи-ёшлар ва ҳамкорлар фахрий ёрлиқ ва эсдалик совғалари билан тақдирланди.

Маълумот учун: «Тонг юлдузи» газетаси 2023 йилда «Олтин қалам» ХVII Миллий мукофоти учун халқаро танловининг «Энг яхши журналистик материал учун» номинацияси бўйича 3-ўринни эгаллаган, шунингдек, «Инсон ҳуқуқлари ҳимояси учун» кўкрак нишони билан мукофотланган.

Telegram | Youtube | Facebook | Instagram | Медиабанк | Сайт


💬 Ижтимоий тармоқлар давлат томонидан тартибга солиниши керакми?

🔘"Pew Research" маркази тадқиқотларида ушбу саволга жавоб излайди

〰️〰️〰️〰️〰️

Узоқ йиллар давомида Meta компанияси ижтимоий тармоқларнинг давлат томонидан тартибга солиниши заруратини таъкидлаб келган.

COVID пандемияси даврида айниқса, бу борадаги муҳокама ва мунозаралар кучайиб кетди.

Аслида Meta, X ва бошқа платформалар фойдаланувчилар фикрини назорат қилмасликни афзал билишади, бироқ реклама берувчиларнинг кутилмалари ва ҳукумат томонидан ўрнатилган қоидалар баъзи ҳолларда давлат томонидан бошқарувни талаб этади.

Pew Research маркази томонидан ўтказилган янги тадқиқотга кўра америкаликларнинг аксарияти ижтимоий платформалар ҳукумат томонидан тартибга солиниши керак, деб ҳисоблайди.

Марказ тадқиқотлари хулосасида келтирилишича, ҳукумат ижтимоий тармоқларни тартибга солиш бўйича масъулиятни зиммасига олиши лозим. Агар тартибга солувчи органлар ижтимоий тармоқлар кучи ва таъсирини "тан оладиган" қоидаларни жорий эта олса, улар ҳам худди шу тарзда модерация стандартларини қабул қилишга интилишлари керак бўлади.

Яъни мумкин бўлган ёки тақиқланган контентни жойлаш масалалари бўйича қарор мутасадди шахсга юкланади, сизнинг қўллаб-қувватлашингиз ёки норозилингиз эса "овоз бериш" сифатида ўз ифодасини топиши мумкин.

Марказ фикрича, бу идеал қарор бўлмаса-да, ёндашувларнинг ҳозирги фарқланишидан кўра яхшироқ ечим ҳисобланади.

Telegram | Youtube | Facebook | Instagram | Медиабанк | Сайт


📢 21 май, сешанба куни АОКАда ўтказилиши режалаштирилган брифинглар:

😉😉😉😉😉

⚫️Мавзу: Омбудсманга 2024 йил 1-чоракда фуқаролардан келиб тушган мурожаатлар ва уларни кўриб чиқиш натижалари
⚫️Вақти: 10:00
⚫️Иштирок этади: Фотима Мадраҳимова, Олий Мажлиснинг Инсон ҳуқуқлари бўйича вакили (омбудсман) ахборот хизмати раҳбари
😉😉😉😉😉

⚫️Мавзу: "Кучли зилзилалар таъсирида Тошкент шаҳрининг талофатланиш даражасини иқтисодий баҳолаш имконини берувчи рақамли симуляцион модели" ишга туширилиши юзасидан
⚫️Вақти: 12:00
⚫️Иштирок этади: Гулноза Шарафова, Фанлар академияси ахборот хизмати раҳбари
😉😉😉😉😉

⚫️Мавзу: "Ҳаж-2024" мавсумига кўрилаётган тайёргарлик масалалари
⚫️Вақти: 14:00
⚫️Иштирок этади: Илҳом Маърупов, Дин ишлари бўйича қўмитаси ахборот хизмати раҳбари
😉😉😉😉😉

Telegram | Youtube | Facebook | Instagram | Медиабанк | Сайт


🌐 Медиа макон: дунё янгиликлари

⚡️ Байден маъмурияти 2023 йил октябрь ойидаги ижро фармони билан боғлиқ бир қатор сунъий интеллект ташаббусларини эълон қилди;

⚡️ X иловаси эндиликда расман янги URL-манзилга эга бўлди;

⚡️ Threads энди Instagram ва Facebook дастурларидан мустақил равишда ёлғон контентни баҳолаш ва белгилаш имконини берадиган шахсий факт-текшируви дастурига эга;

⚡️Сунъий интеллект компаниялари энг йирик ва илғор моделлардан воз кечмоқда;

⚡️Барча тадқиқотчилар ва рекрутерлар сунъий интеллектдан фойдаланишмоқда, бу эса хаос ҳосил қилмоқда;

⚡️Сунъий интеллект томонидан яратилган янгиликлар Интернетни янада "бузмоқда";

⚡️Европа Иттифоқи Meta ижтимоий платформаларида болаларни гиёҳвандликдан ҳимоя қилиш учун етарлича ҳаракат қиляптими ёки йўқлигини аниқлаш учун компанияга нисбатан тергов бошлади.

