Тошкент марказида “Инфинбанк”нинг янги офиси очилди
Бугун “Инфинбанк”нинг бош офиси очилиш маросими бўлиб ўтди. Унда бир қатор блогерлар, ОАВ вакиллари ва “Банкир” жамоаси ҳам таклиф қилинди.
Янги офис шаҳар марказида, Амир Темур метросининг шундоқ ёнгинасида жойлашган. Шароитлар эса шунчаки супер.
Олтинчи қаватда ажойиб манзарага эга ресторан, шаҳарни кузатиб ўтириш мумкин бўлган кенг айвон, ходимлар учун замонавий спорт зали.
Буни банк бошқарув раиси Олга Нуманова ҳам таъкидлади:
“Биз ҳамма нарсани энг майда деталларигача ўйладик. Бунда бизнинг асосий вазифамиз мижозлар ва ходимларнинг қулайлиги эди”
Қулайлик ростдан ҳам ҳар икки томон учун таъминланган. Бино банк учун махсус қурилган бўлиб, лойиҳада энг аввало банкнинг барча мақсад ва қадриятлари инобатга олинган.
“Инфинбанк” албатта замонавий банк. Улар фақат офис билан чекланмасдан, балки InfinBANK иловасига ҳам жиддий эътибор қаратаётганини, мижозларга максимал қулайлик яратиш устида ишлаётганини маълум қилди.
Янги офиснинг очилиши — “Инфинбанк” ходимлари, мижозлари ва ҳамкорлари учун муҳим воқеадир.@bankir