Qaramliklardan uzoqlashish yoxud detoxlar haqida.Bir necha oy oldin hayotimda ma'lum muammolar kuzatishni boshladim. Ularni sanaydigan bo'lsam, diqqatimni jamlashda(fokus)gi muammolar, uyqu sifatimni qoniqarli emasligi (qancha uxlasam ham to'ymasdim), tushdan keyingi lanjlik, sababsiz stresslar, nostabil kayfiyat va shu kabilar.
Bu muammolar haqida izlanishlarim natijasida kundalik iste'molimdagi ma'lumotlar hajmi va sifatini sabab sifatida ko'ra boshladim.
Har xolda kundalik stress, nostabil kayfiyat va fokusimdagi muammolar katta ehtimol bilan kontent iste'molim bilan bilvosita bog'liq bo'lganiga ishonardim.
🗑
Avvalambor hayotimdan
instagramni chiqarib tashladim. Vaziyat biroz yaxshilangandek tuyila boshladi. Keyin e'tibor bersam, Instagramdan chiqib ketganim natijasida YouTube shortslarga bog'lanishni boshlabman.
Shundan keyin qat'iy qaror qilib, qisqa videolarga detox e'lon qildim va YouTube shortslarni ham detoxlarim ro'yxatiga kiritdim. Shundan keyin fokusimdagi muammolar yanada yumshadi va uyqumga ham biroz sifat qaytdi.
Buning eng asosiy sababi avvallari uyqudan oldin qisqa videolar ko'rib soatlab vaqtimni sarflab yuborar edim.
Endi esa bu muammodan deyarli xalos bo'ldim.
🫧
Keyingi muammo esa kayfiyatimdagi nostabillk va stress.Bu muammolarni ildizini qidira boshlaganimda kalavaning uchi yana iste'mol qilayotkan ma'lumotlarimga borib taqaldi va bu safargi nishonim
to'g'ridan-to'g'ri Twitter bo'ldi.
Sababi odatda ayni shu platformadagi ayrim xabarlarni o'qigach kayfiyatim tushishi va sababsiz stresslar kuzatila boshlangan edi. Shu sababli ham Twitterni ham detoxlarim ro'yxatiga kiritib qo'ydim.Ayni shu qarorimdan bir necha kun o'tib kayfiyatimdagi o'zgarish ancha yaxshilandi.
Avvallari kun ora "High level stress alert" beradigan soatim ham o'shandan beri qachon bu haqida xabar berganini eslolmayman ham hozirda.🔅 Detoxlarim ro'yxatiga 3ta platformani kiritganimdan so'ng kunimda aynan ularga sarflagan vaqtlarim ortib qolishni boshladi va bu vaqtni sport bilan almashtirishni niyat qildim. Yugurish bilan faol ravishda shug'ullanishni boshladim. Bundan avvalroq esa yugurishdagi natijam qanday yaxshilanishi grafigi haqida ham
post qoldirgan edim.
Hayotimga faol jismoniy faoliyat qo'shilgani sabab, tanam va ruhimdagi o'zgarishlar sezilarli yaxshilana boshladi. Uyqumni sifati yanada oshdi, kayfiyatim normallashdi va eng muhimi kunlarimga unum qaytdi. Shu omillar sabab esa o'zimga bo'lgan ishonchim va bahoyim ham yaxshilanib bordi.
Detox ro'yxatim esa shu bilan tugagani yo'q,
hozirda bu ro'yxatda non va musiqa ham bor. Bu iste'mol mahsulotlaridan qaramligimdan qutilib, hayotimni yanada yaxshilash harakatidaman.
Ayniqsa yeyish va ichishimni tartibga solganim va faol sport faoliyatim sabab oxirgi 3 haftada toza 2kgacha ortiqcha vazndan qutildim va yanada yaxshiroq natijalar uchun harakat qilyapman va natijalarni
@dartdosh_fikrlar kanalimda bo'lishib boryapman.
📋
Va bugunga kelib detox natijalarim quyidagicha ko'rinishda:69 kun Instagramsiz
43 kun Twittersiz
29 kun YouTube shortsiz
23 kun Nonsiz
7 kun musiqasiz
☝️Xulosa o'rnida aytamanki,
ushbu maqoladan maqsad platformalarni yomonlash emas, shunchaki o'zim o'rinli foydalana olmaganim sabab hayotimda yuzaga kelgan muammolarni qay uslubda yechganimni bo'lishish. O'ylaymanki, bunday muammo sizda ham bo'lish va bu uslub sizda ham ishlashi mumkin.
Sizga yana bir tavsiya, yaxshi natija olish uchun qaramliklar o'rnini biron boshqa mashg'ulot bilan yopish shart emas, voz kechishingizni o'zida katta foydaga kirishni boshlaysiz. Lekin o'rniga band qilsangiz, o'tish davridan o'tishingiz osonlashadi.
Siz ham challenge'ga qo'shiling va iste'mol qilayotkan kontentlaringizni tartibga soling va keraksizlaridan voz keching. Muhimi nafsingizga taslim bo'lmang.
🌥
Dushanbadan boshlaydiganlar uchun esa eng zo'r sabab Ramazon kelyapti, yaxshi odatlarni shakllantirishni ayni vaqti. Bundan foydalaning.P/s: Challangeni qabul qilgan bo'lsangiz, izohda "+" qoldiring
@ahadjonovss
