Банкир

❗️Дам олиш кунлари қаердан доллар олса бўлади?

8 март байрамида ўзбекистонликлар кетма-кет 3 кун дам олади. Аммо бу вақт ичида ҳам банкларнинг валюта айирбошлаш ва пул ўтказмалари шохобчалари ишлашда давом этади:

🤩 Ipak yo'li bank
🤩 Milliy bank
🤩 "Biznesni rivojlantirish banki"
🤩 Agrobank
🤩 Hamkorbank
🤩 Trastbank
🤩 Turonbank
🤩 Aloqabank
🤩 Sanoatqurilishbank
🤩 Xalq banki
🤩 Asakabank
🤩 Infin bank
🤩 Ipoteka bank OTP group
🤩 Garant bank
🤩 Mkbank
🤩 Asia Alliance bank
🤩Orient Finans Bank
🤩Tenge bank

Банклар устига босиб қайси филиал ёки БҲМ ишлаши ҳақида батафсил билиб олишингиз мумкин.

Шунингдек, доллар олиш ёки сотиш учун банкоматлардан фойдаланса бўлади. Банкоматлар жойлашувини бу ердан аниқлаш мумкин.

@bankir

Банклар аёлларни банд қилишга ёрдам беради

Президент Шавкат Мирзиёев аёллар байрамига бағишланган маросимда нутқ сўзлади. Унда банклар ва тадбиркорлик соҳасида аёллар учун янги ташаббусларни маълум қилди.

⏺“Миллий банк” хизматлар соҳасида камида 200 минг;
⏺“Туронбанк” лимончиликда 150 минг;
⏺“Микрокредитбанк” паррандачиликда 160 минг;
⏺“Саноат қурилиш банк” сабзавот ва кўчатлар етиштиришда 160 минг;
⏺“Халқ банки” узум, брокколи ва маҳаллий карам етиштиришда 150 минг;
⏺“Агробанк” боғдорчилик йўналишида 144 минг;
⏺“Бизнесни ривожлантириш банки” кўкат, булғор қалампири, бақлажон ва помидор етиштиришда 94 минг;
⏺“Асакабанк” фармацевтика ва узумчиликда 82 минг;
⏺“Алоқабанк” ИТ, асаларичилик ва мевали экинлар етиштиришда 58 минг нафар аёлларни банд этишга кўмаклашади.

Шу мақсадда бу йил маҳаллаларда аёллар тадбиркорлиги лойиҳалари учун қўшимча 3,3 трлн сўм ажратилади.

Банклар маҳаллаларда ўзини ўзи банд қилган хотин-қизларга 50 млн сўмгача гаровсиз кредитлар ажратади.

Ўтган йили ташкил этилган “Ҳамроҳ” компанияси янги тизим асосида Тадбиркор аёлларни қўллаб-қувватлаш дастурини бошлаган эди. Бу лойиҳага ҳам 100 млн доллар ажратилади.

Кредитини вақтида тўлаган аёл тадбиркорларга ушбу дастур доирасида 100 млн сўмгача гаровсиз кредит беришни бошланади.

Шунингдек, маҳаллада 5 нафар аёлни бизнесга олиб кирган минг нафар “устоз” тадбиркорларга 50 млн сўмгача грант ажратилади.

Марказий банк банклар билан бирга икки ой муддатда банкларда хотин-қизлар учун янгича ёндашув асосида молиявий хизматларни йўлга қўйиш учун масъул бўлади.

Масалан, туғруқ таътилига чиққан аёллар учун банк кредитлари бўйича тўловлар муддати 10 ойгача узайтирилади.

Президент 2025 йил аёллар бандлигини таъминлашда ҳал қилувчи йил бўлишини таъкидлади.

@bankir

Қозоғистонда асосий ставка оширилди

Қозоғистон Марказий банки асосий ставкани 15,25 фоиздан 16,5 фоизгача кўтарди.

Марказий банк инфляцион хатарлар асосий ставкани оширишга сабаб бўлганини таъкидлаган. Феврал ойида мамлакатда инфляция 9,4 фоизга етган.

Ўзбекистонда асосий ставка 13,5 фоиз бўлиб, 13 март куни қайта кўриб чиқилади.

@bankir

Марказий банкнинг мобил иловаси ишлаб чиқилмоқда

Марказий банкнинг Ахборотлаштириш бош маркази ДУК ўз мобил иловасини ишлаб чиқмоқда.

Мобил иловани юклаб олиб, идентификациядан ўтгач, ҳар ким ўзининг банк маълумотларини кўра олади.

Фойдаланувчилар қайси банкда қанча пластик карта очтиргани ва қанча ҳисобрақами борлигини илова орқали билиб олиши мумкин.

Илова 2-3 ой ичида тақдим қилиниши кутилмоқда. Солиқ ва бошқа ташкилотлар билан келишилса, қўшимча хизматлар ҳам тақдим қилинади.

@bankir

Доллар кўтарилади

11 март куни амал қиладиган доллар курси 🔼21-22 сўм атрофидa ошиши кутилмоқда

Банкларга долларни сотиш бўйича энг яхши курслар:

Aloqabank — 12 900
Asakabank — 12 900
Ipotekabank — 12 890
NBU — 12 890

Банклардан долларни сотиб олиш бўйича энг яхши курслар:

Anorbank — 12 925
Xalq Banki — 12 930
Tengebank — 12 930
Kapitalbank — 12 935

@bankir

6 март. Банклараро тўловларни қабул қилиш 17:30 гача узайтирилди.

@bankir

Микроқарз ажратишда банкларга 25 фоизлик чегара белгиланмоқда

Марказий банк банклар учун микроқарз ажратишни чекловчи қонун лойиҳасини муҳокамага қўйди.

Қонун лойиҳасига кўра, жисмоний шахсларга ажратилган микроқарзлар қолдиғи банкнинг жами кредит портфелидаги улуши 25 фоиздан ошмаслиги керак.

Худди шундай тартиб 2023 йилда автокредитларга нисбатан ҳам қўлланилган эди. Шундан сўнг банкларда автокредит ажратиш сезиларли камайганди.

Қарор лойиҳаси 18 мартга қадар муҳокамада бўлади. Унгача regulation.gov.uz орқали рўйхатдан ўтиб, ўз фикрингизни қолдиришингиз мумкин.

@bankir

Ўзига ўзи кредит олишни тақиқлаш имконияти июндан пайдо бўлади

Ўзбекистонда аҳоли учун ўзининг номига кредит олишни тақиқлаш ҳақидаги қонун 6 июндан бошлаб кучга киради.

Бу учун Кредит битими тузиш тақиқланган шахслар реестри юритилади.

Жисмоний шахслар бу реестрга ўзларини ихтиёрий киритиши ёки чиқариши мумкин бўлади.

Кредит олишдан воз кечиш бўйича аризаларни my.gov.uz ёки кредит бюролари орқали топшириш мумкин.

Янги қонун фуқаролар иштирокисиз ёки хабарисиз кредит расмийлаштириш билан боғлиқ фирибгарликларни олдини олишга ёрдам беради.

@bankir

Доллар кўтарилади

7 март куни амал қиладиган доллар курси 🔼18-19 сўм атрофидa ошиши кутилмоқда

Банкларга долларни сотиш бўйича энг яхши курслар:

Aloqabank — 12 880
Poytaxtbank — 12 880
Ipotekabank — 12 870
NBU — 12 870

Банклардан долларни сотиб олиш бўйича энг яхши курслар:

Anorbank — 12 905
Tengebank — 12 910
Davrbank — 12 910
Poytaxtbank — 12 910

@bankir