Telegram | Youtube | Facebook | Instagram | Медиабанк | Сайт


📢 20 май, душанба куни АОКАда ўтказилиши режалаштирилган брифинглар:

😉😉😉😉😉

⚫️Мавзу: Олий суд Пленумининг “Маъмурий ҳуқуқбузарлик тўғрисидаги ишларни апелляция, кассация тартибида кўриб чиқишнинг айрим масалалари тўғрисида”ги Қарори мазмун-моҳияти
⚫️Вақти: 10:00
⚫️Иштирок этади: Азиз Обидов, Олий суд ахборот хизмати раҳбари
😉😉😉😉😉

⚫️Мавзу: Мамлакатимизда цемент, темир-бетон ишлаб чиқариш бўйича амалга оширилган ишлар таҳлили
⚫️Вақти: 12:00
⚫️Иштирок этади: Жамшид Шерметов, "Ўзсаноатқурилишматериаллари" уюшмаси ахборот хизмати раҳбари
😉😉😉😉😉

⚫️Мавзу: Камолиддин Беҳзод номидаги Шарқ миниатюра санъати музейи томонидан миллий меросимизни тарғиб этиш борасида олиб борилаётган амалий ишлар ва истиқболдаги режалар
⚫️Вақти: 14:00
⚫️Иштирок этади: Гулабза Қаршиева, Камолиддин Беҳзод номидаги Шарқ миниатюра санъати музейи директори
😉😉😉😉😉

Telegram | Youtube | Facebook | Instagram | Медиабанк | Сайт


Video is unavailable for watching
Show in Telegram
16-17 май кунлари Жиззах шаҳрида Central Asia – 2024”: Фан, таълим, маданият ва бизнесда Интернет ва ахборот-кутубхона ресурслари” XVII Халқаро конференцияси, ялпи мажлислар, шўъба йиғилишлари, “Ахборот-кутубхона аълочиси” кўкрак нишони билан тақдирлаш маросими бўлиб ўтди.

Халқаро конференция доирасидаги шўъба йиғилишларида “Энг фаол маърузачиларга Миллий кутубхона томонидан сертификатлар топширилди.

Тадбирлар ва йиғилишлар фотосуратларидан ушбу медиабанк орқали фойдаланишингиз мумкин.


Telegram | Youtube | Facebook | Instagram | Медиабанк | Сайт


📢 "Оммавий ахборот воситаларида эълон қилинган энг яхши материал" учун овоз беринг

Ўзбекистон Президентининг тегишли қарорига мувофиқ, Ахборот ва оммавий коммуникациялар агентлиги ҳамда Ўзбекистон Журналистлар уюшмаси томонидан эълон қилинган танлов юзасидан жорий йилнинг биринчи чорагида ОАВ ходимлари ва муаллифлар (ижодий гуруҳ аъзолари) тақдим этган 435 та мақола, шарҳ, журналистик суриштирув, интервью, видео-, аудио-, фотоматериаллар tanlovmedia.uz платформасига жойлаширилди.

Сиз 2024 йил 20 майдан 30 майга қадар (10 кун мобайнида) оммавий ахборот воситаларида эълон қилинган энг яхши материалларни аниқлаш учун мазкур платформа орқали овоз беришингиз мумкин.

📌 Ғолиблар қуйидаги йўналишларда аниқланади:

⚫️газета ва журнал (ахборотнома-бюллетень)ларда чоп этилган материаллар;

⚫️телеканалларда эфирга узатилган материаллар;

⚫️радиоканалларда эфирга узатилган материаллар;

⚫️веб-сайтларда эълон қилинган материаллар.

Ғолиб ва совриндорлар сизнинг овозингиз ҳамда экспертларнинг очиқ ва шаффоф усулдаги муҳокамаси асосида ҳакамлар ҳайъати томонидан аниқланади ва улар ташкилотчиларнинг расмий веб-саҳифаларида эълон қилинади.

Бефарқ бўлманг, овоз беринг! Сиз учун севимли журналист, бошловчи, мухбир, фотографни биргаликда тақдирлаймиз!

Telegram | Youtube | Facebook | Instagram | Медиабанк | Сайт

18 last posts shown.